منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار صدق أو لا تصدق!.. أبو أماني بالفضائية السودانية! اسم العضو حفظ البيانات؟ كلمة المرور التعليمـــات مركز رفع الملفات البحث مشاركات اليوم اجعل كافة الأقسام مقروءة صفحة 7 من 13 « First < 6 7 8 > Last » أدوات الموضوع انواع عرض الموضوع 11-08-2009, 10:42 AM #[91] مواطن :: كــاتب نشــط:: اقتباس: اقتباس: المشاركة الأصلية كتبت بواسطة أبو أماني وكمان بكل براءة تسألني بجيبها من وين ..وإنتو أسيادها يا توحة يا ملك السمسمية يا الكلك ذوق وظرف وشفافيه .. يا أخي أنا والله وسطكم (عنقالي) وسط أفنديه .. تسلم يا رفيع المقام .. ولك من الحب اطنان .. وشوق بحجم سد مروي .. تشاوووو الحبيب مأمون .. أطنان دي إلا بالنوق والجمال والقعود والظعن وأمامهم حادي .. وألله يكفيكم شر الهجانة .. الزول ده بيكون داير 2 جرام عيار 24 علماً بأن أسنانه لا تساعد على هرس الفولية وحلاوة حمـص .. بعدين الشوق لفتحي ياخي ما أقل من السد العالي .. أو عوض جولط على الأقل .. لك التحية التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align] مواطن مشاهدة ملفه الشخصي إرسال رسالة خاصة إلى مواطن البحث عن المشاركات التي كتبها مواطن 11-08-2009, 10:48 AM #[92] مواطن :: كــاتب نشــط:: اقتباس: اقتباس: المشاركة الأصلية كتبت بواسطة wadosman [color=#00008B][align=center]اديتونا السهر...نطالب بتعويض كامل [mark=FFFF00]و نحول الملف لامال لاجراء اللازم....[/[/mark]color] هاشم يا اخوى... انا بديت اصدق كل الكلااام القلتو فى صاحبك دا...[/align] آي لكـن باآآآآآآآلغــت يا ود عثمان .. تحــول الملــف لآمال .. آمال دي دايرة تشـتكـيني أنا .. الضحيـة .. وأعلنتنـي متهما حتى تثبـت براءتي .. ياتو ملف العاوز تحولو ليها .. نحـن حسـع لينا تلاثـة أيام بلياليها في مداولات ماكوكيـة .. أوع تكـون بتقرأ من الشمال لليميــن ... التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align] مواطن مشاهدة ملفه الشخصي إرسال رسالة خاصة إلى مواطن البحث عن المشاركات التي كتبها مواطن 11-08-2009, 10:52 AM #[93] أبو أماني :: كــاتب نشــط:: عليكم الله يا اولاد أمي .. نقول شنو في جنس ده؟ اقتباس: المشاركة الأصلية كتبت بواسطة هاشم طـه العزيز أحمد زين .. سيـد الدائرة 31 أمدرمان .. كيفك يا راجل يا ثورة .. ؟ أما ترى إنك قد كنـت عنيفاً نوعاً ما مع "أبو رامي" .. الرجل قدم السهرة المطلوبة .. وإن كنت ساهرت فهذا هو مرامـه .. ومقصـده .. ومنتهاه .. أخطأ في (أو لم يخبره المخرج) أن السهرة في القناة التجريبيـة وبالتالي .. خب القوم نحو القناة العامة والتي كان يحتلها البشير بمعاونة بعض المداح .. عموماً دعوناه إلى تقديم تسجيل لنشاهده أجمعين ، أو إخبارنا بموعد الإعادة لأنه عادة ما تلجأ القنوات التجريبيـة لتكرار برامجها. لك كل ودي الإقتباس من هاشم والرد على الحبيب تكعيب بوكو : والله يا بابكر يا أخوي عارفك بتعز زولك ده زي ناس بيتك وشايلو في عيونك الإثنين .. عشان كده أستحلفك بالله .. تشوف ليك علاج للحالة الماري بيها اليومين ديل .. يا أخي الزعلة من الدقيسة اللتي .. داخلة عليو دخلتن شينة بلحيل .. وإت عارفك قلبك رهيف وما بتتحمل فيو قرصة النملة .. هو بيني وبينك للشئ الشايفو إتا ده .. دحين النملة كان قرصتو بتقيف تاني؟! ما بتشتغل فوقو عضعيض للصباح .. بس معقول تلقى الدم الخفيف البينقط عسل تخليه؟؟ أسع باقي لك كان راقدين هاشم طه وفيصل سعد في سجادة فوق الواطا والنملة جات تفتكر بتقرص منو؟ وزولك ينكرش متل عادل عسوم لما تقبضه (هيفاء) بيتونس مع همس الشوق! قال تجريبية .. ومرة يقول ماعنده قمبور .. وأنا يا يابا عبر السنين يجي تلاتين قمبور .. شئ قنابير .. ومرات يقول يا ناس الحلة هوووي الزين كضاب .. ومن زمان بعمل فوقي مقالب .. و.. وو وده كله ما بيحلك .. يا أخوي مش لو تضامن معاك ودعثمان والله لو كسبت أصوات ناس الخال ظاطو .. برضي قاضي عليك بالقاضية .. هيييع أنا أبوك يا ... المرة دي نكاية فوقك يا هشومي .. بقول أنا أبو يا ناجي .. ورررررووورررروووك يا ناس الفريق .. الزين مكتول في سودانيات ... تشاووووو التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون أبو أماني مشاهدة ملفه الشخصي إرسال رسالة خاصة إلى أبو أماني البحث عن المشاركات التي كتبها أبو أماني 11-08-2009, 12:11 PM #[94] مواطن :: كــاتب نشــط:: [align=justify]إلى ود عثــمان .. [align=center].EXCLUSIVELY[/align] مـطلــوب وبصــفـة عاجلـــة أغنـــيـة { قضيــنا ليلـــة ساهــرة } ، وأهـديها إلى الأخ مأمـون و الوضيء عســوم وكل المصطفــين مـع "أبو رامي" بحـومة الدراج .. ســريــع بالله .. مع تحيات أفــلام ســتوديــو ناصبيان .. شفــت النصــب الأصيل ..[/align] التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align] مواطن مشاهدة ملفه الشخصي إرسال رسالة خاصة إلى مواطن البحث عن المشاركات التي كتبها مواطن 11-08-2009, 12:52 PM #[95] عادل عسوم :: كــاتب نشــط:: اقتباس: المشاركة الأصلية كتبت بواسطة أبو أماني الإقتباس من هاشم والرد على الحبيب تكعيب بوكو : والله يا بابكر يا أخوي عارفك بتعز زولك ده زي ناس بيتك وشايلو في عيونك الإثنين .. عشان كده أستحلفك بالله .. تشوف ليك علاج للحالة الماري بيها اليومين ديل .. يا أخي الزعلة من الدقيسة اللتي .. داخلة عليو دخلتن شينة بلحيل .. وإت عارفك قلبك رهيف وما بتتحمل فيو قرصة النملة .. هو بيني وبينك للشئ الشايفو إتا ده .. دحين النملة كان قرصتو بتقيف تاني؟! ما بتشتغل فوقو عضعيض للصباح .. بس معقول تلقى الدم الخفيف البينقط عسل تخليه؟؟ أسع باقي لك كان راقدين هاشم طه وفيصل سعد في سجادة فوق الواطا والنملة جات تفتكر بتقرص منو؟ وزولك ينكرش متل عادل عسوم لما تقبضه (هيفاء) بيتونس مع همس الشوق! قال تجريبية .. ومرة يقول ماعنده قمبور .. وأنا يا يابا عبر السنين يجي تلاتين قمبور .. شئ قنابير .. ومرات يقول يا ناس الحلة هوووي الزين كضاب .. ومن زمان بعمل فوقي مقالب .. و.. وو وده كله ما بيحلك .. يا أخوي مش لو تضامن معاك ودعثمان والله لو كسبت أصوات ناس الخال ظاطو .. برضي قاضي عليك بالقاضية .. هيييع أنا أبوك يا ... المرة دي نكاية فوقك يا هشومي .. بقول أنا أبو يا ناجي .. ورررررووورررروووك يا ناس الفريق .. الزين مكتول في سودانيات ... تشاووووو يقبضك البوليس...عشان يعديك من الزحمة بالله ياجماعة زول زي دة يقيفوا معاو يازول تاني ماعندك بي شغلة ولو قبضتني ام هلا هلا زاتا وتعرف لو ما جبت سيرة همس الشوق دي وبردت علي كنت عاوز أفرتك الحلف وأقول لي الناس الزول دة لاعندو برنامج ولا شيتين لكن قلنا نديك مهيلة وتراهو رمضان ماهو بعيد التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده) عادل عسوم مشاهدة ملفه الشخصي إرسال رسالة خاصة إلى عادل عسوم البحث عن المشاركات التي كتبها عادل عسوم 11-08-2009, 02:10 PM #[96] wadosman :: كــاتب نشــط:: اقتباس: المشاركة الأصلية كتبت بواسطة هاشم طـه [align=justify]إلى ود عثــمان .. [align=center].EXCLUSIVELY[/align] مـطلــوب وبصــفـة عاجلـــة أغنـــيـة { قضيــنا ليلـــة ساهــرة } ، وأهـديها إلى الأخ مأمـون و الوضيء عســوم وكل المصطفــين مـع "أبو رامي" بحـومة الدراج .. ســريــع بالله .. مع تحيات أفــلام ســتوديــو ناصبيان .. شفــت النصــب الأصيل ..[/align] [align=center] و استجاابه لطلب الحبيب هااشم الاغنية هنا و يا جماعة مافى زول يجينا براااهو...و باب الاهداءات مفتوح طبعا بعد التصديق من اخونا هااشم... و ما انسى برضو بناطلين ما معانا... [media]http://sudaniyat.net/wadosman/uploading/lila_sahra.wma[/media][/align] wadosman مشاهدة ملفه الشخصي إرسال رسالة خاصة إلى wadosman البحث عن المشاركات التي كتبها wadosman 11-08-2009, 07:07 PM #[97] مواطن :: كــاتب نشــط:: تشـكراتي المتزايدة يا باشمهـندس ... حقاً تضمنـت محاسن من كل روضة عيـنة ومـن كل عيـنـة زهرة ويا لها من سهــرة ... التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align] مواطن مشاهدة ملفه الشخصي إرسال رسالة خاصة إلى مواطن البحث عن المشاركات التي كتبها مواطن 12-08-2009, 09:43 AM #[98] منال :: كــاتب نشــط:: يا جماعة كنت و ين ما بعرف !!! فاتتنى حاجات كتييييييييييييييرة اها عاد .. اصلى ليكى فى حياتى و ربنا مكرمنى بانى بلاقى الناس الرائعين ... امس اكثر من اربعة ساعات مع الوجيه ابو امانى ... لايف شنو سهرة يا ناس ... اول من جاااى على ابتسامة زول و سيم و فى العشرينيات ... القامة تبارك الله ... اللون و السماحة ... و العجب الطيبة و الاخلاق اقعدو ساااااااااااى ... قاشر قشرة هى تدى روحو العجب ... اها معاهو زول يبدو طولى من الاى دى المعلقة انو موظف ... طوالى دخلت توووووش كعادتى ... الزول فردة ... و سلام و عرفنى بالمعاهو ... و مشيتنا و معانا الزين احمد ( الوسيم بى البلو ... يخلو ليهو ولد ده ... دكترا ) و قلنا كده دخلنا غاليرى الجميلة أمانى الفنانة التشكيلية و توهت فى اللوحات شى ما نحت على الخشب ... يا الله هوى عاد اكان شوفتو الكاركتيرات العملتا دايرة حلقات و كتابات ... و مشغولة بالتحضير للمعرض امانيتنا ليها بالتوفيق البنية شبه ابوها فى الروح خفة دم و ظرافة و لاطفة اخخخخخخخخخ انا من الجمال لمن يكون مركز جوا فنان حقيقى ( يبكى و يبشتن) اها ابو أمانى من اول نظرة خطبنى .... و بعد ساعات قال هو خطبنى للموظف القلتو قبيل داك ( طلع ابنو ) شفتو طلعتا بعرسين كمان و بحضور شهود كمان بس اتلفتنا للماذون ما لاقينا يا هاشم غايتو فارق درب التلفزيون و السهرة اتاجلت شكلها بتجيك على حلقات فى رمضان ... و صاحبك لكن ما عالم تانى ... حكاية ما تخلص نبدأ و نرجع و بمتابعة شيقة .. و التمتمة عجبتنى بشكل ابو أمانى كفاك ع البشرية دى و اكشف النقاب و نزل الصورة الوريتنى ليها ... خلى الجكس يتكسر و يفرش هنا احمد الزين زول ديسنت و حكاى مباااااااالغة ... و ذوق فى الغنا ( ود عثمان فى منافس خترى) اها فردتى التانى الوضئ عادل عسوم ونسة جميلة ... و نتمها بالشوفة ... اما سرور غايتو ربنا ليهو حكمة سرور كرومة ماتوا قبال يشوفوك ... و يسمعوك ... اكان حقيبة الفن بقت كارجو ... سرور يا حبيبة فرحانة بيك ... و كل الكلام الدايرة اقولو طفش اسوى شنو القيك و اشبع منك يا حبة خارج النص ابو أمانى وراك وراك ... و تانى شنو .... شنو منال مشاهدة ملفه الشخصي إرسال رسالة خاصة إلى منال البحث عن المشاركات التي كتبها منال 12-08-2009, 10:22 AM #[99] أبو أماني :: كــاتب نشــط:: كلام يخلو من أي مجاملة .. والله ! لقاء أمس جمع تجسيدا بين شخصي الضعيف والرائعة منال والحبيب الغالي أبو مازن..وختمنا بلقاء الدرة في عقر دارها .. سارة .. وأثيريا بهذا النفر الكريم والوجيه الوضئ عادل عسوم ذاك البشر الذي يرفرف بأجنحة الملائكة .. غاب عن جلسة متوقع حضوره فيها الأساتذه .. عبد الجليل وأمير شعراني .. وزوجة العزيز خالد وبعض زهرات سودانيات لظروف لم تشاء لنا البهجة المكتملة تلك الأمسية .. عن منال بقول لكم .. رقيقة كورقة وردة تفتحت أكمامها قبيل لحظات .. يفوح من براعمها أريج يضمخ الأنوف .. جميلة جمالا تكذب إن قلت إنك تسبر غوره أو تلمحه من أول لحظة ..ذكية للحد الذي يجعل المتحدث معها يتحسس أذنيه ليستوثق من عبور الحديث العذب عبر صيوانهما رائعة روعة الجروف في بلدي الحبيب .. في العشرينات ويبدو إنها قبيل منتصفها بقليل .. في عينيها ملامح عزم وإصرار ..واثقة جريئة في حدود تعرفها هي لبقة الحديث .. لها بسمة رائعة للكوتاش! جعلتني أفكر فيما قالته عن خطوبتي لها .. ولكني تذكرت تعليمات الطبيب بالبعد عن الحلويات .. فتمنيتها خطيبة لإبني مثلما تمنيت.. سارة جدة له.. سارة.. هووووي والله العظيم بهظر ساكت .. عارفك دمك حار وساكنك أبو الدقيق .. والله هظار .. الوجيه الأريب : أحمد محمد زين (أبو مازن) :- ده كمان يا أخوانا والله العظيم نسيج براهو .. وأثق بأن كل حسناء تلاقيه وتتحدث معه تتحسر عندما تلمح الدبلة في إصبع يده اليسرى.. ولسان حالها يقول .. أوووه .. تووووو لييييييت ! شاب رقيق ظريف حلو القسمات والتقاطيع مربوع القامة عريض المنكعين شلولخ.. دمه خفيف وتعليقاته تفور الدم خصوصا لما يناديني ببراءة الأطفال ..ويقول لي يا..خال..يخلخل ضروسك أ.. يابا .. له زوجة لا تقل عنه ظرفا حسب قوله فلم نلتقي وطفلين مازن وملاذ .. ويبدو أن الأخيرة هذه هي نقطة ضعفة ومفتاح السويتش عند المدام .. يعني البيت زي صينية الصيني .. والمتبخ يصفقوا ليو ويرقص براهو .. والفضل كله راجع لود الزين .. تلميذ عادل عسوم! إتو لاحظتوا ضرتي دي حاشرة في كل مشاركة ؟؟ والله العظيم ريدة .. لكين الخواجة داك أصبروا ليو .. أأأأي هاشم في غيره ؟؟ الحديث عن أحمد أبومازن .. يفسد الحقيقة فلن يوفيها حقها عليه أرجو أن يسعدكم الكريم فتلاقوه فيس تووو فيس ... نجي لسارة .. سرورة .. أمينة العهد والكلمة .. وحديثي عنها منفصلا فهي إيكسيبيشينال كيس! إنشاء الله تصدق الكلمة دي وتكون طلعت صاح في موقعها .. إلى اللقاء عاجلا مع سارة .. وتشاااااووووو التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون أبو أماني مشاهدة ملفه الشخصي إرسال رسالة خاصة إلى أبو أماني البحث عن المشاركات التي كتبها أبو أماني 12-08-2009, 01:53 PM #[100] أبو أماني :: كــاتب نشــط:: عن فردتي .. سرورة بقول لكم ...!!! أولا في التبادي بعتذر لكل رواد ومنتسبي سودانيات إن كنت أثقلت على بعضهم أو تحاملت على بعضهم الآخر أو فرضت نفسي على بريدهم الخاص بحكم إحساسي بقربهم إلى نفسي..كما أرجو ممن لا يميلون (للخفة والطيارة) أو كما وصمتني بها حبوبتي رحمها الله قبل نصف قرن من الزمن أن لايحملوا على شخصي الضعيف إصرا فأنا وكما يعلم رب الكون أحب دوما أن أكون نسمة خفيفة تزيل عن الجباه السمر خارج الوطن أية تقطيبة أو شعور بالوحدة أو الهوم سيك... أحب دائما أن أخفي الوجه العابس الكيئب المتفاعل مع أحداث ومنغصات هذا الوطن المظلوم وأن أظهر بصورة عبثية .. تميل نحو الضحكة والبسمة والسخرية المحببة التي تعيد البسمة الهاربة إلى شفاه .. تكظم غيظ السنين .. من أجل كل مغترب ..أو مهاجر رغم أنفه والظروف يستوحش أن يصحى الصباح ويسمع عبر سور الحوش في الشارع صوت الباعة .. فتارة يسمع صوتا ينادي قائلا .. أجلد العناقريب .. أنسج الكراسي (الخيزران) اسلك المراتب .. وآخر يقول .. كب كبيق .. تورمس .. وآخر متفلسف يركب بوكس هايلوكس ويمسك الميكرفون .. يبشر به عباد الرحمن الغلابى بأنه يحمل لهم العلاج الجذري لسياسة تحرير الأسعار ويعرض عليهم وبأرخص الأثمان .. الجرجير .. العجور .. الطماطم .. الخدار .. الموز الكيلو جنيه بس .. ثم يعقبه (ديامي) يجر أمامه عربة مهندزة .. ويحمل بوقا محبب لكل أطفال الأحياء الشعبية .. يبيع الدندرمة .. من أجل كل هؤلاء .. ومن أجل كسر حاجز الملل على طريقة (ميلودي أفلام)! .. سعينا أنا والعزيزة سارة .. للحديث عن توبها الذي قرضتو الغنماية ومفراكة أم أماني التي تلازم رأسي أكتر من حلة المفروكة !.. على ذكر المفراكة أقطع حديثي معكم .. لأداء فريضة .. تجهيز المطبخ قبل الأروبة الأرشانة تجي من الجيران .. بالكأس باقي فاصل .. ونواصل ... تشاااااووو مؤقتا .. والى لقاء قريب .. كنت أظن نفسي متفردا في هذا المجال إلى أن وجدت الحوار الغلب شيخو .. التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون أبو أماني مشاهدة ملفه الشخصي إرسال رسالة خاصة إلى أبو أماني البحث عن المشاركات التي كتبها أبو أماني 12-08-2009, 05:30 PM #[101] أبو أماني :: كــاتب نشــط:: ورجعنا ليكم .. يعني أنا أقل من MBC بي شنو؟ من أجل كل هؤلاء المغتربين الذين يموتون شوقا كل يوم لشراب موية من سبيل في زيرين واحد منهما فااااضي والتاني في قعروا عقاب موية سااااقطة تحت شدرة نيم ضليلة قدام بيت بابو وعمدانو بالحديد والخراسانة وباقي الحيطان بالجالوص ومغطياهم طبقة سميكة من الزبالة .. وصاحب البيت واقف قدام الباب مغزز كيعانو .. ينظر للشاربين من السبيل بكل إستعلاء كانه الذي يقبع خلفه من أملاك .. هو عمارة الفيحاء .. بكتب بكل أريحية وبكل سخرية ولو من نفسي لكي أرسم البسمة العابرة أو الضحكة العامرة على شفاه ناس .. عاشرتهم دون أن أجالسهم أو الامسهم .. وعشت معاناة الغربة مثلهم عشرات السنين فأستغلوا نقطة ضعفي هذه دون أن يدروا وتسربوا عبر كل مساماتي ليسكنوا في السويداء ومسارب الروح .. عشانكم .. ياحلوين .. بنتحمل نقة المراة كل يوم ونقعد بالساعات في سودانيات .. للتواصل فما بالكم لما أسمع من عزيز زي ود الزين أبو مازن كده .. وملكة الروعة منال أنو العزيزة الغالية سارة جات السودان في زيارة طارئة لعلاج والدتها ؟.. وطبعا سرورة ما بتخلي الفنطازية حقتها العارفنها ديك .. وعندها جدول زمني مليان ومزنوق لآخرو زي قفة الدلالية .. ومن قولت تيت قالت لينا بالتفلون .. الأربعاء ستة صباحا المطار .. تقول لي قونقوليزا رايز ؟؟ وحاتكم يا غالين أنا وأبو مازن نتجارى وتلفوناتنا تتخابت ومنال شدت الشوق لشوفة سارة مو زانقاها حتى لونها بقى أزرق (وأنا ما ناقش.. كل مرة أقول لها منال عاوزه الحمام)؟ وبتي أماني البكلمها بسارة وعامل ليها طفشانة سارة قالت وسارة عملت .. سمعت بيها جات قالت ألف سيف ورأس أبوها (يمة راسها بريييية) عيلا تشوف سرورة اللحست مخ أبوها دي.. واتلمينا بصعوبة .. ومشينا لأماني بتي في الداهي الليلا البقولوا لو القالري ده .. وخاته فوقه الأصناب بتاعتها ديل.. عاد يا بنات الزمن ده؟ منال دخلت القاليري وشهقت ليك شهقة .. والحكمة وقفت ليها قدام تمثال جنوبي نخرتو أكبر من مقلب هاشم طه..وحاة نظري كان وقفت قدام شليل ما أقيف قدامو! .. وأماني داخلة مارقة زي أم العروس .. لما جو كابسوها ناس الفنون المجانين ديل .. وقعدوا يرطنو .. قمنا قنعنا منها خليناها على أمل أن تلاقي سارة بكرة.. وتوجهنا نحو الفارهة والفارهة دي سيارة الحبيب أبو مازن .. ويا أم درمان جاك بلا ... أحبتي .. أصارحكم القول .. كنت حتى قبيل فترة وجيزة .. كنت أظن بأنني أهدر وقتا ثمينا من حياتي بالساعات أطوف عبر الشبكة العنكبوتية وأركلس في سودانيات الساعات الطوال فوق الفارغة ومقدودة .. وإني زول هايف ساكت .. إلى أن جاء يوم أمس .. وكانت أول مرة نلتقي فيها مع العزيزة سارة .. كانت سارة وهذا هو النيكنيم .. إسما على مسمى بل أسما يحمل بين طياته شفرة هوية حامله فقد كانت :- س : سيدة بمعنى الكلمة ..وآنسة شكلا ومضمونا ..وسفيرة لكل النوايا الحسنة تجاه كل بنات حواء أما الرجال فلا..بإستثناء زوجها حسب ظني!!. أ : أمينة (وهذا إسمها الحقيقي) وصادقة مع نفسها والآخرين .. وتحمل لسانا يشابه الفوتو كوبي ماشين .. يعكس كل ما يعتمل بالقلب .. ر : رائعة حد الدهشة .. فيقولون عن نساء المرأة المثالية .. والمرأة النموذح والحديده وأقول عن سارة .. المرأة الشاملة .. هـ : هادية كسطح محيط .. وفي ذات الوقت هادرة كباطنه .. إستقبلتنا بحفاوة أهل السودان الشهيرة .. هاشة باشة عند عتبة السلم المؤدية لباب الشقة المفتوح المصراعين .. وشدما أعجبني بل أدهشني تماسكها في مواجهة (الصعاب)! فقد أخفت بنجاح باهر معالم الإحباط وخيبة الأمل الدفينة عندما شاهدت أبو أماني .. وبمهارة فائقة أفلحت في زرع إبتسامة عريضة عذبة وأستقبلتني بترحاب شديد كما لو كنا أصدقاء طفولة .. بحيث جعلتني أفكر ثانية وعلى طريقة (أشعب) وأقول في نفسي .. يا أخوانا يمكن أنا فعلا سمح .. لاكين ما شاعر بروحي ساااكت ! وأقولها وبكل أمانة وعلى ضوء كلام سارة معي وإطنابها في شخصي ونظرات إعجابها لي.. وإشعاري بأنني فلتة من فلتات الطبيعة لن تتكرر ثانية .. قضيت عند عودتي البيت ذهاء الساعتين أمام المرآة .. أنظر إليها بتروي من كل ناحية وبروفيل .. بحثا عن ذلك الشئ الذي أقنع سارة بسماحتي ولم أكتشفه أنا حتى الآن .. ولكن هيهــــات؟!!! فقد أيقظ (ظلوط) من أحلامه الوردية هذي .. صوت أم أماني وهي تستيقظ من نومها فجاءة وتنقنق كعادتها التي استمرت طوال كم وتلاتين سنة .. حرام عليكن يا أخ التابيدة 25 سنة بس وكانت تقول كلام يسم البدن .. كلام سارة وين ..وكلام أم أماني وين؟ .. إت يا راجل ها .. جنيت ولا شنو؟ الساعة إتنين ونص صباحا ماسك ليك مراية تبحلق فيها .. قائل روحك نوال الزغبي ولا شنو ؟ عليك الله خلي البتسوي فيو ده أطفي اللمبة وأطلع نوم ليك ساعة..اللللله!.. عمره الحلو ما يكمل .. حضنت هدية آخر الليل من شريكة (بلاي)! ومعها إحباطي وطفيت شمعة سرور أضاءتها سرورة في داخلي ومعها لمبة العوضة .. واتندلت نمت .. الغريبة قدر ما حاولت انوم ما قدرت .. شيويتين كدي .. وفي الضلمة ديك .. يتخييل لي .. المرأة الراقدة جمبي دي قع تتنفخ .. وكمان لابسه ليها قميص وردي اللون زي حق فلانة العرستها لي سارة قبال يجي شهر كدي .. وانط زي المجنون واقعد على حيلي واولع الموبايل .. الحكاية دي حصلت يجي تلاتة مرات .. قدر ما حاولت أقرأ أية الكرسي .. ما جمعت معاي .. وقلبي بقى زي الورتابة .. لحدي ما ربكم رب الخير .. فتح على بالكوثر .. والمعوذتين حتي ياااادوبك عيني غمدت .. سارة .. أحـترامي إليك .. تشاووو التعديل الأخير تم بواسطة مواطن ; 12-08-2009 الساعة 07:30 PM. التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون أبو أماني مشاهدة ملفه الشخصي إرسال رسالة خاصة إلى أبو أماني البحث عن المشاركات التي كتبها أبو أماني 12-08-2009, 07:28 PM #[102] بابكر مخير :: كــاتب نشــط:: اقتباس: المشاركة الأصلية كتبت بواسطة أبو أماني أ : وتحمل لسانا يشابه الفوتو كوبي ماشين .. يعكس كل ما يعتمل بالقلب .. أبو أماني طبعن ما راجل صاحب اصول وود بلد بالجد،، شوف يعني بيقولو الشكرك قدامك...... آها قام وصف سرو وهو ظنيتو كان في سروو التلكس مشين ولا شنو يا أخوانا وفي أخوانا سيد التدقيسة اقتباس: المشاركة الأصلية كتبت بواسطة أبو أماني أ : أمينة (وهذا إسمها الحقيقي) واخد بالك يا هشومي،، صاحبك داسي إسمو حول، حسي فكآ ليك أخر سرو في لقاء واحد،، قال كيف ؟؟ مامون.. إسمك مامون عليهو يا سرو والله لا خباثة ولا حاجة بس قول حقيقة وحرقااني بابكر مخير مشاهدة ملفه الشخصي إرسال رسالة خاصة إلى بابكر مخير زيارة موقع بابكر مخير المفضل البحث عن المشاركات التي كتبها بابكر مخير 12-08-2009, 07:36 PM #[103] مرافي :: كــاتب نشــط:: اقتباس: المشاركة الأصلية كتبت بواسطة هاشم طـه تشـكراتي المتزايدة يا باشمهـندس ... حقاً تضمنـت محاسن من كل روضة عيـنة ومـن كل عيـنـة زهرة ويا لها من سهــرة ... والله يا استاذ هاشم. .سؤال بريء.. وعلى حسب رؤيتك..الثاقبة وبدون زعل..يا ..نقول يا منو يا ابو..اماني ولا رامي ولا..ولا ارحم لينا السهرة ولا الشرة.. وكلك فهم!!! التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame] مرافي مشاهدة ملفه الشخصي إرسال رسالة خاصة إلى مرافي البحث عن المشاركات التي كتبها مرافي 12-08-2009, 07:51 PM #[104] مرافي :: كــاتب نشــط:: اقتباس: المشاركة الأصلية كتبت بواسطة أبو أماني من أجل كل هؤلاء المغتربين الذين يموتون شوقا كل يوم لشراب موية من سبيل في زيرين واحد منهما فااااضي والتاني في قعروا عقاب موية سااااقطة تحت شدرة نيم ضليلة قدام بيت بابو وعمدانو بالحديد والخراسانة وباقي الحيطان بالجالوص ومغطياهم طبقة سميكة من الزبالة .. وصاحب البيت واقف قدام الباب مغزز كيعانو .. ينظر للشاربين من السبيل بكل إستعلاء كانه الذي يقبع خلفه من أملاك .. هو عمارة الفيحاء .. بكتب بكل أريحية وبكل سخرية ولو من نفسي لكي أرسم البسمة العابرة أو الضحكة العامرة على شفاه ناس .. عاشرتهم دون أن أجالسهم أو الامسهم .. وعشت معاناة الغربة مثلهم عشرات السنين فأستغلوا نقطة ضعفي هذه دون أن يدروا وتسربوا عبر كل مساماتي ليسكنوا في السويداء ومسارب الروح .. عشانكم .. ياحلوين .. بنتحمل نقة المراة كل يوم ونقعد بالساعات في سودانيات .. للتواصل فما بالكم لما أسمع من عزيز زي ود الزين أبو مازن كده .. وملكة الروعة منال أنو العزيزة الغالية سارة جات السودان في زيارة طارئة لعلاج والدتها ؟.. وطبعا سرورة ما بتخلي الفنطازية حقتها العارفنها ديك .. وعندها جدول زمني مليان ومزنوق لآخرو زي قفة الدلالية .. ومن قولت تيت قالت لينا بالتفلون .. الأربعاء ستة صباحا المطار .. تقول لي قونقوليزا رايز ؟؟ وحاتكم يا غالين أنا وأبو مازن نتجارى وتلفوناتنا تتخابت ومنال شدت الشوق لشوفة سارة مو زانقاها حتى لونها بقى أزرق (وأنا ما ناقش.. كل مرة أقول لها منال عاوزه الحمام)؟ وبتي أماني البكلمها بسارة وعامل ليها طفشانة سارة قالت وسارة عملت .. سمعت بيها جات قالت ألف سيف ورأس أبوها (يمة راسها بريييية) عيلا تشوف سرورة اللحست مخ أبوها دي.. واتلمينا بصعوبة .. ومشينا لأماني بتي في الداهي الليلا البقولوا لو القالري ده .. وخاته فوقه الأصناب بتاعتها ديل.. عاد يا بنات الزمن ده؟ منال دخلت القاليري وشهقت ليك شهقة .. والحكمة وقفت ليها قدام تمثال جنوبي نخرتو أكبر من مقلب هاشم طه..وحاة نظري كان وقفت قدام شليل ما أقيف قدامو! .. وأماني داخلة مارقة زي أم العروس .. لما جو كابسوها ناس الفنون المجانين ديل .. وقعدوا يرطنو .. قمنا قنعنا منها خليناها على أمل أن تلاقي سارة بكرة.. وتوجهنا نحو الفارهة والفارهة دي سيارة الحبيب أبو مازن .. ويا أم درمان جاك بلا ... أحبتي .. أصارحكم القول .. كنت حتى قبيل فترة وجيزة .. كنت أظن بأنني أهدر وقتا ثمينا من حياتي بالساعات أطوف عبر الشبكة العنكبوتية وأركلس في سودانيات الساعات الطوال فوق الفارغة ومقدودة .. وإني زول هايف ساكت .. إلى أن جاء يوم أمس .. وكانت أول مرة نلتقي فيها مع العزيزة سارة .. كانت سارة وهذا هو النيكنيم .. إسما على مسمى بل أسما يحمل بين طياته شفرة هوية حامله فقد كانت :- س : سيدة بمعنى الكلمة ..وآنسة شكلا ومضمونا ..وسفيرة لكل النوايا الحسنة تجاه كل بنات حواء أما الرجال فلا..بإستثناء زوجها حسب ظني!!. أ : أمينة (وهذا إسمها الحقيقي) وصادقة مع نفسها والآخرين .. وتحمل لسانا يشابه الفوتو كوبي ماشين .. يعكس كل ما يعتمل بالقلب .. ر : رائعة حد الدهشة .. فيقولون عن نساء المرأة المثالية .. والمرأة النموذح والحديده وأقول عن سارة .. المرأة الشاملة .. هـ : هادية كسطح محيط .. وفي ذات الوقت هادرة كباطنه .. إستقبلتنا بحفاوة أهل السودان الشهيرة .. هاشة باشة عند عتبة السلم المؤدية لباب الشقة المفتوح المصراعين .. وشدما أعجبني بل أدهشني تماسكها في مواجهة (الصعاب)! فقد أخفت بنجاح باهر معالم الإحباط وخيبة الأمل الدفينة عندما شاهدت أبو أماني .. وبمهارة فائقة أفلحت في زرع إبتسامة عريضة عذبة وأستقبلتني بترحاب شديد كما لو كنا أصدقاء طفولة .. بحيث جعلتني أفكر ثانية وعلى طريقة (أشعب) وأقول في نفسي .. يا أخوانا يمكن أنا فعلا سمح .. لاكين ما شاعر بروحي ساااكت ! وأقولها وبكل أمانة وعلى ضوء كلام سارة معي وإطنابها في شخصي ونظرات إعجابها لي.. وإشعاري بأنني فلتة من فلتات الطبيعة لن تتكرر ثانية .. قضيت عند عودتي البيت ذهاء الساعتين أمام المرآة .. أنظر إليها بتروي من كل ناحية وبروفيل .. بحثا عن ذلك الشئ الذي أقنع سارة بسماحتي ولم أكتشفه أنا حتى الآن .. ولكن هيهــــات؟!!! فقد أيقظ (ظلوط) من أحلامه الوردية هذي .. صوت أم أماني وهي تستيقظ من نومها فجاءة وتنقنق كعادتها التي استمرت طوال كم وتلاتين سنة .. حرام عليكن يا أخ التابيدة 25 سنة بس وكانت تقول كلام يسم البدن .. كلام سارة وين ..وكلام أم أماني وين؟ .. إت يا راجل ها .. جنيت ولا شنو؟ الساعة إتنين ونص صباحا ماسك ليك مراية تبحلق فيها .. قائل روحك نوال الزغبي ولا شنو ؟ عليك الله خلي البتسوي فيو ده أطفي اللمبة وأطلع نوم ليك ساعة..اللللله!.. عمره الحلو ما يكمل .. حضنت هدية آخر الليل من شريكة (بلاي)! ومعها إحباطي وطفيت شمعة سرور أضاءتها سرورة في داخلي ومعها لمبة العوضة .. واتندلت نمت .. الغريبة قدر ما حاولت انوم ما قدرت .. شيويتين كدي .. وفي الضلمة ديك .. يتخييل لي .. المرأة الراقدة جمبي دي قع تتنفخ .. وكمان لابسه ليها قميص وردي اللون زي حق فلانة العرستها لي سارة قبال يجي شهر كدي .. وانط زي المجنون واقعد على حيلي واولع الموبايل .. الحكاية دي حصلت يجي تلاتة مرات .. قدر ما حاولت أقرأ أية الكرسي .. ما جمعت معاي .. وقلبي بقى زي الورتابة .. لحدي ما ربكم رب الخير .. فتح على بالكوثر .. والمعوذتين حتي ياااادوبك عيني غمدت .. سارة .. أحـترامي إليك .. تشاووو ده حق الخرف ولا شنو.. الله يكون في عون ام اماني..!!!!! التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame] مرافي مشاهدة ملفه الشخصي إرسال رسالة خاصة إلى مرافي البحث عن المشاركات التي كتبها مرافي 12-08-2009, 08:04 PM #[105] بابكر مخير :: كــاتب نشــط:: اقتباس: المشاركة الأصلية كتبت بواسطة مرافي ده حق الخرف ولا شنو.. الله يكون في عون ام اماني..!!!!! عضي على إسمك الحركي بالنواجز ولا تصرحي ليهو بالحقيقي لانو إن جاز ليهو بيجاوزو (من قولة جوز، يعني إتنين) مع الأمينة المسكينة، الإتمنتو وطلع ما مأمون،، يكون توت عنخ آمون ربنا يكون في عون أم أماني وأماني وأخوها وأُختها والأهم يكون في عون أبوها ما المشكلة بتنحل بابكر مخير مشاهدة ملفه الشخصي إرسال رسالة خاصة إلى بابكر مخير زيارة موقع بابكر مخير المفضل البحث عن المشاركات التي كتبها بابكر مخير صفحة 7 من 13 « First < 6 7 8 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع أرسل هذا الموضوع إلى صديق انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 01:49 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
