الشيوعية الشعورية - جعفر عباس

سمراء · 25-07-2010, 11:42 AM

رغم معاناتنا في المدرسة المتوسطة من التطهير العرقي بالتعرض للضرب كلما ضبطونا بجرم التحدث باللغة النوبية، لإرغامنا على إجادة العربية، فإنني أحببت اللغة العربية، استغفر الله فلم أحب قواعد اللغة العربية قط، ولكنني احببت الشعر العربي وكنت أتذوقه وأستطيع فهم بلاغياته.
وكما قلت في مقالات سابقة، فقد كان يحز في نفوسنا نحن النوبيين، ان الإذاعة تأتي بأغنيات لعثمان حسين، وكان زملاؤنا من أبناء قبيلة الشايقية في المدرسة يحسون بالزهو كلما غنى الرجل ويتباهون لكون المطرب عثمان حسين منهم، وطبعا ما كان واردا ان يبدي نوبي الإعجاب بعثمان حسين تفاديا للتعرض للاتهام بالعمالة لـ "الأعداء التاريخيين"، الشايقية، ثم جاء المطرب المجدد إبراهيم عوض وأصاب جماهيرية بين الناطقين بالعربية من غير الشايقية، وشخصيا أحسست بان أبوخليل مطرب متفرد، وبما ان لغتي العربية كانت أفضل حالا من لغة بقية "البرابرة" الذين كانوا معي، فقد وجدت أغنياته هوى في نفسي.. وشاء حظي العاثر ان أردد مقطعا من أغنيته الشهيرة: حبيبي جنني وغير حالي، من دون ان انتبه الى وجود أبي على مقربة مني، فانفجر في وجهي: ده شنو يا قليل الأدب؟.. باختصار قال لي ان الاستماع الى ابراهيم عوض ممنوع! لماذا يا دادي؟ قال: لأنه شيوعي، وشرح لي ان الشيوعيين أسوأ من الشايقية!! وهكذا ومن دون قصد منه جعلني أبي أكن إعجابا للشيوعيين، فقد خالطت الشايقية في المدرسة ووجدتهم أهل دعابة ومرح، واستمعت الى غناء ابراهيم عوض وأدركت انه مطرب متميز، ولكنني كنت أعرف ان الاعجاب بالشيوعيين يودي في داهية، ومن ثم كنت اردد اغاني ابراهيم عوض فقط اثناء الاستحمام، وعندما أتيت الى الخرطوم في إجازة لفت انتباهي ان الكثير من الناس يرددون اغنيات أبوخليل علنا في الشوارع وفي البيوت، وحسبت عندها ان الشيوعيين استولوا على السلطة.. بعبارة أخرى حسبت ان الرئيس الفريق ابراهيم عبود وجماعته شيوعيون، ومن فرط اعجابي بالشيوعيين لأن ابراهيم عوض كان الناطق باسمهم، خالفت تعليمات مدرس اللغة العربية وكتبت قصيدة في مدح الحكومة الشيوعية.. لا أذكر منها سوى عجز بيت جاء فيه "وتقلب السودان كالحرباء"، كنت أقصد ان أقول ان حال السودان تبدل الى افضل بمجيء عبود وجماعته، وعرضت القصيدة سرا على مدرس كان يكتب الشعر اسمه ابراهيم عثمان فوقف عند حكاية الحرباء وقال: ده أجمل وابلغ وصف لحال السودان.. بس تاني ما تكتب شعر... هكذا كانوا يقتلون المواهب في مدارس ذلك الزمان!! استحلفك بالله ايها القارئ ألا تجد في قولي "وتقلب السودان كالحرباء" بعد نظر سياسي؟ أليس هذا ما حدث منذ ان كتبت شعري الموءود ذاك؟ يوم رأسمالي ويوم اشتراكي ويوم ناصري ويوم بلا لون او طعم ويوم اسلامي ويوم جنجويدي؟
ثم جاء الموسيقي النوبي العملاق ميمد أُسمان (محمد عثمان) وردي ومسح بالشايقية والجعليين وكل عرب السودان المستنسخة الأرض، وشمخنا بأنوفنا الى السماء، هزم جنجويد الغناء في عقر دورهم وغنى بلغتهم واكتسح الساحة، ثم غنى "الليلة وو بلال" باللغة النوبية.. إر أونجا تيلي جقجقا دين نمي.. جقجا تيلي أونجا دين نمي.. إر أونجكاي جقجا.. جقجكي زالا.. إر إسوني سمره كيل أوني!! هذا كلام يسبب تلفا في الحبال الصوتية حتى لو حاول ترديده نوبي أصيل، ولكنه بليغ ولحنه منه وفيه: ابكي لك فتضحكين، واضحك لك فتبكين.. بكائي يثير ضحكك وضحكي يثير غضبك.. إلى متى سنبقى على هذا الحال؟ وبعد ان سمحت اذاعة ام درمان لوردي بالغناء باللغة النوبية أحسسنا لأول مرة أننا جزء من السودان، ولم نكن وقتها نعرف ان ثلثي السودان ملكنا تاريخيا.. وأن جنجويد الخرطوم يعيشون ضيوفا علينا، ويفسر هذا لماذا لم يرتفع صوت انفصالي واحد في شمال السودان النوبي: كيف ينفصل الإنسان عن ذاته وكيانه وهويته وتاريخه وموروثه وثقافته وحضــارته.

أشتر · 25-07-2010, 11:49 AM

ياااا سمرا
إر إسوني سمره كيل أوني !!!

سمراء · 25-07-2010, 11:51 AM

اقتباس:

المشاركة الأصلية كتبت بواسطة أشتر

ياااا سمرا
إر إسوني سمره كيل أوني !!!

بالحيل آجنا
بالحيل آآآآآزول

أشتر · 25-07-2010, 11:55 AM

اقتباس:

المشاركة الأصلية كتبت بواسطة سمراء

بالحيل آجنا
بالحيل آآآآآزول

بالحيل آآآجنا شنو ...
ياخ دا نوبي من النص والترجمة على الشريط ...
قال الشيوعية أسوأ من الشايقية ...
طيب لو شيوعي شايقي البحصل شنو (خالد الحاج نموذجن)

سمراء · 25-07-2010, 12:02 PM

اقتباس:

المشاركة الأصلية كتبت بواسطة أشتر

بالحيل آآآجنا شنو ...
ياخ دا نوبي من النص والترجمة على الشريط ...
قال الشيوعية أسوأ من الشايقية ...
طيب لو شيوعي شايقي البحصل شنو (خالد الحاج نموذجن)

يعنى لو ش ش ش

؟
سجمنا ماااااابتبقى حريقة عديل كدة
ياخ الشوايقه ديل ما احسن من النوبين ولا شيتين .....
والدليل :

جقجا تيلي أونجا دين نمي.. إر أونجكاي جقجا.. جقجكي زالا

وبرضو ....خالد الحاج نموزجن

أشتر · 25-07-2010, 12:11 PM

اقتباس:

المشاركة الأصلية كتبت بواسطة سمراء

يعنى لو ش ش ش

؟
سجمنا ماااااابتبقى حريقة عديل كدة
ياخ الشوايقه ديل ما احسن من النوبين ولا شيتين .....
والدليل :

جقجا تيلي أونجا دين نمي.. إر أونجكاي جقجا.. جقجكي زالا

وبرضو ....خالد الحاج نموزجن

ودا بقودنا للشيوعي لما يزهج بيبقي شنو؟؟؟ 123456 الصفحة الأخيرة ...
ابكي لك فتضحكين، واضحك لك فتبكين ..وأونجكاي جقجا.. جقجكي زالا .. وجنس حيرة غايتو هي !!!!!
كل ما يهم بابكر عباس من الموضوع دا (الحربوية)
عشان تكوني عارفة بس ...
يعني داير يقول لينا أنا الاخطبوط بول ذلك الزمان

أبوبكر عباس · 29-07-2010, 10:33 AM

اقتباس:

المشاركة الأصلية كتبت بواسطة سمراء

ثم جاء الموسيقي النوبي العملاق ميمد أُسمان (محمد عثمان) وردي ومسح بالشايقية والجعليين وكل عرب السودان المستنسخة الأرض، وشمخنا بأنوفنا الى السماء، هزم جنجويد الغناء في عقر دورهم وغنى بلغتهم واكتسح الساحة، .

"إن الشايقية هم أكثر مجموعة في شمال السودان إستطاعت ان تهضم التراث الغنائي السوداني الأصيل و المتراكم عبر القرون و تعبر عن موسيقاه بإستخدام آلة الطنبور السودانية الخماسية المتوارثة و عن كلماته و معانيه بإستخدام المفردات العربية المحلية الغنية بالمعاني. فأغاني الشايقية بالرغم من مفرداتها العربية المحلية، إلا أنها تلقى رواجا شديد في المنطقة المتحدثة بالنوبية. و لا غرابة، فهي صادرة عن بيئة طبيعية واحدة و وجدان متشابه إلى درجة بعيدة و تعبر عن قضايا واحدة. لهذه الاسباب لابد أن يتأثر الفنانون الذين ينتمون إلى المنطقة النوبية بغناء الشايقية فهو يعبر عنهم لكن باللغة العربية التي لا يجدون في فهمها صعوبة. يبدو ان تدهور اللغة النوبية في بئيتها الأصلية هو الذي دفع النوبين إلى التعلق بفن الشايقية. فاللغة النوبية لم يبق من مفرداتها ما يعبر أحسن التعبير بكل ما يجيش بخواطر الشعراء.."
المرحوم موسى محمد علي صالح - الزورات- دنقلا

فتحي مسعد حنفي · 29-07-2010, 11:14 AM

اقتباس:

المشاركة الأصلية كتبت بواسطة بابكر عباس

"إن الشايقية هم أكثر مجموعة في شمال السودان إستطاعت ان تهضم التراث الغنائي السوداني الأصيل و المتراكم عبر القرون و تعبر عن موسيقاه بإستخدام آلة الطنبور السودانية الخماسية المتوارثة و عن كلماته و معانيه بإستخدام المفردات العربية المحلية الغنية بالمعاني. فأغاني الشايقية بالرغم من مفرداتها العربية المحلية، إلا أنها تلقى رواجا شديد في المنطقة المتحدثة بالنوبية. و لا غرابة، فهي صادرة عن بيئة طبيعية واحدة و وجدان متشابه إلى درجة بعيدة و تعبر عن قضايا واحدة. لهذه الاسباب لابد أن يتأثر الفنانون الذين ينتمون إلى المنطقة النوبية بغناء الشايقية فهو يعبر عنهم لكن باللغة العربية التي لا يجدون في فهمها صعوبة. يبدو ان تدهور اللغة النوبية في بئيتها الأصلية هو الذي دفع النوبين إلى التعلق بفن الشايقية. فاللغة النوبية لم يبق من مفرداتها ما يعبر أحسن التعبير بكل ما يجيش بخواطر الشعراء.."
المرحوم موسى محمد علي صالح - الزورات- دنقلا

حقو يسموك بابكر بكري أبو بكر.
ياخ بالله لامن ةتقتبس ورينا انت موافق علي الاقتبستو دا ولا ما موافق.عشان دا كلام كاتبو بشر ما قرآن الناس سهكوهو تفسير ولسة ما فسروهو كويس..

الرشيد اسماعيل محمود · 29-07-2010, 11:20 AM

اقتباس:

المشاركة الأصلية كتبت بواسطة فتحي مسعد حنفي

حقو يسموك بابكر بكري أبو بكر.
ياخ بالله لامن ةتقتبس ورينا انت موافق علي الاقتبستو دا ولا ما موافق.عشان دا كلام كاتبو بشر ما قرآن الناس سهكوهو تفسير ولسة ما فسروهو كويس..

ده كلام صاح..
شغلك نضيف ياخواجة..

أبوبكر عباس · 29-07-2010, 11:21 AM

اقتباس:

المشاركة الأصلية كتبت بواسطة فتحي مسعد حنفي

حقو يسموك بابكر بكري أبو بكر.
ياخ بالله لامن ةتقتبس ورينا انت موافق علي الاقتبستو دا ولا ما موافق.عشان دا كلام كاتبو بشر ما قرآن الناس سهكوهو تفسير ولسة ما فسروهو كويس..

فتحي سلامات
إقتباسي المنسوب للمرحوم موسى، جبتو قصاد كلام جعفر عباس القال فيهو انو وردي مسح بالجعليين و الشايقة الارض
قاصد أقول انو وردي و النوبيين كلهم أصبحو جزء من فن الشايقية و دا ممكن يصل لمرحلة كنس مش مسح!!

أبوبكر عباس · 29-07-2010, 11:26 AM

اقتباس:

المشاركة الأصلية كتبت بواسطة فتحي مسعد حنفي

حقو يسموك بابكر بكري أبو بكر.
..

بكري أبو بكر علاقتو شنو؟ ما فهمتها!
الرشيد لو ما عندك حاجة ممكن تشرحها لي

الرشيد اسماعيل محمود · 29-07-2010, 11:32 AM

اقتباس:

المشاركة الأصلية كتبت بواسطة بابكر عباس

بكري أبو بكر علاقتو شنو؟ ما فهمتها!
الرشيد لو ما عندك حاجة ممكن تشرحها لي

معليش يابابكر وراي شغل

فتحي مسعد حنفي · 29-07-2010, 11:52 AM

[QUOTE=بابكر عباس;257560]فتحي سلامات
إقتباسي المنسوب للمرحوم موسى، جبتو قصاد كلام جعفر عباس القال فيهو انو وردي مسح بالجعليين و الشايقة الارض
قاصد أقول انو وردي و النوبيين كلهم أصبحو جزء من فن الشايقية و دا ممكن يصل لمرحلة كنس مش مسح!!

كدا الواحد ربط الكلام ببعضو لكن الما قاري البوست بي تفاصيلو حيفهم كيف كلامك الشرحتو دا.يابابكر في ناس وأنا منهم مخهم تخين محتاجين حصص تقوية فما تبقي بخيل..

بكري أبو بكر أحسن زول بيعمل كوبي بيست وتسعين في المية من البنزلو في سودانيز أون لاين عبارة عن قص ولزق دون توضيح أو اضافة عن سبب النقل..وما تزعل انت ما زيو

أبوبكر عباس · 29-07-2010, 04:00 PM

اقتباس:

المشاركة الأصلية كتبت بواسطة الرشيد اسماعيل محمود

معليش يابابكر وراي شغل

سودانيات عالم من التواصل و المحبة

أبوبكر عباس · 29-07-2010, 04:05 PM

اقتباس:

المشاركة الأصلية كتبت بواسطة فتحي مسعد حنفي

بكري أبو بكر أحسن زول بيعمل كوبي بيست وتسعين في المية من البنزلو في سودانيز أون لاين عبارة عن قص ولزق دون توضيح أو اضافة عن سبب النقل..وما تزعل انت ما زيو

يا فتحي يا أخي أنا تعبان أكتب في الكلام دا من أوراق قديمة...
صحي هو كوبي،
لكن بمجهود..
ما زي بتاع الكمبيوتر بكليك كوبي
و كليك بيست

يا زول انا لاقي يشبهوني بزول عظيم زي بكري أبو بكر!

25-07-2010, 11:42 AM	#[1]
سمراء :: كــاتب نشــط::	الشيوعية الشعورية - جعفر عباس رغم معاناتنا في المدرسة المتوسطة من التطهير العرقي بالتعرض للضرب كلما ضبطونا بجرم التحدث باللغة النوبية، لإرغامنا على إجادة العربية، فإنني أحببت اللغة العربية، استغفر الله فلم أحب قواعد اللغة العربية قط، ولكنني احببت الشعر العربي وكنت أتذوقه وأستطيع فهم بلاغياته. وكما قلت في مقالات سابقة، فقد كان يحز في نفوسنا نحن النوبيين، ان الإذاعة تأتي بأغنيات لعثمان حسين، وكان زملاؤنا من أبناء قبيلة الشايقية في المدرسة يحسون بالزهو كلما غنى الرجل ويتباهون لكون المطرب عثمان حسين منهم، وطبعا ما كان واردا ان يبدي نوبي الإعجاب بعثمان حسين تفاديا للتعرض للاتهام بالعمالة لـ "الأعداء التاريخيين"، الشايقية، ثم جاء المطرب المجدد إبراهيم عوض وأصاب جماهيرية بين الناطقين بالعربية من غير الشايقية، وشخصيا أحسست بان أبوخليل مطرب متفرد، وبما ان لغتي العربية كانت أفضل حالا من لغة بقية "البرابرة" الذين كانوا معي، فقد وجدت أغنياته هوى في نفسي.. وشاء حظي العاثر ان أردد مقطعا من أغنيته الشهيرة: حبيبي جنني وغير حالي، من دون ان انتبه الى وجود أبي على مقربة مني، فانفجر في وجهي: ده شنو يا قليل الأدب؟.. باختصار قال لي ان الاستماع الى ابراهيم عوض ممنوع! لماذا يا دادي؟ قال: لأنه شيوعي، وشرح لي ان الشيوعيين أسوأ من الشايقية!! وهكذا ومن دون قصد منه جعلني أبي أكن إعجابا للشيوعيين، فقد خالطت الشايقية في المدرسة ووجدتهم أهل دعابة ومرح، واستمعت الى غناء ابراهيم عوض وأدركت انه مطرب متميز، ولكنني كنت أعرف ان الاعجاب بالشيوعيين يودي في داهية، ومن ثم كنت اردد اغاني ابراهيم عوض فقط اثناء الاستحمام، وعندما أتيت الى الخرطوم في إجازة لفت انتباهي ان الكثير من الناس يرددون اغنيات أبوخليل علنا في الشوارع وفي البيوت، وحسبت عندها ان الشيوعيين استولوا على السلطة.. بعبارة أخرى حسبت ان الرئيس الفريق ابراهيم عبود وجماعته شيوعيون، ومن فرط اعجابي بالشيوعيين لأن ابراهيم عوض كان الناطق باسمهم، خالفت تعليمات مدرس اللغة العربية وكتبت قصيدة في مدح الحكومة الشيوعية.. لا أذكر منها سوى عجز بيت جاء فيه "وتقلب السودان كالحرباء"، كنت أقصد ان أقول ان حال السودان تبدل الى افضل بمجيء عبود وجماعته، وعرضت القصيدة سرا على مدرس كان يكتب الشعر اسمه ابراهيم عثمان فوقف عند حكاية الحرباء وقال: ده أجمل وابلغ وصف لحال السودان.. بس تاني ما تكتب شعر... هكذا كانوا يقتلون المواهب في مدارس ذلك الزمان!! استحلفك بالله ايها القارئ ألا تجد في قولي "وتقلب السودان كالحرباء" بعد نظر سياسي؟ أليس هذا ما حدث منذ ان كتبت شعري الموءود ذاك؟ يوم رأسمالي ويوم اشتراكي ويوم ناصري ويوم بلا لون او طعم ويوم اسلامي ويوم جنجويدي؟ ثم جاء الموسيقي النوبي العملاق ميمد أُسمان (محمد عثمان) وردي ومسح بالشايقية والجعليين وكل عرب السودان المستنسخة الأرض، وشمخنا بأنوفنا الى السماء، هزم جنجويد الغناء في عقر دورهم وغنى بلغتهم واكتسح الساحة، ثم غنى "الليلة وو بلال" باللغة النوبية.. إر أونجا تيلي جقجقا دين نمي.. جقجا تيلي أونجا دين نمي.. إر أونجكاي جقجا.. جقجكي زالا.. إر إسوني سمره كيل أوني!! هذا كلام يسبب تلفا في الحبال الصوتية حتى لو حاول ترديده نوبي أصيل، ولكنه بليغ ولحنه منه وفيه: ابكي لك فتضحكين، واضحك لك فتبكين.. بكائي يثير ضحكك وضحكي يثير غضبك.. إلى متى سنبقى على هذا الحال؟ وبعد ان سمحت اذاعة ام درمان لوردي بالغناء باللغة النوبية أحسسنا لأول مرة أننا جزء من السودان، ولم نكن وقتها نعرف ان ثلثي السودان ملكنا تاريخيا.. وأن جنجويد الخرطوم يعيشون ضيوفا علينا، ويفسر هذا لماذا لم يرتفع صوت انفصالي واحد في شمال السودان النوبي: كيف ينفصل الإنسان عن ذاته وكيانه وهويته وتاريخه وموروثه وثقافته وحضــارته.
سمراء :: كــاتب نشــط::	التوقيع:

25-07-2010, 11:49 AM	#[2]
أشتر :: كــاتب نشــط::	ياااا سمرا إر إسوني سمره كيل أوني !!!
أشتر :: كــاتب نشــط::

29-07-2010, 11:52 AM	#[13]
فتحي مسعد حنفي :: كــاتب نشــط::	[QUOTE=بابكر عباس;257560]فتحي سلامات إقتباسي المنسوب للمرحوم موسى، جبتو قصاد كلام جعفر عباس القال فيهو انو وردي مسح بالجعليين و الشايقة الارض قاصد أقول انو وردي و النوبيين كلهم أصبحو جزء من فن الشايقية و دا ممكن يصل لمرحلة كنس مش مسح!! كدا الواحد ربط الكلام ببعضو لكن الما قاري البوست بي تفاصيلو حيفهم كيف كلامك الشرحتو دا.يابابكر في ناس وأنا منهم مخهم تخين محتاجين حصص تقوية فما تبقي بخيل.. بكري أبو بكر أحسن زول بيعمل كوبي بيست وتسعين في المية من البنزلو في سودانيز أون لاين عبارة عن قص ولزق دون توضيح أو اضافة عن سبب النقل..وما تزعل انت ما زيو
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري