مادقّ طعم الفرحة باب!!

حسين يوسف مكى · 25-12-2010, 10:32 AM

بعتك انا وساومتَ فيك

زى التكنّك ما نصيح

قطعت توبك فتقتين

بحّ فيك حس النويح

ماشرقت شموس

لى عزّتك فى تباشير

المسيح.

ضى صباحاتك خفوت

مسنود على التعب المريح

تتاتى فى الوجعات صباح

الاّهة فى الضل تستريح

النيل يتاوق للجروف

خايف على الموج الكسيح

كسيت ملامحك بالنضوب

شان هوى الولد الفصيح

دالق احزانك عليك

متوعك وماقادر تصيح

ما خالج الغيمات برق

يوم دسّ من الغيمة ريح

خافت الارض البكر

وطيَةْ المطر الصريح

احلام عصافيرك تنزوى

براح مداينك ينطوى

لى حرمة الغنوات تبيح

ينَجِّس السفر الدروب

وتخُمْ رماد الحرقة

من نفس الضريح

خاصف نعالك بالاسف

متوشح الزمن الجريح

ما دقّ طعم الفرحة باب

مادام طبولنا اصلا

من صفيح.

حسين يوسف مكى
جدة / 25/12/2010

25-12-2010, 10:32 AM	#[1]
حسين يوسف مكى :: كــاتب نشــط::	مادقّ طعم الفرحة باب!! بعتك انا وساومتَ فيك زى التكنّك ما نصيح قطعت توبك فتقتين بحّ فيك حس النويح ماشرقت شموس لى عزّتك فى تباشير المسيح. ضى صباحاتك خفوت مسنود على التعب المريح تتاتى فى الوجعات صباح الاّهة فى الضل تستريح النيل يتاوق للجروف خايف على الموج الكسيح كسيت ملامحك بالنضوب شان هوى الولد الفصيح دالق احزانك عليك متوعك وماقادر تصيح ما خالج الغيمات برق يوم دسّ من الغيمة ريح خافت الارض البكر وطيَةْ المطر الصريح احلام عصافيرك تنزوى براح مداينك ينطوى لى حرمة الغنوات تبيح ينَجِّس السفر الدروب وتخُمْ رماد الحرقة من نفس الضريح خاصف نعالك بالاسف متوشح الزمن الجريح ما دقّ طعم الفرحة باب مادام طبولنا اصلا من صفيح. حسين يوسف مكى جدة / 25/12/2010 التعديل الأخير تم بواسطة حسين يوسف مكى ; 25-12-2010 الساعة 10:38 AM.
حسين يوسف مكى :: كــاتب نشــط::	التوقيع: [align=center]انضر من احساس إداعب يووت قبل برق المحنة يشق قلب العزول ويفوت بكون همسك صبح موال يغنى وراهو زول مكبوت ولا فترت خيول النم ولا جفت حبال الصوت قدرة غصب تصدى الاهة بالبسمة لما يسد حزن الليالى بيوت وتفتحى للمسافر باب عشان فرح الاحبة مقوت.. حسين,,,[/align]