اقتباس:
المشاركة الأصلية كتبت بواسطة فتحي مسعد حنفي
الحمدلله لله الذي نقلنا من حال الي حال..
أوجه شكري للاخوة المتواجدين في السودان مع خالد والذين تفرغوا لانقاذ حياة شخص عزيز علينا وأخص بالشكر الاخوة أحمد زين وناصروعلي رأسهم الدكتور زين عبدالله الذي كان تدخله بمثابة طوق نجاة للأخ خالد قبل أن يفوت الأوان..
بالأمس اتصل بي دكتور زين علي الموبايل وكان في قمة التوتر والخوف وقال لي يافتحي الحق الزول دا عشان الراجل دا حسب الأخبار البسمعا ماشي لمرحلة في غاية الخطورة والحالة البمر بيها خالد أنا مريت بيها وحاسي انو في شي غلط في اسلوب العلاج الخاضع ليهو وأنا ما عارف أعمل شنو وما عارف أتصل بمنو..
أعطيته رقم موبايل أحمد زين وأخبرته انه الشخص الوحيد الذي سيفيد في هذه الحالة وانه يمكن الاعتماد عليه كليا في مثل هذه المواقف.وبالفعل اتصل زين بود الزين وتمت بينهما مكالمة اكتشف منها دكتور زين ان حالة خالد كانت في منتهي الخطورة وان العناية به في العناية المركزة تتم بطريقة بلدية وطلب التحدث مع الدكتور المعالج وقام باستجوابه ثم توجيهه بما يجب فعله وبالفعل تم هذا والنتيجة هي ما قالها الأخ ناصر جمل الشيل التاني..
الآن حان وقت الدعاء وهو أضعف الايمان فنحن في سباق مع الزمن طامعين في رحمة الله كلنا ثقة في عدله ورحمته..
الأخ زين مازال في حالة استنفار ويتابع معي عن طريق السكايب والهاتف آخر الأخبار.
ولا يفوتني أن أشكر الأخت سارة علي كل ما قامت وتقوم به من مجهودات للوصول بخالد الي بر الأمان وأتمني من الاخوة في السودان أن يتركوا طريقة أهل السودان في تبسيط الأمور فلو كانت الصورة المنقولة هي لما عليه الوضع بالضبط لكنا قد وصلنا الي هذه النتيجة قبل عدة أيام فالحالة كانت تحتاج الي استنفار وليس تطمين وتفكير في تكاليف العلاج..
الآن هو وقت الدعاء الصادق من الجميع..
أللهم اشفه وأوصله الي بر الأمان من أجل أهله وكل الذين يحبونه يا أرحم الراحمين يارب....
|
يا عم فتحي وبناء على المعلومات البتجينا من السودان انه خالد تعافى تماما وامكن يوم او يومين يطلع عشان كدا نحن بعد اطمئنانا عليهو فكرنا في تكاليف العلاج
