سودانيات و (فقدان البوصلة) ،، وهل يستقيم المزاج ؟؟؟؟؟ !!!!!

[طيبان]

كدة تقريبا وقع لي دافع البوست , ياناصر ياخي لزمو شنو التشفير دا كلّو ,عشان الواحد يجي يتظارف وفاتح نفسو والبنادق مرفوعة وهو ما عارف .

كنت داير أعلّق بي أثر رجعي ,لكن يبقالي أخير الواحد يتعامل بنظام نحن ولاد النهار دا ,,ويحمد لله علي فترة الغياب الفاتت .

يبقى الحال على ماهو عليه ,,ويظل الإسفير السوداني مشروع معركة كهدف أوّل ,ونادي إجتماعي كهدف أوّل مشترك وبهرجة ومعرض صور كهدف ثاني ونهائي ,وباب فكر وتثاقف كنشاطات بائسة على الهامش .

وأريتو الحال ما ينعدل كلو كلو ..