خريجو جامعة أسيوط لمزيد من التواصل

[محمد الامين مصطفي]

المشاركة الأصلية كتبت بواسطة مكي محمد الحسن

السلام عليكم يا صعايده
رزقنا الله سبحانه وتعالي نحمده ونشكر فضله ونعمة ... اليوم الثلاثاء في تمام الساعة 11:17 دقيقة صباحاً ببنت ( جاري التشاور حول تسميتها ..) دعواتكم ( للحكومة ربنا يواليها بالعافية إن شاء الله ) ..


إعلان عام:
مطلوب عرسان..
الشروط سوف تعلن لاحقاً..


تلغرافات:
ود البيك سلامات يارائع ( قلت لينا أبو البنات ..) كلنا في الهواء سوي والله يحفظم ليك ولأمهن قول آمين أهلنا بيقولوا البنات حنينات ولا شنو؟..
د.الجيلي الريح مشتاقين يا طبيب يا إنسان في زمن النسيان وتحياتنا للاسرة ولإيثار كمان..
د.كيمو ( الجاهز ) القصة مش في بابا وبس القصة في المسؤليات تسلم يا حبوب..
الكاتب المرهف محمد الامين مصطفي شكراً علي الإطراء ( لكن والله شخصنا الضعيف لا فنان ولا يحزنون بس بحب الفن والطرب وما زلت منطرباً ) يديك العافية يا ملك..
أسامة أبوشيبة أيها المتواصل بين رحم وصديق ( [ديناها كدة ..أمسك الميك .. ثم ..حاول عبر ..والشريط وإعلانته عليَ.. بس ما قلت لي الأخ زين العابدين الطيب ده لا قيتوا كيف ؟ و يلقوهوا وين ؟)

خارج النص:
المعزرة يا صعايدة فقد حان وقت العمل (أخوكم بيبي ستنغ ..)

الغالي مكي00 في هذا الربيع يوم ولدو خير البشر 00 اطلت الامورة علي الامير وازدهي المنتدي باحلي خبر 00 000 ما شاء الله وتبارك الله والحمد لله والشكر لله علي نعمة الابناء 00 الف الف مبروك البنية 00 الفنجرية 00 الطالة في ايام ميلاد خير البرية 00 ما هي الهدية 00 ويا مكي طفلتكم ما شاء الله 00حلوة زي البدر 00 وطالة عذوبة وطهر 00 و بريئة براءة فجر 000 وعميقة وصافية نقية زي النهر 00 بارك الله لك فيها ورزقها البر والصلاح 000وجعلها وعدا وبشارة ومملوءة صحة ونضارة 000وكحلا جميلا في ناظري والديها 000ورزقك الله شكر الواهب وبر الموهوب 00 ودمتم مبتهجين بالامورة حفظها الله وحفظ اسرتها وال بيتها اللهم امين 000