22-04-2014, 06:30 AM
|
#[11]
|
|
:: كــاتب نشــط::
|
اقتباس:
المشاركة الأصلية كتبت بواسطة أبو أماني
الحبيب تكعيب الفنان الشامل ود يوسف .. كيفنك وكيف ناس بيتك وبناتك الثمحات ديل؟؟ والله مشتاقين .. بالله ما أوصيك على البروف الجميل ده .. أعصره عصر حجري عدييييل كده .. ! وماتنسى سانحة فريدة زي دي الزول بلقاها ..
Once a blue moon
لكم جميعا صادق محبتي ..  |
الحبيب ابواماني ،،
تحية واحترام لشخصك الحبيب إلي القلب وللعم د. حسن فرح ذات التحية والإحترام.
حقيقي دكتور حسن فرح إستطاع وبلغة سلسة إنو يحكي بمتعة متناهية ،،
يعني زول بونسك ،، بحكي ليك عن زمان وبهاء وجمال زمان
تعرف وأنا بقرأ في كلام دكتور حسن فرح ده ،، بشوف صور الحكايات دي مجسمة قدامي ،،
يعني حكيه لما عمو كان بسوقو معاه للبوستة عشان يسمع نشرة الساعة 7 مساءاً من الراديو الموجود هناك ،، بيديك لمحة كده بديعة بإنك تتصور المشهد ،، مشهد وجود مجموعة من الناس ( لندرة الراديو) في الوقت داك ،، وده بيعني إنو في مجموعة م الناس جات عشان تستمع للراديو
وقطعاً هناك في قهوة علي شاكلة قهوة يوسف الفكي وجورج مشرقي ،، وكل الناس لابسه قيااااااااافه ياخ ،،، في اللابس جلابيتو البيضاء المكويه سيف ،، وعمته الملفوفه حرير ،، وفيهم اللابس فُل سوت ،،
مافي صوت ركشة بيزعجهم ولا أصوات بائعة متجولين ولا بتاع محلية حرامي ولا بوليص كيس ساكي ليه بِت لأنها لابسه بنطلون ولا أي قرف من قرف هذا الزمن العلينا ده ياخ.
قادر أتخيل الصُوَر حية قدامي وهو بيحكي عن مدرسة الأحفاد وعن دخولو وهو القروي القُح الجاي أمدرمان جديد لنج ،، ملابسو كان شكلها كيف مقارنة بملابس اولاد امدرمان ،، تعامله كقروي وافد علي امدرمان مع الأشياء من حوله ، حتي مع شكل فصل الدراسة ،، الباب ،، الشبابيك ،، الجرس ،، ناهيك عن منظر ( اولاد المصارين البُيض ) اولاد الساده المراغنه وآل المهدي ، الكانوا بجيبوهم بعربية روزليكس ،،،
حكي بخليك تتخيل كل ده ،، وبيديك قدرة إنك تقرأ تاريخ البلد الإسمها أمدرمان دي كويس ،، تقراه بلا زيف ،،،
أحكي يا عمنا وكبيرنا د. حسن فرح ياخ ،، أحكي ومَلِك الأجيال القادمة دي الكتير الكتير من الصور القديمة لهذه البلاد الجريحة ،، هذا الوطن الجميل المُستباح ،، السودان
شكراً تاني ليك يا ابو اماني يا زول يا جميل
|
|
|
|
|
