SCAPTIONOZ

[تماضر حمزة]

لاحولاااااااااااااااااااااااااا

[تماضر حمزة]

[media]http://www.sudanyat.org/upload/uploads/kayyfta 7arfak.wma[/media]

أنا في السكات بسمع غناك
بسمع تراتيلك تهش
جوّاي تباريح الغرام
وخُطاكا في قلبي بتمش
ترسم على البعد الحرام
تصاوير إقترابك ليّ تَحِل
ألقاني عايشاك
في المباحات الحلال
ألقاني راسماك
في البراحات الهناك
ألقاني شايلاك
في قليبي أظن رآك
نبضو إرتعش

أسرع ..وِقِف..

فاقد حِراك.

أنا في حِداك
بالحيل سمح..
قلباً بيلبس فال جديدو
وحريرتو لو تعرف..دماك

! الله عليك يازول رزين
قدر ماتسد عويناتك غيوم
قدر ماتشيل وتتعبّى بهموم
نلقاك هنا
دافق حنين
نلقاك هناك
موسم ربيع
ريحة شذاك
صوتك..نداك
وإنتا في الآخر خلاس
تعب الوصف
إمكن ملاك؟؟
جاي وفي إيدو الخلاس
إمكن رسول؟؟
من الخواطر والشعور
كِملوا الرسل!
تاهت معاك برضو الحروف.

ياسلام!
علي حسّك براك..
هوَّ الصباحات
كل الشموس
هوَّ المساحات
دفقت كؤوس
سكت الكلام!
مامن قلّتو..
لامِن معانيهو الشوية..
لكنّو شايف في الملام..
مكتوبة ضاعت روعتو
لو جات تقيس الروعة فيك
مكتوبة تاهت غنوتو
لو جات تغني الشوق إليك
وفي آخر سطر
بعد الملام
مكتوب عليّ ما ألتقيك!
أصلي جوّاك مِن زمن..
داير.. أجيك..وأسند همومي علي كتوف العافية فيك..
أجدع حكاياتي الزمان عنّك عليك..

في بالي إنتا ..متكوِّع عدييييل
في بالي راسم أمنياتك
زاهية بي فال العديل
في بالي شوقك ..وإشتياقي..
في بالي..مشهد من حضورك
فيهو حيران التلاقي..
في بالي..تايه في وجودك
إنتا لا تطراو صدودك
لا تعيش من غير وصالنا
المحبّة الفينا ..زادت..
ياخي عدَّت بي هناك فاتت حدودك!

الفكرة إنك ماتغيب
الفكرة تنبت من لقاك
خليني أتوسّد مجيك.

وأقعد كمان ..
قيِّل علي مسارب الروح وبيت
أسري جوّاة الوريد
أدفق الشوق الوشيك
خليني أرتاح بين تفاصيل الملامح في وشيك
أصلي من حسيت مجيك..
إرتعش فيني الكلام
والشهقة لامست الغمام
وزفرة في صوت الكمان

أعلنت..موسم غرام..
كانت فواصل الأغنية
رنّة وتر..
فيهو الصوابع ماسهت
شالت حنينا..وإتّكت
بسراع مشت
بين النغيمات الدّغش
وأنا حالي ..مابعرف أصِف
حالي لسع مرتعش
يلاك نمِش
حدّ الغيوم..نمسك رذاذ اللهفة
بي كف الغُنا
ينزل حنينك ينهمر..
نرقص على لحن المطر..
أنا والقمر
وإتنين من نجيمات السما
تجي ياأنا ؟؟

بُني الشوق ..
عليك...براك!
علي مواعيدك تشيل مني الهموم
تفرد عليّ ساعة مجيك
أبقى مشتاق ليك كتير
وكنتا مشتاق ليك كتير
احتار أقيف..شايف عيونك
ماني عارف وين كلامي الكان بيتزيّن قبيل؟؟
وين حروفي الإشتهيت يوماً تقبِّل بس عليك؟؟
وين القصايد
والأغاني
وين الحنين الماغشاهو الليلة نيل؟؟
الكان بزيد ..إشتياق الروح إليك..

وتعال أنا أحكي ليك ..عن جيّتك..
وكت خلاس بيّنتا من آخر الطريق..
ورؤياكا..عافية عليّ سرت والروح حريق

مابقول هبيت وقفتا معايا ريد
زغردت فيني الدواخل وأعلنت الليلة عيد

لكن أظن شالني من جوّايا ريدك وبيّ جرى
في سكة المشرع هوى
مال فؤادي بماحوى
وأنا ذي بسابق سكتك
وخايف أصل..
أرسِل إيديَّ إليك تسالمك..
تحضن رهابك ماتصل
وأكسر عوينات الأمل
الكان بتبكي ..وتبتهل..

أديني منّك ..بس يقين..
لاتخليني أشكِّك ..وأحتمل.

شكيتك..ليك.

أصلو قالوا الشكوى من زولاً ضعيف ..
لي زولاً بيقدر إجيب حقيقو
وأنا حقي لو تعرف حِداك..
لاهو مال..ولاهو شيتاً لي زوالو بكون ..مآل..
حقي ريد..
ماساورني ظن..
أصلي متأكّد شايلو في قلبك معاك.

إتجازى برضو الشوق إليك..
أقول غيابك هو البزيدو..
وكتين تقرِّب..ألقاهو زايد برضو ليك
أنا بي بساطة..
زولاً بعيش عِشقك براك..
زولاً بريد.

في الآخر بقول..



رتبت قولك في الخيال
كيّفت حرفك ليّ مزاج
قيّلت في ضل الوصال
كان غيابكم ليّ ضيوف
بس كان مجيكم إحتمال!

[scaptionoz]

المشاركة الأصلية كتبت بواسطة أشتر

تماضر .. اسكابشنوز ... أشتر ...

[rams]http://www.sudanyat.org/upload/uploads/tamadurscapashter.mp3[/rams]

لو انما فى الارض
من شجرة قلم
وكان البحر من مدد المحابر
ما نفدت حديث
ولا فضيت حنينى اليك
برق بلمع فى الشارع المبثوث ضلام
(عثمان بشرى)

ديشك زاتو وديشو كمان وديشة حنان

[rams]http://www.sudanyat.org/upload/uploads/mny-finy-le.mp3[/rams]

[أشتر]

المشاركة الأصلية كتبت بواسطة scaptionoz

لو انما فى الارض
من شجرة قلم
وكان البحر من مدد المحابر
ما نفدت حديث
ولا فضيت حنينى اليك
برق بلمع فى الشارع المبثوث ضلام
(عثمان بشرى)

ديشك زاتو وديشو كمان وديشة حنان

بس موية تموها زيت .. وزيت تموهو موية ... دا لو ما خلطتا زيت
لا عرفت اتأقلم مع الأغنية ولّ معاك ...
إتا ذاتك بالك مع سلمى المرة دي ... تكون حتة من عينيك ؟؟؟
وقمتا قريت لينا الشويتين ديل !!!! بزقة بس


اسكاب ...
هو إحنا ماشين بعيد ليه ؟؟؟ والمساسقة فوق كم ؟؟؟
معانا هنا عضو اسمو اسامة معاوية الطيب ...
علي اليمين عندو حاجة عفنة عفانة ... اقعد ساكت ...
قرايتا ذااااتا في تلتلة ...
وفي اعتقادي اجمل ما كتب اسامة .. واحلى ما قريت في هذا الويكند ...
خليني امنتجا بمزاج واكشحا ليك هنا ...
عشان تسمع العفانة الجد جد ...

[شهد]

غايتو .. هنا .. ضُل .. وهمبريب .. وريحة بُن تشيل الهَبَة

[أشتر]

المشاركة الأصلية كتبت بواسطة شهد

غايتو .. هنا .. ضُل .. وهمبريب .. وريحة بُن تشيل الهَبَة

ضُل ؟؟؟ وهمبريب ؟؟؟
كدي اسمعي سريح الذكرى التحت دي وبعدين نشوف الهمبريب دربو وين !!!
همبريب ؟؟؟ !!!

كان السريح
صاحب قديم
صاحب حميم
يعرف يشهي الريح غنا الكتمة
ويشد خيل الليالي علي الصباح
كان السريح لمة كسور كمين سنة
واقفات علي باب الزمن واحد صحيح
كان السريح
سيّد جراح الامنيات الباقة في شمعة غناها
علي الامل ما جاها ريح
كان السريح
في فد ضفر وتتقاسم الحلي الشحيح
كان السريح حبة ملح علي بال جريح
كان السريح
مرقة حروفا علي الغنا المافيهو حيل راقد كسيح
كان السريح
دمعات تنورق شوقا في درب الترك تملا الشواويل بالمديح
وكان السريح
غيمات ينقطن العشم شان يحيا في التمر السبيط
والبرود الطول ضريح
بعدين
تصن !!!


[rams]http://www.sudanyat.org/upload/uploads/sareeh.mp3[/rams]

[scaptionoz]

اشتر يااااااااااااااااااخ زولك ده بنج عدييييييييييييييييييييل....ينفع لعملية براحية لكيف مستف احتشاد...


وطنان وربٌُ واحد


النخله
أعلي ميضنه
في الوطن
والنيل أدني فكرة إندهاش
مُجرد مبدأ عندك
إحتمابك إنتما
يا سنابل رجًعت
لون التأقمح للقمح
نشبت أضافرينا الخُدُر
في جتة الواطه الوديعه
الغير تربي
وتدي من احضانا بيت ،
ماليها شي ...
الواطه بالجد تفتخر
إنك مشيت
بي فوقا ضو
وباست خطاويك التراب
الشوارع لمَا جيتا ملان عبق ،
كادت توقِفلك معالم ذوقا صف
كادت تقلِّع توبا تنتظرك عروس
والعواميد لولا الكهارْب التعَّبت
كتفا الزهج من الوقوف ،
كان تنحنيلك في خشوع
كان دنقرتلك في شغف
والنيل
أكان ماعندو هم الضفه
والناس والمراكب والسمك ،
لو ما الصباح بيسقي الجروف
وإنتظرعند المغيب
يصبح مرايات للشمس ،
كان جفَف أمواجو وجرالك منتشي
لو ما الرِّهان البينو مابين الضفاف
إنو يديها الصدف
وتسيلو من قيزانا سد ،
كان بات معاك
ياسيدي لآحد العِشى
وشبعنا في موجك مشِي
يا مطمِّن الخوف باليقين
ساكنه فيك الإلفه
ساكن كل ِ شي
لازم يكون
بينك وبين النجمه سر
يا مُديّنه النور والبريق ،
يامُديِِِِِِّناك إنت أللألق ..
والقمر
يا ببقي ليك ،
يا اْديتو وصفة إنو كيف
يقدر يضوّي الليل براو
ويخلي بالو من الشوارع والشدر
ما الشوارع إمتداد
لي حكمه قالا أبوي
وكت جيت البلد :
إنو الأزقه خروج نفَس
والبيوت نفساَ طلع
حاميا القوانين الدخول
والعمارات إنتحال
لي صورة النخله القبيل
أول بِكِر ينكر
مخاض الطين وميلاد الفصول
يرفض شبابيك المسام
ويلحس ملح عرَق المطر
أداني بوي
فكرة نسويبك وطن
قبال ننفذ قولنا جد
جاتنا البيوت
شفقانه تحلمبك ضرا
محتاجه بس
لي كلمه منك
شان تقوم لا حيلا تاني وتنتصر
تنسج من أنفاسك حياه
تستوعب أفواج الغلابه الطيبين
من ذبذبات صوتك بحر
جنه ومداين للشعر
من ضو صباحاتك فجُر
يغمرنا دهشه وإنتعاش
صيوان تجمُّع للفرح
صدقه وكرامه وإنتشا
ومن ضل حروفك
لون محبه وإنسجام
نيل يذيد النيل براح
إلفه ومودَّه
وحله سكانا الغبش
إحترتَ فيك ..
مرات أقول إنك ملاك
جيت تجاملنا وتعيش بيناتنا زول ،
مرات أقول إنك بشر
إتخطي مرحلة البشر
قدَّم شهادة الخبره
شان يصبح مطر
وفعلاً بقيتلنا كل شي
إنسان مستَّ روعه ست
مفروض تكون
يا سيدي نيل
أصلو ما ممكن تكون إنسان فقط
مفروض يسوُوُبَك شمس
أو أُكسجين
يدي العصافير الأمل
يديها معني تطير بعييييد
لا بنادق لا كتل
ما القمري جنُّو جن الغني
وكتين يكون
واقفلو صياد في الدرب
والطير نموذج إلفه زيَّك
لا ضنين يا سيدي
لابعرف يغش
عندك مؤهل
إنو تبقي وطن جديد
أفضل من الوطن المجَهجَه ومُغترب
وعندك خيار إنك تكون
- أستغفر الله العظيم –
آخر نبي ...

[rams]http://www.sudanyat.org/upload/uploads/akhr-nbby.mp3[/rams]

[تماضر حمزة]

ياخي ميتيشكم اتو الاتنين

[أشتر]

المشاركة الأصلية كتبت بواسطة scaptionoz

النخله
أعلي ميضنه
في الوطن
والنيل أدني فكرة إندهاش

عاد دايرني أقول ليك شنو يب رويحتن سمحة ...
هو إتا قايل الشعر دا شنو يب رويحتن سمحة ؟؟؟
ما قرآن أكيد لكن صدّقني فيهو ادغام بغنة وتفخيم وترقيق ومد ونهرة باستكانة و(غلغلة) وايييييك
صوتك المرة دي مرتاااااح يا مرتاح ... أظنك صحيت وجري على المايك ... إسّـوكْتَبو ؟؟؟
مجانين ياخ هؤلاء الناس الحلوين .. لكن للأسف حظّهم زي الواطة دي !!!
هو .. لو ما زي الواطة دي .. كان مرقت منهم (الغلاغل) دي ؟؟؟
لو كدا خليها تِتطيّن عليهم ... كدا كدا التِلِكِّكك في طين الناس المجوخة جلبطة مشروعة !!!!
وبعدين ... نصن ... بيااااات ...
عليك الله الزول دا جادي في طرحو الطرحنا بيهو أرضاً كانبراشة زول كييييييف ؟؟؟
لامن سمعتها المرة الأولى انشدهتا .. والمرة التانية اندهشتا ... والمرة التالتة انبرشتا ... برشة مسطول عديل كدا ..
حكيت راسي واستغفر الله على النضم ...
ياخ إتا حالة ما حلو .. لامن فقري ...

[تماضر حمزة]

الكلمة بي حدينا سيف

والسكّة أقصر ماتكون حين يعبرك قلبا نضيف

حد المعاني البينا .. بين
أنا
مابقيف

وعند الشواطئ الفاقدة قيف
ماليّ كيف

غير قرقرابات الضُحى
وكتين تطل عينيك..ضيف.
يحلف يفوت..ونحلف عليهو أكان يقيف
ماكنّا عارفين إنّو جاي..
ولا سوّالو طيف
في الخاطر النسّاي طرق
باب الخيال زائر خفيف

وأحلى الضيوف ديل البياخدوك بالقلد قبلما تعنّج عيونن في قليبك بالجَلد
تفصل الروح من براويز الجلد

وياااالله وين نلقى المدد

هذي العيون هيَّ المداخل للرويحة
وهيَّ بوّابات تدخّل
لي كل متاهات الجسد
وفي غفوة حسابك للزمن
لو كان بمر في لحظة الشارع حضن هذي الخُطى
أيّ ريد
ماكان بحن
وأقسى من هذا المحب
ماشفت
غير لمّا يتنزّل مطر
ينزل على كل البيوتات وعلى بيتنا قصداً مايمر
يتكل خديد صفحة سمانا علي كفوف هذي المحن
أو
لمّا يتلاقن رموشو وتبقى عينيو في سجن
برضو أحسن من يزيدن من مراحيمي البقن
يندهن طول المنام لي فكرة انو معاك صحن.


والشافك أكيد ما بعرفك.. ومابضاهي البسمعك

والمن كلامك مابتواسي بيقطعك

وماقطع الكلام غير انغماسك في الغياب

وماغيابك غير بدايات الممات

فأرجوك أوضح لو تبين
ينهض يقين
وأُولد من نهايات الحياة.

ومابين المحرّم والمباح
عينيك جد شبعت سماح
عينيك شبهاتنا النريدم
عينيك بتوازي الحلال
ونقترف ذنب النظر ونمرق نعبّي الروح رباح..طالما اولاهو صاح.
ومن بواكير الصباح
بجدل ضفايري
من الحكاوي
الشايلة غايات الفلاح
وأستبيح عرق الترابلة كما العطر
أو خَمرة النَفَس الحلال
يسكروا الناس التعابى الفردوا
في ضيق أحاويلي وأحاوليك
براح.

[تماضر حمزة]

UP








وأم

[أشتر]

المشاركة الأصلية كتبت بواسطة تماضر حمزة

UP








وأم

أم دقرسي ؟؟؟


جاييك بحاجة عفنة عفانة يا اللخت ...
وحقوق المرسال محفوظة ليك طبعا ...
شكرا للنككـ المعولق جدا أيتها الخنساء التي خمّت عيون الدهشة من أسجم رماد ...

[أشتر]

وطبعا سجلت ليك أنا في السكات بسمع غناك
بسمع تراتيلك تهش
لكن ما عندي مزاج أنزلا !!!
مع إنو طلعت شديدة لكن مرات بتحرن في حتة كدا بدون سبب وجيه !!!!

[أشتر]

غايتو لو نصيح ... أتحتحت .. حتة حتة

[rams]http://www.sudanyat.org/upload/uploads/gaeeeek.mp3[/rams]

[فطوم]

المشاركة الأصلية كتبت بواسطة أشتر

غايتو لو نصيح ... أتحتحت .. حتة حتة

[rams]http://www.sudanyat.org/upload/uploads/gaeeeek.mp3[/rams]

______________________

موش كان من اللطف تكتبو ممنوع اصطحاب الاطفال
او الدخول لاصحاب القلوب الضعيفة...؟


خير اللهم اجعله خير
انعل ابو الكباس زاتو
المبارينا في النومة والصحيان