سامي صلاح نوّرتَ سودانيات ووماجاورها...
تم التوقيع هناك ياسيدي وتسلم ع التذكرة....
موضوعك تخين لكن هاك مفاتيح لحين عودة موهطة
1-هل بيصلح ولي الأمر الفاسد والقاتل لتطبيق شِرعة سماوية؟؟؟
2-هل البلد بوضعها الحالي والماثل والكائن بتصلح تكون موضوع لتطبيق اي قول سماوي؟؟؟
3-هل أصلاً فكرة حفر حفرة ووضع أمرأة بداخلها(لسترها) اثناء تطبيق العقوبة فكرة لائقة بعالم خطا خطوات شاسعة جداً للانعتاق من كل نير عصور الظلام؟؟؟ومحاكم التفتيش وتفتيش الضمائر؟؟؟؟
موت بالحجارة؟؟؟؟رجم؟؟؟هسا؟؟هنا؟؟؟
ما منشزة الفكرة دي وما متناقضة مع المحيط الغرقان علم وعايشين عليهو المسلمين ديل عالة وسغالة؟؟؟؟
عندي احساس انه الصحابة لو مدو راسهم وشافو العالم بيعمل في شنو ح يوقفو كل الحدود خجلاً وخوفاً على الاسلام ذات نفسو !
-----
سامي برجع اقول الكلام القلتو هناك....أخوان مصر وكيزان تونس هل في زول اطلع على مشاريع قوانينهم الجنائية؟؟؟
يعني هل العرب والمسلمين ديل نحن اكتر منهم اسلام؟؟؟
----
سامي الزولة دي قانونياً مخارجها كتييييييييرة وتقريبا الموضوع محلول ولا ح يكون فيهو دي إن ايه ولا دياولو..لكن الموضوع بيصلح مناسبة ضخمة لتسليط الضوء على ضرورة تبني نهج الدولة العلمانية ومحاربة الدولة الدينية الغاشمة
وده لصالح الدين قبل مايكون لصالح اي جهة غير
----
دي دعوة للزملاء هنا وللوطنيين والديمقراطيين للتوقيع في رابط سامي
محبة وتحايا ياسمسم وتاني بقول ليك أشرقت الانوار
ويفترض تتم مخاطبة ناس قادمات ومتعاونات لتولي الشق القانوني
|
