اقتباس:
المشاركة الأصلية كتبت بواسطة ماجد تاج
ـ أنا ما عندي أدنى رغبة في استعداء أو مضايقة زول هنا ابتداءاً من الاربعة ال ذكرتهم في مدخل البوست
لكن زي ما شايف من يوم ما جيت وقلت احم وانا مكمم الفاه بالشكل دا
قبل ما تكب العندك تتردم تتردم لحدي ما يطلعو أسوأ ما عندك ثم يصمونك به
هنا بإذن الله الموضوع مختلف ، ومع تحسبي التام لمداخلات بعينها
لكن أسأل الله أن أمضي في البوست بنفس الروقة الانا فيها حالياً دي
ـ
|
ياخي كتر خيرك والله و شكرا علي حسن التفهم ...
لكن يا ماجد لو زول فاتح ليه بوست اسمو : اللات ، العزى ، مناة .. ( وهُبل طبعاّ ) و و في نص كلامو عن ( اللغة القبيحة) قال :
والفكرة مع أنها شديدة التناقض مع مفهوم نشر الوعي الذي ينادي به الرفاق
الا أننا نجد أن أول من أسس لها واستخدمها بإفراط وصل حد أن تصبح سمة لازمة لكتابات الشيوعيين تجاه الاخرين
هم الشيوعيين أنفسهم .
و بعد داك جايب أسماء أربعة أنفار كلهم شيوعيين و كلهم دخل معاهم في مشاكل، ما بنديك ال benefit of the doubt لما تقول (
ما عندي أدنى رغبة في استعداء أو مضايقة زول هنا ابتداءاً من الاربعة ال ذكرتهم في مدخل البوست) ما لم تكون كتاباتك ما بتعبر عما في داخلك !!
الشئ التاني إنت بتشتكي إنو ما مدينك فرصة تقول كلامك كلو، و دا صاح لكنو غلطتك إنت !!
ياخي تعال كب كلامك كلو زي ما دايرو إن شاء الله عشرة صفحات بعداك رد على الناس، لكن قصة ترمي ليك قنابل و تتبعها ب يتبع و تقعد ترد على المتداخلين، ما تتوقع باقي الناس تحرسك لمن تجي تكمل كلامك .
تعال عليك الله كمل فكرتك كلها بعدين بنجيك تاني نعلق ليك، عمك بكة دا ما تشوفو بتاع فتن و كركبات كدا، دي حركات خرف ساي !! بعد دقايق بكون نسي هو كتب شنو، و ما تشوف اللؤم دا، قلبو أحلى من الطيارة الجابوها في الفيديو و قالو دي حجة آمنة !!
