اقتباس:
المشاركة الأصلية كتبت بواسطة أبو أماني
*** حزمة فـرح ***
على الإيمان يا دكتور حسن فرح أنا الليلة فرحان فرحة .. لا في ليلة ختاني لا في ليلة .. (تجربته!!) .. ما فرحتها .. عليك الله باود فرح ..تفحرنا وتحكي ليـنا .. أو تعرفنا عن نفسك بدون أدنى تواضع !.. من سن 8 \ 9 سنين لحدي سن كم وتلاتين البقيف فيها كل واحد مننا نحن المذكورين أعلاه .. والبساط أحمدي غرّد يا بلبل وأشجينا..
حاشية : طبعا عاجباني صورة البروفايل حقتك والشنب المصبوب صب ده بسم الله ماشاء الله .. ما زي شنب واحدا كدي في سودانيات معانا إسمو منو كده حنفي !.. يلا تشششاااووو مؤقتا .. |
---------------------------------------------------------
الاخ ابو امانى جمعتك مباركة وينعم صباحك خير...
بصراحة لو بديت معاك من سن 8/9 سنين ستكون بداية صادمة لانها حتعكس مرحلة مريرة فى حياتى....مرحلة الاغتراب الاول.. فلنتفق اذن ان نبدأ من السنوات الاولى منذ الايام الاولى التى بدأت فيها اعى الاشياء والناس والاماكن والصح والخطأ فى قريتنا الوديعة الواقعة فيما كان سابقا يسمى المديرية الشمالية...لا تسألنى عن تاريخ ميلادى فانا لا اعرف متى ولدت كل ما لدى هى شهادة تقديرية اولى من ناظر مدرسة الاحفاد الاولية المرحوم ميرغنى السنجك بانى اصغر من ان اسجل بالسنة الاولى كتاب لهذا تم تحويلى للروضة...ثم شهادة تسنين من مستشفى امدرمان حددت تاريخ ميلادى ب 1/1/1943...
اما الشنب فسرو باتع.... وناس هناى داك شنباتم ماصوها فى البلزن والبرازدروى واسأل ابن العم شوقى ليأتيك بالحقيقة
