قهوة النشاط !

[تحفة حوا]

المشاركة الأصلية كتبت بواسطة رشا حاتم

دي منو المن القطينة دي؟؟ حلتناااااااا ومحل اسرتنا

بعدين منو الماسك القهوة دي بالله؟ بمعنى البوزع في الشاي منو والبهب في النيران منو
بس عشان الواحد يكون عارف يقعد وين بالضبط

رشا مرحب بيك بيتك ومطرحك

تقعدي وين ما عايزة
مافي زول يقدر يفتح خشمو ولا يقول ليك بغم
دي قهوة في الظاهر ساحة حرب في الواقع
بعد تقعدي بنوريك الحاصل

[تحفة حوا]

المشاركة الأصلية كتبت بواسطة ابوريم

شبارقة
فخلري دة الحروم ديل كتلن قلبو.
ماشايف كسير التلج الفوق دة.
...
النسوان الغشن ابليس.
تعرف لما يطلعن يقدمن ضيفاتن في خشم الباب: الله يسلمك. سلمي علي فلانة. الرسول تجونا تاني. النبي فيك. خسمتك وما عارف شنو.
ابليس خلاص يقنع ويشيل عدتو ويتخارج يشوف غيرهن. بس طوالي يبدن في القطيعة واكل لحم البشر ويقيفن مسافة اطول من القعدوها جوة البيت.
....
روبس
قلتي لي نكت حامضة؟ قصدك شنو يعني ملاح بيت مخمر (بالمصري)
ما عارف تحفة سكتت ليه وما ردت علي مساختك دي ولا آآآه ده حلف الفضول!
شبارقة نشن علي الريسين الكبار وخلي البلي راسو بجي بعد داك.

ملحوظة :أخطاءك الاملائية كترت
قطيعة انت من زمن النسوان بيقطعن ما خليناها ليكم
والحمدلله الغشينا ابليس وقدرنا , الكلام انتو العاملين معاهو تحالف
روبس تقول الدايرة ومساخة زول يريدك وياكل ليك الزلط ولا زول يكجنك ويعد ليك الغلط
كلنا ريسينا كبار وعاقلات وصابرات عليكم
الله يهديكم

[rubs]

بسم الله نبدا عاد جاكم السم القدر قداكم ... الليله استنو ...
اولا بنرحب بى الاستاذ فخرى كيه كدا للباقين وكان عجبكم ..
تانيا عااااااااااااااااااااااافيه منكم يا بنات يالبترفعو الراس زهم اظنهم من عرس سى السيد هوووووى وتانى هوووووى انت ما عارفين الموضوع بقه فيهو خلع اكان ضرس اكان راجل كلو واحد ..
تالتاانت ماااااااالك ياود امى (ابو ريم ) مش بقولو الواضح ما فاضح نكتكم مااااااااااااااااااعجبانى اخير لى منها نكت واحد كدا مافى داعى نجيب اسمو عشان ما تبقى قطيعه فيه لكن لما اظهر بنديها ليه فى وشو ...
رابعا انت يا تحفه فيضل سعد غير اسمو (الملافظ سعد)
والاهمه من دا كلو الما اسماش قطس ويييين وهو عااارف نفسو
اما نجى لموضوع شوشو العندو اعتراض وعامل مقتى قدحو .. لا يا ولد امى ما قررررتك لى ضورتك اكان غتيتو انت قايله هينه ولا لينه والله اكان ما الغربه دى وبقتو قاعدين لينا حارسين معانا البيت اكان بقى كلام تانى قال قدح قالشبارقه سؤال بس (انت بتاكل مع ناس البيت بتخت طوبه ولا بتاكل طوالى )
انا يا بنات ما كلمتكم من اول وقلته ليكم هدنه شنو ديل امه ما بتنفع معاها رحمه وعينهم فاااااارقه ..بيتهم فيهو العيش اكوسو الكسره البايته من الجيران .. قال حبش قال والله اكان عرستوهم برضو احسن لينا عشان نشوف لينا رجال كدا اردو الروح مش الشنه الما معروفه مخمره ولا فطيره ..
تخريمه : ما تقولو اخطاء املائيه انا حف الجنب الضاد ما شقال عندى خربان عشان كدا استعوطها بضاد .. انشالله فهمتو وكان ما فهمت ما ضرورى

[شبارقة]

المشاركة الأصلية كتبت بواسطة رشا حاتم

والبهب في النيران منو ... بس عشان الواحد يكون عارف يقعد وين بالضبط

[align=justify]غايتو النسوان غير النيران ما شايفين ليهن أي مكان [/align]

[تحفة حوا]

نكتة مخصوصة لي رشا
مجموعة من المحس مغتربين فى السعودية قاعدين عطالة قام جاء واحد من السودان
وقال ليهم :انشاء الله تكونوا كلكم شغالين ؛ قام واحد
قال ليهو :مافى شى شغال الا المكيف دا.

[فيصل سعد]

المشاركة الأصلية كتبت بواسطة تحفة حوا

نكتة
مجموعة من المحس

[jezabell]

المشاركة الأصلية كتبت بواسطة شبارقة

[align=justify]غايتو النسوان غير النيران ما شايفين ليهن أي مكان [/align]

اخخخخخخخخخ انا
وانتو وينها قلوبكم البتطفيهن؟

سمح زح لي النقعد جنبك وصب لينا فنجان قهوة بالله.. ما تخاف بقراو ليك بعد اتمو

[jezabell]

المشاركة الأصلية كتبت بواسطة تحفة حوا

نكتة مخصوصة لي رشا
مجموعة من المحس مغتربين فى السعودية قاعدين عطالة قام جاء واحد من السودان
وقال ليهم :انشاء الله تكونوا كلكم شغالين ؛ قام واحد
قال ليهو :مافى شى شغال الا المكيف دا.

عاجبك كدة اهو فيصل حمّر ليك
طيب خدي النكتة دي يا تحفة عشان افشك في الرجال ديل شوية..
قال ليك واحد قال لمرته تعرفي إن الخلفاء العباسيين كان عندهم ألقابهم زي (المعتصم بالله) (المتوكل على الله)(الواثق بالله) تفتكري لو كنت أنا واحد منهم كان حيناسبني ياتو لقب؟ قالت ليو: إما أعوذ بالله أو منك لله

[تحفة حوا]

المشاركة الأصلية كتبت بواسطة فيصل سعد

والليلة
فيصل سعد انت محسي
والله ما عارفة
بعدين انا ما بقتنع بالحاجات دي وأصابع يدك ما زي بعض
وكل جنس ليهو مميزات وعيوب
أها هاك دي بس ما يطلع ود الزومة قريبك
ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!

[فيصل سعد]

يا جماعة انتوا سيد القهوة
و سيد الوجاهة و اركان حربه
نزار طاشين وين الايام دي ؟؟

لانه شايف شبارقة مناوب تماما
و سادي وردية و نبطشية و مورم
فشافيشكم بمزاج و كدا

[ابوريم]

يا تحفة
قلتي لي:

روبس تقول الدايرة ومساخة زول يريدك وياكل ليك الزلط ولا زول يكجنك ويعد ليك الغلط

متمني القى لي واحدة منكن عندها مبدأ. ذمتكم معروفة لسسسسستك.
النكت النبزتها روبس دي منو الحكاها؟
اكتر من نصهم منك؟
بعدين ريم قالت ليك ياخالتو نكتك قديمة ومنقولة وكلها سامعاها.
أما العنصرية ومحس وما عارف شنو احسن تبعدوا منها لانها بتفتح باب ما بنقفل.
.....
نجي لي روبس:
هوي
فرزي.
ما تلخبتي الكيمان.
خلي كل شي في محلو.
اظنك فهمتي.
...
بعدين

تخريمه : ما تقولو اخطاء املائيه انا حف الجنب الضاد ما شقال عندى خربان عشان كدا استعوطها بضاد .. انشالله فهمتو وكان ما فهمت ما ضرورى

دة كلو وحرف واحد بس ضارب؟
الضارب مخك اظنو.

[rubs]

المشاركة الأصلية كتبت بواسطة رشا حاتم

عاجبك كدة اهو فيصل حمّر ليك
طيب خدي النكتة دي يا تحفة عشان افشك في الرجال ديل شوية..
قال ليك واحد قال لمرته تعرفي إن الخلفاء العباسيين كان عندهم ألقابهم زي (المعتصم بالله) (المتوكل على الله)(الواثق بالله) تفتكري لو كنت أنا واحد منهم كان حيناسبني ياتو لقب؟ قالت ليو: إما أعوذ بالله أو منك لله

سلام يا رشا مرحب بيك دايما معانا
نكته فى السلك فشيتينى حبه .عليك الله فتشى لينا واحده تانى كده عشان نزغرد

[rubs]

المشاركة الأصلية كتبت بواسطة ابوريم

يا تحفة
قلتي لي:

متمني القى لي واحدة منكن عندها مبدأ. ذمتكم معروفة لسسسسستك.
النكت النبزتها روبس دي منو الحكاها؟
اكتر من نصهم منك؟
بعدين ريم قالت ليك ياخالتو نكتك قديمة ومنقولة وكلها سامعاها.
أما العنصرية ومحس وما عارف شنو احسن تبعدوا منها لانها بتفتح باب ما بنقفل.
.....
نجي لي روبس:
هوي
فرزي.
ما تلخبتي الكيمان.
خلي كل شي في محلو.
اظنك فهمتي.
...
بعدين
دة كلو وحرف واحد بس ضارب؟
الضارب مخك اظنو.

الله ما جاب لخبتت كيمان ونبره منها ولو جيت لى الجد انا ما فهمتك ..
واحمد الله قريت واتخرجته واشتغلته وعرسته وعندى جيل بربى فيه وبعد دا كلو لو بقى موخى ضارب اكون بس من زوقك ( شكرا)

[rubs]

المشاركة الأصلية كتبت بواسطة تحفة حوا

والليلة
فيصل سعد انت محسي
والله ما عارفة
بعدين انا ما بقتنع بالحاجات دي وأصابع يدك ما زي بعض
وكل جنس ليهو مميزات وعيوب
أها هاك دي بس ما يطلع ود الزومة قريبك
ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!

حلوه
تصديقى ما عارفه فهمتها كيف مع موخى الضارب دا

[فيصل سعد]

المشاركة الأصلية كتبت بواسطة rubs

سلام يا رشا مرحب بيك دايما معانا
نكته فى السلك فشيتينى حبه .عليك الله فتشى لينا واحده تانى كده عشان نزغرد

تزغردي شنو يا روبس
ما كانش العشم برضو،
شكيت محنك

ملهوزه : كل الناس هنا كل الناس صحاب كل الناس اهل
و يا شباب امزحوا و اتونسوا بدون زعل و خشونة الله يعزكم ..