أشعلي شمعك (لينا)
أشعلي نورك فينا يا لينا
وهدهدي ليل الغربة غناوي
وخلي عذاب الغـربة يحن
لو مرة يجود ويبسـم لينا
كوني الغيمة الدافقة حنينة
وكوني النخلة وجودي علينا
ما إنتي حنانـا وضِي عينيا
وإنتي الجيل الصب الواعِد
ما إنتو السيف وأنتو الدرقة
وإنتو شليل البفضل واقـف
غني يالينا .. غني يا لينا
وإستشرقي غرس الأمة إرثك وعزك
شـدي السـاعد ووطتدي عزمك
وللســودان مَّـطِـري عِشقك
وخـدري جرفك .. بدامع طرفك
وغني غـناوي .. الألق الصاعد
غني يا لينا .. غني يا لينا
ليدوي هتافك في قلب الشارع
داوي وراعد
عاش الشعب، الغُلب الواحد
يدوي هتافك .. مهر زفافك
داوي وواعـد
يا سُـمرِ بلدنا شِدوا الساعد.
عاش الشعب، العِشـق المجد الواعد
غني يالينا ... غني يا لينا
ونادي مهيرة معاكي تغرد
وخلي الشعب يهدر ويرعد ..
بي بسـم الله يرمي يسـددد.
نحـنا الـعزه ونحـنا الجِـرتق
فـداك .. فـداك . يا سـودان
غني يا لينا .. غني يا لينا
وأشعلي نور الساكن فينا
وأمسحي دمع العين الدافقه سخينة
وأبقي هتاف الشعب الهبَّ بيهتف راعد
وقودي مسيرة الشعب الغلب الواحد
