ملعون أبو القروش
نعمه . . .
ابنه السبعة عشر ربيعا . .
خرجت من بيت لا يعرف غير الله و الكسرة بالملاح احيانا والكسرة الحاف احيانا اكثر . .
الرزق الحلال او الجوع الكافر . . كحال اغلب البسطاء اجبرت على ترك الدراسه ليتعلم اخوانها الذكور . .
كانت تسرع بالزمن فاسرع بها . . كبرت و نضجت او هكذا اراد اهلها ليقبضو ثمنها ممثل في مهرها الوفير
و عريسها المغترب الممتلئ المعتمر عمه تفوقه وزنا . .
مرت الايام صفراء مريره و بدا بطنها يتكور ليجسد لها مأساتها..
و دنت ساعه الصفر و اخذها زوجها للمشفى الارخص اجرا . .,
دخلت العنبر و ذهلت بما رات . . عدد لا يحصى من النساء المتكورات و في اثناء ذهولها دفعتها ممرضه من خلفها..
ياخوانا عليكم الله ادونا الدرب انت يا ترباس انت تطلع لينا برة..
عليك الله برانا ماناقصين كفانا النساوين . .
و استدار بعمته المهوله خارجا.. هرولت نعمه اليها تستجدي عطفها . . عليك الله انا عندي وجع خليه معاي شويه ..
اها يا ست ابوها و الراقدات ديل جايين فندقه و سياحه ما كلهن متوجعات . .
امرق لي بلا كلام كتير
الظاهر مافي حل انا مارق . . و اختفى عن نظرها و اتجهت الى اقرب سرير و وجدت ان حالته لاتسمح باستخدامه . .
يا سستر . . ياسستر . .
انا عارفه اليوم دا ماحيعدي على خير مالك في شنو تاني . .
ممكن تغيري لي الملايه الوسخانه دي
معليش ما كنا عارفنك جايه كنا غيرنا ليك الملايات و خلينا العيانات يستحمو
توكلت على الله و اتكئت
ماتزحي شويه شايله السرير كلو
معليش قصدك جنبي
طبعا جنبك نان شنو
وبعد قليل بدات تحس بالام الولادة . . نادو لي امي انا دايرة الد . .
دايرة تلدي ينادو ليك امك ولا الدايه . .
امك ممنوع.
خلاص طيب حولوني الجناح الخاص
وفي ظرف ثواني كانت تتكئ على ساقي امها و تتسلل الى انفها رائحه البخور الذكيه و طفلها امامها و الممرضه تحدثها بغايه اللطف...
قالت في نفسها العن ابو القروش البتعمل للزول قيمه. احست يشئ يوخزها في ظهرها .....
زحي رجلك شويه يا امي طاعناني ...
ازح رجلي !! انت شايله السرير كلو كمان ازح رجلي
و افاقت لتكتشف انها غفت في عالم تتمناه
صحي ملعون ابو القروش.
ووووووب احييييييي....
نادوووووو لي اميييييييي....
|
