محاولة إندهاش وأشياء أخرى .. توجد ريده بالطريقة الصاح

[زول الله]

المشاركة الأصلية كتبت بواسطة جيجي

ان شاء الله خير
وقفت قلبنا

جيجي قلوبكم تبرى
وقف القلب الحنين الاصلو في يوم ما إتلوم ليهو في زول
وقف القلب الكان بحب بي كل ذرة جواهو
وقف القلب المابشبهنا


البجي من فوق كلو خير







اقول قولي هذا واستغفر الله لي ...........

[سمراء]

انا لله وانا اليه راجعون
لاحولة ولاقوة الا بالله الحق


غايتو النصيحه ليك يالله توبة لو اقراء ليك قصة ....
يعنى خلاص ارتحته وكتلته البطلة !!
كدة كويس تموت الصاروخ ياوديع


خليتك للملح والملاح كان كسرة قلبنا وقلب ود الشيخ المسكين ده

دى نعلاتى لقطها ومشتته زاتو

خرجت وهى تجرجر ازيال الحزن وتغشغش فى انفها السائل من اثر الجعير

[جانيت]

حرام عليك يازول الله
النهايه تدمع
وتكسر الخاطر
مع صرخته صرخت حواسي
وسال دمعي
وتحسست انحنى قلبي مستسلما لما جاء به القدر
والفراق صعب
لايوجد مكان فيها لفرحة مكتمله



شكرا زول الله حركت احساسي ا..... اني ظننتها قد تحجرت من زمن مضى


ثرد يعيشك في تفاصيل الحكايه

[زول الله]

المشاركة الأصلية كتبت بواسطة سمراء

انا لله وانا اليه راجعون
لاحولة ولاقوة الا بالله الحق
غايتو النصيحه ليك يالله توبة لو اقراء ليك قصة ....
يعنى خلاص ارتحته وكتلته البطلة !!
كدة كويس تموت الصاروخ ياوديع
خليتك للملح والملاح كان كسرة قلبنا وقلب ود الشيخ المسكين ده
دى نعلاتى لقطها ومشتته زاتو
خرجت وهى تجرجر ازيال الحزن وتغشغش فى انفها السائل من اثر الجعير

شتتت والدمع بعويناتها وهي تحمل نعلاتها بيد وفي الأخرى أثر قشقيش
ياخ الصاروخ مات موت الله ماكتلتو انا
بعدين عريض الملح والملاح دا قالو بقيف للزول في الطريق ماتخوفينا ساكت

ذكرتيني نكتة قالو واحد من اهل العوض ديل بيسأل في صاحبو:
انت ياأمحمد احسن الله ولا الرسول ؟؟
قال ليهو: ماني خابر لكن البموت بقولو كتلو الله والعيان مرضو الله والمكسر كسرو الله
إلا النصيحة أبوفاطنة دا ماسمعنا إتلوم ليهو في زول كلو كلو





اقول قولي هذا واستغفر الله لي ..........

[سمراء]

المشاركة الأصلية كتبت بواسطة زول الله

شتتت والدمع بعويناتها وهي تحمل نعلاتها بيد وفي الأخرى أثر قشقيش
ياخ الصاروخ مات موت الله ماكتلتو انا
بعدين عريض الملح والملاح دا قالو بقيف للزول في الطريق ماتخوفينا ساكت

ذكرتيني نكتة قالو واحد من اهل العوض ديل بيسأل في صاحبو:
انت ياأمحمد احسن الله ولا الرسول ؟؟
قال ليهو: ماني خابر لكن البموت بقولو كتلو الله والعيان مرضو الله والمكسر كسرو الله
إلا النصيحة أبوفاطنة دا ماسمعنا إتلوم ليهو في زول كلو كلو





اقول قولي هذا واستغفر الله لي ..........

وفى اثناء الخروج فاذاء بى استمع الى صوت آتى من مكان ما يقول :
(الليله شيل شيلتك يازول الله )
الجاية من السماء تتحمله اتا ده برااااااااااك
وكمان على كتلة الصاروخ بقيت تتكلم فى السياسة


اقول قولى هذا واستغفر الله انا زاتى ......

[زول الله]

المشاركة الأصلية كتبت بواسطة جانيت

حرام عليك يازول الله
النهايه تدمع
وتكسر الخاطر
مع صرخته صرخت حواسي
وسال دمعي
وتحسست انحنى قلبي مستسلما لما جاء به القدر
والفراق صعب
لايوجد مكان فيها لفرحة مكتمله
شكرا زول الله حركت احساسي ا..... اني ظننتها قد تحجرت من زمن مضى

ثرد يعيشك في تفاصيل الحكايه

هي نهاية لم أكتبها ولم اختارها
كتبها القدر ووضع سطورها وكانت خيوطها منسوجة منذ الأزل في رحم الغيب
لم آتي بجديد فيها سوى تجديد مشاعر حزن لأناس عاشوهـ ولم ينسوهـ أبداً ولم يحاولوا حتى
هي احداث حقيقية لازال أبطالها يمشون في الأسواق ويأكلون وينامون مثل باقي الناس
الفرق أن بدواخلهم يسكن حباً حياً مات صاحبه .. لذلك ظل الفقد كبيراً والالم خرافة

جانيت المحاسيس دي ماتخليها تنوم لأنها بتنوم الحظ يابت الناس
بعدين هي لابتتحجر ولا شتين بنتحجر نحن ديل ومرات كدا بيغلبنا عدييل




اقول قولي هذا واستغفر الله لي - ولكل من مر على هذا البوست -.................

[زول الله]

المشاركة الأصلية كتبت بواسطة سمراء

وفى اثناء الخروج فاذاء بى استمع الى صوت آتى من مكان ما يقول :
(الليله شيل شيلتك يازول الله )
الجاية من السماء تتحمله اتا ده برااااااااااك
وكمان على كتلة الصاروخ بقيت تتكلم فى السياسة


اقول قولى هذا واستغفر الله انا زاتى ......

غايتو حيرتونا زاتو
القشارة دي زماااان قلنا خليناها لكن ناسك ديل يجرجرو الواحد حبة حبة لامن يقع

قلنا نخلينا في المحاثيث دي يمكن تنفعنا




تخريمة :
حاكو حاكو بتاعتك دي ظاااهرة
حاولي شوفي ليك حاجة تانية عشان ما أقوم اشتكيك لي ناس المصنفات





اقول قولي هذا واستغفر الله لي حصرياً ...........

[سمراء]

الزول زول الله على هامش هذه الحكاية اود ان انتهز هذه الهنيهة لعمل لقاء سريع
كده القصد منه القاء الضوء على بعض النقاط التى بداخل هذه القصة ، ان سمحت لنا
الرجاء الرد بالايجاب ...

وان رفضته ، فاستعد لحرب لاقبل لك بها يازول
سلم تسلم
ولا نامت اعين الجبناء

اها البداية (باعتبار انك وافقة على مضض)

1- هل القصة حقيقيه بالحتة يعنى ؟ ولا اديته كوز من وحى افكارك ؟
2- تفاصيل السرد هل هى من خلال صياغنك الشخصية ؟ ام استعنته بصديق/ة؟
3- هذا الشيخ موجود الان ؟ ووين بلاى ؟
4- فى بعض النقاط حدثة مغالطات كده يعنى حكاية مرة بالمواصلات وهو ابوهو عندو كم عربية وهكذا ؟ دى تابعه لخيالك ولا ياها الواقع ؟

بجيك لباقى الفت ماتزوغ سمح
وده لاثراء روح الرواية وكدة

[سمراء]

المشاركة الأصلية كتبت بواسطة زول الله

تخريمة :
حاكو حاكو بتاعتك دي ظاااهرة
حاولي شوفي ليك حاجة تانية عشان ما أقوم اشتكيك لي ناس المصنفات

اها خليناها فرمالتك دى ..

اقول قولي هذا واستغفر الله لي ، وشكيتك على الله يازول الله .....


اها كده كيف معاك دى

[زول الله]

المشاركة الأصلية كتبت بواسطة سمراء

الزول زول الله على هامش هذه الحكاية اود ان انتهز هذه الهنيهة لعمل لقاء سريع
كده القصد منه القاء الضوء على بعض النقاط التى بداخل هذه القصة ، ان سمحت لنا
الرجاء الرد بالايجاب ...

وان رفضته ، فاستعد لحرب لاقبل لك بها يازول
سلم تسلم
ولا نامت اعين الجبناء

لاحولاااااااااااااااااااا
انها السك سك إذن !!!!
دعيني الملم أطراف ثيابي وأشيل نعلاتي في يدي وياشارع جاك زول
يعني كان رضيت ولا أبيت جاية جاية مش ؟؟
امرنا لله مافي حل تاني بس خلينا ناخد لينا قيلولة ننسند بيها شوية وبجيك صادي
قيلووو فإن الأباليس لاتقيييل
عالم ماعندها غير الحوامة في النهارات الحارة دي





اقول قولي هذا واستغفر الله لي ...........

[اروي حامد عبد الله حامد]

زول الله ماتت الزول دي ولا شنو؟
في داعي للتعب دي
حيثيات وقصاصات وشئ بكاء وشئ شنو
من البداية ماتقول لينا
كانت روعة بس الله غالب
انا لله وانا اليه راجعون
اسمعني




خلي الافلام الهندية دي

[زول الله]

المشاركة الأصلية كتبت بواسطة اروي حامد عبد الله حامد

زول الله ماتت الزول دي ولا شنو؟
في داعي للتعب دي
حيثيات وقصاصات وشئ بكاء وشئ شنو
من البداية ماتقول لينا
كانت روعة بس الله غالب
انا لله وانا اليه راجعون
اسمعني




خلي الافلام الهندية دي

لم تمت بل إنتقلت الى حيث يصطفي الله الجميلين من خلقه

كانت روعة ؟؟؟ روعة دي بت ناس منو ؟؟ ما أدونا ليها وماشايلنها
كان مقسم في الناس ريدا والمالحق منها شيء يبقى تلاتة أرباع عمرو ضاع سداً
الماشافا ماشاف والماسمع همسها ماسمع حور الجنة وهن على الأرائك يتسامرن
والماسمع صوتا لم يسمع ضحكات الملائكة
من الآخر ... أمي لما تشوف واحدة سمحة بتقول لي : دي ربنا خالقا بي مزاااااج
وماعندي قول بعد قولا دا .


تخريمة:
وحاتك مابشوف الهنود ديل كلو كلو
زول مسيكين ساكت حدي ناس فور و تو وأكشن وسيرياس ومن لف لفافاتهم








اقول قولي هذا واستغفر الله لي ..............

[زول الله]

المشاركة الأصلية كتبت بواسطة سمراء

اها البداية (باعتبار انك وافقة على مضض)
1- هل القصة حقيقيه بالحتة يعنى ؟ ولا اديته كوز من وحى افكارك ؟
2- تفاصيل السرد هل هى من خلال صياغنك الشخصية ؟ ام استعنته بصديق/ة؟
3- هذا الشيخ موجود الان ؟ ووين بلاى ؟
4- فى بعض النقاط حدثة مغالطات كده يعنى حكاية مرة بالمواصلات وهو ابوهو عندو كم عربية وهكذا ؟ دى تابعه لخيالك ولا ياها الواقع ؟
بجيك لباقى الفت ماتزوغ سمح
وده لاثراء روح الرواية وكدة

على مضض والله على ما اقول شهيد بين قوسين شكيتك على الله انتي دي

1/ حقيقية مية المية وقد عايشتُ احداثها - ومافي داعي لسيرة الكيزان دي هنا سمح ؟

2/ التفاصيل صياغة حصرية - عشان تعرفي فرمالاتنا كتااار -

3/ موجود حي يرزق في مدينة أمدرمان

4/ ماتنسي اني ذكرت حال صاحبنا وهو (ساكن سُكنة ) بالمستشفى تلك الايام
اذن من الطبيعي لما يرجع البيت يستعين بالمواصلات ولا كيف ؟؟



تخريمة:
طيب قاعد راجيك بس خففي العيار شوية عشان الدنيا سقط

تخريمة تاني:
شمارك مبااالغة




اقول قولي هذا واستغفر الله لي .............

[الأغبش]

زول الله ..يديك العافيه ياخي
بعد كده ممكن الواحد يتداخل هنا ..
قريت ليك تعليق من سطر واحد صباح اليوم جعلني أبحث عن مواضيعك هنا ..
وغرقت هنا كأجمل ما يكون الغرق حتي أنني نسيت غدائي والعشاء قرب يأذن ..

سأعود بالتفصيل عشان نفلفل حاجات كده ..
بصاحبك صاحبك كان رضين كان أبيت ..

أقول قولي هذا وابقي مارق

[زول الله]

المشاركة الأصلية كتبت بواسطة الأغبش

زول الله ..يديك العافيه ياخي
بعد كده ممكن الواحد يتداخل هنا ..
قريت ليك تعليق من سطر واحد صباح اليوم جعلني أبحث عن مواضيعك هنا ..
وغرقت هنا كأجمل ما يكون الغرق حتي أنني نسيت غدائي والعشاء قرب يأذن ..
سأعود بالتفصيل عشان نفلفل حاجات كده ..
بصاحبك صاحبك كان رضين كان أبيت ..
أقول قولي هذا وابقي مارق

وقبل كدا كان بابنا متربس ؟؟ معليش حبة شطحة من عِرق الرباطاب
ياخ الصحبة البي القوة دي حبابا مليون ..
والله كيفتني في ديني زاتو .. هسه قربت اجيب سوط وافتش لي زول يجلدني
حباب الاغبش أب مسوحاً موية
تعال بالعندك والبينا عامرة تب





اقول قولي هذا واستغفر الله لي.............