سودانيات ـــــــــــ المنبر المحتَرَم

[ناصر يوسف]

المشاركة الأصلية كتبت بواسطة النور يوسف محمد

بسم الله الرحمن الرحيم

وكوكبة الخرطوم ستظل تاجاً وإكليلاً ..
تهدى لنا فى دروب الحياة معانى الذوق والجمال والتميز ..
وسيظلون شامة وكوة من ضوء , معطرين بقيم واخلاق السودانيين ..
ومجرتقين بالعديل والزين , موشحين بالأدب ..

يا بن أبي تحايا وودٍ واحترام ...
وعن المالديف تحكي حروفك النيرات وتغوصُ بنا إلي عوالم من الجمال الإلهي البهي ... وعن أشياء أخريات يكون طعم الحكي من قلمك دوماً شيئاً زاهياً باهياً يقدم لنا ما يفيد العقل والروح معاً ...
فهيا واصل وأنثر الحروف بقدر ما تستطيع ونحن لك قارئين

[ناصر يوسف]

المشاركة الأصلية كتبت بواسطة زول خرافي

بسراع ياخال الشمس غابت ..
اتواعدنا فى المقرن .. فى مسيد طابت ..
اتلمينا فى حوشك .. والنفوس طابت ..
بسراع دى الشمس غابت ..

زى نخلة دليل الحِلي ناديتنا
قابلنا وش مطروح ..ادخلو فالكم زين ..
و باب الوداد مفتوح ..
كما إنّ القلِب حوشين ..
واتوهطنا فى خيرك ..
ولاد اختك .. بنات العم ..
عمو لذيذ وود الزين ..مرافى الشوق .. وعم جعفر
قوت القلب و الزينة .. ..
ريم الفلا ..الوزينة .. والبدر البفوح ياسمين ..
والممكونة بى ريدك .. أم نفرين ..
والعمدة .. ذو النورين
سنـّـاد العَـترة
درّاج القاسية
مِـيس الشاردة
جَـبِـيرة المكسور .. ..
شيخ سيسيليا ..
بحر العلوم والدين
و صعاليك الحروف واردين
زولن عرِيكتو اللـِّـين .. ويوم الدُوَاس تور شين ..

واندسينا فى الرئتين ..واتوهطنا ممهولين ..
وناديناك .."ضو البيت " فما أجمل
مدينا رجولنا أسايد بيت .. وكان اللِحاف اطول . .
و اتناقرنا فيما يخُص ..
إتلاوينا زى أصحاب ..
و ..اتزاعلنا لكن ضُمة ..
ما قدينا صريف العُشرة ..لا تاوقنا توب جيران ..
وكم لمّتنا معاكَ ملَمّة ..
و اتعاصرنا كأجمل أمة ..
ولمّا .. بقينا حِداك ..ولمّا ..
استأذنت بى طيبة .. و ثـُم ..
مَـرَقـْتَ هناك على الميعاد
ونِـعم الدار ..
يوم لاقيت بنات الحور !!
و فِرحن هــِـن .. و نِعم الصُحبة لاقيتـِـن .."وجِـيدَن جيت"
هل أظرف من هَدُول بـَنـُّـوت ..!
هل بتلامَضَن حِنِيـّة .. و بتشالَقـَن إحساس ..
بَلا بَنـّوتنا شِن بتدور ؟..
و هل صادفت فى الحوش الجديد بهناك ..
وَلِـي من جملة الصالحين ..
أو فى حوصلة عصفور
شهيد بِسأل ..هل البلد للحِـين ؟

ياخال كما الأمطار .. تدخل عتامير البلد سقيا ..
تفتح للفقير نفاج ..و كم محتاج عينو منكسرة ..
تغمس ايدو فى لقمة ..
وتجبر خاطرو بالسترة ..
وتمحا العوز ..وتفوت
كأنك مسيح اسفير ..
تمر كما النسّام .. بى كل دار معمور ..
و كم عِمرت معاك بيوت ..
تردد سيرتك العطرة
وما ظنّت بتحلم يوم ..
يعشش فى ضراها الموت ..
و ياكا الخال .. جمل شيلنا ..و عدل الميل
يرخى جضومو للكفيت ..ويشكي همومنا لـِ الله ..
يا تقابة البلد ..يلا ..
قبُـل ما تلوح الايدين ..
أدى الحبيب طلة ..وكيل من الوعي مدين ..
نحن عقولنا منطبلة ..
كيف تسرج فوق الرحيل صهوة ..
تلت الأرض راحت .. ونص البلد غفوة ..
.. وفى الفنجان باقى القهوة

اوعك .. تترجل من جار الخاطر ..أوعا
نحن شرينا جوارك بى حق الشفعة
اتعودنا عليك ياخال وخربت الطبعة ..

فيا خال .. تعال
سكت الجهال ... وراك جاطت ..
يا رب العباد تنعدل بهناك .. هنا انساطت ..
وانا بين اتنين ..يا اهواك .أو فى ولهي أزيدك ..
يا تعليني فواكه عشقك .. او بتنزل غصن الريد بايدك..
تسقيني عصير الحب من ريدك ..
--
يا خال تعال .. فاتن مواعيدك
سكت الجهال .. عيونم مراويدك
النوم النوم بكريك بالدوم ..
بلح القرير و لِـبـَـا الخرطوم ..
النوم تعال سكت الجهال ..
النوم النوم ..__________________


عن اذنك يا باش

يا الله يا الله يا الله ..

زول خرافي ...

لكم أحببتُ فيك صِدق الصدِق يا رجل ...
وأما عن هذا المُعَتَق بجمال الله هذا الباش أقول ...

يا الله يا الله يا الله

[طارق صديق كانديك]

هذا المنبر ماضٍ الى غاياته باذن الله .. وبجهد الجميع فطب نفساً ياصاحب

[ناصر يوسف]

المشاركة الأصلية كتبت بواسطة طارق صديق كانديك

هذا المنبر ماضٍ الى غاياته باذن الله .. وبجهد الجميع فطب نفساً ياصاحب

نعم بالفعل يا أخي الحبيب ..
هو بالفعل ماضٍ في غاياته بكم وبكل من يؤمن به وبغاياته

[يحي عثمان عيسي]

ناصر أيها الشفيف
سؤالنا عنك دائم

الاحباب جميعا في سودانيات

قطعا سيستمر هذا المنبر سودانيات

وقطعا سنتمسك به بقوة

وقطعا سنتواصل

وقطعا ستتزود بحب بعضنا البعض في هذه المسيرة الرائعة

فلا خوف علينا ولا نحن بمحزونين

[سارة]

وهو كذلك أخى يحي
لا خوف علينا ولسنا بمحزونون
ستظل سودانيات دائما وابدا كالورد ينفح بالشذى حتى أنوف السارقيه

[مي هاشم]

سودانيات عرفتني بأشخاص أعتز بمعرفتهم وإخاءنا صافي لوجه الله تعالى..
فلا يوجد احترام وجمال أكثر من كده..


لنتصدى للانحطاط ونرقى..

[شهاب كرار]

لنتصدى للانحطاط ونرقى..

هذه مهمة الجميع، واليبدأ كل شخص بذاته
ولابد ان تصل الرسالة

[نبراس السيد الدمرداش]

المشاركة الأصلية كتبت بواسطة النور يوسف محمد

بسم الله الرحمن الرحيم

وكوكبة الخرطوم ستظل تاجاً وإكليلاً ..
تهدى لنا فى دروب الحياة معانى الذوق والجمال والتميز ..
وسيظلون شامة وكوة من ضوء , معطرين بقيم واخلاق السودانيين ..
ومجرتقين بالعديل والزين , موشحين بالأدب ..

و تظل انت و الجميلون امثالك
دافعنا للاستمرار ووقود لقنديل الخرطوم
منكم نستمد قوتنا و نستعين بكم على ما يصيبنا من اخفاق وكدر

كن دوما بخير يا نورنا

[النور يوسف محمد]

المشاركة الأصلية كتبت بواسطة مي هاشم

سودانيات عرفتني بأشخاص أعتز بمعرفتهم وإخاءنا صافي لوجه الله تعالى..
فلا يوجد احترام وجمال أكثر من كده..


لنتصدى للانحطاط ونرقى..

بسم الله الرحمن الرحيم

بك وبأمثالك ترتقى هذه الحياة ..
ونوقن أننا فى مشوارنا عبر سودانيات لن نخسر ابداً ...

[لسان الدين الخطيب]

[justify]ناصر سلام.. لم افهم لم أعي زويا المقصود .. ربما بلادة مني او عدم متابعه او أي اشياء أخرى ولكن فتح البوست وفبل الإدراك كانت مطالبات التثبيت ثم التثبيت .. يبدو أن هناك شئ متفق حوله ولو بالتواصل الخاص وما أكثره ولكن من زوايا العام الرؤيه غير واضحة على الأقل بالنسبه لي .. كل ما قيل متفق حوله الموقع والمؤسس الذي هو حاضر بيننا سواء فكر ام عاطفة ( خالد الحاج ) ولكن للعاطفة مساحات اوسع .. ناصر هو مايحير وسط سودانيات ( ان تكون ) زوايا الإتفاق الخاص امتن عرى من إتفاق العام ولكم الود[/justify]

[فتحي مسعد حنفي]

ياناصر سودانيات لم تعد مجرد منبر بالنسبة لي بل أصبحت بيت وأهل وعشيرة أفكر في رؤيتكم قبل زيارة شقيقاتي اللاتي يعشن في الخرطوم وعندما أذهب لزيارتهن يأخذني اليهن أحمد محمد زين أو ناصر..هل هناك قرابة أكثر من هذه وأكون قبلها قد رأيت نبراس وهيفاء وسمراء وجانيت وبعض الخناشير الآخرين

[ابرا]

المشاركة الأصلية كتبت بواسطة فتحي مسعد حنفي

ياناصر سودانيات لم تعد مجرد منبر بالنسبة لي بل أصبحت بيت وأهل وعشيرة أفكر في رؤيتكم قبل زيارة شقيقاتي اللاتي يعشن في الخرطوم وعندما أذهب لزيارتهن يأخذني اليهن أحمد محمد زين أو ناصر..هل هناك قرابة أكثر من هذه وأكون قبلها قد رأيت نبراس وهيفاء وسمراء وجانيت وبعض الخناشير الآخرين

المشتهي الحنيطير يطير

[فتحي مسعد حنفي]

المشاركة الأصلية كتبت بواسطة زول خرافي

المشتهي الحنيطير يطير

ياها دي طولة اللسان البتجيب ليك النبز وتخليني أمر أجضمك قبل ما أصل الزهراوي

[ابرا]

المشاركة الأصلية كتبت بواسطة فتحي مسعد حنفي

ياها دي طولة اللسان البتجيب ليك النبز وتخليني أمر أجضمك قبل ما أصل الزهراوي

اعصابك يا عمك وانت ما زول نبز النبز خلو لاربابه