خريجو جامعة أسيوط لمزيد من التواصل

[شبارقة]

المشاركة الأصلية كتبت بواسطة محمد الامين مصطفي

العزيز 00 الغالي 00 الجيلي 00 ما تتخيل نحن فرحانين بهذه الراكوبة العامرة قدر شنو 00 عشان كدا نهديك هذه اللقطة 0000

[align=justify]الخروف مفروض نضبحوا ليكم نحن إحتفاءا ً بقدومكم [/align]

[محمد الامين مصطفي]

المشاركة الأصلية كتبت بواسطة Wad Elbeck

العزيز وصنو الزكريات الجميله...... أبو الأمين, تحايا وأشواق, وألف مرحب بيك فى بيت الأسايطه...
ما شاء الله يا أبو الأمين لم تتغير كثيراً, ويبدو أن ظاهرة الشيب والصلع منتشره أكثر وسط الجماعه "المتغربين".


محمد الأمين مصطفى قديماً ثم حديثاً

رفيق الدرب العملاق00 ود البك 00الطريف00 الاليف00 الحريف00 النضيف 00 الذي لا ياتي السودان الا ويسأل عنا واحدا واحد 00 عزيزي الغالي 00عبرك احيي العزيز مجدي 00وعبرك نرتقي الذكريات بهرمنا الاكبر عمار عباس صالح 00بالمناسبة حاتم وين00 والله شوق كتير ليك ولي شبارقة ولي كل الاسايطة [/font][/size]00 [color=#00FF00]وعلي قول الرائع الكتيابي :

قدر توب المدي المفرود بلا اطراف
قدر موج السما اللا بصب ولا بينبع

ويا اسايطة :

غريبة تكون عيوني معاي .. وعندكم يبقي سر الشوف [/color

[Wad Elbeck]

عزيزي الغالي 00عبرك احيي العزيز مجدي 00وعبرك نرتقي الذكريات بهرمنا الاكبر عمار عباس صالح

00بالمناسبة حاتم وين00

أبو الأمين... سلام عليكم...
الأخ حاتم سلفاب يعمل محاضر بكلية الزراعه, جامعة ملكال, كنت محظوظاً بلقائه خلال آخر زياراتى للسودان (أغسطس/2008).
ذهبت لزيارته بمنزله العامر بحنتوب, وجدته كعادته القديمه غارق وسط الكُتب والأوراق حيث كان يضع لمساته الأخيره على رسالة الدكتوراه تحت اشراف جامعة الجزيره. قلت ليهو "يعنى يا حاتم الواحد يغيب منك عشرين سنه وبرضو لما أرجع ألقاك لسه مزنوق".
"قيّلت" معه ذلك اليوم, أختزلنا ونسة كل السنوات فى تلكم السويعات, ضحكنا وكأننا نجلس فى كافتيريا عمك "ثابت".
حاتم له من الذريه أربعه. أخبرنى أن الأخ عصام التونى (زراعة أسيوط) يعمل معه بنفس الجامعه.
تلفون حاتم: 0121573277

[bimg]http://sudaniyat.net/up/uploading/gr1.jpg[/bimg]
حاتم سلفاب
لتكبير صورة المجموعه إنقر عليها مره واحده بشمال الماوس

[magdi gadelkareem]

سلام ىااساىطة طبعا ياشبارقة كيشو
ده دفعة في الثانوي كل اسبوع الفصل بينجلد بشغبه

[شبارقة]

المشاركة الأصلية كتبت بواسطة magdi gadelkareem

سلام يا اسايطة طبعا ياشبارقة كيشو ده دفعة في الثانوي كل اسبوع الفصل بينجلد بشغبه

[align=justify]مرحبا ً أخي مجدي وكيف أخبارك ؟ واضح معاناتكم في الكتابة بالماوس

اليومين ديل ما شاء الله ناس زراعة منورين البوست

أما بخصوص صاحبنا كيشو (المشاغب) فنحمد الله أن أسيوط لم يكن بها صول

كدي يا مجدي نديك إختبار صغيروني وهو إنك تحاول تنعش لينا الذاكرة بذكر الأسماء الفي الصورة الجماعية الفوق دي التي يبدأ صف الواقفين فيها بالأخ محمد الأمين وينتهي بشخصك الكريم. (أنا غايتو عرفت محمد جبارة ومدثر وود البيك وعصام وحاتم) وبالمناسبة عصام معانا هنا بالرياض.
[/align]

[محمد عبدالله جباره]

المشاركة الأصلية كتبت بواسطة محمد الامين مصطفي

بسم الله الرحمن الرحيم

يا ايها الارباب عسي ناس السد بخير 00 وعساك طيب 00 طبعاً اخوك مستجد في المنتدي والشوق سايقنه ليكم عشان كدا خاشي طوالي غايتو ناس شبارقة يعذرونا ده كان ما اتاررو لينا 00 00 ملامح رحلتي الي المحروسة وام الدنيا مصر الجارة العزيزة 00مصر الشقيقة 00والقطر يطلق صافرته بالوصول الي حلفا المدينة التي لا تشيخ 00الجميع في استقبال قطر الجفا كما يسميه الطلاب في تلك الفترة او قطر السودان كما يسميه الحلفاويين 00وبالفعل تتداخل اصوات العتالة مع اصوات البييعة مع اصوات المستقبلين 0000 وسمعناها 00قطر السودان وصل وعربات القطر تقف بصعوبة وانين واضح علي فرامل عربات القاطرة 00وفعلاً هو قطر السودان فكان يحمل الغذاء والدواء والكساء والبشر 00 وسمعنا بعض الطلاب ينادي بعضهم بعضاً يلا يا جماعة نحصل فندق الرمال قبل ما يتملي 00وردد احد زملاءنا الشفقانين يا جماعة تحركو فندق الرمال دا قالو بتملي 00وبالفعل تحركنا لفندق الرمال 000 وكانت المفاجأة ان فندق الرمال هذا ما هو الا ارض رملية منبسطة شأنها شأن قوز الشطيب000 ضحكنا كثيراً علي صاحبنا الشفقان 0وصلنا الي مصر... الحياة مختلفة.. والمدي مختلف ..والوجوه مختلفة .. فهي ارض الحضارات كما يسميها العالم ولكن هل تعلمو اخوتي ان ارض الحضارات هو السودان فنحن لا نسوق لأنفسنا ولا نغوص كثيراً فيما اعطاه الله لنا من كنوز اثرية وموارد سياحية وخيرات ربانية . حتي النيل الذي يمجده المصريون ويقولون ان مصر هبة النيل ...ولكن النيل بأبيضه واسوده بالسودان تفوق خيراته خيرات نيل مصر .. القاطرة المصرية كانت تنهب الارض نهباً عبر الفيافي وصوتها يضج ضجيجاً منتظماً .. طق تطق ... كأنه ساعة من ساعات الزمن الحاضر ... والاصيل المصري الجميل . يلبس المكان والزمان لوحة ربانية رائعة. واحة من واحات الله في الارض... وصوت الفلاحين وهم يحرثون بأظافرهم الارض..ويحرسونها بأرواحهم لديهم انتماء للارض يفوق الوصف هي كل شئ بالنسبة لهم ... ويفلحونها ..ينامون علي ثراها ... ويصطبحون بغرسها الزاهي بخضرة منبسطة ... والقاطرة تنسل من بين الخضرة والسهول المزروعة علي شريحة المنطقة الموازية للنيل تجد الخضروات بأنواعها وفي نفس قطعة الارض تجد الموالح ثم في نفس القطعة تجد النخيل يانعاً باسقاً بطلعه النضيد .. .... من لديه قيراطاً من الارض كأنه يملك الدنيا وما فيها ...يدلعون الارض ويكرمونها ويخافون عليها ..

وينك يابو الامين ليك وحشه وجميع الاخوه واقول ليك شفت كيف حبهم بيعمل وبحرق الوجدان..
وقبل شويه تونسنا مع الاخ حاتم سلفاب وطبعا الاصوات تداخلت مع الاصوات ورجعنا عشرين عاما للوراء .وكملنا باقى الونسه مع مجدى جاد كريم وبقول ود البيك هسى نايم واليوم عندهم لسه جمعه فى حين ان اليوم عند اسامه الكاشف هو يوم الخميس..
ومتعتنا يابو الامين بهذه الخواطر الجميله وربنا يمتعكم بالصحه والعافيه ,جميعا..

[محمد عبدالله جباره]

المشاركة الأصلية كتبت بواسطة Wad Elbeck

عزيزي الغالي 00عبرك احيي العزيز مجدي 00وعبرك نرتقي الذكريات بهرمنا الاكبر عمار عباس صالح

أبو الأمين... سلام عليكم...
الأخ حاتم سلفاب يعمل محاضر بكلية الزراعه, جامعة ملكال, كنت محظوظاً بلقائه خلال آخر زياراتى للسودان (أغسطس/2008).
ذهبت لزيارته بمنزله العامر بحنتوب, وجدته كعادته القديمه غارق وسط الكُتب والأوراق حيث كان يضع لمساته الأخيره على رسالة الدكتوراه تحت اشراف جامعة الجزيره. قلت ليهو "يعنى يا حاتم الواحد يغيب منك عشرين سنه وبرضو لما أرجع ألقاك لسه مزنوق".
"قيّلت" معه ذلك اليوم, أختزلنا ونسة كل السنوات فى تلكم السويعات, ضحكنا وكأننا نجلس فى كافتيريا عمك "ثابت".
حاتم له من الذريه أربعه. أخبرنى أن الأخ عصام التونى (زراعة أسيوط) يعمل معه بنفس الجامعه.
تلفون حاتم: 0121573277

[bimg]http://sudaniyat.net/up/uploading/gr1.jpg[/bimg]
حاتم سلفاب
لتكبير صورة المجموعه إنقر عليها مره واحده بشمال الماوس

يعطيك العافيه"بسرعه ولهفه شديده اتصلنا على الاخ حاتم وهو يبلغك تحياته .واليوم تحادثنا مع الاخ مجدى وقال انك لسه نايم .بالله عليك ذى ما قال ليك اسامه الكاشف افتح السحاره وطلع الكنوز..وخلينا نستمتع بالوجوه النيره . "لا فض فوك" ابحث عنها فى القاموس حنا بدو..ها ..ها..
تسلمو..

[محمد عبدالله جباره]

المشاركة الأصلية كتبت بواسطة شبارقة

[align=justify]الخلاصة : مشينا بكلامك يا الزوول والصفحة إتعدلت معانا [/align]

عوووووك جاتك رساله ياشبارقه ..نزل الصور .وطبعا انا رجعت للصفحات الاولى حتى اكون معكم واحصل ما فاتنى.ولكن بصراحه شىء عجيب ما فاقد الا العزومه فى الرياض..
[email protected]
يا شبارقه رسل رقم تلفونك هسسسسسسسسسى

[محمد عبدالله جباره]

المشاركة الأصلية كتبت بواسطة الجيلي عبد الله الريح

ماشاء الله ... مآشاءالله ...
البوست منور ...
اهلا وسهلا بالاعزاء ...محمد عبدالله جبارة .. محمداالامين مصطفى..
شاذلي ... طيب ياجماعه مانعمل لينا رحله ..??
رأيك شنو ياودالكاشف ..والزول .. خبير الحاسوب ...??
بالمناسبه انت درست شنو في اسيوط ...??

موافقين يادكتور بس انت حدد المواعيد والمكان وسوف نقوم بكل التحضيرات.. بس عايزين من محمد الامين يجهز collaborative suite حتى يكون معنا جميع الاخوه فى real_time والعمليه بسيطه وانا رافع ايدى بالموافقه.بس شوف اسامه داك ايدو منزله مالو.

[محمد عبدالله جباره]

المشاركة الأصلية كتبت بواسطة الجيلي عبد الله الريح

ماشاء الله ... مآشاءالله ...
البوست منور ...
اهلا وسهلا بالاعزاء ...محمد عبدالله جبارة .. محمداالامين مصطفى..
شاذلي ... طيب ياجماعه مانعمل لينا رحله ..??
رأيك شنو ياودالكاشف ..والزول .. خبير الحاسوب ...??
بالمناسبه انت درست شنو في اسيوط ...??

موافقين يادكتور بس انت حدد المواعيد والمكان وسوف نقوم بكل التحضيرات.. بس عايزين من محمد الامين يجهز collaborative suite حتى يكون معنا جميع الاخوه فى real_time والعمليه بسيطه وانا رافع ايدى بالموافقه.بس شوف اسامه داك ايدو منزله مالو.

[محمد الامين مصطفي]

المشاركة الأصلية كتبت بواسطة محمد عبدالله جباره

وينك يابو الامين ليك وحشه وجميع الاخوه واقول ليك شفت كيف حبهم بيعمل وبحرق الوجدان..
وقبل شويه تونسنا مع الاخ حاتم سلفاب وطبعا الاصوات تداخلت مع الاصوات ورجعنا عشرين عاما للوراء .وكملنا باقى الونسه مع مجدى جاد كريم وبقول ود البيك هسى نايم واليوم عندهم لسه جمعه فى حين ان اليوم عند اسامه الكاشف هو يوم الخميس..
ومتعتنا يابو الامين بهذه الخواطر الجميله وربنا يمتعكم بالصحه والعافيه ,جميعا..

00يا سلام 00 والله مشتاقين يا ابوحميد 000 وحقيقة هذه الراكوبة هي متكأ لذكريات اسيوط المدينة الساحرة وبسحرها جمعتنا بكم 000 ونحن مبسوطين لهذه اللمة 00 وهي تواصل حقيقي لحزمة اجيال 00 ويا اخوة زول اسيوط بساوي ليهو الف رجل من خيرة الرجال 000 وربنا يديم هذا التلاقي 00 وبالفعل انا برضو اتصلت بالاخ حاتم 00 وهو الان في الرنك 00 طبعا دي بركات ود البك الرابط العجيب 00 وود البك لم يتم حلبه بعد حركوهو شوية وحا تشوفو حاجات جميلة 00 واهديكم هذه الاطلالة من الذكريات :

ونواصل الرحلة لام الدنيا اصبح صبح حلفا 00المدينة التي غرقت رأيناها علي جدران منازلهم مدينة كأنها البندقية او نيس 00مدينة ولا ككل المدن ابتلعتها المياه مياه السد العالي 00رأيتها راي العين ووالله قد احببتها كأنها المدينة الفاضلة تراها في عيون الكبار وفي ضحكات الصغار وحتي في صوت المواشي 00مدينة وتجري فيهم مجري الدم في العروق 000واتجهنا الي الباخرةالتي تغلنا الي اسوان والتي تبحر عبر بحيرة النوبة او بحيرة ناصر وهي بحيرة مليئة بالاسماك الكبيرة وظاهرة علي عمق كبير وكذلك بها تماسيح مختلفة 000 ووصلنا اسوان المدينة الساحرة نفس سحناتنا ونفس ملامحنا 00 هم فرحين بالوجوه السمراء وركبنا القاطرة المتجهة الي القاهرة 000 الكل يحمل تذكرته وعليها رقم الغرفة ورقم المقعد 000وهنا اذكر موقفاً طريفاً الجميع جالسون في مقاعدهم وكان هنالك شاب في مقتبل العمر ويلبس فل سوت (بدلة كاملة ) 00وكان يقف بجانبه شيخ كبير السن ودار بينهما هذا الحوار : الشيخ الكبير : يا ابني هذه تذكرتي وهذا مقعدي لو سمحت تقوم لي من هذا المقعد 000 هنا استعدل الشاب في جلسته والتفت الي الشيخ الكبير محذراً( انت مش عارف بتكلم مين ) 00 لملم الشيخ نفسه مرتعباً فبتكلم مين في مصر تعني ان الرجل سلطة 000 ومرت الدقائق بطيئة علي الشيخ المسكين 00ومر ناظر القطر وهو مراقب التذاكر لينظر علي التذاكر ويعلمها ( بختم صغير ) 00 وناظر القطر في مصر مشهود له بالنظر الثاقب والحكمة ومعرفة الراكبين اذ ان لديه تجارب واسعة في هذا المجال 00سأل ناظر المحطة الشيخ المسكين الواقف حائراً يحمل تذكرته في يده 000 سأله ناظر المحطة :00 اين تذكرتك يا شيخ فاخرجها له واشار ناظر المحطة قائلاً هذا هو مقعدك مشيراً علي الشاب 00 فرد الشيخ منزعجاً هذا مقعد الباشا 000 اتجه ناظر المحطة الي الشاب سائلاً اياه يا بيه لو سمحت فين تذكرتك 00فأجاب الشاب بالنفي 00اي انه ليس لديه تذكرة رد عليه الناظر قائلاً00 ممكن تقوم لينا من هذا المقعد لو سمحت 00 رد الشاب حضرتك بتتكلم مع مين رد ناظر المحطة بحدة ايوة انت 000 استعدل الشاب في جلسته وحدق ملياً في ناظر المحطة قائلاً : انت مش عارف بتكلم مين ولا ايه 00 فرد عليه ناظر المحطة بسؤال ومين حضرتك 00رد الشاب بحدة اكثر طالب في اولي حقوق جامعة عين شمس 00 رد الناظر دا انت يا ابني ولدوك وكيل نيابة حتة واحدة كدا 00قوم عندما تكمل الجامعة وتخش النيابة تعال انا منتظرك والمقعد موجود لو ربنا طول في الاعمار هذا الحوارمحفور في الذاكرة 00000

[محمد الامين مصطفي]

المشاركة الأصلية كتبت بواسطة magdi gadelkareem

سلام ىااساىطة طبعا ياشبارقة كيشو
ده دفعة في الثانوي كل اسبوع الفصل بينجلد بشغبه

العزيز والغالي مجدي المبروك والبركة ود القضارف النبيل نبل الذرة في القضارف 00 0والله شوق مطر 0 عزيزي مجدي انت في سؤال دائم عن الاسايطة وبي امانة بتسأل عن الجميع بدون فرز 00 وبتسأل عن احوالنا لانك الاخ الكبير كبير بي خبرتك في هذه البسيطة ويا اخوة مجدي دائما ما عندو مستحيل وعندو ارادة نحن عندما كنا نلملم اطرافنا متجهين للسودان هو كان متجهاً للملكة العربية السعودية لمباشرة عمله علي طول 00فهو منا ال اسيوط 000ويا عراب هذه الراكوبة العزيز عاصم 00 اضف لمعلوماتك بان شركة الشبارقة للكهرباء هي التي ادخلتنا عصر الكهربا فقريتنا الشطيب نورت عبر الشبارقة شفت انا مديون ليك قدر شنو 00 لذا اهديكم هذه الطرفة من طرف مصر 00

واذكر طرفة من طرف مصر التقيته بقاهرة المعز ..وتجاذبنا اطراف الحديث والاخوة المصريين يحبون السودانيين ..ولكن لا يعرفون شيئاً عن السودان ..فواصل حديثه معي انا زرت السودان قلت ليهو ما شاء الله ...ورحت وين في السودان اجاب : انا رحت الخرطوم والخرطوم بحري وام درمان بضم الميم ..فقلت له رحت براك ..اجابني وبسرعة ايوا نعم ورحت براك .. فضحكت واندهش لضحكتي وسألني انت بتضحك ليه 00فأجبته : انا بضحك لانك انت ما زرت السودان وبراك ليست مدينة انما تعني وحدك ... فصافحني مبتسماً والله صدقت يا ابن النيل انا ما رحتش السودان لكن حبنا ليكم هو اللي دفعني لي كدا ..0
بالمناسبة الصورة التحت دي بتاعة استلام شهادة الماجستير في الاعلام 00طبعاً اخوكم مشي في مجال الاعلام لكن بي امانة خبرة الزراعة هي التي حققت كل اهدافي المهنية والاعلامية 00

[Wad Elbeck]

أخوتى الأسايطه...السلام عليكم ورحمة الله وبركاته.
قبل قليل ومن خلال محادثه تفقديه, تكالمت مع الأخ مكى محمد الحسن والذى أفتقدناه كثيراً فى الآونة الأخيره وأفتقدنا مداخلاته المميزه. الرجل بخير وما عندو عوجه لكنه يشكو من ضيق الوقت مع صعوبه التنسيق والتوفيق ما ببن العمل والأسره ومتتطلباتها والكتابه.
تحايا حاره من مكى لكل الصعايدة , وإن شاء الله نراه قريباً فى الحلبه.

[أسامة الكاشف]

العزيز محمد الأمين
ألف مرحب بيكم في حوش السايطة
الأيام دي منورين البوست
جزيرة بس
انقسنا .. طبية صيدلية وغيرو
ضاربين الركلسة


التحية للعزيز حاتم وجهاً مشرقاً يضاف لقائمة الوجوه الأسيوطية المنورة
راجع ليكم بعد شوية

[محمد الامين مصطفي]

المشاركة الأصلية كتبت بواسطة أسامة الكاشف

العزيز محمد الأمين
ألف مرحب بيكم في حوش السايطة
الأيام دي منورين البوست
جزيرة بس
انقسنا .. طبية صيدلية وغيرو
ضاربين الركلسة


التحية للعزيز حاتم وجهاً مشرقاً يضاف لقائمة الوجوه الأسيوطية المنورة
راجع ليكم بعد شوية

اخي العزيز اسامة ود الكاشف الاسيوطي المخضرم تحايا واشواق كتيرة 00 انتم جزءاً من اسيوط وجزءاً من تكوينها 00 وجزءاً من جزءها 00 وجزءاً من ذاكرتها التي لا تشيخ 00 اخر لمة للاسايطة كانت في رمضان المنصرم 00 كانت جلسة ضاجة بالماضي 00 انا شخصياً في ناس ما قابلتهم الا بعد عشرين عاماً 00 سبحان الله 000 تخيل شكل الفرحة جوا الناس يكون كيف في جماعة جو بي اولادهم والناس كانت بتتلخبط يا ربي وينو الولد ووينو ابوهو 00 كان يجلس يميني رجل الاعمال العزيز الباشمهندس شاذلي صديق 00 وفي ميسرتي العقيد كريم الدين مبارك الخليفة 00 وبقية العقد الفريد 00 بلال عثمان بلال 00 محمد الحافظ 000 زهير حقوق المحامي 0000عبود عبد القادر 00 مولانا القاضي عصام اسماعيل 00 وصالح ابو شوك 00 وعلي دقاش 00وعبد الرحمن زراعة 0000 والله كانهم النجوم 00 والقائمة تطول 00 واليوم كان يوماً استثنائياً 00 الناس نسو الفطور وخشو في الذكريات وفي الونسة وفي الوجوه الكل يتفرس في الاخر بحثاً عن الحبيبة اسيوط 000 في جماعة وعدو ينزلو الصور وينزلو الاسماء والعناوين 00 وتحايا خاصة للعملاق عمر مرزوق 00 الذي يسعي بين الناس باسيوط فله التحية والاحترام 00 اخي اسامة احييك من السودان السمح واهديك هذه التداعيات الاسيوطية 00

والطرائف كتيرة جداً لكن اذكر الدنيا برد شديد وطبعاً كنا بنسافر بالقطر من الخرطوم الي حلفا وقطر حلفا اسمو قطر الجفا وذلك لصعوبة الرحلة ولكنها ممتعة بتفاصيلها وبمر هذا القطر بالنمر ...والنمر هذه محطات للقطر ليس بها انس ولا جان ...تنظر علي مد البصر ولا تري شيئاً ...لكن الغريبة بنلقي زول ببيع قراصة بي ويكة ...وهنالك نوادر عن هذه القراصة لانه لا اثر للمواشي ولا البشر حتي ...وكنا مدفوسين دفس والرحلة طويلة جداً ومعنا احد الاخوة خيالو واسع جداً ..وكل مرة ياخدو ليهو غمضة ويصحي يا جماعة وصلنا والقاطرة تنهب الارض نهباً ولكن هيهات الوصول ..وفي كل مرة يسأل والجماعة يقولوا ليهو لسع ما وصلنا ...ووقفنا في واحدة من المحطات وشرب الشاي وضربو السقط وبدأ يحكي : اتو عارفين السودان واسع شديد والخواجة عندما وصل حلفا فتر وتعب من متير العالم قام قال للمساحين اعملوهو مليون ميل مربع فكان هذا السودان الجميل بهذا الوساع ....شكرا اسامة 00