المك نمر ..... جــــــراياً لبوة

[عبداللطيف النقر]

المشاركة الأصلية كتبت بواسطة محمد مصطفي

معروف اصلاً اللبوة جرايا .........
لكن انا قصدت الجري الذي يصحبه الفزع والخوف .....
لذا وصفته باللبوة لصفة الجري .... واخذت اسم المؤنث لصفة الخوف ...

ودي

[align=right]وبصورة أخرى ارى انك مدحته -- ولو ان قصدك كان الذم -- فكلمة لبوة عند السودانيين لها معانى كثيرة -- تنفر الناس من ذكرها -- ولكن الحقيقة ان اللبوة اشجع من الاسد -- وامضى عزما وقوة ودهاء ومكرا ومعرفة بالصيد -- ولو لاها ما أكل الاسد --

أعتذر للمحامى الشايقى -- ولكن الامر اكبر من فتنة دارفور -- وعبدالواحد --- وكل من تنتفى عنه كلمة سودانى اصيل [/align]

[محمد مصطفي]

المشاركة الأصلية كتبت بواسطة عبداللطيف النقر

[align=right]وبصورة أخرى ارى انك مدحته -- ولو ان قصدك كان الذم -- فكلمة لبوة عند السودانيين لها معانى كثيرة -- تنفر الناس من ذكرها -- ولكن الحقيقة ان اللبوة اشجع من الاسد -- وامضى عزما وقوة ودهاء ومكرا ومعرفة بالصيد -- ولو لاها ما أكل الاسد --

أعتذر للمحامى الشايقى -- ولكن الامر اكبر من فتنة دارفور -- وعبدالواحد --- وكل من تنتفى عنه كلمة سودانى اصيل [/align]

وهو منو القال ليك انا داير اهينو اساساً ....
ما تركز علي الكلمة كتير شوف ضلها برضو ....

[kofi]

تحياتى
هو ملك لنا جميعا عيبه منا وفروسيته ايضا ولكن بينى وبينك هو فى الاول استقبل الباشا بكرم ولكن لمن رجع الباشا برضو اكرمه وما قصر معاه!!!
جاهو واحد من المماليك الهربوا من القلعة واقنعه بالفكره (ثارا) لمذبحة القلعة!!
حرق الضيف ليس من شيمة القبيبلة العزيزة (الجعليين)!!اوثقافتهم!!!
الظروف الذاتية لشخصية الملك الشجاع فى اللحظة اجبرته على اتخاذ القرار (الحماقة) المهم كان بالنسبة لة الرد الشخصى ولم يكن هنلك وطن اسمه السودان ولا ثقافة وطنية حتى الان!!!
البشير ذاتو لو لقى حيتصرف نفس التصرف!!!!
والمصريين جاهزين دايما!!!
ويبقى المك شجاع وان تحفظت على كلمة بطل

[wadosman]

المشاركة الأصلية كتبت بواسطة عبداللطيف النقر

رايك شنو يا محمد مصطفى --

ما تمشى تشتكيهو لى حقوق الانسان -- والمحكمة الجنائية الدوليه -- وزى ما سمعت انو الجرائم ضد الانسانية لا تسقط بالتقادم -- ما هم الارمن للان عاملين شوكة حوت للأتراك --

عشان كده شوف ليك كم محامى شايقى شاطر...[/

اها...هسى الدخل الشوايقه هنا شنو..؟؟؟؟

[عبداللطيف النقر]

المشاركة الأصلية كتبت بواسطة wadosman

اها...هسى الدخل الشوايقه هنا شنو..؟؟؟؟

[align=right]ود عثمان كدى بالاول شوفل لينا -- ود المك عريس ---

تانيا - فكرك محمد مصطفى طليانى [/align]

[wadosman]

المشاركة الأصلية كتبت بواسطة عبداللطيف النقر

[align=right]ود عثمان كدى بالاول شوفل لينا -- ود المك عريس ---

تانيا - فكرك محمد مصطفى طليانى [/align]

غايتو ذكرتنى نكته الهدندوى مع الفلسطينى..

ياخى حتى لو محمد مصطفى طليانى فهو بيطرح وجه نظره خاصه بيهو
و قابله للنقاش...!!!

[قرقاش]

اضحكتنى معلومه ان المك نمر جعلى سبق له ان ارتكب ...بطوله ..وعرد ..خصوصا اذا ربطتها مع جعليه البشير ...والخواجه ...الميردا ...اوكامبو المهم تذكرت لى موضوع قديم فى نفس المعنى ..الاوهو حوجتنا الى ابطال حتى نقتدى بهم ...نعم هذا هو اهم جانب طرحه محمد مصطفى فى هذا البوست ...الا وهو اين ابطالنا الحقيقين مثل ابطال باقى العالم ...ابطال نقتدى بهم ونحكى عنهم هم لاطفالنا اين هم ..؟ اوعى تقول لى رامبو ...
..اهديكم ماكتبته ونشرته فى صحفنا فى العام 2005....اهديه لكم

(صمت الحملان )
جاء فى الوطن ان السيد الصادق المهدى قد احتفل بسبعينيته.. ندعو له بالصحه والعافيه والعمر المديد .. وجاء ايضا انه بتلك المناسبه راجع نفسه وعدد اخطاءه وتحدث عنها .. وهذا رائع.. ولكنى اعتقد ان هناك امرا مهما... منسى واعتقد انه كان هناك واجبا.. وكان لزاما علي السيد ان يفعله .. ولكنه فضل غيره من الحلول.. وازدادت قناعتى بذلك الواجب المنسى وانا اقراء ملاحظات عن كتاب جديد للاستاذ الاديب محمد محمد خير يقول فيه ( فظيع مارايته فى ذلك المكان الذى اتفق على تعريفه ببيت الاشباح.. اذكر حارسا اصطفانى من دون خلق الله وصار يكيل لى سبابا يوميا يمتد لوقت مالى فيه نفقه .. وفى ذات يوم وهو يكيل سبابه ويتبسم فى وجهى واظنه قد حسب ذلك صدقه عطس فجاءه ولم يحمد الرحمن الرحيم وحين قلت له يرحمكم الله اوسعنى ضربا بسلك كهربائى حتى غفر الله لى وله ..ولرب العالمين الحمد )..
وانا اقراء تلك الملاحظات تذكرت ذلك الفلم الامريكى الرائع ( صمت الحملان ) والذى حصد قبل عده سنوات العديد من جوائز الاوسكار .. وهو يحكى عن دكتور له عشق خاص بأكل لحوم البشر و يمتلك ايضا قدرات عقليه خطيره فى اكتساب محبه الاخرين له .. وله مقدره عاليه فى سحر الناس بمنطقه الخاص وطلاوه لسانه .. استطاعت الشرطه القبض على الدكتور ونسبه لخطورته وسرعه تاثيره الشديد على من حوله .. فانه قد تم ابعاد كل رجال الشرطه من حوله و تم تصفيده بالاصفاد الحديديه (الكلبشات ) واحتجازه فى ساحه كبيره محاطه بسياج حديدى يذكرنا بقفص القرود فى حديقه الحيوانات (ياحليلها ) وتم احاطه المكان من الخارج بكميه كبيره من رجال الشرطه مسلحون باعتى انواع الاسلحه .. وذات صباح جاء اليه جنديان بوجبه افطاره .. وبواسطه مسمار طوله واحد بوصه فقط كان يخفيه فى فمه .. وبطريقه سينمايئه مقنعه جدا.. استطاع الدكتور ان يفك اغلاله وان يصفد بها واحد من الاثنين من رجال الشرطه ثم هجم على الاخر ولما كان لايملك اى سلاح سوى اسنانه فانه هجم بها على انف ذلك الشرطى الاخر قاطعا له انفه معتبرا ان ذلك الانف كان وجبه دسمه لذلك الصباح ..
تذكرت صمت الحملان والمشهد الذى حكيت لكم عنه وتسالت لماذا لم يقضم صديقنا لذلك الحارس انفه ..؟ فلو فعل ذلك لسارت بذكره الركبان ولربما لم يتكرر ذلك الامر ثانيه مع اخرين .. وقلت لنفسى ربما لانه لايوجد لدينا رموز لنقتدى بها .. فالوحيد الذى يحبه اخونا محمد محمد خير ( كما يقول فى كتابه ) وكان من الممكن ان يكون رمزا له وللاخرين بل للجميع اختفى حين كان ( ينبغى ) له الدفاع عن امانه حملها له الناس.. وعبر شرعيه دون الوصول الى عرضها حتى ينتهك الف مليون خط احمر.. او كما يقول اخواننا فى مصر على جثتى .. ولكنه ولى ولن نقول هاربا ولكن نقول انه ذهب لحال سبيله ناسيا انه كان من الممكن ان يخلده التاريخ لو انه فى تلك اليله تصدى.. وحتى لو استشهد ( مثل كثير من اليافعين من ابطال بلادى ويمكن ان نعددهم بالاسم ) فلو فعلها فى تلك الليله لربما كان اليوم مثالا لذلك المحب له محمد محمد خير فلربما بالتصدى يكون محمد واخرين قد اخذوا درسا يقول لهم انه من الممكن.. بل من الواجب ان يتم التصدى لذلك المزكوم ...
ثم دعونا نترحم على ذلك الذى فرش السجاده وانتظر الموت فى ام دبيكرات بعد عده ايام من المعركه.. فعلى مايبدوا انه التاريخ الذى تعلم منه شيخنا ..
اظن ان جيلنا وانا من سن محمد محمد خير كان فى حاجه الى رموز يقتدى بها عند الملمات .. ولكن للاسف ... انه التاريخ.. ثم ظنى انه هو الامر المنسى عند شيخنا الجليل وهو يحتفل بسبعينيته فلقد نسى انه هو شخصيا ..من الذين كان( ينبغى) ان يكونوا لنا رموزا لنقتدى بها ..
عموما .. هاهى طلائع اولادنا واحفادنا ..( ابناء نشيد العلم صباحا فى المدارس) تهل مواكبهم يقودها اطفال فلسطين وهم يعطون دروس بالحجاره.. وهاهى شموس العراق تهل بصناديد.. مبداء الكلام عندهم ان تعود يامعتدى الى بلادك اولا.. وحتى هنا فى بلادى اعطينا كل العالم درسا مرتين فى اكتوبر 64 وابريل 84 ولكن قادتنا وسادتنا وكبارنا والذين هم دوما اصحاب الواجب المنسى فرطوا فى عائد تلك الدروس والعبر.. وربما لانهم هم نفسهم لايملكون رموزا ليقتدوا بها..
هل تذكرون القرشى ..؟ ربما هو شمعه فى ليله داج..ولكن ان تشعل شمعه خير من ان تلعن الظلام.......اطال الله عمرك سيدى الامام ....

[عبداللطيف النقر]

المشاركة الأصلية كتبت بواسطة wadosman

غايتو ذكرتنى نكته الهدندوى مع الفلسطينى..

ياخى حتى لو محمد مصطفى طليانى فهو بيطرح وجه نظره خاصه بيهو
و قابله للنقاش...!!!

[align=right]ياود عثمان اخوى -- والله ما ضيعنا وضيع السودان الا وجهة النظر الخاصة دى وقبولها للنقاش من عدمو -- فلنتفق اولا على الثوابت التى لا تمس -- والباقى هيين [/align]---

[wadosman]

المشاركة الأصلية كتبت بواسطة عبداللطيف النقر

[align=right]ياود عثمان اخوى -- والله ما ضيعنا وضيع السودان الا وجهة النظر الخاصة دى وقبولها للنقاش من عدمو -- فلنتفق اولا على الثوابت التى لا تمس -- والباقى هيين [/align]---

اخى ابدا مافى مشكله وكل ما ذكرته صحيح
فقط يجب وضع معيار صحيح للثوابت و التى ليست بالسهوله تثبيتها...

انا مشكلتى كلها فى يعنى ما ممكن اكون واقف اتفرج و يجينى كرسى طاير
لا ايدى لا كراعى....

[محمد مصطفي]

المشاركة الأصلية كتبت بواسطة kofi

تحياتى
هو ملك لنا جميعا عيبه منا وفروسيته ايضا ولكن بينى وبينك هو فى الاول استقبل الباشا بكرم ولكن لمن رجع الباشا برضو اكرمه وما قصر معاه!!!
جاهو واحد من المماليك الهربوا من القلعة واقنعه بالفكره (ثارا) لمذبحة القلعة!!
حرق الضيف ليس من شيمة القبيبلة العزيزة (الجعليين)!!اوثقافتهم!!!
الظروف الذاتية لشخصية الملك الشجاع فى اللحظة اجبرته على اتخاذ القرار (الحماقة) المهم كان بالنسبة لة الرد الشخصى ولم يكن هنلك وطن اسمه السودان ولا ثقافة وطنية حتى الان!!!
البشير ذاتو لو لقى حيتصرف نفس التصرف!!!!
والمصريين جاهزين دايما!!!
ويبقى المك شجاع وان تحفظت على كلمة بطل

هههههههههه

والله ريحتني راحة ............
انا ما بعرف اتنتن الكلام وادبو .....
والحماقة دي المغزي الحقيقي من البوست ده
ودي معروفة عند اخوانا ديل ....
يعني ضيف جاك في البيت تعشيهو وتحرقو ....
انا غايتو بعرف القتال في حالة الحرب بعلنو عنو عدييييييييييل كده
وكان مشيت كاتلت ليك زول اكتر منك قوة وعتاد .. تبقي













جعلي .........

[عبداللطيف النقر]

المشاركة الأصلية كتبت بواسطة wadosman

اخى ابدا مافى مشكله وكل ما ذكرته صحيح
فقط يجب وضع معيار صحيح للثوابت و التى ليست بالسهوله تثبيتها...

انا مشكلتى كلها فى يعنى ما ممكن اكون واقف اتفرج و يجينى كرسى طاير
لا ايدى لا كراعى....

[align=right]اهو شوف الفوق لينا ده كاتب شنو -- حتى تاريخ المهدية -- وكررى التى استشهد فيها فى ساعتين فقط 100 الف -- دايرين يلغوا تاريخنا بجرة قلم -- انا ما عارف الناس ديل من ياتو جنس -- صحيح الزمن العلينا ده اختلط الحابل بالنابل [/align]---

[محمد مصطفي]

المشاركة الأصلية كتبت بواسطة wadosman

اها...هسى الدخل الشوايقه هنا شنو..؟؟؟؟

تقول شنو حقارة جعليين بس ......

[محمد مصطفي]

المشاركة الأصلية كتبت بواسطة عبداللطيف النقر

[align=right] فكرك محمد مصطفى طليانى [/align]

انا غايتو قبيلتي واقعة في الدرب الجري بيهو المك نمر .....
كان الغبار الذي اثاره الجري دليل استدل به جنود الباشا الي قبيلتنا ....
خربوها ودمروها وجعلو عاليها واطيها ..........

وده الجانا من البطولات المافي محلها .....

[عبداللطيف النقر]

المشاركة الأصلية كتبت بواسطة محمد مصطفي

انا غايتو قبيلتي واقعة في الدرب الجري بيهو المك نمر .....
كان الغبار الذي اثاره الجري دليل استدل به جنود الباشا الي قبيلتنا ....
خربوها ودمروها وجعلو عاليها واطيها ..........

وده الجانا من البطولات المافي محلها .....

[align=right]حسب جغرافية المنطقة -- وحسب علمى -- ما فى قبيلة واقعة فى الطريق -- على الاقل فى المنطقة المأهولة ذاك الزمان -- تانى ما فضل الا العنج والبرتا والانقسنا -- وهم واقعين فى طريق الدرب الجرى بيهو المك --لى حدود الحبشة --[/align]

[الرشيد اسماعيل محمود]

المشاركة الأصلية كتبت بواسطة عبداللطيف النقر

[align=right]حسب جغرافية المنطقة -- وحسب علمى -- ما فى قبيلة واقعة فى الطريق -- على الاقل فى المنطقة المأهولة ذاك الزمان -- تانى ما فضل الا العنج والبرتا والانقسنا -- وهم واقعين فى طريق الدرب الجرى بيهو المك --لى حدود الحبشة --[/align]

عبداللطيف سلامات..
طيب ممكن يكون من الانقسنا ولا البرتا ولا العنج..المشكلة وين..؟؟
طبعا ياعبداللطيف رغم انك بتنفعل في ردودك بصورة سريعة الا انو يعجبني
فيك تمسكك بمباديء وخطوط ارتضيتا لنفسك وملتزم بيها..
ودي حاجة كويسة لحد ما..بس الانفعال مرات ممكن يدخلك في متاهات اخري.
انا الفهمتو من كلامو انو مجرد استفهامات في انو كيف الجري يصبح شجاعة..؟؟
والجعليين ذاتم بيكون فخرهم بشجاعتهم مقرون بالمك والحادثة الشهيرة..
وكأن شجاعتهم أُكتسبت فقط بعد الحادثة وذلك خصما من تراث القبيلة..
يعني الجعليين ماقبل المك نمر..ماذا عنهم..؟؟؟
محمد مصطفي سلامات ياصاحب..
بجيك راجع.