[QUOTE=رأفت ميلاد;340982] شكراً ليك أنت على إهتمامك يا وليد .. يبدو لديك من المعلومات القيمة .. أرجو أن لا تتردد فى إضافتها .. وسأورد البوست كل ما يحضرنى ..
في السودان اي معلومة ما بتدسة , لازم تتسرب وتنتشر وتبقي علي كل لسان فمن خلال ركوبك للمواصلات وقعادك جنب ست الشاي والونسة مع بتاع الدكان ممكن اي معلومة تجيك كدة بي كل بساطة.
جهاز الامن السوداني بي رغم الهالة الحولينو دي الا انو جهاز مكشوف والكاشفنو افرادو الشغالين فيهو , طبعاً الشغال في الجهاز لازم يوري الناس كلها انو بتاع امن عشان يعملوا ليهو حساب زي المخبر في الافلام المصرية . كان عندنا جار جا الحلة جديد وماف زول عارفو شغال وين , ايام خليل دخل امدرمان الزول دة اختفي كم يوم وناس بيتو مقلقين عليهو وكل ما واحد من الجيران يسأل عنو يزيد القلق لامن براهم كشفوا انو الزول دة ضابط في الجهاز , شفت السرية دي كيف.
كل الشعب السوداني عارف انو جهاز الامن عشان تخشو لازم تكون (اضانك بيضة ) والنوع المرشح لي انو يقبل في الجهاز هم من الجعلية والشوايقة وطبعا المن حجر العسل ديل بيقبلوهم بدون معاينات
كل الشعب عارف برضو انو شركة الهدف (شركة security) من استثمارات الجهاز زي ما شركة اواب ( نفس النشاط ) تابعة للشرطة , دان فوديو شركة كبيرة عندها فروع متعددة وهي كمان تابعة للجماعة , في مركز انتاج فني واعلامي في الخرطوم 2 جنب حديقة اشراقة قصاد بيتزا كورنر ( اسم المركز رايح لي بي صراحة) دة كمان تابع ليهم . طلال للنقل يقال انها تابعة ليهم
الكلام الفوق دة من الثقافة السماعية لكن يا استاذ رأفت نحنا عايزين الاكيدة
كسرة
في امدرمان في منطقة وادي سيدنا العسكرية قريب من معسكر الاقتحام الجوي في محطة حافلات اول ما تجي الحافلة معديبيها يصيح الكمساري : المطار السري المطار السري في نازل
|
