خربشـــــــات

[فتحي مسعد حنفي]

المشاركة الأصلية كتبت بواسطة حسين محي الدين

4-22
صف عادي
عادي جدا زي كل الصفوف في دول العالم (السامي) بأخلاقوا طبعا .. القايم اذان الصبح والما نايم أصلا واقفين في الشارع وحارسين باب (الجنة) يفتح.. وطبعا من واجبنا كمواطنين إننا ننتظر وبعدين الشفقة تطير .. هو ذاتو انحنا لاحقين شنو الوزارة ولا السفارة.. المهم الساعة 7:30 بدت تباشير يوم جديد والموظفين تنقش تنقش جايين وفي عيونهم باقي نومة من أول أمس تقول شغالين (عتالة)، على أمل أن يبدا اليوم في الساعة 8 وربع بالكتير وعادي ممكن يكون 8:30 ونحنا متلفزين الفيلم، بعد شوية يجيك واحد آخر نضافة يقيف قدام الاستقبال وبقدرة قادر وتلفون صغيييير تلقاه جوه الجنة ورقه سليم وماشة معاهو آخر باسطة... واللي بعده واللي بعده أما نحنا الصابرين ديل ياخدو مننا أتنين ولا تلاتة ويوزعوا الباقي لليوم التاني والبعدو والبعدو.... والآن لو كنت إنسان عادي وواقف في الصف العادي حتعمل شنو؟؟؟

أجب بلا أو لغم

انت ياحسين ما سمعت بي مجاهدين حرب الجنوب المشو يكابسو في الجنة وعاملين زحمة..جاهم شيخ عجووووووووز قال ليهم في شنو ياولادي انتو بتدافرو مالكم..واحد فيهم قال ليهو ياحاج احنا شهداء الجنوب وجايين نخش الجنة..الشيخ قال ليهو كدي روق ياولدي وأمشي أقيف في الصف احنا شهداء أحد
ياخ انت ما تقصقص أضافرينك ديل خربشتنا..

[حسين محي الدين]

المشاركة الأصلية كتبت بواسطة فتحي مسعد حنفي

ياخ انت ما تقصقص أضافرينك ديل خربشتنا..

ده نظام مخارجة ياحبيب ولا شنو،، وبعدين انت حكاية الصفوف حتكون مباريانا طوالي
ربنا يعينا ويخارجنا (المرة دي برة البلد)

ودي