*** مصطلحات عامّية سودانية ***

[طارق صديق كانديك]

المشاركة الأصلية كتبت بواسطة شبارقة

[align=justify]
الكلمة مازالت محل خلاف ... إنتي قلتي العـُشر وود الزين قال : الجزء السميك من السعفة ... وبعدين أهلنا بقولوا ليك : فلان ده ضعيف ورقيق زي السنقاقة ... وحبوباتنا قالن : الناقة الفي السنقاقة .... فما هي السنقاقة إذا ً ؟ وما زال السؤال مطروح ولسة الجائزة موجودة
[/align]

شبارقة كيف حالك .. ؟

( السنقاقة ) .. ان صح اعتقادي انها .. شق في الأرض .. حلب الناقة في السنقاقة أي أنه لم يدع أحداً يستفيد من لبن الناقة .. ويبدو أن هذا الروى كان ايام الانجليز حين حكموا البلاد والعباد .. فكانوا هم ( الكلب السنونو صفر ) .. !!

أخوك متبرع بالجائزة لمنكوبي هاييتي ... !!

[شبارقة]

المشاركة الأصلية كتبت بواسطة طارق صديق كانديك

( السنقاقة ) .. ان صح اعتقادي انها .. شق في الأرض .. حلب الناقة في السنقاقة أي أنه لم يدع أحداً يستفيد من لبن الناقة .. ويبدو أن هذا الروى كان ايام الانجليز حين حكموا البلاد والعباد .. فكانوا هم ( الكلب السنونو صفر ) .. !!

أخوك متبرع بالجائزة لمنكوبي هاييتي ... !!

[align=justify]هلا بحبيبنا ود كانديك [/align]

[align=justify]يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟[/align]

[align=justify]بالمناسبة عجبني تحليلك ووصفك المستعمر بأنه هو الكلب السنونو صـُفـُر .[/align]

[Hassan Farah]

فيصل سعد صباحاتك بالخير
السبلليق معناتا شنو--

[فيصل سعد]

المشاركة الأصلية كتبت بواسطة Hassan Farah

فيصل سعد صباحاتك بالخير
السبلليق معناتا شنو--

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق

يديك العافية
و خليك بالجوار ..

[أبو أماني]

المشاركة الأصلية كتبت بواسطة فيصل سعد

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق

يديك العافية
و خليك بالجوار ..

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة.

[فتحي مسعد حنفي]

المشاركة الأصلية كتبت بواسطة أبو أماني

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة.

القطيع= المراح
التكل= المطبخ البلدي
الدروة= هو المكان المحاط بما يداريه من العيون...التل المرتفع من الرمال لضرب النلر
الهمبريب= النسيم العليل
القحف= دوائر مستديرة من الفخار للعب أم القحف
القرقاب=تساوي الوزار عد الخليجيين تلبسه النساء في الجزء الأسفل من الجسم
الميترة= مقياس يستعمله البنايين ويستعمله المراكبية لقياس العمق
الرحط= كانت تلبسه النساء قديما بدل الملابس الداخلية ومكون من الخيوط الطولية
البرمة= وعاء من الفخار لحفظ السوائل والأطعمة
التيلة= عقد يوضع علي عنق المرأة من الذهب والخرز الهندي..
السحارة= صندوق يستعمل كالدولاب
الشرقرق= وعاء له بوز مثلث تصنع فيه القهوة
الفندق= هوت خشبي كبير تدق فيه البهارات والويكة وخلافو
الشملة= بطانية من صوف الابل تغطي بها المرأة جسمها وهي جالسة فوق حفرة الدخان
الكتوش= ودا اسمو الكنتوش وهو أيضا يشبه الزير الصغير وفمه ضيق يستعمله أهل رأفت لوضع المش فيه..
الدقنوس = هو مؤخرة الرأس زي دقنوسك الفيهو الصلعة
الرشمة= هو تاتوو يدق علي وجه النساء قديما ( الرشيم الأخضر)
الكظرونة= برضو أناء للطبخ
الظعبوط= القنبور
المطرق= فرع من الشجر يجلد به الصغار
المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي وطول المدة برة السودان بتنسي الزول اسمو ذاتو..وللعلم هذه المعلومات بدون مساعدة خارجية...

[شبارقة]

المشاركة الأصلية كتبت بواسطة فتحي مسعد حنفي

المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي

[align=justify]المعراكة : هي قطعة القماش البعركو بيها الدوكة أو الصاج .... أما المحراكة (أو المرحاكة) فهي طاحونة بلدية صغيرة وهي عبارة عن قطعة صخرية توضع بها الحبوب (ذرة - دخن - قمح ...إلخ) وتطحن بحجر آخر أصغر حجما ً ...

السعدة : نوع من النباتات الغير مرغوب فيها ... وهناك مثل شهير : البـِعـِد ولا البلاد أم سـِعـِد. [/align]

[محمد عبد الرحمن]

المشاركة الأصلية كتبت بواسطة أبو أماني

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة.

الكابدلو: حاجة من السعف زي القفة بس يدها طويلة و ليها غطاء.
الدحلوب: آنبة فخاربة مفلطحة بتستعمل عشان يشرب منا الحمام و الجداد (و ودأبرق ان وجد).
مش بيقولو للزول راسك الدحلوب ده.
الطالوش: بستعمل في شغل بياض البناء بالأسمنت.
و الله أعلم

عم أبو أماني اتا كنت بنا.

[سارة]

/

التكل
المطبخ زمان او محل العواسة وكوجين العجين مافى زول يقول لى كوجين يعنى شنو
المشلعيب /
شبكة تصنع من السعف والحنقوق وتثبت فى مرق او تعلق فى الراكوبة او القطية ويضع عليها الاشياء التى يخاف ان يصلها القط او الكلب الله يكرمكم وفى الغرب اسم المشلعيب( دواء كلب )

اللداية /

حجار تضع اما فى شكل مثل يعنى تلاتة وتضع عليه الحلة او اربعة ويضع عليها صاج العواسة
وتكون فى شكل مقاعد يوقد النار تحتها يعنى بوتاجاز للحناكيش
الهمبريب /
النسمة الرقيقة فى عز الصيف
القحف
اى شكفى او شريحة من فخار مكسور ممكن نقول عليها قحف

الكابدلو /
قفة تصنع من السعف وللماعرفين قفة معناها سلة

النطع /
بساط يصنعمن السعف فى شكل دائرى ويكونمفتوح من الوسط فى شكل دائرة تجلس عليها المراة

عند الدخان وللماعرفين الدخان ( حمام بخار)
القرقاب /

قماش او توب تربطه المراة فىالوسط ليقطى من الخصر وحتى الارجل وهناك نوعمعينمشهور

الفركة ام صفيح كنوع مشهور للقرقاب

الرحط /

لبسة فى شكل اسكيرت منالجبلود المشرشرة تلبس فى الوسط للعروس وتكون السيور منفصلة بحيث يمكن نتف السير الواحد وهو ما يعرف بقطع الرحط

البرمة /
تصنع من الفخار باحجام مختلفة لاغراض مختلفة معظمها لاعدادالطعام او تخزينه او تجهيزه

التيلة
يا تيلة الانصاص فى الرقبة خايلة خلاس متفقد الثورة خالد حسن عباس

عقد يصنع من نوع من الحجر المسمى بالسوميت يكونلو الحجر ابيض فى الوسط واسود بالاطراف ويفصل بين الحجار بانصاص الجنيه الدهب
/ السحارة /
صندوق من الخشم المزركش يعتبر خزنة او دولاب للاشياء الثمينة
الشرقرق /

يغلى فيه البن لاعداد القهوة ويصنه من بقايا العلب الفارغة علب اللبن او علب الحلاوة والعاش ما بتداوى
الفندك /
من الخشب يصنع لسحن التوابل والبهارت وقد يصنع من النحاس لسحن الروائح الناشفة
الشملة /
غطاء من وبر الابل تصنع لتستعملها المراة للدخان
الكتوش
نوع من برم الفخار يصنع فى شكل صغير نوعا ما وغالبا ما يحرق ويكونلونه اسود

الدقنوس
الراس المزعمط زى راسى دا
/ الرشمة /
الرشيم الاخضر نوع من الحلى تعلق من الانف وحتى الاذن
السعدة
نبات معروف
/ الكظرونة /
هى تحوير لكلمة كسرولا ويعنى حلة او طنجرة صغير بس بيكون شكله اعمق منالحلة العادية
وغالبا من الالمونيوم وتكون لها ايادى
المطرق /

نوع من الفروع التى تقطع لينة نوعا ما وتستعمل فى البناء يعنى وبتكون عادة طويلة

واقل سمكا من اعوادالبنا العادية تستعمل لتثبيت القش فى بناء الرواكيب جمع راكوبة وللمعارفين راكوبة معناها برندا او سومر هاوس

المعراكة

قطعة من قماش قديم اومستعمل عادة تستعمكل لتنظيف صاج العواسة اثناء العواسة وعادة تطون معطونة بالزيت والطايوق

طلعتوا زيتنا زاتو

[فيصل سعد]

المشاركة الأصلية كتبت بواسطة Hassan Farah

فيصل سعد صباحاتك بالخير
السبلليق معناتا شنو--

سلامات يا دكتور، و ارجو
مراجعة و اعتماد اجابة نبراس
الفوق .. لك و لها و لكم التحايا ..

[طارق صديق كانديك]

المشاركة الأصلية كتبت بواسطة شبارقة

[align=justify]هلا بحبيبنا ود كانديك [/align]

[align=justify]يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟[/align]

[align=justify]بالمناسبة عجبني تحليلك ووصفك المستعمر بأنه هو الكلب السنونو صـُفـُر .[/align]

يعجبوك وليداتك ... !!

أنا لم أهتم بالوصف اذ لو قدرت أنه جزء من الحل لفكرت أن ( السنقاقة ) اناء فخاري طويل ورقيق يحلب فيه اللبن .. وهو ما أشار به على بعض معارفي لكنه لم يصادف هوىً في نفسي .. اذ لو كان ذلك كذلك لما كان هناك ابداع في المقطع موضوع السؤال اذ عادة ما يحلب اللبن في اناء من الفخار كان أم من غيره ... !!

احترامي ومودتي

[شبارقة]

أها .. ما الفرق بين الضـَقـَل و البُـقـُُـل
للمساعدة : هناك لعبة إسمها الضقل ... والبُـقـُُـل ليهو علاقة بالشمس ... أها قصـَّرنا معاكم؟

[align=justify]عشان نعرِّف الضقل أو(الدقل) لابد نرجع حركة وراء 60 - 70 سنة حيث كانت معظم البيوت من قش أو طين وكانوا بيصنعوا باب القطية أو الأوضة من الحطب والمفتاح كمان من الحطب .. والمفتاح بيسموهو الكشر أما الضقل فهو خشبة مستطيلة منحوتة من الداخل توضع في تجويفها خشبة مستطيل تـُعرف بالكلاب (تشديد اللام) وبها ثقب خارجي يدخل خلاله الكشر لفتح الباب .... وعملية فتح الباب لا تخلو من كركبة الضقل (عشان كدة بيقولوا ليك : جاب ضقلا يكركب) أنا أذكر ولغاية بدايات الثمانينيات كانت عندنا بعض المباني القديمة التي أبوابها ومفاتيحها من الخشب.

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت

أما البُقـُل فهو ضل بداية العصر (بين الساعة3 و4) تقريباً ، وهو ضل حار ، كانوا يحذرونا من الجلوس على ترابه ( يا ولد قوم من البقـُل بياذاك ) ..[/align]

[شبارقة]

المشاركة الأصلية كتبت بواسطة شبارقة

[align=justify]
كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت
..[/align]

[align=justify]ما الفرق بين لعبة الضقل ولعبة الطاب ؟[/align]

[جانيت]

المشاركة الأصلية كتبت بواسطة شبارقة

[align=justify]ما الفرق بين لعبة الضقل ولعبة الطاب ؟[/align]

قبل ما الواحد تخستكو بمخه الما ناقص ده قول لي الضقل بيلعبوها كيف
والطاب زاتها بتتلعب كيف
وبعدجين نوريك الفرق

[شبارقة]

المشاركة الأصلية كتبت بواسطة جانيت

قبل ما الواحد تخستكو بمخه الما ناقص ده قول لي الضقل بيلعبوها كيف

[align=justify]

لعبة الضقل هي لعبة سـُكج مـُكج (كنا بنقول سكج ومكج ... وما أظن عندها معنى)

تتكون اللعبة من فريقين ... ويجب تجهيز بعض الأشياء حتى يتم اللعب :
1- عصاية طولها حوالى متر.
2- ضقل ويكون طوله حوالى 15سم
3- نحفر حفرة صغيرة قطرها حوالي 10 سم وعمقها لايتجاوز5 سم

أما كيف تلعب اللعبة فغايتو إلا يجيكم عمنا عكود يشرحا ليكم .. لكن تتلخص اللعبة في وضع الضقل فوق الحفرة بحيث يكون متعارض عليها ويتم إدخال العصاية فى الحفرة - تحت الضقل - ويقول اللاعب( سكج ) فيرد عليه الطرف الاخر(مكج) فيتم رفع الضقل بالعصاء قليلا ً في الهواء ويضرب على الطائر(وجات منها الجملة الشهيرة : على الطائر) حتى يصل إلى منطقة تم تحديدها سابقآ فاذا فشل فى ذلك تبدأ إعادة المحاولة وللضارب عدة محاولات (نسيتها كم) حتى يذهب الضقل الى ابعد مسافة .[/align]