خريجو جامعة أسيوط لمزيد من التواصل

[مكي محمد الحسن]

المشاركة الأصلية كتبت بواسطة عكــود

سلام وتحية يا بني أسيوط
كل عام وأنتم والأسَر على أفضل حال
رافلين في السعادة ورضى النفس وراحة البال

مرحب بالسيد الامين العام للموقع العمدة عكود
ومقدماً كل عام وانتم بخير لك وللاسرة ولعموم اعضاء سودانيات

المشاركة الأصلية كتبت بواسطة فيصل سعد

سلام لمكي و كيشو و عموم الاسايطة ..
ما شاء الله و عيني باردة على نقلاتكم و جغمساتكم
انتوا بيجاي و شبارقة بهناك

كل عام و انتم بخير ..

قريبي فيصل سعد مرحب بمرورك وتشريفك واشرافك العام
كيشو ( شيخي ) ده قاعد علي الهبشة لو القيت عليه السلام ساكت
وانت ماري جمبوا بينفزع ..

المشاركة الأصلية كتبت بواسطة كيشو

تعرف يا فيصل
مكي هاجمني في المسنجر
وقلت ليه: خليك في النور يا حلو
ود اب عاقلة ومكي عايزين يخلونا نمشي جنب الحيطة

اسع جايب سيرتي مالك ..
بعدين يا اخي بتفتوا مالك ..اذا كان هو سر وفي المسنجر
غايتو جنس غايتو ..

المشاركة الأصلية كتبت بواسطة عمر محمد مرزوق أحمد

بالمناسبة ياسر أحمد عثمان (أربجي) موجود في الرياض جواله0530482332 كلموه يواصلكم و كل عام و أنت و الأسرة و الأسايطة جميعا بخير أخوك عمر محمد مرزوق 00249919419419

التحية للاخ عمر محمد مرزوق وشايف طلتك ومشاركتك في البيت التاني ( اسايطة دوت كوم www.assayta.com ) وان شاء الله دائماً معنا وعلي تواصل ..

التحية للاخ ياسر أحمد عثمان ( اربجي ) وان شاء الله من المتواصلين مع اسايطة الرياض

الاخ عبدالله عبد اللطيف ( بستم )

لكن يا جماعة ناس منير ديل في زول بيقدر يرفض ليهم طلب أها يا منير قول لي ولدك من هسع أديناها ليك والمهر من هسع حق البامبرز فقط والباقي مقدور عليه .

الف مبروك وان شاء الله اخونا منير يوفي بي العليهو من المهر ويرسل ليك المطلوب من اسع ( بنكنوت ) ولا تقبل بالمهر ( عينيات ) ... لانه اخوي منير ده خلي السودان زمن ناسوا كانوا بيغشوا الشعب السوداني بي شعارات ( نأكل مما نزرع ...ونلبس مما نصنع ..) اها من الشعار الاخير ده ما يقوم يرسل ليك ( طاقة قماش دمورية ) ويقول ليك هاك مهرنا قماش لصنع ( كافولات ) ومعاهم كرتونة ( دبابيس ) ....منير ده ( مضارب ) كبير في البورصة قول ليهو حق البامبرز ده دايرينوا ( شرتيت ...بنكنوت ...سبائك ) اها ان شاء الله نكون وقعنا ليك باقي ( الدقسة ) مع ناس منير ديل بتكلف ( عمر ).