الله ياشعب مصر كيف لنا ان نشاركك الفرحة

[جيجي]

هل مرده إلى كونه المصريين اكثر ولاءاً من السودانيين

ياوجدي نحن ناس ا لدونية اتربت معانا
ودي ادت لمحدودية تقبل الوجدان عندنا
لذلك مدى تقبلنا للقهر اوسع
نحن محتاجين لثورة وجدانية تعلى سقف احساسنا بالاشياء وتمرقنا للفضاء البارح وتعلمنا معنى الحريه الكاملة وليس السياسية فقط

[أسعد]

طيب يا جيجي ياخ الثورة الوجدانية دي بتقوم متين ياخ
ولا نرجى إرادة الحياة
في تبدلها لخطوط الكنتور وتحولها لمدارات الفصول
عشان تنتج لينا الثورة الوجدانية دي

ياخ نحن موضوعنا مستحمي من حتة جغرافية موقعنا في العالم وتقاطعات خطوط الكنتور ...

ياخ نحن موضوعنا مستحمي شديد يا جيجي ياخ

نحن شعب بيض ومبدعينا أبيض منا في فقعان لون صفار البيض

نسيت اقول ليك يا الرشيد
محسن خالد قولت ليهو ارجع السودان ياخ
قال لي ارجع السودان ولسة الكيزان قاعدين فيهو ؟! واستشهد لي بجغمسة البشير القالها في القضارف
أها أسي عليك الله يا الرشيد يا اخوي نقول شنو فوق محسن خالد دا
سياتو عايز يجي السودان بعد ما الكيزان يمشوا!!
ههههههههههاي
طيب وقت الكيزان يمشوا
نحن محسن دا بنسوي بيهو شنو؟!

عماد عبدالله قبل كدة قلت ليهو اكتب ياخ الله يرضى عليك
قال لي الحالة وقف دوت من الحاصل في السودان
اها برضو عماد دا يقول فوقو شنو؟!
هو لو ما نضم في الوضع الحاصل في السودان حاليا
داير ينضم متين؟!

اها يا الرشيد برضك تعلقنا في شماعة الحيكومة
المبدعين متحججين في انهم تعبانين وجدانياً
والتعب دا ما بسمح ليهم في الكتابة
شوفت كيف!!

[النور يوسف محمد]

الشاعر فاروق جويدة





ارحل


ارحل كزين العابدين وما نراه أضل منك

ارحل وحزبك في يديك

ارحل فمصر بشعبها وربوعها تدعو عليك

ارحل فإني ما أرى في الوطن فردا واحدا يهفو إليك

لا تنتظر طفلا يتيما بابتسامته البريئة أن يقبل وجنتيك

لا تنتظر أمّا تطاردها هموم الدهر تطلب ساعديك

لا تنتظر صفحا جميلا فالخراب مع الفساد يرفرفان بمقدميك

ارحل وحزبك في يديك

ارحل بحزب امتطى الشعب العظيم

وعتى وأثرى من دماء الكادحين بناظريك

ارحل وفشلك في يديك

ارحل فصوت الجائعين وإن علا لا تهتديه بمسمعيك

فعلى يديك خراب مصر بمجدها عارا يلوث راحتيك

مصر التي كانت بذاك الشرق تاجا للعلاء وقد غدت قزما لديك

كم من شباب عاطل أو غارق في بحر فقر وهو يلعن والديك

كم من نساء عذبت بوحيدها أو زوجها تدعو عليك

ارحل وابنك في يديك

إرحل وابنك في يديك قبل طوفان يطيح

لا تعتقد وطنا تورثه لذاك الابن يقبل أو يبيح

البشر ضاقت من وجودك.. هل لابنك تستريح؟

هذي نهايتك الحزينة هل بقى شيء لديك؟

ارحل وعارك أي عارْ

مهما اعتذرتَ أمامَ شعبكَ لن يفيد الاعتذارْ

ولمن يكونُ الاعتذارْ؟

للأرضِ.. للطرقاتِ.. للأحياءِ.. للموتى..

وللمدنِ العتيقةِ.. للصغارْ؟!

ولمن يكونُ الاعتذارْ؟

لمواكب التاريخ.. للأرض الحزينةِ

للشواطئِ.. للقفارْ؟!

لعيونِ طفلٍ

مات في عينيه ضوءُ الصبحِ

واختنقَ النهارْ؟!

لدموعِ أمٍّ لم تزل تبكي وحيدا

فر أملا في الحياة وانتهى تحت البحار

لمواكبِ العلماء أضناها مع الأيام غربتها وطول الانتظارْ؟!

لمن يكون الاعتذار؟

**

ارحل وعارك في يديكْ

لا شيء يبكي في رحيلك..

رغم أن الناس تبكي عادة عند الرحيلْ

لا شيء يبدو في وجودك نافعا

فلا غناء ولا حياة ولا صهيل..

ما لي أرى الأشجار صامتةً

وأضواءَ الشوارعِ أغلقتْ أحداقها

واستسلمتْ لليلِ في صمت مخيف..

ما لي أرى الأنفاسَ خافتةً

ووجهَ الصبح مكتئبا

وأحلاما بلون الموتِ

تركضُ خلفَ وهمٍ مستحيلْ

ماذا تركتَ الآن في أرض الكنانة من دليل؟

غير دمع في مآقي الناس يأبى أن يسيلْ

صمتُ الشواطئ.. وحشةُ المدن الحزينةِ..

بؤسُ أطفالٍ صغارٍ

أمهات في الثرى الدامي

صراخٌ.. أو عويلْ..

طفلٌ يفتش في ظلام الليلِ

عن بيتٍ توارى

يسأل الأطلالَ في فزعٍ

ولا يجدُ الدليلْ

سربُ النخيل على ضفافِ النيل يصرخ

هل تُرى شاهدتَ يوما..

غضبةَ الشطآنِ من قهرِ النخيلْ؟!

الآن ترحلُ عن ثرى الوادي

تحمل عارك المسكونَ

بالحزب المزيفِ

حلمَكَ الواهي الهزيلْ..

***

ارحلْ وعارُكَ في يديكْ

هذي سفينَتك الكئيبةُ

في سوادِ الليل تبحر في الضياع

لا أمانَ.. ولا شراعْ

تمضي وحيدا في خريف العمرِ

لا عرش لديكَ.. ولا متاعْ

لا أهلَ.. لا أحبابَ.. لا أصحابَ

لا سندا.. ولا أتباعْ

كلُّ العصابةِ تختفي صوب الجحيمِ

وأنت تنتظرُ النهايةَ..

بعد أن سقط القناعْ

[عبدالمنعم الطيب حسن]

التهاني كلها للشعب المصري العظيم
هذه اعظم انتفاضة عرفها التاريخ
المصرين معلمة ياجدعان
المصري موحد
من مرسي مطروح حتى الاسماعيلية والسويس
ومن اسوان حتى اسكندرية ليه

نحن غرب وشرق
وعرب وعبيد
ووهم
قبلية وعنجهية وواحد رضيان بالتاني مافي
كلنا تكتمل سعادتنا بالرجوع لقريش
كلنا قريشيون
هنا الازمة
مالم تحسم مسالة الهوية والوطن في دواخلنا
نظل مقيدين للابد بتخلف وفقر العباد رغم ثراء البلاد

[الرشيد اسماعيل محمود]

تلقى المبدع المصري على الرغم من الظروف المنيلة بستين نيلة
لكن هو بكتب بصورة دائمة

وجدي..
يازول انت مشكلتك مع الكتابة الدائمة ولا مع قيمة مايكتبه المبدع..
انت ليه بتنكر دور المبدع السوداني واثره في وجدان الناس..
أمسك ليك محجوب شريف مثلا..
هل بتنكر دوره في تثقيف الوجدان العام وبث الوعي بقيمة الانسان العاري
من كل البهرجات..
هل تنفي دور عاطف خيري في تحويل ذائقة المتلقي من الشعرية البكائية
للشعرية العقلية الواعية بما حولها تمام الوعي..
هل بتنفي دور هاشم صديق في تأسيس عقلية الرفض مهما كانت المعطيات
والمغريات..
هل بتنفي دور محسن خالد المتعظم ومحاولاته الجادّة لفضح همجيّة التصنيفات الواهيّة وتحطيم الطواطم المقدّسة وابتكار عقلية نقدية جديدة..
هل بتنفي دور بركة ساكن المتعاظم في لفت نظر المجتمع لحيوات الطبقات المسحوقة المقهورة وفي نفس الوكت البنّاءة المنتجة..
هل بتقدر تنفي دور فنان زي وردي مثلا..ولا مجموعة زي عقد الجلاد
فتحت نوافذ للأمل وخلت وجدان الناس يتحول من رومانسية حالمة سالبة
لواقعية واعية ايجابيّة..
المبدع انت قايل الا يمرق مع الناس في الجوطة ويهتف عشان نسميهو مبدع ولا ككيف يعني..؟؟
ولا الا يكون قاعد متحكر جوة وطنه عشان نديهو صفة مبدع..؟؟
الابداع ما بيعترف ليك بحدود جغرافية..
والابداع ذاتو يازول ما هو جسد بيدخل عن طريق باسبورت وتذكرة
طيران درجة رجال أعمال..
الابداع صوت بيتسرب الناس وبيتخمّر والناس بتسكر بيهو..
في زول راسو خفيف بيمسك نار طوالي..
وفي زول راسو تقيل ما بسوي فيهو الحبّة..
وفي ناس بيقولو ليك الابداع رجس من عمل الشيطان فإجتنبوه..
ياوجدي ياخي حكاية اصرارك علي خلع صفة السلبية علي مبدعين
قدموا ومازالوا بيقدموا ..انا شايف ده رد فعل ساي..
علي حسب النماذج القلت عليها واستدليت بيها انا برضو حأديك نماذج:
عادي في الخرطوم تلقي شباب يقولو ليك ماشين نحضر ليلة
شعرية لمحجوب شريف..المشكلة وين..؟؟
وعادي تلقي شباب ماشين يحضرو عقد الجلاد..المشكلة وين..؟؟
وعادي بيفتشوا عن آخر اصدارات محسن خالد وبركة ساكن وأبكر أدم اسماعيل و..و..الخ..
طيّب دي عليك الله مش حاجة مبشرة وتفرح..
ديل ملهم ما عجبوك ولا ما شفتهم..؟؟
ولا الا تقوم ثورة شعبية وننتظرها تنجح عشان نقول ياخي الناس ديل مبدعين...
طيب لو ماقامت ثورة الشباب المصري ونجحت..هل بيعني انو ناس دينا
والجخ ديل ما مبدعين..؟؟؟
المسألة مسألة توقيت محدد بيد الشعب وليس بيد المبدع..المبدع بقترح رؤيته للأشياء بلسانه والجمهور هو البيقدر يغير بيده..
ياخي فترت من الكتابة..
كنت داير انبهك لحصرك المخل للإبداع المصري في ثلاثة اشخاص..
وإزالة كل التاريخ الابداعي للمصريين.
ياوجدي انت قايل الأسافير دي ما إبداع منقطع النظير..ولا البيكتبو في النت
ديل بيكتبو والسّلام..
وبعدين ياخي الحركات الشبابية النشطة دي زي قرفنا وشرارة وووو..
ديل جابو الوعي ده من وين..؟؟
نزل ليهم وحي ياربي..؟؟؟
يمكن.

[tariqosman]

اقتباس:
المشاركة الأصلية كتبت بواسطة جيجي
وهذا الرحيل الاليم
ورجل الحريات لايستطيع
الله ياخالد
الله ياخالد



اليوم افرحي واتركي الحزن جانبا

فلقد فرح خالد وانتصر

[أسعد]

رشيدو ياخ بالجمبة كدة (أنت زول ملعون وممكن تاكلني حنك بقدرتك الابداعية في التعبير) فبلاي راعي لينا الحتة دي..

يازول انت مشكلتك مع الكتابة الدائمة ولا مع قيمة مايكتبه المبدع

الاتنين يا صاحب

انا مشكلتي مع الاتنين القيمة الابداعية والمداومة في انتاجها حتى ولو قلت قيمة المنتج لكن يكون في مداومة موش في حديث بقول (من احب الاعمال إلى الله ادومها وإن قل)

انت قايل لي شنو؟!

عشان لانو الانسان ابن عاداته موش ابن طبيعته

والانتاج الدائم لمبدعينا حا يعتبر عادة والعادة كما هي معلوم لديكم انه ستصبح طبيعة والطبيعة هي البتحدد مصير الانسان

عشان كدة مداومة الانتاج الابداعي سيصبح عادة لدى محمد احمد السوداني وبالتالي طبيعة ثم يصبح مصيراً

أما مبدعينا الاستشهدت بيهم فما عندي فوق كلام ولا ينبغي لي

لكن ثم ماذا بعد ياخ

ياخي نحن اولاد الليلة ياخي

الانقاذ ركبتنا ماسورة وخلتنا صفارتنا تسوي طووووووووووووووووووووط من الفراغ الخلقتو جوانا

وينهم الناس ديل عشان يردموا الفجوة دي؟!

وينهم عشان يصلحه ما افسدته الانقاذ.... لانهم هم الوحيديين البقدرو يصلحوا ... ما يرجوا معارضة تصلح ليهم وما يرجوا ليهم شعب فارغ يصلح ليهم الوضع ويعبد ليهم الطريق عشان يجوا يصلحوا الشعب

المفروض يجوا يصلحوا الشعب ... عشان الشعب يصلح المعارضة ... عشان بعد داك يشيلوا الكيزان

لكن الشعب بقدرة قادر كدة (خلي بالك نحن ما في زمن المعجزات) يجي يغير الحكومة ومن ثم يجوا السادة المثقفين عشان ينظروا للشعب

ياخي احااااااااااااااا

أما بخصوص جغرافية الابداع ... فخليني اقول ليك وجود المبدع داخل بلده أمر مهم وشيء اساسي

بصرف النظر عن مسألة انه بكون عايش تفاصيل احداث حياة محمد احمد

لكن وجوده وسط محمد احمد مهم .... ياخي القراية شيء والمعاشرة شيء تاني

اسي امسك عندك محسن خالد دا ... اهو خلينا نقول البقروا ليهو ملايين ... لكن البعرفوهو ميات ...

لكن اتخيل معاي مثلا لو محسن موجود في الخرطوم اشيء منتديات ثقافية واشي سمنارات وأشي محاضرات وعيييييك من نقل حي للابداع .... ياخي اتخيل بس انه يكون قاعد مع ست شاي وفجاءة الونسة دورت وقام محسن استلم النقاش ... ياخي اكيد الكانو قاعدين مع ست الشاي ح يمشوا وتكون مفاهيمهم اتغيرت ونظرتهم للاشياء اتبدلت ...

لكن بالطريقة دي ياهو محسن خالد ماشي فوق درب الطيب صالح ... لمن يتلحس يبكوه الاغراب وفي السودان لا بواكي له ...

بعدين وجود المبدعين داخل بلدهم مهم جداً يا صاحب

وخليني اضرب ليك مثل بين بلدين مصر ولبنان

لبنان لا تقل عن مصر شيء في الناحية الابداعية على النطاق المعرفي والثقافي ، ولكن مبدعين لبنان مهاجرين ومبدعي مصر مقيمين فيها ... ياخي لا يمكن تلقى ليك مفكر او كاتب مصري واحد عايش برة مصر

دي الفرق الوحيد بين مصر ولبنان ... عشان كدة بتلقى مصر عملت المظاهرة وشالت الطاغية وفي نفس الوقت اعادت ترتيب اوضاعها وعاشت في ديمقراطية جميلة على الرغم من المحن البتحيط بيها .... لكن تعال شوف لبنان ... اكتر من خمسين سنة عايشة في حروب وخلافات سياسية متواصلة

وعشان ادلل ليك اكتر ... في مقبلات الايام ح تشوف الفرق بين ثورة مصر وثورة تونس في ايهم اعاد ترتيب اوراقه على احسن ما يكون

وأما من ناحية في سلبية لدى مبدعينا

فدي راقدة تبيّ وهبطرش وعلى قفا من يشيل

ياخي فرق بين التغيير الحاصل علي الشباب في السودان والتغيير الحاصل علي الشباب في مصر

فرق كبييييييييييير يا صاحبي

أي نعم بتلقى شباب ماشين يحضرو ليالي شعرية لشعراء عظام أو حفلات غنائية لعقد الجلاد

لكن العبرة بي شنو يا صاحبي؟!

العبرة بالنتائج

النتائج انه المرقوا من الليالي الشعرية أو الحفلات الغنائية لعقد الجلاد مرقوا وهم مبسوطين أنه استمتعوا وعبوا روحهم بجمال الحفل ... وبس !!

بينما على الضفة الأخرى في مصر ... البكونوا مرقوا من شعر هشام الجخ أو ايمان البكري

بكونوا اتعبوا فول من تأملهم في احوال قهرهم

وكذلك قس على قراءة مقالات بلال فضل أو علاء الاسواني أو الخ الخ من شباب كتاب ومفكرين احرار

الفرق يا صاحبي انه هناك في مصر في ابداع مواكب للاحداث

لكننا عندنا نحن هو اجترار لحاجات قديمة

وفي دي بتفرق ياخ

قلت لي المسألة محددة بيد الشعب

لكن يا صاحبي زي ما بقولوا الشعب جماعة والعقل الجمعي يعتبر عقل اطفال

ما بعرف صليحه من عدوه

عشان كدة السادة المبدعين مفروض يوعوا الشعب في الأول وبعدين يخلوهو يحدد

بعدين يا صاحبي أنا ما حصرت الابداع المصري في الجماعة ديل

انت شايفني مسمي روحي خبير في القضايا المصرية

ياخ ديل العرفتهم ...

بعدين النت دا ... في السودان ولا جايبين خبره اللهم إلا من فيس بوك حيث مساء الخير وصباح الخير وشاتينق وجكيس

الناس في السودان عندكم هناك ما جايبة خبر لمسألة المنتديات دي (وانا هنا بتكلم الغالب من الشعب السوداني)

اما ناس قرفنا وشرارة ديل وعيهم ما جابوهو من المبدعين

جابهو من الظلم الحاصل عليهم ياخ

الظلم هو العلمهم

[أسعد]

ياخي نفسي اطلع في مظاهرة واقول:
الشعب يريد تغيير المثقف

ياما غيرنا حكومات وبدلنا انظمة
لكن كدي خلينا مرة واحدة نغير المثقفين والمبدعين (بوضع اليد)

يمكن يحصل تغيير في السودان ياخ