إشارات دينيه فى غُنا الشايقيه (رَصد)

[الرشيد اسماعيل محمود]

علي سلامات..
والله دة بوست سمح..
بالرغم من انو حيكون مرهق بالنسبة ليك..
عمليات الرصد دي محتاجة طولة بال..
انا ماعندي علاقة بغنا الشوايقة بس حتابع معاك

[مي هاشم]

متابعة لصيقة وباستمتاع..
للأسف حفظي سيء للغناء ..
وكخاطر (قد يساعد) أو ذا صلة بالموضوع..فإن أمداح شيخنا حاج الماحي وشيخنا ودحليب مليئة بحنية الشايقية ومفرداتهم مع انها دينية..

مودتي

[أحمد طه]

والله ياعلي الذاكرة بقت خربة ، و انت زول (من صورتك) لسة شباب ، فما تواخذنا ياخي ..

الحبيّب زول ختمي ، حافظ الكتير من المولد و البراق ، لذلك كان لا بد لأصداء الروحانيات دي إنها تنعكس في شعرو .

و دايرك بالله تعرج علي :

ست ريدي، في ذاتك عبدت الله
و زاد إيمان قليباً ليّ قبلك تاه

السر عثمان هنا (الريدة) زادت إيمانو بالله !!

و العجب العجيب لو فتحت لينا سحارة عبدالله محمد خير !!
بس أصل البركل و اجيك راجع ..

[على ماجداب]

المشاركة الأصلية كتبت بواسطة الرشيد اسماعيل محمود

علي سلامات..
والله دة بوست سمح..
بالرغم من انو حيكون مرهق بالنسبة ليك..
عمليات الرصد دي محتاجة طولة بال..
انا ماعندي علاقة بغنا الشوايقة بس حتابع معاك

الرشيد تحياتى
كل البوستات سهله عندما تحاولها مع احمد طه وآخرين .. يمكن هو شعر مكتوب .. يقينى يالرشيد حتلقاهو بخصك جدا ..
ممتن لمتابعتك

[على ماجداب]

المشاركة الأصلية كتبت بواسطة مي هاشم

متابعة لصيقة وباستمتاع..
للأسف حفظي سيء للغناء ..
وكخاطر (قد يساعد) أو ذا صلة بالموضوع..فإن أمداح شيخنا حاج الماحي وشيخنا ودحليب مليئة بحنية الشايقية ومفرداتهم مع انها دينية..

مودتي

مى هاشم سلامات
التداخل ما بين دينى وغيره فى الشعر دا ربما هى فكرة البوست ذاتو ..حاج الماحى بيجسد الفكره تماما هو فى روحو دى ..(فى الاصل طمبارى).. وبفتكر مادام فى تداخل دينى فى شعر الغزل العكس ايضا قاعد يحصل .. (ودى فكره جديده للمرجع أحمد طه )...

[على ماجداب]

المشاركة الأصلية كتبت بواسطة أحمد طه

والله ياعلي الذاكرة بقت خربة ، و انت زول (من صورتك) لسة شباب ، فما تواخذنا ياخي ..

الحبيّب زول ختمي ، حافظ الكتير من المولد و البراق ، لذلك كان لا بد لأصداء الروحانيات دي إنها تنعكس في شعرو .

و دايرك بالله تعرج علي :

ست ريدي، في ذاتك عبدت الله
و زاد إيمان قليباً ليّ قبلك تاه

السر عثمان هنا (الريدة) زادت إيمانو بالله !!

و العجب العجيب لو فتحت لينا سحارة عبدالله محمد خير !!
بس أصل البركل و اجيك راجع ..

أحمد طه ..كيفنك
معليش للإنقطاع إثرعله كدا وحاجات تانيه ..
ونواصل

[على ماجداب]

المشاركة الأصلية كتبت بواسطة أحمد طه

سألني صديق عن معنى قول الشاعر ابراهيم الزومة :
آسيا فيك اتقطع العشم ... و صدرك المصحف للقسم !!
أين وجه الشبه ههنا؟؟ قلت له أظنه يشير إلى القداسة ، ألا ترى كمية الخوف و الرهبة في نفوس من يمدون أيديهم إلى المصحف الشريف لتأدية القسم !! هكذا أيضا يكون حال من يمد يده إلى ذلك الصدر

خالد الحاج .. هو فعلا حُجه ..