منال بين النيل و النخيل

منال · 05-07-2009, 06:19 AM

فى زيارة عمل لسد مروى و بعض المشاريع الزراعية فى ولاية نهر النيل ( امكى – العبيداب و عتمور) و ضمن فريق لجنة استخدامات الاراضى للقرن الافريقى – تم اختيارنا كشباب من السودان و ضم التيم خبراء بيئة - زراعة و تنمية و من التنمية كنت اتعامل مع الرحلة بمنظورى( الخاص و المهنى) .

بدنا الزيارة بالشمالية و بعد الاجراءات المكتبية مع ادارة السدود تمت الموافقة و اطلقنا صوب سد مروى عبر طريق شريان الشمالية و هى الزيارة الاولى لموطن جذورى العرقية ... و عند المتلقى المتفرع استرحنا لمدة نصف الساعة و بدأ الناقش الاكاديمى و العلمى من نقطة الملتقى حيث مشاكل البيئة ( الزحف الصحروى – التغير المناخى – التربة ... الخ) و تواصل المسير الى ان لاحت فى الافق خضرة النخيل و جماله و حقيقى هنا انفصلت تماما عن التيم و انا أتامل الاراضى الشاسعة و النخيل المصطف فى تناسق عجيب و رائع الى ان تم اخطارنا بان نقطة النزول الاولى فى قرية حسين نارتى و دلنا فى اتجاه النيل ... يا للروعة و الجمال و سحر الطبيعة فى ارض النيل و النخيل و بدات الاسئلة تتقاذف الى ذهنى
لماذا ترقد الشمالية الولاية الكبرى فى احضان النيل الذى يشقها و هو النيل العظيم المتوحد و المندمج بغليان و فورة الازرق – و روعة وداعة الابيض و الامتزاج الساحر كيف له ان اثر فى انسان الشمال ... دع عنك الخضرة و سحر الطبيعة يقنى ان ذلك ترك بصمته فى الانسان و شكل نفسياته و هبه كل الخواص الذى امتاز و تفرد بها

سوف اواصل
انشاغلى مع تقارير و اهداف الزيارة

طارق صديق كانديك · 05-07-2009, 06:35 AM

الأنيقة منال

صباح النخيل

فرصة جميلة لشحن الروح والمتعة بالجمال هناك ... !!

ننتظر بقية الرحلة ونتائجها .. !!

تحياتي

أشتر · 05-07-2009, 06:35 AM

اقتباس:

المشاركة الأصلية كتبت بواسطة منال

فى زيارة عمل لسد مروى و بعض المشاريع الزراعية فى ولاية نهر النيل

يعني مشيتي محل الكهربا البتقطع والشمس البتسطع !!!!
الف سلامة والله

منال · 05-07-2009, 06:43 AM

اقتباس:

المشاركة الأصلية كتبت بواسطة طارق صديق كانديك

الأنيقة منال

صباح النخيل

فرصة جميلة لشحن الروح والمتعة بالجمال هناك ... !!

ننتظر بقية الرحلة ونتائجها .. !!

تحياتي

الحبيب طارق ازيك

يازول روعة الشمالية و الله ياطارق ما كنت قايلة ارض اهلى بهذا الجمال و السحر

و صحيح الروح زى البطارية دايرة شحن و هناك حيث الصحراء و النيل و النخيل الروعة و السكينة يا للجمال ... غايتو يا طارق فى اجازتك زور السد ... و خلى الرد بالسد جانب و تمتع بالجمال
و تابع

منال · 05-07-2009, 06:52 AM

اقتباس:

المشاركة الأصلية كتبت بواسطة محمد أبوعاقلة

يعني مشيتي محل الكهربا البتقطع والشمس البتسطع !!!!
الف سلامة والله

محمد صباحك زين
يا زول كهرباء شنو البتقطع كان شفت الطريق ذاتو منور ... و القرى تطور رهيب حتى شكل المبانى ... اما المزارع خليها ( المنقة و البرتقال و القريب ... الخ ) و عند شروق الشمس الحارة طبعا سحر الخضرة و النخيل الباسقات

محمد بحيرة السد ( حيث السمك فى الصباح و عند شروق الشمس مع انكاس المياه ) اتذكرتك و عالم اخر او قل جنة الارض هى مروى ...
اقوليك فى اجازتك جهز سنارتك و انزل البحيرة

مروى ارض الحضارة و الجمال
بالجنبة سالنا من قطع الكهرباء و بالسند العلمى قالو يامحمد نسأل ناس هيئة الكهرباء ... ليه الماكينات قديمة و ما قدرت تتحمل فقط تشغيل 2 (توربنتين) ادارة السد بتقول عندها فايض كهرباء .. المشكلة فى التوزيع و السد لم ينتج طاقاته الفعلية ...
و نحن فى انتظار كهربة السد و الشمس ح تكون ليل و نهار من ارض الشمال طبعا

قمر دورين · 05-07-2009, 03:50 PM

[align=center]منال كيفك....
تعرفي يا عزيزتي الخضرة والجمال في ربوع السودان هي كما قال الشاعر...
روضّ كأن النهر فــيه معصم....صاف ٍأطل على رداء أخــضـرا

واصلي يا منال....
مستمتعين مع سردك الجميل
كلّ الود[/align]

مواطن · 06-07-2009, 06:53 AM

العزيزة منال ...
كيفك ... ؟ يعني إستمتعتي بالرحلة وتمت تنمية المعلومات ..
هل توجد صور ؟؟

اقتباس:

و ضمن فريق لجنة استخدامات الاراضى للقرن الافريقى

بما أنك من ضمن لجنة إستخدامات الأراضي للقرن الأفريقي .. أنا عايز لي قطعة أرض للإستخدام مالقيتا في بلد وحيد القرن .. ومستني لمّا قامت لي قرون ..

دحين عاوز أقرن طلبي ده قرين اللجنة ... ممكـن يتقرن ؟؟؟ .. وتقروهو ليّ .. وتقـّرو ما أتى فيه ؟؟ ...

وللا نمشي السـد .. ونتسدا حقنا .. !!!

منال · 07-07-2009, 06:23 AM

اقتباس:

المشاركة الأصلية كتبت بواسطة قمر دورين

[align=center]منال كيفك....
تعرفي يا عزيزتي الخضرة والجمال في ربوع السودان هي كما قال الشاعر...
روضّ كأن النهر فــيه معصم....صاف ٍأطل على رداء أخــضـرا

واصلي يا منال....
مستمتعين مع سردك الجميل
كلّ الود[/align]

الحبيبة قمرنا
سلامات
تعرفى صحيح الانسان أبن بيئته ... الطبيعة المتنوعة فى الشمالية ... الخضرة الساحر ملهمة للانسان للابداع فى شتى المجالات ... و يا قمر عرفت يادوب ليه اهلى حساسين جدن ... و مشبعين بالجمال و الروعة و مشاعرهم تفيض كما النيل تجاه الاخرين ... و المحنة و الطيبة جات من وين؟ و زرت مدن الهام الشعراء و الفنانين نورى التى تغنى لها الكابلى ... الزومة المقل و مروى الله الله غايتو يا قمرنا بس تزورى و تشوفى
خليك قريبة
مودتى

منال · 07-07-2009, 06:29 AM

اقتباس:

المشاركة الأصلية كتبت بواسطة هاشم طـه

العزيزة منال ...
كيفك ... ؟ يعني إستمتعتي بالرحلة وتمت تنمية المعلومات ..
هل توجد صور ؟؟

بما أنك من ضمن لجنة إستخدامات الأراضي للقرن الأفريقي .. أنا عايز لي قطعة أرض للإستخدام مالقيتا في بلد وحيد القرن .. ومستني لمّا قامت لي قرون ..

دحين عاوز أقرن طلبي ده قرين اللجنة ... ممكـن يتقرن ؟؟؟ .. وتقروهو ليّ .. وتقـّرو ما أتى فيه ؟؟ ...

وللا نمشي السـد .. ونتسدا حقنا .. !!!

ابونا هاشم ازيك و كيف صحتك

ح تنتظر استاذى هاشم ان تنعقد اللجنة المنبثقة عن اللجنة ؟؟؟ و عندما يتم الفرزللعطاءات ... بكون للشيخ السعودى نصيب الاسد و يليه الكويتى و البحرينى والقطرى مشغول باستثمار دارفور الكبرى ... اما المصرى فقد اختار الجزيرة الخضراء لاكتفائه الذاتى من الشمال بعد اغراق حلفاو يتم الاستيطان فى الجنوب محل مفتاح المياه العذبة ... و الليبى يعوض برج الفاتح الذى شرد الثروة الحيوانية قسريا يشد رحاله نحو كردفان المتحركة ...نهر النيل نتركها هدية خالصة للشركات متعددة الجنسيات و نسأل عن انصبة البترول ... نخجل عديل (80% مشت وين).
و بى كده الشىء استثمار ... البلد فيها وزارة للتسهيل و التصديق ... الاراضى موجودة ... المواطن مغلوب على امره ... و الدجاجة تبيض والديك يكاكى والمسئول قال ساخرا (مش كفاية عندك قطعة واطة سويت لك فيها بيت للمرا) بالجد حقو نتجه الى الشمال و تجربة المزارع الناجحة الشفتها دى مشجعة جدن

اقتباس:

وللا نمشي السـد .. ونتسدا حقنا .. !!

هذا هو بيت القصيد
الاراضى فى مروى تنتظر التعمير و ليس الاستثمار ... بعد الزيارة يا هاشم كان تركيزى ان اعرف الاحصاء السكانى الاخير للولاية الشمالية... امكن اكون متفائلة و مع الدعوة للهجرة العكسية نحو الريف... تمركزنا فى الخرطوم (يعنى كم عدد المهندسين الزراعين ... و الكهرباء و الجيلوجيا المدنية ... الخ من ابناء الشماليه فى الخرطوم بس شغالين فى الوزارات بتاعت الساعة العاشرة صباحا ... ليه ما نفكر فى الخبرات دى و نستثمرها فى الشمالية (بتهيئة الاوضاع المتكاملة و نطلب منهم مثل تجربة السد فى خلال كذا عام تطوير المشاريع و تعمير الاراضى البور...)
تعرف فى حتة المعلومات استفتدت كتيييييير من المعرفة المتكاملة التربة و المناخ و السد و الناس شغالين فى اراضيهم كيف و الناقصهم شنو ؟
نرجع للسد كمنشأة ... تحقق الاستقرار للمواطنين ... المزارعين اصلا و لا ييرغبون فى تغيير مهنتهم ... و يمتلكون الخبرة فى الزراعة التقليدية و طريقة الرى ... و مناهضين لاستحداث كغيرهم (نسبة لفقدهم الثقة فى كل ما هو جديد) من نتائج الزيارة ان هناك مزارع نموذجية ذات انتاجية عالية و بالنظر للمقابل التعب و الشقاء للمواطن وسيلة الرى هنا تلعب دورها التربال يا هاشم منهك بين تكلفة التقاوى و طرق الرى و الى الان ياها الطلمبات الرافعة من النيل للزراعة... محطات المياه قليلة جدا و شبكات التوزيع للمياه للمنازل تجرى ببطء.
اها نتسدا حقنا و نقالع (مع الجماعة) و الرك هنا على حد قول اهلى الشايقية على ناسنا الفى حكومة الولاية وموظفى الوزارة و عندما سمعت هذه العبارة رفعت حاجب الدهشة و انا اعلم ان انسان الشمال نجيض و محصحص و هو مبادر و مساهم فى التنمية بفاعلية و يمتلك من المهارات ما تدهشك حقا

بالجمبة
لهجتك الشايقي لذيدة يبدو انك عاشرتهم كتثيرا

يوجد صور شليل ساعدنى فى رفع الصور

الأغبش · 07-07-2009, 10:43 AM

منال ...شوقتينا لزيارة الشمالية بالجد ..اتمني من كل قلبي أن تكون بذات الملامح بكل العيون .. (وما تطلع الحكاية عدسة نضيفه لا غير )
تعرفي ... صلتي بولاية نهر النيل من16 عام حيث درست وعملت بها ...ولم أتقدم شمالاً طوال هذه السنوات ... اكثر من مرة لاحت لي فرصة زيارة السد وما مشيت ..واحدة مع ناس الشغل حردناها لأنو فيها خيار وفقوس ..وواحده مع ناس الحله وبركة الما مشيت لأنو البص اتقلب بيهم والما مات اتكسر ... أو يمكن يكون السبب إني تخطيت جذوري شمالاً وانقطعت صلة الحنين الساقتك ...

مواطن · 07-07-2009, 03:38 PM

[align=justify]
حأنتظر .. يمكن تفضل لينا حاجة .. أنا منتظر من 20 سنـة آملاً في توزيع أراضي المغتربين .. وبالرغم من صدور الكتيب من الشئون الهندسية آنئذٍ وإستحقاقي لقطعة أرض بالدرجة الأولى والسداد بالدولار ، إلا أن بائعي السودان قرروا دمج قوائـم المغتربين في خطة الإسكان العامة مسقطين كل حججهم الجبائيـة والترويجيـة وأتت النتيجة صاعقـة وغير متوقعـة ، فقـد أفردوا لي قطعة أرض في منطقة تسمى الخوجلاب ...

إستيقظـت في ذاتي عندها النعرة البرجوازية ودخلت في نقاش حاد مع المسؤول في قسـم الأراضي قائلاً له أن كل المستندات التي لديك تثبـت أنني من مواطني الخرطوم 2 وهي بلا فخر مسقـط أولاد المصارين البيـض .. وما إغتربت سعياً لمرعى وإنما سعياً لشرعة .. وهاقد طـوحتم بي إطاحـة حضارية مقصّيـة دون أن تكون هناك مراحل تمهيديـة قبل هذه الطفرة .. بمعنى أن تنقلوني مثلاً إلى العمارات .. ومن ثم الطائف .. أو المجاهدين {وإن كنت لست من طينة من يجاهد ضد بني جلدته} .. ، ففاجئني قائلاً : طيب نديك قطعـة في "جبل طورية ؟" .. قلت ليه : وين جبل طورية ده يا خوي ..؟ أنا في سهلة الله والرسول دي عندي رأي .. توديني جبل ..؟
وحاتك يا غاليـة لملمت أوراقي وقلت ليه "الله معاك" ..

أما وظنـك أن الأراضي في مروي تنتظر التعمير .. فهذه المقولة ظاهرها نعيم وباطنها جحيم .. فيا منال .. إنتو لو بتقدروا على الباعوضة وقرارات اللجان الشعبية (أو الشغبية) نحن ما بنقدر علي ده .. خصوصاً الباعوضة لأنو أنا بيتـم إبتزازي وتهديدي بالباعوضة بمناسبة وبدون مناسبة وعلى قارعـة الأسافير .. وكما أخبرني أحـد النـحاريـر مؤخراً بأن الباعوضة إنما هي أنواع .. منها سوخوي 32 ومنها B52 وهاتان تتواجدان في ضفاف النيل الأبيض .. وأخريات من التيبوليـف والمعـراخ وهي تستوطن القضارف إلى حدود كسلا الغربيـة .. ومن الأجيال المتطـورة ميراج 5 وفانتوم 18 والشبـح 4 وهـذه النوعيـة بعيد عن السامعيـن في الحتـة بالظبط العاوزانا نستصلحها .. بالتضامن مع قعـونج الضرائب و العشور و الكسـور .. وبعدها قد لا يسلم الأمر فقـد يشـن علينا الأهالي حملة دفتردارية وليس ببعيد عن آذاننا ما نادى به أحـد المناضلين من وجـوب تحـرير قرية ما في الشمالية من دنس الأعراب وبقـوة السلاح ، وأنا بصراحـة ما عارف إيه آخر أخبار دعـوته .. ؟ هل تم تجـنيـد الجندرمـة وجوب الإنضمام لمفاوضات الفرصة الأخيرة قبل ما تنتهي التنزيلات .. أم أنه إكتفى من الغنيـمة بالإياب.

للسـد يا منال أيضاً مثالبـه مع عـدم نكران فوائـده الأعـم .. وأقلها بجانب الإغراق الجائر للأراضي الخصبـة أنه يتحكـم في المهـدر من المياه والذي يلغفـه " أولاد بنـبـة" في شمال الوادي .. أما روايـة الإستصلاح فلكي في توشكي مثالاً وهاجاً في كيفيـة فشـل الفكرة والمفـكر ولهـف مليارات الشيـخ زايـد رحمـه الله. وتقولي ليّ إستصلح ..؟؟

المزارع النموذجية شيء جميل .. وكي تكتمل المنفعـة الحـدية من هكذا مشروع لا بد أن تتصل سبل التسويق والإيصال والترويج داخل إطار السعـر المنافس ... ، تعرفي يا منال قبل ستـة سنوات أو نحوهـن مررت بكسلا ودعيـت إلى مزرعـة بها الأنس خلابٌ ... وتذكرت جدك (توفيـق صالح جبريل) .. والقوارير صرعى .. ورأيـت منظراً دهـِشاً .. حياضاً من البنـدورة (وفي البيهقي الطماطم) قد حُصـد منتوجها وألقيّ على الحـواف مشاعاً لمن رغـب .. فسألت مضيفي صاحب المزرعـة عن سر هذا التصرف الغريب ... فقال لي .. يا أخي إن سعـر نقل هذه السلعـة إلى السوق أغلى من ثمنها .. وبالتالي لن يشتريها أحـد ... أرأيـت قهـراً أكثر من هذا ؟
... فأنا وأنت وسارح الآرام .. نحتاج إلى عوامل مساعدة كي نستطيع أن نسلك في هكـذا فلك .. أقلها أن يكفينا الله شر اللجان الشعبيـة ... والقائمين عليها .. ومن في الرقاب ..

أقعـدي بالعافيـة .. وإعتبري إنو العرضحال ده هـو طلبي لقطعـة أرض .. بعـد أن صارت هيئـة الأمم المتحدة مهمومة بظاهرة شراء الدول الغنيـة لأراضي الدول الفقيـرة وهـو الإستعمار الإقتصادي في جيـن مخـتلـف ..[/align]

الفاتح · 08-07-2009, 11:53 AM

التحية للجميع
وعذراً يا منال ما إنتبهت لمناشدتك حول رفع الصور..
المسألة ما صعبة ، لكن قبل ما تنزلي الصور إنتبهي لإنك مفترض تكوني حجًمتي الصور ، كيف ؟
1/في المحل الحافظا فيهو الصور أعملي right click على الصور
2/ open with
3/ بتجيك خيارات كتيره ، أسهلا microsoft office picture manager
أو HP photosmart premier
4/ خشي في واحد من الخيارات دي وأعملي resize

الكلام ده قبل ما تنزلي الصور..
للتنزيل .. الخطوات كالآتي :
1/ بتلقي فوق في icon مكتوب فيهو " تحميل ملفات " أنقري عليهو
2/ browse
3/ بعد ما تحملي الصورة : بيظهر link تحت الصورة مباشرة ، أعملي copy للنك دي ، وأرجعي لمنتدى الحوار ، ما تقفلي الصفحة
4/ في البوست الإنتي فاتحاهو : كشًفي في المربع الماسي ( ماسي حركة قدًام ) ، تحت نوع الخط ، جمب الآيكون بتاع الإنترنت بتلقي icon يشبة الشجره
5/ أضغطي عليهو ، بتلقي //Htpp أمسحيها ، وأعملي paste لل link الإتحصلتي عليهو من " تحميل الملفات"
6/ أضغطي أوكي
7/ سنتريها :خلي الصورة تتوسط الصفحة ، بالضغط على الأيقونة بتاعة التوسيط

ــــــــــــــــــــــــــــ
حأنزل ليك الصور الإتحصلت عليها ، وإذا غلبك تنزلي الباقي أنا حاضر.

مودتي

الفاتح · 08-07-2009, 11:56 AM

[align=center]

[/align]

الفاتح · 08-07-2009, 11:58 AM

[align=center]

[/align]

الفاتح · 08-07-2009, 12:00 PM

[align=center]

[/align]

05-07-2009, 06:19 AM	#[1]
منال :: كــاتب نشــط::	منال بين النيل و النخيل فى زيارة عمل لسد مروى و بعض المشاريع الزراعية فى ولاية نهر النيل ( امكى – العبيداب و عتمور) و ضمن فريق لجنة استخدامات الاراضى للقرن الافريقى – تم اختيارنا كشباب من السودان و ضم التيم خبراء بيئة - زراعة و تنمية و من التنمية كنت اتعامل مع الرحلة بمنظورى( الخاص و المهنى) . بدنا الزيارة بالشمالية و بعد الاجراءات المكتبية مع ادارة السدود تمت الموافقة و اطلقنا صوب سد مروى عبر طريق شريان الشمالية و هى الزيارة الاولى لموطن جذورى العرقية ... و عند المتلقى المتفرع استرحنا لمدة نصف الساعة و بدأ الناقش الاكاديمى و العلمى من نقطة الملتقى حيث مشاكل البيئة ( الزحف الصحروى – التغير المناخى – التربة ... الخ) و تواصل المسير الى ان لاحت فى الافق خضرة النخيل و جماله و حقيقى هنا انفصلت تماما عن التيم و انا أتامل الاراضى الشاسعة و النخيل المصطف فى تناسق عجيب و رائع الى ان تم اخطارنا بان نقطة النزول الاولى فى قرية حسين نارتى و دلنا فى اتجاه النيل ... يا للروعة و الجمال و سحر الطبيعة فى ارض النيل و النخيل و بدات الاسئلة تتقاذف الى ذهنى لماذا ترقد الشمالية الولاية الكبرى فى احضان النيل الذى يشقها و هو النيل العظيم المتوحد و المندمج بغليان و فورة الازرق – و روعة وداعة الابيض و الامتزاج الساحر كيف له ان اثر فى انسان الشمال ... دع عنك الخضرة و سحر الطبيعة يقنى ان ذلك ترك بصمته فى الانسان و شكل نفسياته و هبه كل الخواص الذى امتاز و تفرد بها سوف اواصل انشاغلى مع تقارير و اهداف الزيارة
منال :: كــاتب نشــط::

05-07-2009, 06:35 AM	#[2]
طارق صديق كانديك :: كــاتب نشــط::	الأنيقة منال صباح النخيل فرصة جميلة لشحن الروح والمتعة بالجمال هناك ... !! ننتظر بقية الرحلة ونتائجها .. !! تحياتي
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

05-07-2009, 03:50 PM	#[6]
قمر دورين :: كــاتب نشــط::	[align=center]منال كيفك.... تعرفي يا عزيزتي الخضرة والجمال في ربوع السودان هي كما قال الشاعر... روضّ كأن النهر فــيه معصم....صاف ٍأطل على رداء أخــضـرا واصلي يا منال.... مستمتعين مع سردك الجميل كلّ الود[/align]
قمر دورين :: كــاتب نشــط::

07-07-2009, 10:43 AM	#[10]
الأغبش :: كــاتب نشــط::	منال ...شوقتينا لزيارة الشمالية بالجد ..اتمني من كل قلبي أن تكون بذات الملامح بكل العيون .. (وما تطلع الحكاية عدسة نضيفه لا غير ) تعرفي ... صلتي بولاية نهر النيل من16 عام حيث درست وعملت بها ...ولم أتقدم شمالاً طوال هذه السنوات ... اكثر من مرة لاحت لي فرصة زيارة السد وما مشيت ..واحدة مع ناس الشغل حردناها لأنو فيها خيار وفقوس ..وواحده مع ناس الحله وبركة الما مشيت لأنو البص اتقلب بيهم والما مات اتكسر ... أو يمكن يكون السبب إني تخطيت جذوري شمالاً وانقطعت صلة الحنين الساقتك ...
الأغبش :: كــاتب نشــط::

07-07-2009, 03:38 PM	#[11]
مواطن :: كــاتب نشــط::	[align=justify] حأنتظر .. يمكن تفضل لينا حاجة .. أنا منتظر من 20 سنـة آملاً في توزيع أراضي المغتربين .. وبالرغم من صدور الكتيب من الشئون الهندسية آنئذٍ وإستحقاقي لقطعة أرض بالدرجة الأولى والسداد بالدولار ، إلا أن بائعي السودان قرروا دمج قوائـم المغتربين في خطة الإسكان العامة مسقطين كل حججهم الجبائيـة والترويجيـة وأتت النتيجة صاعقـة وغير متوقعـة ، فقـد أفردوا لي قطعة أرض في منطقة تسمى الخوجلاب ... إستيقظـت في ذاتي عندها النعرة البرجوازية ودخلت في نقاش حاد مع المسؤول في قسـم الأراضي قائلاً له أن كل المستندات التي لديك تثبـت أنني من مواطني الخرطوم 2 وهي بلا فخر مسقـط أولاد المصارين البيـض .. وما إغتربت سعياً لمرعى وإنما سعياً لشرعة .. وهاقد طـوحتم بي إطاحـة حضارية مقصّيـة دون أن تكون هناك مراحل تمهيديـة قبل هذه الطفرة .. بمعنى أن تنقلوني مثلاً إلى العمارات .. ومن ثم الطائف .. أو المجاهدين {وإن كنت لست من طينة من يجاهد ضد بني جلدته} .. ، ففاجئني قائلاً : طيب نديك قطعـة في "جبل طورية ؟" .. قلت ليه : وين جبل طورية ده يا خوي ..؟ أنا في سهلة الله والرسول دي عندي رأي .. توديني جبل ..؟ وحاتك يا غاليـة لملمت أوراقي وقلت ليه "الله معاك" .. أما وظنـك أن الأراضي في مروي تنتظر التعمير .. فهذه المقولة ظاهرها نعيم وباطنها جحيم .. فيا منال .. إنتو لو بتقدروا على الباعوضة وقرارات اللجان الشعبية (أو الشغبية) نحن ما بنقدر علي ده .. خصوصاً الباعوضة لأنو أنا بيتـم إبتزازي وتهديدي بالباعوضة بمناسبة وبدون مناسبة وعلى قارعـة الأسافير .. وكما أخبرني أحـد النـحاريـر مؤخراً بأن الباعوضة إنما هي أنواع .. منها سوخوي 32 ومنها B52 وهاتان تتواجدان في ضفاف النيل الأبيض .. وأخريات من التيبوليـف والمعـراخ وهي تستوطن القضارف إلى حدود كسلا الغربيـة .. ومن الأجيال المتطـورة ميراج 5 وفانتوم 18 والشبـح 4 وهـذه النوعيـة بعيد عن السامعيـن في الحتـة بالظبط العاوزانا نستصلحها .. بالتضامن مع قعـونج الضرائب و العشور و الكسـور .. وبعدها قد لا يسلم الأمر فقـد يشـن علينا الأهالي حملة دفتردارية وليس ببعيد عن آذاننا ما نادى به أحـد المناضلين من وجـوب تحـرير قرية ما في الشمالية من دنس الأعراب وبقـوة السلاح ، وأنا بصراحـة ما عارف إيه آخر أخبار دعـوته .. ؟ هل تم تجـنيـد الجندرمـة وجوب الإنضمام لمفاوضات الفرصة الأخيرة قبل ما تنتهي التنزيلات .. أم أنه إكتفى من الغنيـمة بالإياب. للسـد يا منال أيضاً مثالبـه مع عـدم نكران فوائـده الأعـم .. وأقلها بجانب الإغراق الجائر للأراضي الخصبـة أنه يتحكـم في المهـدر من المياه والذي يلغفـه " أولاد بنـبـة" في شمال الوادي .. أما روايـة الإستصلاح فلكي في توشكي مثالاً وهاجاً في كيفيـة فشـل الفكرة والمفـكر ولهـف مليارات الشيـخ زايـد رحمـه الله. وتقولي ليّ إستصلح ..؟؟ المزارع النموذجية شيء جميل .. وكي تكتمل المنفعـة الحـدية من هكذا مشروع لا بد أن تتصل سبل التسويق والإيصال والترويج داخل إطار السعـر المنافس ... ، تعرفي يا منال قبل ستـة سنوات أو نحوهـن مررت بكسلا ودعيـت إلى مزرعـة بها الأنس خلابٌ ... وتذكرت جدك (توفيـق صالح جبريل) .. والقوارير صرعى .. ورأيـت منظراً دهـِشاً .. حياضاً من البنـدورة (وفي البيهقي الطماطم) قد حُصـد منتوجها وألقيّ على الحـواف مشاعاً لمن رغـب .. فسألت مضيفي صاحب المزرعـة عن سر هذا التصرف الغريب ... فقال لي .. يا أخي إن سعـر نقل هذه السلعـة إلى السوق أغلى من ثمنها .. وبالتالي لن يشتريها أحـد ... أرأيـت قهـراً أكثر من هذا ؟ ... فأنا وأنت وسارح الآرام .. نحتاج إلى عوامل مساعدة كي نستطيع أن نسلك في هكـذا فلك .. أقلها أن يكفينا الله شر اللجان الشعبيـة ... والقائمين عليها .. ومن في الرقاب .. أقعـدي بالعافيـة .. وإعتبري إنو العرضحال ده هـو طلبي لقطعـة أرض .. بعـد أن صارت هيئـة الأمم المتحدة مهمومة بظاهرة شراء الدول الغنيـة لأراضي الدول الفقيـرة وهـو الإستعمار الإقتصادي في جيـن مخـتلـف ..[/align]
مواطن :: كــاتب نشــط::	التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align]

08-07-2009, 11:53 AM	#[12]
الفاتح :: كــاتب نشــط::	التحية للجميع وعذراً يا منال ما إنتبهت لمناشدتك حول رفع الصور.. المسألة ما صعبة ، لكن قبل ما تنزلي الصور إنتبهي لإنك مفترض تكوني حجًمتي الصور ، كيف ؟ 1/في المحل الحافظا فيهو الصور أعملي right click على الصور 2/ open with 3/ بتجيك خيارات كتيره ، أسهلا microsoft office picture manager أو HP photosmart premier 4/ خشي في واحد من الخيارات دي وأعملي resize الكلام ده قبل ما تنزلي الصور.. للتنزيل .. الخطوات كالآتي : 1/ بتلقي فوق في icon مكتوب فيهو " تحميل ملفات " أنقري عليهو 2/ browse 3/ بعد ما تحملي الصورة : بيظهر link تحت الصورة مباشرة ، أعملي copy للنك دي ، وأرجعي لمنتدى الحوار ، ما تقفلي الصفحة 4/ في البوست الإنتي فاتحاهو : كشًفي في المربع الماسي ( ماسي حركة قدًام ) ، تحت نوع الخط ، جمب الآيكون بتاع الإنترنت بتلقي icon يشبة الشجره 5/ أضغطي عليهو ، بتلقي //Htpp أمسحيها ، وأعملي paste لل link الإتحصلتي عليهو من " تحميل الملفات" 6/ أضغطي أوكي 7/ سنتريها :خلي الصورة تتوسط الصفحة ، بالضغط على الأيقونة بتاعة التوسيط ــــــــــــــــــــــــــــ حأنزل ليك الصور الإتحصلت عليها ، وإذا غلبك تنزلي الباقي أنا حاضر. مودتي
الفاتح :: كــاتب نشــط::

08-07-2009, 11:56 AM	#[13]
الفاتح :: كــاتب نشــط::	[align=center][/align]
الفاتح :: كــاتب نشــط::

08-07-2009, 11:58 AM	#[14]
الفاتح :: كــاتب نشــط::	[align=center][/align]
الفاتح :: كــاتب نشــط::

08-07-2009, 12:00 PM	#[15]
الفاتح :: كــاتب نشــط::	[align=center][/align]
الفاتح :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري