بتقولى لا !!
شن كاتلنا فييك؟
شنو السايقنا ليييك؟
شلوفتك المشقوقة
دييك..؟
اضنييك تقوول اضنيين سخل
خشمك تقوول ريحة كجيييك
كرشك كبير يدييك عراض
غير الحبوب الفى وشيييك
وللا الرجووول!!
ياخى الرجوول سيقاان رقاق
والحواجب بس تقوول
قندوول فرييك
والشعر شيتن قصار
احساسك احساس الحمار
الريحة كخخ اتقوول
بس تقوول قامتالا فار..
انا غايتو واحد منهم
شفت النجم عز النهار
وانتى يا نكد البنات
شينة صفاات
الشافك انتابو الاسف
يا ام وشا كلف
دا الجنّ مات
قالت لى.. ياااى ..بخاف..
انتى والخووف تيمان سوا
توبك اللافحو الهوا
عضلك يميين تبش استوى
انتى اصلك مستوى؟
ياتو خلقة تبشبهك
كماان طوييلة ملولوة..
وعويرة حد الاندهاش
دمك تقيل ومجوجوة..
يازولة هى
ليك نصيحة برسلا
ابدى الحوار بالبسملة
بتلقى لييك عالم جمييل
فيهو الروائع والحلا
وان قلتى لا!!
كونى زى م تقوولى
باص او فيسبة ياخى معدّلة
وشنو السمح بالله فييك؟
غير الشدائد والبلاء
ووحشة الزمن الخلا
وخشمك الاصبح جلا
الخلقة كّج ومبهدلة
وبتقولى لا..
حسين يوسف مكى
16/3/2001
