هل يمكن ان يواجه السيد. مبارك الفاضل الحكم بالاعدام ....!!!!!!!
الاعزاء .
الايام دى ذى ما شايفيين وسامعييين مافى حاجة غير خبر اعتقال السيد مبارك الفاضل بسبب...قالو انقلاب على السلطة الحالية و اعمال تخريبيةو الله اعلم..... طيب,, انا فى سؤال محيرنى جدا جدا,, انو لو حصل لا قدر الله وثبت تورط السيد مبارك فى العملية دى وانو كان الراس المدبر للانقلاب زى ما صرح سيادته البروف وزير الداخلية....وماتنسو الحكاية قابلة للتلفيق والحبكة الدراميةالا نقاذية,, ان يواجه الحكم بالاعدام خصوصا ذى ماقالو كان فى استهداف للتصفية للقيادات الانقاذيية يعنى اغتيالات... والجماعة ديل ماعندهم كبييييير والله, غايتو الله يغطى على البلد دى بس.......ما العلم انو مبارك الفاضل زوجته اخت زوجة غازى صلاح الدين وقريبة زوجة على عثمان وال المهدى والترابى داخل فى القصة وكلهم من الاسرة الهبانية الكبيرةوليهم نفوذ وايادى فى كل الالوان و الاحزاب السياسية الموجودة......
بالله يا ناس المنبر اها جاوبونى و فكو حيرتى دى؟؟؟؟؟؟؟
تخرييييييمة.
طبعا يا جماعة.. انا المسيكين دا كنت جار وزير الدفاع حيطة بالحيطة لكن رحلتا.... اها قولتا الليلة دى امشى حلتنا القديمة, لقيت ليك اولا.. الشارع مقفول من الجهتين وكمية من الحرس الامنى مبالغة.... اسئلة كتيرة وبايخة.... ماشى وين,,,, ولى منو,,,, وحتقعد كم؟؟؟؟؟؟؟؟؟ ولمن سالتهم الحاصل شنو يا جماعة قالوا لى ,,,,اجراءات امنيية لتامين سيادة الوزير.........والله قولتا فى سرى الله يستر على مبارك الفاضل ده...........
احترامى.
سمبا
|
