عفوا صفيــة ... الاكذوبة الكبرى ... اسئلة مشروعة !!!

[الرشيد اسماعيل محمود]

المشاركة الأصلية كتبت بواسطة أسامة معاوية الطيب
الأخ محمد عكود سلامات
وين غايب كدا ما جابك ألا موضوع صفية دا ؟؟
قبل الاسترسال في الردود اود أن أجاوب على جملة من تساؤلاتك من خلال تجربة شخصية
أولا أنا تم اعتقالي من شارع الحرية (نفس الشارع الضاج بالناس والحركة ) والساعة تلاتة يعني الحركة في أوجها
ثانيا ودوني العمارة الجنب موقف شندي دي زاااااتا ... واتدقيت فيها دق العيش وما صادفت أي ضابط ود ناس يقول لهم خلوهو ياخوانا الزول دا قرّب يموت
ثالثا انا دقوني ومعي زملاء منهم زميل سابق بهذا المنتدى - إن احتجت شهادته سأبلغه - وهو أكتر واحد فينا دقوهو لأنو قاوم حين اعتقاله (ما طيرة زينا ) دقونا خلال وقت استغرق الساعتين أو الثلاثة ساعات وتناوبو على ضربنا أربعة أو خمسة أفراد لم نتبينهم لان وجوهنا كانت للجدار ... وسمعنا من الاهانات اللفظية ما يكفي ... وبعد ذلك خلال نصف ساعة من دخولنا الغرفة لم نشعر بأي كدمات أو سجحات بالمناسبة سجحات يعني شنو ؟
رابعا حين اخلاء سبيلي برضو قالو لي قوم امشي وتاني لو شفناك هنا ما بنريحك ... وقمت مشيت ... ولم يلاحظ أيٍ من المارة ... ولا أمي في البيت لاحقا أي آثار ... وبديت زي وزي اي زول لافي في هذه العاصمة التي لا عاصم لها من الثورة
وسأعود حالما تستجد لديك أسئلة جديدة
بس بإشارة صغيرة ... حتى تتأكد من كذب هذه الصفية الصفية كن انسانيا في تناولك أولا

الحمد لله الما قالو ليك قاصي شعرك كدة مالك..
لأنهم كانو حيمشو للخطة (ب)
الله ده ما بظلم عبادو تب.
غايتو حمدالله علي السلامة..
الصلعة مرّاقة والله. سلامات ياوريف.