اقتباس:
المشاركة الأصلية كتبت بواسطة تماضر حمزة
لكن يا"رشيدو" لقيت ليك بالك طويل جدّاً وبترد بنفس طويييييل 
ماهي علاقتك بالممرض بتاع القصة ايّاها؟؟ |
سلام يا تماضر صاحبة بكّة الجديدة
حاسي إنو سؤالك الاساسي: علاقتك شنو بالعيانة ديك
حسب فكرتي، الكتابة الادبية غالباً بتتكون من نصّين:
- نص أساسي
- نص موازي
النص الاساسي هو الحادثة الواقعية، النص الموازي مهمتو إنو يصنع الحكوة الأدبية، يعني يدعم النص الاساسي في إنو يبقي نص أدبي مقروء ويحمل إشارات محدّدة في جوّاهو.
بمعني:
النصوص دائماً تحتوي علي حقيقة وخيال، والجانب الخيالي بكون بمثابة الكاتشب في المائدة، وجوده يضفي نكهة، ولكن بغيابه لا تنتفي المائدة، فقط، قد تبدو أقل إغراءً.
آي عارفها إجابة دبلوماسية، لكن قولي عرفتي العلاقة شنو، الممكن يحصل بعد داك شنو؟، مثلاً يعني؟
اقتباس:
|
هل يجوز محاكمة الكاتب من خلال شخوص روايته؟
|
الطيب صالح حين تحدّث عن مصطفي سعيد، قال إنو هو نتاج لشخصيات عديدة (لـ صديقه علي أبو سن نصيب الأسد)، تجمّعت لتكوِّن مصطفي سعيد.
ودة كلام سليم في رأيي، الشخوص الروائيين عادة بكونو نتاج لعديد من الشخصيات، رؤي الكاتب الشخصية بتكون إسقاط أساس فيهم، عشان كدة محاكمة الكاتب (أيّاً كان نوع المحاكمة) من خلال شخوص رواياته، بيصبح عدم لياقة أدبية ما أكتر (عليك الله كيف معاك لياقة أدبية دي)؟
تحياتي
