لماذا نُعرى النص بتلبيسة ساقط القول ؟(دعوة للنقاش)

[سمراء]

المشاركة الأصلية كتبت بواسطة الرشيد اسماعيل محمود

قلتي لي..
هو ساقط القول ده يا سمراء ساقط وفقاً لشنو..ومنو..وكيف..؟؟
المهم:
أنا غايتو خمّنت إنو ساقط القول ده بمعني العبارات الجنسية وبس.
كان عندك رأي تاني جيبيهو..
تحياتي.

الرشيد صباح الخير
اولاً ماقلت ليك ، وتانياً اكيد عندى راي طالما انت عندك رايى !ولا شنو؟
اها اجيك لى سؤالك الفوق ده ، ساقط القول بالنسبة لى هى العبارات التى تتداول فى اوساط خاصة ولانستطيع ان نزكرها امام الكل ! ونخجل عن ترديدها .وبتكون ساقطة وفقاً لمعايير الاخلاق والذوق العام ..

منو ؟ وكيف ؟ ديل النصيحه ياريشو ماوقعن لى !؟؟
انت اتخيلت العبارات الجنسية براها
انا العبارات الجنسية دى نوت انف مثلاً ؟
مع العلم انو فى عبارات غير جنسية لكن قبيحه فى ترديدها ..

[سمراء]

المشاركة الأصلية كتبت بواسطة عباس الشريف

حرام عليك جزابيلا زي البتاكل ليك في حلاوة قطن ... طراوة وحلاوة

[سمراء]

المشاركة الأصلية كتبت بواسطة فتحي مسعد حنفي

ياسمراء انتي اتكلمتي عن سقط القول وخليتي الأهم..سقط البشر والمتزعمم عباس دا

ديل جاينهم ياعمو فتحى ياخ
الصبر الصبر
بس اتناول لى جبكسين من شيخنا الجيلى واجيك

[جيجي]

المشاركة الأصلية كتبت بواسطة سمراء

ديل جاينهم ياعمو فتحى ياخ
الصبر الصبر
بس اتناول لى جبكسين من شيخنا الجيلى واجيك

لووووول
والله اشتقنا لريحة الجمكسين دا ياخ
انتو لي الحمكسين دا خليتوا
ولا بقيتو تستعملوا اليو في لايت

[ام التيمان]

يا بت يا سمورة
لو مافيها ساقط القول
كيفن تبقى رواية
و الناس تقراها
العسل دا لو شالو منو طعم السكر ببقى حلو

[هيثم علي الشفيع]

المشاركة الأصلية كتبت بواسطة زكي عبد الحي

دون ان يسمع لفظا كزكر (الامهات بسوء)
انشاء الله قعدت كويس دي

زكي كيفنك ياخ؟؟؟

هسة مثلاً كلامك الفوق دة .....إنت ما قلت كلام شين ، وأنا فهمت القاصدو إنت (مباشرطن)

المانع شنو ما نلجأ لساقط القول-أياً كان - في أعمالنا الأدبية والصحفية إلاّ عند الضرورة القصوى؟؟؟؟

سمراء*

معليش لإدارة دفة البوست بدلاً عنك
____________________

* كل يوم صورة جديدة ......كرهتينا ذاتو(النبي يا أم الحسن العروس الشديدة ديك وديتيها وين؟؟؟)

[أسامة معاوية الطيب]

أعتقد أن الحوار في الزمان والمكان بيحدد نوع اللغة ... وصدقيتها
وروح اللغة تزهق بالمساحيق
يعني أن يقول لي الطيب صالح في حوار بت مجذوب غير ما قال ... يعني ذلك أن يصادر مني عنوة الروح التي حلقت حولي ساعتها ... وبالتالي يغتال نصه!!!
أما ما أجدني متفقا على كونه بائسا وسخيفا هو الاقحام ... من باب أنا متمرد تعالو إلى !!! كما يفعل للأسف الكثيرون
الحرفة أن تتعامل من اللغة ككائن حي ... يمشي ويحس ويتنفس ... وحينها تعرف البيئة المثالية لحياته ... كانت مهذبة أو قليلة أدب

[سجمان]

أولاً سلام لي مفترع الخيط والخاشين عموم..
وشكراً سمرا على هذا "النّقِر الخفيف"

أنا أعتقد "من وجهة نظري" إنو أي كلمة "نابئة" وهي ما تعنيه سمراء حتى وإن كانت تخدم النص من الأجدر التلويح بها أو الإشارة إليها بإماءة ذكية " كما قال لي أحدهم حينما حكى لي النكتة بتاعة القرد واللبوة قال لي إن القرد بعد أن تصيد اللبوة أتى إليها وفعل بها ما شاء أن يفعل" والأمثال كثيرة (تظل الكلمة النابئة نابئة حتى ولو أزينت) فالمرحاض يظل مرحاضاً ولو كانت فوهته وسط بستان من الورد..

ما عنّ لي أن البوست يناقش "حشر الكلمة النابئة" في أي نص من النصوص ولا يحتاج النقاش إلى جلب أمثلة من البوستات السابقة فإنها لا تخدم البوست بشي دعونا نناقش هذا الخيط فالكل يعلم ماذا تعني المفردة الخادشة للحياء وماذا تعني الكلمة النابئة..
يظل النص جميلاً بروح اللغة والمفردات التي يحتملها القارئ ولا يحتاج القارئ إلى ذلك الغثاء الذي يضرس عينيه حين يقرأ..

هذا ما التمحته من حديث سمراء فأرجو أن لا أكون قد حدت عن الموضوع..

[بله محمد الفاضل]

المشاركة الأصلية كتبت بواسطة أسامة معاوية الطيب

أعتقد أن الحوار في الزمان والمكان بيحدد نوع اللغة ... وصدقيتها
وروح اللغة تزهق بالمساحيق
يعني أن يقول لي الطيب صالح في حوار بت مجذوب غير ما قال ... يعني ذلك أن يصادر مني عنوة الروح التي حلقت حولي ساعتها ... وبالتالي يغتال نصه!!!
أما ما أجدني متفقا على كونه بائسا وسخيفا هو الاقحام ... من باب أنا متمرد تعالو إلى !!! كما يفعل للأسف الكثيرون
الحرفة أن تتعامل من اللغة ككائن حي ... يمشي ويحس ويتنفس ... وحينها تعرف البيئة المثالية لحياته ... كانت مهذبة أو قليلة أدب

ينصر دينك يا أسامة

والحق
أن المساحيق تشوه العمل تماماً
والكلمات النابئة كما ذكر سجمان في معرض تعاطفه مع الحساسين من الكلمات
واللذين يحبون السوليفان
تكون ضرورية جدًّا حتى لا يختلط علينا بإضفاء المساحيق
ما هو مستخدم من لغات نابئة في بيئة
ليكون في بالنا أنها هي ذاتها المستخدمة لدينا
يا اخي الكلمات النابئة دي ظاتا محورة ومدورة
ومزخرفة في أي لغة كانت
بل ومتطورة بسرعة الصاروخ
نظام راندوك وكدا يعني
وأكرر
أن تأخذني إلى صميم البيئة التي تحكي عنها
أوضح وأوقع من أن تظل تبحث عن المخارج لتهرب من وضع كلمة نابئة هي أحق وأجدر بالمكان بدلاً عن المساحيق

[فتحي مسعد حنفي]

المشاركة الأصلية كتبت بواسطة سمراء

عمو فتحى صباح الخيرات
والله لاجاب فضائح ياخ
اعتقد انو نحن فى زمن كل الاشياء صارت واضحه المعالم ، وتغيرت فيه الافهام
وحتى طرق تناول الموضوع والطرح اتخذت اشكال مختلفة ..وهذا لايضير شى !

فقط من ناحية جمالية او ذوقية، تسألت هل اذا كان النص به بعض الالفاظظ الغير مطروقة فى حياتنا ونشعر بالخجل ونحن ننطقها ، واخراجناها ولمحنا لها بما يفيد وجودها ....سينتقص النص !
بس!

ياسمراء لولا اختلاف الآراء لما علمنا الفرق بين ما هو جميل وما هو ساقط القول ولكان البعض يعتقد ان قلة أدب الامريكان في لغة تخاطبهم نوع من الثقافة الشوارعية ولوجدنا العذر للطيب صالح في استعماله لألفاظ نسمعها ولا نجرؤ علي استعمالها بحرية ولما تجرأ بركة ساكن في تقليده وكـأن الألفاظ البذيئة هي قمة الأدب..
ولما كانت البلالين موضوع ونسة جريئة بين اثنين دون حرج..

[قيقراوي]

المشاركة الأصلية كتبت بواسطة سجمان

أولاً سلام لي مفترع الخيط والخاشين عموم..
وشكراً سمرا على هذا "النّقِر الخفيف"

أنا أعتقد "من وجهة نظري" إنو أي كلمة "نابئة" وهي ما تعنيه سمراء حتى وإن كانت تخدم النص من الأجدر التلويح بها أو الإشارة إليها بإماءة ذكية " كما قال لي أحدهم حينما حكى لي النكتة بتاعة القرد واللبوة قال لي إن القرد بعد أن تصيد اللبوة أتى إليها وفعل بها ما شاء أن يفعل" والأمثال كثيرة (تظل الكلمة النابئة نابئة حتى ولو أزينت) فالمرحاض يظل مرحاضاً ولو كانت فوهته وسط بستان من الورد..

ما عنّ لي أن البوست يناقش "حشر الكلمة النابئة" في أي نص من النصوص ولا يحتاج النقاش إلى جلب أمثلة من البوستات السابقة فإنها لا تخدم البوست بشي دعونا نناقش هذا الخيط فالكل يعلم ماذا تعني المفردة الخادشة للحياء وماذا تعني الكلمة النابئة..
يظل النص جميلاً بروح اللغة والمفردات التي يحتملها القارئ ولا يحتاج القارئ إلى ذلك الغثاء الذي يضرس عينيه حين يقرأ..

هذا ما التمحته من حديث سمراء فأرجو أن لا أكون قد حدت عن الموضوع..

سجمان ازيك ياخ!

مع ابداء احترامي للنباهة و اللفتة الذكية بتقديم مثل لما تراه مناسباً و جميلاً
اسمح لي اختلف معاك و اتفق مع اسامة معاوية و بلة من بعده ...

ما هو برضو ( طريقتك ) في سرد نكتة ( الاسد العجوز ) ما غيرت حاجة في بذاءة فكرة النكتة ... مش؟
كل الفعلتو الطريقة دي انها سطحت بي الما عندو سابق معرفة للنكتة ما اكتر!
و ياهو سقتني انا - و بقية الخاشين الفلم دا - لنفففففس الحتة ديك!



------

البت التي لم تفارق سمرتها بعد
ازيك يا فردة
بخصو ( الجارغون ) و لغة المجموعات ..

قليك في اصحاب كدا فتروا من تبادل النكات، و تكرارها فقاموا رقموها ( تعمية و تشفير عالي جداً )

في واحدة من جلسات الصفاء الاسري ..

مرة واحد قام قال : 17
التاني طوالي زجروا : اختشي! .. اسي عليك الله دي نكتة يقولوها قدام عوائل!

برضو ما عندكم فرقة