قهوة النشاط !

[سارة]

خمينا بعرنا داك اقصد بعر التيس وركبنا التكسى ..قلت ليها شوفى ليكى صرفة مع بعرك دا

وانا بمشى اشوف لى حمام قبال ما امى تشم ريحتى المهم شالت البعر شقيت

الحال وانا مشيت بيتنا ..الله وكيلكم تقول داخلة بيت الجيران اتلفت زى الحرامى وتوش

على الحمام المهم عدى باقى اليوم على خير بس صورة الولية ام سفة مقنطرة وحكاية قشن

البعر واجعانى فى مصارينى

بكرة صبحا بدرى جاتنى المطوفشة من غير ما تتصل عشان كانت متاكدة مية المية بقول

ليها طالعة عندى مشوار المهم طبعا اصّرت والحّت انى امشى معاها وبينى وبينكم انا رغم

انى اتظاهرت بعدم رغبتى الا بينى وبينكم فضول ما عادى نفسى اعرف كيفية استعمال البعر

لانى وبدون مدسة جاءتنى فكرة جهنمية قلت اهو الفرصة جاءت لحدى عندى

المهم بنفس الطريقة مشينا والبوكسى والدفسة وسط الكراتين والشوالات وصلنا لعمو الفكى

شاحدة الله يفك فيهو جراب قمل اليفليهو ما يلقى

قال ليها الفكى يا بنتى انتى موضوعك صعب خلاص والمشكلة انه زولك الله يهديه ما بيصلى

تمام يعنى نوع يدخل العشا مع الظهر والفجر والرغيبة جمعا وقصر يعنى حالتو حالة

فانا يا بنتى بسوى ليكى شىء سريع بس انتى كمان لازم تمشى على كلامى وتحاولى ماتغلطى

عشان السر زاته فى النظام تطبقى كل شى بحذافيره ولو غلطتى الا نبدأ من الاول وبسرعة

انا رديت عليهو ونسيت نفسى ( لا يا حاج ارجوك بعر تانى مامعانا لو سمحت ) من الاول من

اوكى بس ما يكون فيها بعر ضحك الشيخ واريتو كان ما ضحك

السنون زى حب القرع وغايتو عندو فاطر ذهب مفندر زى تعشيقة النيسان نحمدك ياربى

ونشكر فضلك دى النهاية المؤلمة

نرجع لطريقة استعمال البعر

ودا حسب كلام الشيخ بعد ما اد ها باقة عصير زى باقة العسل حقت اهل العوض

مليانة محاية لونها اسود زى سكن الصاج قال ليها شوفى يا بنتى

1- تحاولى لمدة تلاتة ايام ما تقابليه ابدا اتعللى باى سبب وكل يوم تشيلى شوية

من البخور دا وتخطى معاهو بعرايتين وتتبخرى بيهم بعد تستحمى بموية فيها جزءمن المحاية دى

2- ما تتعطرى باى عطر بس البخور دا والبعر والمحاية

3-فى اليوم الثالت تخلصى البخور والبعر تطلبى من زولك يجى يقابلك وخليكى عادية

معاهو بس الحجاب دا تختيهو فى شنطتك ما يطلع منها وبعدين بعد تقابليهو تجينى تورينى

الحصل شنو...

انا طبعا قام عليى عرق الحلب والفلاتة فى لحظة واحدة قلت ليهو يا شيخنا دا كلام شنو

تتبخر بالبعر وتقابلوا؟؟؟ هى بلا بعر موضوعها شبه مطرشق يا شيخنا قول كلام غير دا

قال لى انتى متزوجة ؟؟قلت ليه نحمد الله قال لى خليها تديك بعرايتين جربيهم مع شوية بخور

وحبة محاية؟؟؟ قلت ليهو لا يا شيخنا كتر خيرك دا كرم منك لكن الله وكيلك انا الراجل

لو بودينى القمر ما بتبخر لى بعر

مع انه تحت تحت كدا قلت صحبتى ما غشيمة اناممكن ادقسها والطش لى بعرايتين واشوف

بيحصل شنو...

شلنا بعرنا ومحايتناوبخورنا ورجعنا بس بصراحة تصدقواولا ما تصدقواقلت ليها رجاء

من هنا لحدى ما تخلصى حكاية بخور البعر دى خوة فرتق لا تجينى لا اجيك ومافى حرج

ياامل يااختى بس العلاقة البينى وبينك تخلينى اقول ليك لو الراجل دا دارك بى بريحة بعرك دى

والله تبقى مصيبة ..وهنا صحبتى استجمعت كل شجاعتها وردت عليى بعنف شديييييييد

قصدك شنو فسرى قصدك شنو قلت ليها لا قصدى ولا توجعى راسك لكن لو لقيتيه خلى

وظيفة واشتغل راعى غنم ما تلومى الانفسك

افترقنا وعملت صحبتى بنصيحة الشيخ والنتيجة يا جماعة الخير كانت بحق وحقيقة مذهلة

قابلت صاحبنا والكلام دا على ذمتها حلفت واتقطعت قالت لى بس شافنى قال لى ودينى

وايمانى الليلة دا لو امى تقبل ولا ترفض ولا تدق نقارة يانى العاقد عليك والرهيفة التنقد

وكمان هى بت اللذين اقصد صحيتى وكت شافت الزول مندلق حبت تكبر كومها شوية

قالت ليهو انا ما بقبل بيك بدون امك اهلك لازم يجوا قبلك وتاريها كانت ناوية ترجع

البيت تاخد ليه بعراية تانية لكن الله ستر كان خربت النظام ورجعنا تانى لزريبة الغنم

المهم الزول مشى واقنع اهله ولا صحبتى دى كذبت عليى وادتوا بعرايتين اتبخربيهم قبل يشوف اهله

اناوانتو فى برية الله المهم هسى هى ام اولاده وعايشين فى امان الله لكن قطاعتكم تقطعنى كل

ما انزل اجازة واصادفك يا أمل اشم ريحة البعر.

[نزار حسن علي]

سيد الوجاهة
صباحك خير وفرح وكل المعاك والحولك
ابوالمجتبى
قائد قوات التحرير
صباحك خير وفرح وبما انه سعاده الرئيس اعلن الهدنه فنحن في هدنه غير مشروطه مع .....
امال
صباحك عسل وكل المعاك
سروره
صباحك عسل شفتي الدلع ده كيف دي تعليمات من الريس بتاعنا لازم فيما يسمي بالمقاومة تتعاملوا معاهم عروس البحر يا حورية يا بورتسودان يا حنيه
على فكره ما في نكت الا الغائبيييييييييييييييييييييييييييييييييييييييييييي ين يرجعووووووووووووووووا
مودتي بلا حدود

[Nour]

ناس القهوة صباح الخير, سارة كيفك لكن ماتقولي لي البعر سره باتع يعني نربي لينا تيوس ولا شنو.

نزار صباحك زين


مرة اتنين مسلمين ماشيين في صحراء جاعو خالص فلقو كنيسة فواحد قال احنا نغير اسامينا علشان يدونا اكل التانى رفض قال انا هخلينى محمد زى ما انا والتانى سمى نفسة جرجس فدخلوا الكنيسة البابا رحب بيهم وطلب اكل لمحمد وقال لجرجس زى مانت عارف احنا صايمين الايام دى

[شبارقة]

المشاركة الأصلية كتبت بواسطة أبو أماني

. ماسمعت كلامك يايابا لما قلت لي إنت وشبارقة وشليل ابعد منهن .. النسوان ديل ما بنقدرن ..

[align=justify]والله يا أبو أماني قصة النسوان الما بنقدرن ده إعتراف خطير جدا ً ما سبقك فيهو زول إلا شبارقة عندما تم تكليفه بحصار بوست حوش النسوان بتاع أختنا آمال ولكنه عندما ذهب إلى هناك تفأجانا به قد إستسلم ورمى السلاح ووقع في أسرهن ... وقمنا بمحاكمته و كان رده كما في الإقتباس التالي : [/align]

المشاركة الأصلية كتبت بواسطة شبارقة

[align=justify]كان هناك خطأ إستراتيجي تكتيكي (دراماتيكي ) المفروض يرسل القائد المناسب لإحتلال الموقع المناسب .... الجماعة عارفني قلبي رهيف ولساني خفيف أكان السمحات قالن لي صباح الخير بيقرب يقيف .... وبيعجبني الوش الجميل البـِضـّويهو إبتسامة والخديد الفيهو شامة ومن العيون الله السلامة أها يومداك قاموا كلفوني بمهمة إحتلال حوش النسوان (الفي هواهن العذاب سراني وخفف لي من وجع مصراني ومن كل ما أعاني وشوقي أبلغ من غنايا وحبي أسمى من كل المعاني ... وإتفقنلتا من القندراني ).... أها قمت دخلت حوش النسوان وقامن سحـَرنِّي بنظرة تزري بالزهـر ازدهارا مثـُلـت فـيـها البراعة وخفـة الروح والمهارة وإنشغـل عـقـلـي بفنـّهـِن و نظـره مـِنـّي ونظره مـِنـّهـِن وإرتـفـعـت الحراره وإلـتـهـبت العواطف وأصـل النـار شرارة ... وطاب لي المقام في حوشـِهـِنّّ ....أغني وأدوبي ساااااي [/align]

[شبارقة]

المشاركة الأصلية كتبت بواسطة سارة

ما تتعطرى باى عطر بس البخور دا والبعر والمحاية

[align=center]يا حلوة يا ست البنات يا متعة للروح والنظر
طولتي بتخبئ الغرام الليلة في عيونك ظهر
في نظرتك في بسمتك في بخورك المخلوط بالبعر [/align]

[سارة]

المشاركة الأصلية كتبت بواسطة شبارقة

[align=center]يا حلوة يا ست البنات يا متعة للروح والنظر
طولتي بتخبئ الغرام الليلة في عيونك ظهر
في نظرتك في بسمتك في بخورك المخلوط بالبعر [/align]

شوشو صباحك بنكهة الب.....

ياخ والله قطعت مصارينى

تلقى الفى مرادك قول آميييييييييييين

[أبو أماني]

المشاركة الأصلية كتبت بواسطة ابو المجتبي

امانة ما وقع راجل يا ابو اماني
امانة ما وقع زول
يا سيدي الرئس اجمد حبة وما تخلي البنسيات القلبن لسانن ليك ديل يطيرو قلبك ونافوخك
يا اخي لو حالتك بالوصف ده قطع شك سقوك الابري الاحمر والابري الاحمر ده عادة بستعملو في الكتابة والمحاية غايتو شكلها كدي ام اماني واخواتها شافو ليهم فكي كااااااااارب وسقوك البتاع داك في الابري كدي اتذكر معانا اخر مرة شربت ابري متين؟؟
والله من يوم البنات ديل ما اختفو من القهمة ام اماني وامال وتحفة وسارة وروب س بيني وبين نفسي كدي قلت النسوتن ديل اتوزعن علي الفقراء بي قصد اها اتاريهن جاريات فوق دربك لمن رموك علي خشمك يا زول استهدي بالله وخلينا نشوف لينا فكي اقوي ونجيك راجعين
لا حول ولا قوة الا بالله
لا حول ولا قوة
امانة ما كتلنا في زول
تحفة سويتو شنو؟؟

* * *
صدقت والله يا أبو المجتبي .. النسون ديل سون لي شيتا ماني خابرو.. (أظن قصة البعر دي بقت على جد جد .. ما تقول أم أماني متلفسفة ومرة مرة بتخش الويب صايد.. والله أنا قلبي أكلني عديل كدي .. تكون عملت لينك مع ناس شنكبة عنكبة ديل.. عليك الله يا صاحبي شوف لي حل)! بعدين كلامك عن الآبري اللحمر وغوشني بلحيل..لانو مش ممكن تكون مصادفة.. كل يوم والتاني جك حلومر نديان وكباية جمبو تخلى اللعاب يسيل وأخوك يشيل ويكتح.. هسع دي في زمتك نحن وين ورمضان وين .. كان مانصايب حريم ساكت! وكمان القصة إتزامنت مع أيام سرورة علقت بوستيها بالظبط .. وصدقني اليومين ديل بقيت حالتي تحنن الكافر وتكوفر الحنين .. يا أخي أم أماني كان نادتني ساكت تلقاني زي غفير العمدة في لحزة قدامها واقف إنتباه ..وأقرب أندمج في الدور وأضرب تعظيم سلام وأقول ليها .. أفندم يا حضرة العمدي.. وبقت ترسلني عاااااادي أي مشوار .. اليوم داك عندها صاحبتها جات تتحنن معاها قعدن لك في الهول الماخمج .. ولما عاوزين يلخو الحناء لقوها شوية .. أها زولتك ما اتلفتت جاي ولا جاي .. طووووالي كوركت لي .. وزولك زي البرق وفي لمح البصر بقيت قدامها (ماعارف ليه اللحظة ديك مر بخاطري مسلسل توم آند جيري).. قالت لي هاك أمشي العطار جيب لينا كيسين حناء ماركة أبو كف الهندية أوعى تجيب لي حنة التاج ..وجيب معاك سرتية .. فااااهم؟ سرتية يعني ما محلبية .. المحلبية الجبتها المرة الفاتت ليوم الليلة قاعدة .. يقعد فوقك شنو يا يابا .. إستغفر الله .. ومشيت أفتش لي شبشب في غرفة النوم عشان أمرق بيو بسرعة .. أسمع ليك صاحبتها متعاطفة معاي .. وبصوت كلو حنية .. حرام عليك يا أم أماني .. الراجل ده تهرشيه قدر ده..! (وهوغان) الله يطراها بالخير .. قالت ليها .. أسكتي يا إحسان .. ده هارد كبدتي ومصاريني .. ما تشوفي مسكنتو دي والله دغيل جنس دغالة .. وكان قام على جنو .. حتستغربي.. بعدين الرجال ديل ما بنفع معاهم عيلا العين الحارة..ولما حست بي لسع بتلكع في غرفة النوم .. يا راجل بتتمحرك مالك؟..الكع جيب لينا الزفت ده ..
عليك الله ما تتأخر زي المرة الفاتت .. تلاقي واحد من صحبانك وتقعدوا تتونسوا في الفارغة ومقدودة .. عضيت جلابيتي وفللي على العطار .. وأنقروا في دكان العطار لقيت منو؟ لقيت ليكم صديقي العزيز عادل عسوم .. بيتكلم مع العطار بصوت حاول يكون هامس لكين كت في اللحزة ديك .. وراهو بالضبط وسمعتوا قال للعطار .. عليك الله يا أخي القي عندكم بعر تيس؟ ولما اتلفت شافني ارتبك وبدل يسلم على ويقول لي أهلا أبو أماني .. قال لي أهلا أبو سارة .. الحقيقة جيت هنا كايس الحبة السوداء موصيني ليها واحد في المهجر .. ومن اللخمة خلى سيارته واقفة وقعد يكابس في باب سيارتي ... المرض ... اللللللل !...
أبو المجتبى عليك الله وأبوس رأسك (بعد الحمام طبعا)! شوف لي حل حالتي بقت كرونيك .. أها ودعتكم الله.. شايف أم أماني ماشة على.. اللهم لا نسألك رد القضاء إنما نسألك اللطف فيه ياااااارب ... يا ربي تجيب العواقب سليمة ..

[تحفة حوا]

[align=center][/align]
بمناسبة الهدنة

[أبو أماني]

[QUOTE=شبارقة;147717][color=#0000FF][align=justify]والله يا أبو أماني قصة النسوان الما بنقدرن ده إعتراف خطير جدا ً ما سبقك فيهو زول إلا شبارقة عندما تم تكليفه بحصار بوست حوش النسوان بتاع أختنا آمال ولكنه عندما ذهب إلى هناك تفأجانا به قد إستسلم ورمى السلاح ووقع في أسرهن ... وقمنا بمحاكمته و كان رده كما في الإقتباس التالي : [/align][/color][/QUOTE]

والله يا شبارقة يا أخوي فقدتك بلحيل .. وكان ما وقفت الوجيه نزار المزيكتو داقة السنة كلها .. ولولا نكاته الظريفة دي .. كان زماااان سبت القهوة وهجيت لي على بوستا تاني .. يا أخي والله أجمل حتة بقضى فيها وكت ظريف .. لما أقعد أناوش ناس القهوة .. أشاكس ده وأشاتر دي .. وأسخر من أحب الناس لقلبي .. وحتى الما بريدهم زي ناس أبو أماني .. وأبو المجتبى أولاد بري العاملين فيها شفوت ومنقطنها ديل .. بس لكين يا شبارقة القهوة نورت بنور وعودة ملكة النحل أمال .. وتحفة وسارة .. ومرة مرة بنفقد ناس حلوين ونتحسس من غياب ناس ظريفين زي ناس روب..س .. نتمنى ليها إجازة سعيدة .. والخال البلال البسر البال (وسيكام)! خالد الحاج .. أصلو ما عبرنا .. ولا بتحفة على الطائر من روائعه أتحفنا..مالنا يابا مانا قدر البسط ولا المقام ؟ تعال لينا يابا عطر القهوة بحضورك البهيج وجيب معاك الجلاكين الحلوين..ناس البوص الباشا وبابكر مخير وكانديك وخلونا نبز العالم بزيارة (العالم) أما ناس رأفت (الهجام) ده كمان موضوعه براو .. هجمني فرد مرة بترحاب حار وتاني الشوفة يا روفة..وناس شليل وعادل عسوم وقيقا بقوا يتاوقو ومرة مرة يعبرونا .. أقول ليهم يا أخوانا نحن بنحبكم وما صاح منكم تطنشونا .. وكان لباقي الكوكبة الرائعين وما أكثرهم..أخص منهم الأديب الأريب هاشم طه قدر ما دردقناه ودودرناه.. وفرشنا ليو البحر طحين .. عشان يشرفنا ولو بزيارة خاطفة .. حلف ما يقول لينا تلت التلاتة كم .. يا أخي ود مخير ده شحدو عديييل كده إنشاء الله فنجان قهوة على الطائر وبرغم أنو أكد ليو إنه ما حيدفع الحساب غير أبو أماني .. برضو حبيبي طنش.. بالله عليكم الله تشرفونا وأكيد قهوة النشاط حيزيد نشاطها بطلتكم البهية .. وما تغيب ياشبارقة .. يادخري الحوبة ..

[نزار حسن علي]

سيد الوجاهة والقيافة
صباحكم فرح وسعاده وكل المعاك
باقي الحلويييييييييييييييييييييييييييييييييييييييين
ربي ونور
صباحكم عسل ينقط من المحيط للخليج
ناس غيب وتعال
صباحكم فل وياسمين
الحبيب وقائد قوات التدخل السريع
صباحك خير ورحمه
ولباقي الحلوييييين صباحكم خير وفرح وسعاده
مودتي بلا حدود

[Nour]

صباح الخير ياجماعة , نزار صباحك طلة الياسمين دي هدية الصباح


رسالة ام خيالها واسع الى ولدها


ابني العزيز

أنا بخير هنا انشا الله انت تكون كويس هناك بكتب ليك الرساله دى براحه لأني عارفه انك ما بتقرا سريع
...
:
أبوك قرأ في الجريدة أن أكثر الحوادث العرضية تقع على بعد 20 ميل من بيتنا عشان كدا رحلنا لبيت جديد ابعد من بيتنا القديم 20 ميل ما بقدر ارسل ليك عنوان البيت الجديد عشان الزول الاشترينا منه البيت شال عنوانه معاهو ما داير يغيرو ونحنا في الأسبوع الجاي حنجيب عنوان بيتنا القديم عشان كدا عنوانا ماحيتغير . . . .


الجو هنا كويس المطره صبت مرتين فى الأسبوع
الفات المرة الأولى استمرت تلاته ايام والمرة التانية استمرت أربعه ايام .. . . .
عمتك قالت ليك ما حتقدر ترسل ليك الجاكيت القلته عايزو بالبريد لانو تقيل عشان زرايرو حديد عشان كدا قطعت الزراير وختتا فى جيب الجاكيت . . . . . .
أبوك أشتغل شغله جديدة وشغالين تحته 500 عامل بحصدوا الحشيش القايم جنب المقابر. . . . .
أختك ولدت الليله الصباح بس ماعارفه جابت شنو ولد ولا بت عشان كدا ما عارفه حتبقى خال ولا خاله
عمك خالد وقع في البير وكان فى رجال حاولوا يطلعوا لكن قاومهم بكل شجاعة وغرق . بعد داك حرقناهو النار مولعه فيهو ثلاثه أيام وما نشف لأنه مرطب
أبو اعز اصحابك وهو بيموت طلب من صحبك عمر انو يدفنه فى نص البحر لما يموت. ومشى عشان يحفر القبر لى ابو قام غرق ومات

...
خلاص مافى شى جديد دا كل العندى
...
أمك.
ملاحظة: أنا كنت دايره ارسل ليك القروش بس ما اتذكرت إلا بعد ما قفلت الظرف

[طارق صديق كانديك]

هههههههههههه

سارة شكيت محنك .. ياخ شكيت محنك جدا والله ... !!

قلتي لي لحدي هسه بتشمي فيها ريحة البعر ... ؟

وبعدين الشيخ ده لما ضحك وشبهتيهو ياخ ماا جاهو وجع مفاصل مالو ... تعشيقة النيسان دي والله خلت ناس المكتب كلهم يجوا لحد عندي ... !!!

ابو أماني ازيك ياخ بجيك تاني بي رواقة طالما الشغلانية فاتحة على البحري كده .. !

[عادل عسوم]

وأنقروا في دكان العطار لقيت منو؟ لقيت ليكم صديقي العزيز عادل عسوم .. بيتكلم مع العطار بصوت حاول يكون هامس لكين كت في اللحزة ديك .. وراهو بالضبط وسمعتوا قال للعطار .. عليك الله يا أخي القي عندكم بعر تيس؟ ولما اتلفت شافني ارتبك وبدل يسلم على ويقول لي أهلا أبو أماني .. قال لي أهلا أبو سارة .. الحقيقة جيت هنا كايس الحبة السوداء موصيني ليها واحد في المهجر .. ومن اللخمة خلى سيارته واقفة وقعد يكابس في باب سيارتي ... المرض ... اللللللل !...

أنتا ياأبو أماني (من ستر مسلما ستره الله يوم القيامة) دي أصلها مامرت عليكم في (الأولية)؟
ياخي حتى (البعر) كفى الله الشر لاحقننا فيهو؟
وكمان قال

الحقيقة جيت هنا كايس الحبة السوداء موصيني ليها واحد في المهجر

وطيب شوالات (البعر) البتعتل فيها ليك يومين ديك شنو؟
أنا يااخوي أستفسرت من سارة وقالت (البعر) دة بس سبعة بعرات من الوزن المتوسط ...مش تقوم تخمخم ليك خمسة شوالات لغاية ما أم أماني تقول ليك كرهتنا البيت زاتو
وأنا غايتو ياهن ديل السبعة بعرات ماسكن في يدي لغاية ما العرق بلاهن وماشي راسي عدييييل لي سارة توريني ال(procedure) وكدة

[rubs]

:eek:هووووووووووووووووى ها ...!!!! دا شنو هدنه ؟؟؟!! هدنة شنو انت يا نسوان جنيتو ... احسن ليكم قومو اتنفضو هووووووى ... بس الواحد ما اغيب كام يوم القى القهوه اتغلبت اشنالله اهدن شنو ... قال هدنه قال ... اها من الليه بشوف حبوب منشطه وياااانى الحارسه القهوه ... هودنه!!!! يخسىىىىىىىىىىىىىىىىى عليكم يابنات والله اصبرو لى لما الم فيكم وانت بزااات ياتحفه استنى بس التقول جايه من علبه الوان ماخليتى لون بمناسبه الهدنه احىىىىىىىىىىى يا فشفاشى .. وانت ياساره يا ست البعر دى عمله تسمعى كلام ابو امانى وما شابه وتقولو هدنه وانت يا امال ما اتوقعتها منك شكرا انا من الليله ما مع اى زوول انا برااااااااااااااااى وما عندى غير الحرب وبس وانت خلو ابو امانى اقتل حيلكم بى سماحتو المزعومه وابى المجتبى خليه اجيب ليكم المحلبيه (اقصد السورتيه عشان ابو امانى بتعقد منها ) اما صاحب مصنع النكت الافتح ليكم محل نكت بالديلفرى بتاعها .. وخوه فرتق

[تحفة حوا]

ووبب علي يا روبس أتاريك حارة حرارة
يابت أمي دي هدنة سياسية يعني حرب باردة ودايرين نجيب راسم بي كلام النواعم
يعني السم في الدسم
أحي أنا خليتينا فضحنا المخطط وتاني ما ح يأمنوا جانبنا
انتي اتأملي الصورة دي وح تفهمي[align=center][/align]