نفيسي رقدت خل

[طارق جبريل]

[align=right]انت يا حبوبتي دحين قبل دة ما سكرتي مع بت عريبي
- نفيسي: نان يا ولدي هو داك يوم بيتنسي
- باقيلي طشمتن كله كله
- وحاتك يا ولدي رقدنا خل
- اصلكن لقيتنو وين
- مشينا يا ولدي لي عرس بت واحدي سرنا من البركل لي مروي انا وحبوبتك بت عريبي
- اها شن سويتن
- لقينا النصيبة اليقولولا الزينة شادي العرقي للعرس
- اي هي كانت دي شغلتها في الاعراس
- اي يا ولدي عندها عرقي كافر خلاص
- نان انتن اصلكن لقيتن الجر (الزير) أليل العرقي ووقعتن فيهو
- والله يا ولدي انا السويت النصيبي
- كيفن
- قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا
- اها
- اهايا ولدي قعدنا جنبها وبقت تديني كوري وراء كوري ونحن نشرب ونتمطق
- اصلها ما قلتلكن كفاكن
- آآآبتقدر عارفاني لساني علي الحبل أليل البير
- اها
- وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم وكتين يقدم
- ههههههههههههه الله لا تكسبك كتلتيها
- اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ
- شن سويتن
- قلتلا يا بت عريبي قوماك نمشي انا راجلي يصلي بالناس في خلوة القرونة
- راجلك امام وانت تطشمي
- نان يا ولدي هو كان عارفني دايري امشي اطشم في العرس هههههه
- اها
- قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم
- اها
- يا ولدي بقينا ماشين ماشين لامن رحنا
- الله يقلعكن اها
- قامت بت عريبي قالتلي: انت يا نفيسي نحن وين
وانا قمت قلتلا: انت في نحن وين ولا نحن ذاتنا منن (من نحن)[/align]

[منال]

المشاركة الأصلية كتبت بواسطة طارق جبريل

[align=right]انت يا حبوبتي دحين قبل دة ما سكرتي مع بت عريبي
- نفيسي: نان يا ولدي هو داك يوم بيتنسي
- باقيلي طشمتن كله كله
- وحاتك يا ولدي رقدنا خل
- اصلكن لقيتنو وين
- مشينا يا ولدي لي عرس بت واحدي سرنا من البركل لي مروي انا وحبوبتك بت عريبي
- اها شن سويتن
- لقينا النصيبة اليقولولا الزينة شادي العرقي للعرس
- اي هي كانت دي شغلتها في الاعراس
- اي يا ولدي عندها عرقي كافر خلاص
- نان انتن اصلكن لقيتن الجر (الزير) أليل العرقي ووقعتن فيهو
- والله يا ولدي انا السويت النصيبي
- كيفن
- قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا
- اها
- اهايا ولدي قعدنا جنبها وبقت تديني كوري وراء كوري ونحن نشرب ونتمطق
- اصلها ما قلتلكن كفاكن
- آآآبتقدر عارفاني لساني علي الحبل أليل البير
- اها
- وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم وكتين يقدم
- ههههههههههههه الله لا تكسبك كتلتيها
- اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ
- شن سويتن
- قلتلا يا بت عريبي قوماك نمشي انا راجلي يصلي بالناس في خلوة القرونة
- راجلك امام وانت تطشمي
- نان يا ولدي هو كان عارفني دايري امشي اطشم في العرس هههههه
- اها
- قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم
- اها
- يا ولدي بقينا ماشين ماشين لامن رحنا
- الله يقلعكن اها
- قامت بت عريبي قالتلي: انت يا نفيسي نحن وين
وانا قمت قلتلا: انت في نحن وين ولا نحن ذاتنا منن (من نحن)[/align]

ود جبرين
صباحك زين


حبوباتى ديل بقن مضرب مثل
هسا
الشعب السودانى كلو بسأل ( نحن ذاتنا منن)


قالو الشايقيات قدر
و المشلخات ( المرا بميه راجل الزمن العلينا ده)

ياخى جيب من الحكى كتييييييييييييير

[أسامة الكاشف]

العزيز طارق
ده سيناريو جاهز
حوار راقي وذكي
"لكن يا اخوي العرقي البشربوه بالكورة ده
ما سمعنا بيه"
حقيقي استمتعنا بالتشبيهات البليغة والدارجة السلسة

[عكــود]

طارق . .

سلام يا المطيميس،
واصل الله لا يسيئك.

نفيسي وبت عريبي ديل . .
مالي متل المشبّهِن علي جوزاً عندنا!

مشتاقين يا طارق.

[بسمله]

دوك طارق سلام .
انا ما فهمت كل الكلام يعنى .. لكن السرد جميل جدا

استمتعت بالحوار خالص

شكرا جزيلا

[عثمان]

طارق أزيك ياخي كيف صحتك
طارق طولنا من النقة اللذييييذة الزي دا ياخي
إنت ليه بتطول علينا كدة "حرام عليك".
التحية/ عثمان الطيب

[الوليد محمد الأمين]

سلامات يا طارق ،

مرة عاطف خيري قال : الطريق الي الشراب أجمل من الشراب ....


حبوباتنا ديل ما أظنهن قرن الكلام دا .....



مودتي التي تعلمها .

[Wad Elnour]

المشاركة الأصلية كتبت بواسطة طارق جبريل

[align=right]انت يا حبوبتي دحين قبل دة ما سكرتي مع بت عريبي
- نفيسي: نان يا ولدي هو داك يوم بيتنسي
- باقيلي طشمتن كله كله
- وحاتك يا ولدي رقدنا خل
- اصلكن لقيتنو وين
- مشينا يا ولدي لي عرس بت واحدي سرنا من البركل لي مروي انا وحبوبتك بت عريبي
- اها شن سويتن
- لقينا النصيبة اليقولولا الزينة شادي العرقي للعرس
- اي هي كانت دي شغلتها في الاعراس
- اي يا ولدي عندها عرقي كافر خلاص
- نان انتن اصلكن لقيتن الجر (الزير) أليل العرقي ووقعتن فيهو
- والله يا ولدي انا السويت النصيبي
- كيفن
- قلت لي بت عريبي ونحن طالعات علي نضوق عرقي الخرابة دي قبل نمشي علي بيوتنا
- اها
- اهايا ولدي قعدنا جنبها وبقت تديني كوري وراء كوري ونحن نشرب ونتمطق
- اصلها ما قلتلكن كفاكن
- آآآبتقدر عارفاني لساني علي الحبل أليل البير
- اها
- وحاتك يا طارق يا ولدي وكتين اشوف في بت عريبي تشرب في الكوريي
وتنزل عرقي الجن دة في حلقها وتكرمش وشها علي كروق الدوم وكتين يقدم
- ههههههههههههه الله لا تكسبك كتلتيها
- اها يا ولدي هي تجغم وانا اجغم .. وكتين شفنا راسنا سكرنا وبقينا نلغلغ
- شن سويتن
- قلتلا يا بت عريبي قوماك نمشي انا راجلي يصلي بالناس في خلوة القرونة
- راجلك امام وانت تطشمي
- نان يا ولدي هو كان عارفني دايري امشي اطشم في العرس هههههه
- اها
- قلتلك قلت لي بت عريبي نمشي من تالا التمُر لامن نصل قصاد بيوتنا ونطلع جري ننوم
- اها
- يا ولدي بقينا ماشين ماشين لامن رحنا
- الله يقلعكن اها
- قامت بت عريبي قالتلي: انت يا نفيسي نحن وين
وانا قمت قلتلا: انت في نحن وين ولا نحن ذاتنا منن (من نحن)[/align]

و بعد مداقشي و بي الله و يامين وصلن البيت و قعدن قدام التلفزيون
- إنتي يا نفيسي النشري دي ماله الليلي طويلي كدي؟!!
- باقيلي الليلي الحلقة الأخيري

[طارق جبريل]

المشاركة الأصلية كتبت بواسطة منال

ود جبرين
صباحك زين


حبوباتى ديل بقن مضرب مثل
هسا
الشعب السودانى كلو بسأل ( نحن ذاتنا منن)


قالو الشايقيات قدر
و المشلخات ( المرا بميه راجل الزمن العلينا ده)

ياخى جيب من الحكى كتييييييييييييير

منال كيفنك
تعرفي مرة القصي دي حكاها عوض الجاز
ماهو عارف نفيسي دي حبوبتي ام ابوي عدييييييييييييييل
ههههههههههههههههههههههههه

[طارق جبريل]

المشاركة الأصلية كتبت بواسطة أسامة الكاشف

العزيز طارق
ده سيناريو جاهز
حوار راقي وذكي
"لكن يا اخوي العرقي البشربوه بالكورة ده
ما سمعنا بيه"
حقيقي استمتعنا بالتشبيهات البليغة والدارجة السلسة

اسامة كيفنك
باقيلي ان بقيت تميتلك باقي القصي
يتلخبط عليك شيت القعدات ضُمة ضُمة
هههههههههههههههههههههه

[طارق جبريل]

المشاركة الأصلية كتبت بواسطة عكــود

طارق . .

سلام يا المطيميس،
واصل الله لا يسيئك.

نفيسي وبت عريبي ديل . .
مالي متل المشبّهِن علي جوزاً عندنا!

مشتاقين يا طارق.

اوووووووووووه ود عكود
كيفنك ابوي
ياخي الجوز دة في اي قرية في الشماليي في
بس كيفن تباريهن
انا غايتو كنت مباريهن ومتكيف منهن
هههههههههههههههههههههههههه

[طارق جبريل]

المشاركة الأصلية كتبت بواسطة بسمله

دوك طارق سلام .
انا ما فهمت كل الكلام يعنى .. لكن السرد جميل جدا

استمتعت بالحوار خالص

شكرا جزيلا

شوفيلك اقرب شايقي جنبك بيفرزو ليكي زييييييييييين
محبتي الاكيدة

[طارق جبريل]

المشاركة الأصلية كتبت بواسطة عثمان

طارق أزيك ياخي كيف صحتك
طارق طولنا من النقة اللذييييذة الزي دا ياخي
إنت ليه بتطول علينا كدة "حرام عليك".
التحية/ عثمان الطيب

والله يا عثمان جاري وراء الدنيا ام قدود دي
بس قول يا رب
نفيسي دي والله حكاويها آآبيخلصن

[طارق جبريل]

المشاركة الأصلية كتبت بواسطة الوليد محمد الأمين

سلامات يا طارق ،

مرة عاطف خيري قال : الطريق الي الشراب أجمل من الشراب ....


حبوباتنا ديل ما أظنهن قرن الكلام دا .....



مودتي التي تعلمها .

حبيبنا الوليد كيفنك
باقيلي حبوباتي ديل ذاتن الختن نظرية قعدات العرقي
ههههههههههههههههههههه

[نبراس السيد الدمرداش]

الله يجازي محنك يا طارق
ضحكتني ضحك
غايتو باقيللي لو اتشبكت في المخدرات
كان طلعت برا الشبكه بس ربنا يستر بعد دا