قهوة النشاط !

[rubs]

المشاركة الأصلية كتبت بواسطة أبو أماني

[frame="1 70"][/frame]

عليك الله يا باش ماتحرمنا منك وتقعد تحندك فينا من بعبد بعيد .. تبقى لي زي صاحبي الجلكين ود مخير .. يوعدنا ويبخل بالصورة عليك الله جرو من دقنوسو الملآن ده وشرفونا اللتـنين وشوف تاني كان فضل في القهوة (كرسي) فاضي .. ياأخي والله بلاكم القهوة مسييييخة وبنها ممجر .. وكمان عندي عندك طلب عارفك وعارف تأثيرك (الإسفيري) على الجميع ممكن تبقي لينا واسطة خير وتّرجع لينا العزيزة AMAL للمنتدى عامة وللقهوة على وجه الخصوص أنا خائف أكون أخطاءت في حقها ولو بحسن نية .. أصلي عارف روحي كيوييس لساني بيقول وقلبي خالي من جنس غرض وعارف إني دايما بغلط بدون قصد مع الناس العندهم (معزّة) خاصة في قلبي وكمان لكل ناس سودانيات أقول لو حدث ذلك فلكم العتبى حتى ترضوا .. وسامحوني .. شكرن آ الحبيب..على قولة الحبيب أصلا..

الاخ العزيز ابو امانى ...احنا ما عارفين الجنرال امال وين هسى ... لكن بالتاكيد فى شيئ شاغلها .. اما ما افتكر انو فى واحد فى المنتدا وخصوصا القهوه على الاصح ,بياخد الكلام على انو مقصود .. وياريت الناس تبقى بيضاء وقلبها صافى عشان .. انا شخصيا دى الحته الوحيده البضحك فيها من غير رتوش ومن غير مجاملات ونفاق اجتماعى ولمن سجلته فى المنتدا كنت واصله قمه فى الزهج وكنت بفكر فى حته اكب فيها زهجتى وطوالى تانى يوم بقيت افتش لى منتدا اقرا فيه واتواصل فى لحظات بصدق والحمد لله انو ربنا جابنى هنا بالصدفه لابعرف زول ولاجيت عن طريق زول دخلته googl ولقيتكم وفرحته لمن لقيت انكم بداتو تتواصلو معاى ... حقيقه كل واحد مرات بحتاج اضحك واتونس من غير حساسيه فما تبقو زى الواقع المشوه دا ... هنا حقيقى كميه من الحاجات الجميله اولها الاحترام المتبادل السؤال عن الشخص بمنتهى الاهتمام والمشاركه الحيه فى الافراح وغيرها وافتكر دا حلم كل زول فى الزمن دا انو اعيش فى سلام مع نفسو فياريت اشوفكم بى نفس الصوره الاتعكست لى من اول يوم عشان كميه الاحباضات البلقاها الشخص فى الحياه اليوميه كفايه جدا .... ولك كل الود والشكر لك فى البوست ولعزيز فيصل فى المراقبه المضروبه () وللاخ خالد على المنتدى وعلى كل المساهمين والحضور والغايبين بى عزر(تحفه) والما بعزر(امال) ...

تخريمه ..
امال مشتاقيييييين لى اسلوبك الرائع وكتاباتك المميزه ولك كل ما تحبى ....

[فيصل سعد]

المشاركة الأصلية كتبت بواسطة rubs

و لك كل الود والشكر لك فى البوست ولعزيز فيصل فى المراقبه المضروبه ()

اصبري لي انتي و
شدادتك و لضاتتك
مع وافر الود و اطيب التحايا ..

[نزار حسن علي]

سيد الوجاهة والفرح والسعاده
صباحك فل وياسمين
يا سيدي الزعيمه بتاعتن دي شتتنا ليها السكر خلاص ما تشيل هم اما امات محن ديل دربن قرب خلاص اما خيتن ما معروفة وين ماسكاها الرجفة غايتو يا ابواماني وجاهتك كتلتن عديل كده هسه تلقاهم يقولوا يا ربي الكلام البنكتب فيهو ده يكون كلو غلط وابواماني اوجه زول في المنتدي هنا ويا ربي ليه ما جاب صورته كويس زي البقية بس ابواماني اكبر من الصورة وغايتو لخبته علي اللخمة الضارباهم اصلا
ربي
صباحك عسل
الشغل ما خف شوية والشغل ده داخل فيهو الوركينق بتاعكم
مودتي بلا حدود

[معتصم الطاهر]

المشاركة الأصلية كتبت بواسطة أبو أماني

[frame="1 70"][/frame]

عليك الله يا باش ماتحرمنا منك وتقعد تحندك فينا من بعبد بعيد .. .. [/color]

مرحب أبو أماني
يا زول قهوتك بقت ( R ) + 18

المشاركة الأصلية كتبت بواسطة سارة

دخلت معاها ومن اول نظرة عرفت شقى الحال صاحبنا التيس( ملحوظة مافى زول يجى يسالنى

اى سؤال تعسفى يقول لى عرفتى كيفن ..انتهى التهديد)

و صاحبتك سارة بقت تبارى لى جنس ديل ..

المشاركة الأصلية كتبت بواسطة سارة

وبانكسار شديد ما عرفت التيس من الغنماية.... قلتها قلتى شنو ؟؟؟ ما عرفتى التيس

من الغنماية؟؟ نان يا عروس السجم والرماد المعرسها ليها شنو ؟؟ استغفر الله العظيم

طيب عرفت الراجل دا كيف .. امكن يطبع ثريا قفة ..

[نزار حسن علي]

ابوالوجاهة
ابوامانى
سلام كثير يا سيدي الجماعة ديل نحنا وراهم وراهم حتي يقروا بذنبهم ويقعدوا في الواطة دي ويستغفروا ربهم العلي القدير ويتوبوا من العملوهو والبعملوا فيهو وغايتو يا وجيه ما عندك اي مشكله ناس رايحة ربنا يرد غربتن وناس تايهة وناس شتتنه ليهم سكر وناس حنان وعزاز غايتو يا وجية ماشاء الله ما في قدرك
ربي
نهارك قشطة شوفي لينا تحفه حواء دي وين ده شغل شنو الغيبه طولت يا جماعة
نكته
قالوا واحد بلعب كورة في الشارع مع الحمار بتاعو جاء واحد ماشي قال بالله شوفوا البليد ده بلعب كورة مع الحمار رد ليهو قال ليهو الحمار الما عاجبك ده غالبنى اثنين صفر
ودقي يا مزيكة

[نزار حسن علي]

العزيزة
ربي
نكته تجيب الغائبين يجوا راجعين يا الله
النكته
قالوا حسني مبارك جمع الصعايدة وقال ليهم اسالكم سؤالين لو جاوبتوها انا بصدر قرار يمنع النكت عن الصعايدة قالوا كويس ياريس
السؤال الاول: من انتصر في غزوة بدر بين المسلمين والكفار قالوا المسلمين
السؤال الثاني: من انتصر في المباراة الاخيرة بين الاهلي والزمالك قالوا الاهلي مع انها تعادل
قام قال ليهم بكرة بطلع قرار يمنع النكت عنكم قام واحد رفع يده للريس قال ليهو يا ريس امتي حا يتقابل المسلمين مع الاهلي في النهائي
ودقي يا مزيكة

[somiaadam]

سلاااام يأبو اماني وكل المتداخلين
ولأنو البوست ممتع ولذيذ وضحكت شديد قلت لازم ادخل بصمتي مع الناس رغم التأخير
وفيهو صور تعمل فيلم كوميدي ضاحك ميه الميه ..
وبعدين عشان اساعد امال شويه لازم انزل ليكم غنوه لانو الموضوع فيهو عنصره وكده
حجر الظلط مين بقيسو ...واغاني كتيره من النوع ..لي عوده

[rubs]

المشاركة الأصلية كتبت بواسطة somiaadam

سلاااام يأبو اماني وكل المتداخلين
ولأنو البوست ممتع ولذيذ وضحكت شديد قلت لازم ادخل بصمتي مع الناس رغم التأخير
وفيهو صور تعمل فيلم كوميدي ضاحك ميه الميه ..
وبعدين عشان اساعد امال شويه لازم انزل ليكم غنوه لانو الموضوع فيهو عنصره وكده
حجر الظلط مين بقيسو ...واغاني كتيره من النوع ..لي عوده

يا اهلين وسهلين ... مرحب بيك يا سميه يلا مستنين فنونك عشان الجماعه ديل اقعودو فى بطن الواطه دى واخلو الحركات بتاعتم دى واعترفو انهم اهزمو انهزام مريييييييييييييييييييييير
و و و
ودقى يا مزيكه

[نزار حسن علي]

سيد الوجاهة
نهارك عسل
سميه
نهارك قشطه
الجماعة ديل الله يكون في عونهن خليك في المضمون مع الوجيه ابواماني دايما تربح اما ناس ديل وديل شئ راح وشئ يرجف وشئ يتعزز وشئ خايف غايتو الله يرد غربتن عندي نكته كاربة ليك بس في زول كده مده اضانو يسمع
مودتي بلا حدود

[rubs]

المشاركة الأصلية كتبت بواسطة نزار حسن علي

سيد الوجاهة
نهارك عسل
سميه
نهارك قشطه
الجماعة ديل الله يكون في عونهن خليك في المضمون مع الوجيه ابواماني دايما تربح اما ناس ديل وديل شئ راح وشئ يرجف وشئ يتعزز وشئ خايف غايتو الله يرد غربتن عندي نكته كاربة ليك بس في زول كده مده اضانو يسمع
مودتي بلا حدود

اضانك بالتقطعه اها نكته ولا حلوه من قبل ما نسمعها

[نزار حسن علي]

سيد الوجاهة والمحبه ونكهة سودانيات
حبابك عشره
سميه
نهاركم عسل
نقول النكته حكم القوي علي الضعيف كنا عايزين نقوله ليك انت وبس لكن الله غالب ديل حريم محايات ومباراه الفقرا والبخت والبعر وغايتو الله غالب
ربي
والله مشتاقين
قالوا مسطول اهله عرسو ليهو بعد العرس قدموهو للفندق طلع برة يودع الناس لما رجع لقي العروس في الغرفة قال ليها والله انا متاكد انو الناس ديل ضاربين لخمه حاينسوا ليهم زول
ودقي يا مزيكة

[أبو أماني]

المشاركة الأصلية كتبت بواسطة معتصم الطاهر

مرحب أبو أماني
يا زول قهوتك بقت ( R ) + 18


والله يا المعتصم بحبل الله طلتك بالدنيا .. بس لاكين كمان ما تفتكر الناس كلها جهابذة زييك كده الكلام الكبار كبار ده في ناس ما بوصلوا مراميه .. ولا إت عاملها مخسوس ؟ عموما الكوتيشن أنا حاولت أعمل روحي كالعادة فاهمة وأنا ماناقش أبو النوم .. وكان عزائي (عامل السن) كنا زماااااان نفهمها طائرة ..وكان ركت القصة بتجوط!.. أها ركت .. الدبارة كيفنها؟!.
[frame="7 80"]


و صاحبتك سارة بقت تبارى لى جنس ديل ..

[color=8B0000]أها جينا للكلام اللعوج .. مالهم جنس ديل .. عيبهم لي! .. قاعدين يبعروا ؟ ولا يبتعروا وكان بعروا ما يبعروا ياود أمي .. كان ما بعروا ناس سارة والعروس ديل بقشرتهم دي يقعوا وين؟ رايحين بتاكسي وجايين بتاكسي .. ومتفنين وسط البعر .. ولابدين جمب ضنب التيس راجين الرحمة .. مخيييير الله على التيوس .. الريوس .. اليبشع بيهم آخر الزمن ود المعتصم .. هوي يادخرينا .. أرعى بقيدك ياعشاي ..ما تجيب لينا هواء .. جنس ديل ماسكين حكومات الزمن ده.. قال جنس ديل .. قال .. إت نسيت الصالح العام ..ولا نزلتو زمان؟؟؟! لك خالص مودتي يا الحبيب.[/color]



طيب عرفت الراجل دا كيف .. امكن يطبع ثريا قفة ..

[/frame]


أأأأول إنتا .. باأأأأأ ... تهييييييئ تهئ تهئ .. سارة .. سارة .. سمعتي بالحلا بلا ..؟ إنشاء الله يحلك من المعتصم .. !! ده في ناس مزنوقة جنس زنقة يا قدعان!!.. والله يا سارة زنقة زي دي أكان ما ساندتك فيها أمال .. يبقى عيب السواد والرماد .. نحن غايتو الرجال ديل نحمد الله ساعة الحارة بنقيف جمب بعض ..

[أبو أماني]

[frame="7 80"]

المشاركة الأصلية كتبت بواسطة نزار حسن علي

سيد الوجاهة والفرح والسعاده
صباحك فل وياسمين
يا سيدي الزعيمه بتاعتن دي شتتنا ليها السكر خلاص ما تشيل هم اما امات محن ديل دربن قرب خلاص اما خيتن ما معروفة وين ماسكاها الرجفة غايتو يا ابواماني وجاهتك كتلتن عديل كده هسه تلقاهم يقولوا يا ربي الكلام البنكتب فيهو ده يكون كلو غلط وابواماني اوجه زول في المنتدي هنا ويا ربي ليه ما جاب صورته كويس زي البقية بس ابواماني اكبر من الصورة وغايتو لخبته علي اللخمة الضارباهم اصلا
ربي
صباحك عسل
الشغل ما خف شوية والشغل ده داخل فيهو الوركينق بتاعكم
مودتي بلا حدود

[/frame]
عزيزي عوج الدرب .. أب لسانا (ذرب)!
* بالله يا نزار إيه رائيك في كلمة (الذرب) دي ؟ مش من بيت الكلاوي بالله؟ .. وحاة معـزّتك عندي عشان خاطرك بس قاعد فيها نص يوم كامل لحدي ما طلعتها ..
* أما قصة جماعتك ديل صدقني بقوا زي طير الرهو على ضفاف النيل .. غير الواك واك مالية الشاطئ والرقبة زي الرادار مرة شمال مرة يمين .. ماعندهن طريقة .. واحدات يكلمن روحن في السر .. مرة يقولن نمشي لأبي أماني نستسلم ونتحمل (طنقعته) دي .. مقابل التغزل في وشه الصبوح ومكاواة مرته أم دما بارد المتحملة ليها كبوة زي دي ! وواحدات يكابرن ويقولن ليك نحن راجين أمال .. وأنا أضحك .. وفي سري أقوللهن .. أرجو نورا .. رئيستكم دي زمااااان سلمت الرأية وبقت ما بتخش النيت ولا بتعمل جنسو حاجة..اليوم كله من التواليت مش الحمام يا عباقرة..(التسريحة)!.. للبلكونة .. معلقة صورة أبو أماني الرسلها ليها (فيصل سعد) تقيف تتسرح مليون مرة قدام المراية وبالسرقة تعاين للصورة المعلقاها .. وتسمع ليها صوت بوري جري على البلكونة .. تقرب تندرش علي وشها ..وهي تقول .. يا ربي يكون أبو أماني ويومي بالحالة دي .. متمنية يوم تتاوق من البلكونة تشوف البرادو 2009 السماوية ينزل القزاز ويطل منو وجه أبو الصبوح زي قمر أربعطاشر في ليلة ظلماء ..

مداخلة :-
أرجوك يا وجيه (نزار) تقديرا لمشاعر الحروم ديل وتخفيفا لسياسة تحرمني منك العاملينها فيهن ما تكرر الكلام العسل اللذيد ده وتناديني بالمسميات الحلوة البتهرد فشفاشن دي .. قول لي يا أبو أماني حاف كده .. ما إنت عارف .. والعارف عزه مستريح .. راعي لحرمانهن يا أخي ..تشاو

[أبو أماني]

[[frame="7 80"]QUOTE=somiaadam;144922]سلاااام يأبو اماني وكل المتداخلين
ولأنو البوست ممتع ولذيذ وضحكت شديد قلت لازم ادخل بصمتي مع الناس رغم التأخير
وفيهو صور تعمل فيلم كوميدي ضاحك ميه الميه ..
وبعدين عشان اساعد امال شويه لازم انزل ليكم غنوه لانو الموضوع فيهو عنصره وكده
حجر الظلط مين بقيسو ...واغاني كتيره من النوع ..لي عوده[/QUOTE][/frame]
شرف عظيم ..لأبي أماني .. طلة وردة من السور .. ونغمة تنادي من طمبور .. متمثلة في كوكب روعة وإبداع .. يلا يا شباب النشاط .. واضح نشاطهم حيزيد أضعاف ورجاء مدونا بمنشطات طبيعية ..وأبعدوا من الكرياتين عشان ناس عمكم أبو أماني وود مخير ومعتصم شغالين بالعون الذاتي ... منو القال .. دوووووولللل .. ده .. أبقى لا داخل يا سمسمة

[نزار حسن علي]

الوجيه
ابوامانى
صباحك عسل منقط وكل المعاك
يا سيدي ديل عاملين زى حرب الفوكلاند بين الارجنيت وبرطانيا ده اذا كانوا 00000 عافى منك يا وجيه كلام في السلك ماسكاهم حمى ورجفه والله انا المحيرني الزول الكان شغال لينا واختفي ما عارف مصيرو شنو يكون يا ربي في تورا بورا ولا مشي وين شيوخن لبدوا افو يا ابواماني البدرج العاطله
ربى
مشتاقييييييييييييييييييييييييييييييييين
نكته عشان ما تهربى زي ناس عزاز علينا وشالو النوم عينيا
النكته
مسطول سايق إسعاف في الحرب نقل 35 قتيل ...
سمع في الراديو سقوط 30 قتيل ! وقف وفتح الباب وقال: الخمسه البستهبلوا ينزلوا
ودقي يا مزيكة