22-05-2009, 01:26 AM
|
#[11]
|
|
:: كــاتب نشــط::
|
اقتباس:
المشاركة الأصلية كتبت بواسطة نسايم
نجي لي موضوع البدلة الكحلية وفراق تومو القاسي عليهو
ياخ ماممكن دي من سنة حفرو البحر لو عاوز تعال لي انا بعلمك الغنا الجديد
وغنا الغرز وناس اللوكسيد عندنا وراجل المرة والخاينة جاجيتا وكدا بتبقي اشهر من نجاة غرزة
ولا اقول ليك ببقي وكيلة اعمالك وبديك من الغنا الجديد وفارق البدلة الكحلية علي راي
اونكل كيشو
|
السلام عليك يا نسايم
من الاقتباس لكلامك في أعلاه:
الخط الأحمر ده عشان نحنا كبرنا وكبرت أحزانا ...وانتو ( بتصغروا في روحكم ) وزتو حلاه..
وعليه لايمكن بعد العمر ده كله ( للمعلوميه انا في العقد الخامس من العمر ) نجي نغني أغاني زي القلتيها دي ..
صاحبي وصديقي العازف الماهر ( حسن بومباي ) هكذا اللقبه ...دائماً ما يقول لي يا أخينا كدي خليك من أغاني ناس كابلي والشفيع دي ...غني أغاني الهجيج عشان الناس دايرة كده ..أقوم أرد عليهو : يا زول في بلدنا دي مافي زول بيعرف الغناء ولا عندهم زمن ليهو كدي خلينا نتجدع فيهم بي رومانسيات الستينات يمكن لما يتونسوا بيها مع الأهل والاحباب يقولوا ليهم زي ما خالتي قالت لي ....في عام 1989 خطبت بنت خالي وكانت حفلة الخطوبة بثنائي العاصمة قمت ( أهجج ) والأغنية بتقول معاي معايا في الدرب الطويل ...نحنا في بداية طريقنا ليه تقول لي مستحيل ...ومشيت علي الخالة ( والده العروس ) أبشر ودعوتها لتقوم معي في اتجاه ( ثنائي العاصمة ) لتبشر .. فاذا بها تقول لي : هي يا ولدي ديل فنانين جابوهم في عرسي أقوم أبشر عليهم في ( خطوبة ) بنتي ؟؟؟؟
أما الخط الأخضر فمعناه مرحباً بك ( معجبه ومشجعة ومديرة دعاية وإعلان ) بس بي شرط واحد ( أونكل كيشو ) يقتنع !!
أما مسالة
انا ببدأ ليك الاجابة علي خاتمة كلامك :
يا أختي انا لمن جيت أسيوط قاموا طلعوا لينا ( كارنيه ) الكلية أو ( البطاقة الجامعية ) أها جماعتك الهنا ديل كلهم قاموا.. قالوا لي ( يا برلوم ) والله زمنكم في تطور ..نحنا لمن جينا هنا أدونا ( طوبة ) ومكتوب عليها باللغة الهيلوغروفية ( طالب ) بالسنة الأولي ......
شفت أنا صغيييييييييييير كيفن؟؟
يديك العافيه ومرحباً بك في واحة الأسايطة
يا أبوريم بالله واحد عناب و( كوفي ) علي الريحة للاخت نسائم
عجبتك ( كوفي ) دي مش كده ... بالانجليزي يا مرسي !!!
|
|
|
|
|
