الأحباب القراب.....
كل المحبة والتحايا والأمنيات انكم تكونو بخير
ياشباب أنا موجودة ومراقبة الخيط ده من أولو وماني الزول البتلبد
بس داخلة المعركة دي بشكل مغاير لأنها اصلا غير
تجاربنا كافية انها توري اننا ما بنتوارى بسبب محاولات التلطيخ والتشويه
أنا دخلت عشان اقول ليكم خلو الزول يكمل خيطو وبراحتو والزمو معاي صبر جميل
ودخلت عشان اثمن احباطكم ودهشتكم وتسجيل اعتراضكم وغضباتكم
ودخلت عشان ماف زول يظن اني ومعاي اخواتي مرتجفين ولا خجلانين من شي
دي معركة دماغ وهدوء والعاقل هو البكسب...
ودخلت عشان أقول أني وأيمُ الله أسعد الناس بالعنوان والبوست ده !
وبرضو عشان أقول أنه لابينفع استفزازي ولا جرجرتي ممكنة
بس في تنبيه صغنون للناس هنا....
الكلام ده دخل البيوت وقزاز بيتي ما بيتكسر براهو
والأمر ح يتعالج وفقما أشتهي أنا وبنوع السلاح اللي أختارو انا
اهدأوا حبة ياحبايب .....كووول داون بليز ونحن ماعلينا خوف
ثابتين وباقين وراسنا مرفوع حد الشمس
وما في أي حدث ممكن يؤثر على فاعليتنا ووجودنا هنا
واننا لابنتحاصر بأساليب إقصاء بدائية ولا عصرية
واننا مالناش حل واللهي ...وراسنا قوي
وأنه دي أهون معاركنا ...
دي رسالتي ليكم...
وانتو دوم قدر العشم
ممنونة ليكم جميعا ومعاي كل أخواتي
محبتي للأحباب
التعديل الأخير تم بواسطة لنا جعفر ; 16-03-2014 الساعة 07:38 AM.
|
