راكوبة المجادعات.. النمة والدوباي

[احمد زين]

[align=center]سودانيات جميلة وناسا حلوين جـد
في الجود والكـرم والله فاتو الحــد
اخوات سارة زينة خلقة نايرات خد
واولادهم يمين في الحارة حيطة السد[/align]

[سجمان]

المشاركة الأصلية كتبت بواسطة أحمد محمد زين حسين

[align=center]سودانيات جميلة وناسا حلوين جـد
في الجود والكـرم والله فاتو الحــد
اخوات سارة زينة خلقة نايرات خد
واولادهم يمين في الحارة حيطة السد[/align]

أنا أم عجن البنات ما بلحقنّو سمايا
وأنا بت الرجال الفي اللجج ضوايا
معروفة أصل فوق راسي مليون راية
راية حسب وراية نسب وعلم ودراية

التوقيع : هيفاء.. إلى أن يأتي الباسوورد يا أحمد زين..

[جيجي]

انزف يا جرح وفتق معاك الروح
دقولها المرق وصلبوها بالمفضوح
كل الدنيا مابتهم بتين بتروح
مادام جورالحبيب شهّد خروج الروح

[احمد زين]

المشاركة الأصلية كتبت بواسطة جيجي

انزف يا جرح وفتق معاك الروح
دقولها المرق وصلبوها بالمفضوح
كل الدنيا مابتهم بتين بتروح
مادام جورالحبيب شهّد خروج الروح

بنقول في المثل جور الحبيب مسموح
وإن ظلمك تقابلو بي جبين مطــروح
اصلاً يا جميل ..الحـب غذاء الروح
ما بنقدر نسيبو إن كان تروح الروح

[احمد زين]

المشاركة الأصلية كتبت بواسطة سجمان

أنا أم عجن البنات ما بلحقنّو سمايا
وأنا بت الرجال الفي اللجج ضوايا
معروفة أصل فوق راسي مليون راية
راية حسب وراية نسب وعلم ودراية

معروف من قديم ابواتك الفرسـان
جبارين كســور وبسندو للضعفان
يا الفي تِنْيَتِك حاكيـتي فـرع البان
حني وارحمي القلب العليك ولهان

[هيفاء عبدالستار]

المشاركة الأصلية كتبت بواسطة أحمد محمد زين حسين

معروف من قديم ابواتك الفرسـان
جبارين كســور وبسندو للضعفان
يا الفي تِنْيَتِك حاكيـتي فـرع البان
حني وارحمي القلب العليك ولهان

احمد يا الوجيب الليله شوقنا خرافي
ريدا ليك باين في العيون ما خافي
يوم حسيت إنك لي قليبي مجافي
قت لي روحي هجسي بجيكي صاد لاتخافي..

[احمد زين]

المشاركة الأصلية كتبت بواسطة هيفاء عبدالستار

احمد يا الوجيب الليله شوقنا خرافي
ريدا ليك باين في العيون ما خافي
يوم حسيت إنك لي قليبي مجافي
قت لي روحي هجسي بجيكي صاد لاتخافي..

درب الرجعة تاه يا هيفا وكتين دُرْنَا
حاحينا الـدروب لمـن وراهو وِدِرْنَا
نايرات الخــدود الكَمَّلَنُّو صــبرنا
الله يسمحــن كان وَدَّرَنُّو قَــدُرْنَا

[مي هاشم]

المشاركة الأصلية كتبت بواسطة أحمد محمد زين حسين

[align=center]سودانيات جميلة وناسا حلوين جـد
في الجود والكـرم والله فاتو الحــد
اخوات سارة زينة خلقة نايرات خد
واولادهم يمين في الحارة حيطة السد[/align]

فوق

[طارق صديق كانديك]

ود الزين حباب سيد البكفي المية
حايمات الصقور وقتين تقوم ضهرية
شبعانات رقاب ما برجن العصرية
وساعة الكبعة تطراك المدافع الحية

[مي هاشم]

حليل سيد الناس الفرقو حنضل ومُر
من بعدو التقول واطياهو تحتي جمُر
دمّاعي سابل شَو لوّن عيوني حُمُر
خلى القليب يخبت كلما نسيمو يمُر

[هيفاء عبدالستار]

المشاركة الأصلية كتبت بواسطة مي هاشم

حليل سيد الناس الفرقو حنضل ومُر
من بعدو التقول واطياهو تحتي جمُر
دمّاعي سابل شَو لوّن عيوني حُمُر
خلى القليب يخبت كلما نسيمو يمُر

يا سيد القلوب فرقك كتير ما شويّه
نارك واقده في أحشاي وطابقه الكيّه
معدول اللسان ..يا الما إنكتبلك سييّه
من بعدك ظلام ايّامنا حالك والشّمس مطفيّه

[سجمان]

الشوق للصحاب خالف علي مروادو
أهل النم السليم والضيف بقيفو قصادو
من الشوق أهوقي متل السبوع ميلادو
والقلب الوحيل أبى ينعدل مشهادو

[مي هاشم]

المشاركة الأصلية كتبت بواسطة سجمان

الشوق للصحاب خالف علي مروادو
أهل النم السليم والضيف بقيفو قصادو
من الشوق أهوقي متل السبوع ميلادو
والقلب الوحيل أبى ينعدل مشهادو

الشوق ياخي شحتفنا وبقينا نشاشي
والنم والشعر ماسخ بلاك ولا شي
فرِح بي سحابك يهطل علينا رشاشي
اريت يبقى واهط ما يكون بس غاشي


(مشتاقون وبركة الجيت)

[مي هاشم]

المشاركة الأصلية كتبت بواسطة هيفاء عبدالستار

يا سيد القلوب فرقك كتير ما شويّه
نارك واقده في أحشاي وطابقه الكيّه
معدول اللسان ..يا الما إنكتبلك سييّه
من بعدك ظلام ايّامنا حالك والشّمس مطفيّه

ياختي ماااا بقدر أجاريك..
لكن غايتو

يا هيفاء..توّرتي الجروح (أحّي) عليّ مالِك
الليل اليضوي بي بسماته أصبح حالِك
والجسم من النواح والبين صبح متهالِك
تبري.. والحال العلي أريتو ما يكون حالِك

و

[سجمان]

المشاركة الأصلية كتبت بواسطة مي هاشم

الشوق ياخي شحتفنا وبقينا نشاشي
والنم والشعر ماسخ بلاك ولا شي
فرِح بي سحابك يهطل علينا رشاشي
اريت يبقى واهط ما يكون بس غاشي


(مشتاقون وبركة الجيت)

الشوق لي لماكم قطّم جميع أوشاشي
متوطي الجمار راقد عليها فراشي
بعد اليوم خلاس طلعت من قرّاشي
واتوهطت تب يامن يجيني معاشي

يباركولك الحجة..
والشوق زي شوك الكتر .. طعن الجسم لمن فتر