الحلم بالخبز (الردىء) و بالتظاهر عند قطع (الكهرباء)
قالها د. المعز بخيت قديماً فصارت حكمة (أحفورية) من مستحاثات (الزمن الجميل)
روى (الراوي) و (العهدة) على (الراوي) دائماً
ان كهرباء (سد مروي) المبجلة ستحتجب عن (أعين مواطني) جمهورية (الخرطوم) التي هي - عرفياً - (كل السودان) لمدة (48) ساعة لتذهب و تؤدي فصول (المحبة) في (كوكب آخر) ، و على (مشاهديها) الاعزاء مراعاة فصول (الإظلام) و الإستعداد ، و لا أدري كيف يستعد الانسان لشئ كهذا ؟
زمان لمن - كنا في السودان - لما (الموية) بتقطع و قبل اختراع (الصهريج) كنا نخزن (الموية) في الازيار و الحلل و الجرادل و حتى في (الكيزان) و (الكبابي) ، بس تخزين (الكهرباء) دا ما عارف حايكون (كيف) ؟
غايتو ما عارف لكن لو كان كلموا الناس من بدري ، انا عندي براءة إختراع متبرع بيهو لي شعب السودان (الفضل) : حجر (السد) المنزلي البسيط لتوليد الكهرباء
أي انسان يحفر حفرة اسطوانية (الشكل) في قعر بيته ، و يجيب عمودين طوال من (النحاس) يغزهم في الحفرة دي ، و يدلق في النص (حامض كبريتيك مخفف) وبعداك يوصل (سلكين) من بيتو بالحجر (البسيط) دا ويرجى (الله) في (الكريبة) كان (حلة تنوري) ؟!! كريمة (تنوري) ؟؟
بعيداً عن هذا (المزاح) اعتقد انه من (السخف) بمكان ان يتم قطع الكهرباء في بلد (يشقها) اطول (انهار) الدنيا و لاطول (مسار) في طريقه الى (المصب) و بني فيها (سد) يعد ثاني (اكبر) السدود في (افريقيا) و على الشعب (السوداني) ان يدفع (ديون) السد مع (الفوائد) كاملة و مكملة لي (جنا الجنا) ، هو نحنا ديون (نميري) دفعناها لمن تجينا (ديون) السد (كمان) ؟؟؟!!!! و بعد دا و بعد دا (كهرباء) مااااااااااافي !!!!
.................................................. (مغسة)
|
