22-08-2010, 07:40 AM
|
#[20]
|
|
:: كــاتب نشــط::
|
اقتباس:
المشاركة الأصلية كتبت بواسطة سمراء
اللغبش صباحاتك نديانة وتريانة ،،،
عارف لمن يكون عندك دولاب ملياااان فل وبتقفل يا الله ، وتجى تفتحو البحصل شنو ؟؟
بس ياهو ذى لمن تقعد تنبش ليك فى حدث صغير تقوم كل المخزونات تجيك ورررررر تخ فى وشك!!
اها بس انا امس عملته نفس الشى ، وطبعا قعدته ليك ليها بمزاااااج تصنيف ، ولقيت ليك 90%
مشى السلة ، والباقى فى الدرب ...
ليه بنزحم روحنا بعلاقات المجاملة اللابتودى ولا بتجيب !!
ليه نشتت روحنا البقت زاااته مالاقيه فرقة دى !!
انا من زمان عندى نظرية ، انو التشتت فى العلاقات ماكويس ، لانو مفترض اى علاقه توفيها حقها من التزام ، بس للاسف لقيت انو الزمن مابسمح لى كده ، وبتكون ملام ...يبقى من باب اولى ما يكون اصلا فى علاقات عشان ماتتلوم فيها .....وبكده بترتاح وتريح !! صاح ؟
|
هههههههههههههههههههههههههههههههه
وأنا بكتب في كلامي الفات ده خاتي قدامي صورة مكتبتي الصغيرة وكيس الخطابات القديمة ..
قبل يومين ونحن ماشين لي عزاء في وفاة والد زميلنا مرينا بي ركشة مكتوب عليها (كفاية معارف ) تبسمت في نفسي ضاحكاً أنو انا ما براي ..
ايام الجامعة كنت محدود العلاقات وأي صديق جديد (خاصة الجنس اللطيف)ما أن يسقط جدار عدم (العِرفة) حتي يبادرني بالسؤال عن عدم انفتاحي حتي صارت لي اجابة جاهزة وأصبح هذا السؤال عندي مقياس للمرحلة التي وصلها من يحادثني .. كانت اجابتي اني(بدل ما افتح طرفي وأخم وبعدين أقعد أنقي وأرمي منو احسن من الأول أنقي وأرفع في طرفي ) ..
قد يصنفها البعض كرؤية كسلانه ..وقد يعتبرها البعض الآخر إستعلائية .. لكن طريقة تنفيذها في رأيي هي الفيصل للحكم عليها ..حتي تتجنب إستعمال ترس الخلف التقيل جداً والمؤزي للمحركات ..
|
|
|
|
|
