فتح الباب لمناقشة هويتنا
الهوية السودانية
نحن ما حنطلع من الحلقة الشريرة ( ديمقراطية ثم انقلاب) وحتى الديمقراطية البتجي عرجاء بتكون منتظرة الانقلاب يريحها لو ما ناقشنا وتجهزنا لكل مكونات ممارسة الديمقراطية .طبعا الموضوع ده شائك وعاوز اثراء لكن حاخش في موضوع الهوية واحترام الاخر واحترام اللغات والعادات والاديان والاعراق المكونية للشخصة السودانية. طالما انفتح نفاج صغير للديمقراطية
لازم يتوسع بالنقاش مع انه صفحاتنا دي ما بشوفوها ناس محمد احمد وادروب ودييق البهمهم الموضوع ده . متين بدينا حكاية
انه العرب هم الجنس الاحسن واللي مفروض هو اللي يعيش ويتكلم ولغته هي الوحيدة المستعملة . هل اللغة هي مجرد كلام ام تعبير عن ثقافة ومعتقدات وارضية الزول البتكلم . وليه نثول انه كلامه ( رطانة ) وليست لغة .ليه بنشوف الاغاني والرقصات والفنون بتاعة اطراف السودان انها تراثية ونكون معياينين ليها باستغراب او كتسلية في اغلب الاحيان . تظغير الاخر ممكن يسهل جدا على( القائمين بالامور) بالسودان تفكيك البلد واي حتة تكون فيها مشاكل ممكن تنفصل وما في زول حيتحسر لانه اساسا ما في واحد كان عارف لغته وكلامه وبالتالي مافي واحد عارف انه كان عاوز شنو اللهم الا دارسو التراث .
فتحت الموضوع كده وساعود في وقت لاحق .
|
