الغلب الحار وجديع الحجار
اول حاجة مبروك للسودان
الحاصل من المصرين ماهو الا محاولة لي لفت الانتباه عن عودتم مغلوبين بعد ما سافروا وهم في حساباتم
انهم ضامنين كاس العالم زاتو مش بس انهم دخلو المنافسة
ولو كانت المبارة دي ملعوبة في مصر تفتكرو كان الحيحصل شنو
اكيد دم للركب من الجزائرين والمصريين واي زول يتهور ويمشي في الشارع ساى
لكن البيهمنا في الموضوع دا كلو انو السودان والسودانيين كانو قدر التقيلة
فريق استاذ في الاستفزاز والتاني دمو حار وعنيف
والمحصلة تكون مافي اى مشاكل تحصل
(غير الجرسة طبعا)
وناس تستمتع ,وتنظيم اقل شي نقولو عنو انو مدروس بي فهم ,
وشعب يستقبل ضيوفو بي ترحاب وكرم لي درجة ناس تفتح بيوتا لي اغراب ,
وامدرمان تكون زي ام العروس لي نسابة معروفين نباشين وشيالين حال
وتستر حالا ياخي بي قلب قوي وفي عين اي زول
انا افريقي انا سوداني
|
