هل يجى يوم يدرك فيه الإنسان أن الدين مرحلة زمنية فى حياته..!!

[AMAL]

المشاركة الأصلية كتبت بواسطة ام التيمان

فى كل بوست افترعو تدخلى تسئ لى و تطلعى
تارك صعب
دا كلو عشان خالد الحاج انصفنى يوما و وقف ضدك
لانك بتعتبرى نفسك شخصية مميزة و مقربة جدآ
هههههههههههه
تانى ما تجى هنا

وعادت ام التيمان

حمدلله عالسلامة
الباسويرد رجع لقواعدو




بوستر ذو صلة
http://sudanyat.org/vb/showthread.php?t=13674

الدين خنجر مقروس




اللهم ارحم خالد رحمة واسعة

[فتحي مسعد حنفي]

المشاركة الأصلية كتبت بواسطة AMAL

احد ولا

احدي



من الذي يكتب لامهم

غايتو زول معلوماتو ضعيفة في الكيك

أسمعو يانساوين أنا ما طرف في نقاشكم دا لكن عندي تعليقين لازم أقولهم..
1)أحد هؤلاء الذين أرسلت اليهم صح 100% يا أمال لأن أم التيمان هنا بتتكلم عن الجمع الغير معرف وهو دائما يكون بصيغة المذكر الا اذا حددت فيكون مؤنث.فالذين أرسلت اليهم هم رجالا ونساء وهؤلاء هنا صح.
2)الكيك كان ما ختيتي ليهو خميرة ما بقوم وبكون قراصة يبقي فعلا لازم يخمردي ليكن الاتنين.أمام المنبر

[ود الخير]

المشاركة الأصلية كتبت بواسطة فتحي مسعد حنفي

أسمعو يانساوين أنا ما طرف في نقاشكم دا لكن عندي تعليقين لازم أقولهم..
1)أحد هؤلاء الذين أرسلت اليهم صح 100% يا أمال لأن أم التيمان هنا بتتكلم عن الجمع الغير معرف وهو دائما يكون بصيغة المذكر الا اذا حددت فيكون مؤنث.فالذين أرسلت اليهم هم رجالا ونساء وهؤلاء هنا صح.
2)الكيك كان ما ختيتي ليهو خميرة ما بقوم وبكون قراصة يبقي فعلا لازم يخمردي ليكن الاتنين.أمام المنبر

صباحو يا شباب هنا قلنا يا شباب
مع أنكم شابتين وشاب
وهذا الشاب اتضح اليوم انو فعلاً
بسبع صنائع لكن ضياع البخت او الحظ
غير مثبت
والرجل المتفنن في المطبخ فيه روايتين
اما هوايه وأما سرج في الضهر قاعد

لما الزول فجأ يقول ليك انت الله دا
شافو بالعين ول عرفو بالعقل
بيكون عاوز يثبت شنو؟
وهل بيعكس يقين الشخص
بوجود الله؟

[ام التيمان]

المشاركة الأصلية كتبت بواسطة فتحي مسعد حنفي

أسمعو يانساوين أنا ما طرف في نقاشكم دا لكن عندي تعليقين لازم أقولهم..
1)أحد هؤلاء الذين أرسلت اليهم صح 100% يا أمال لأن أم التيمان هنا بتتكلم عن الجمع الغير معرف وهو دائما يكون بصيغة المذكر الا اذا حددت فيكون مؤنث.فالذين أرسلت اليهم هم رجالا ونساء وهؤلاء هنا صح.
2)الكيك كان ما ختيتي ليهو خميرة ما بقوم وبكون قراصة يبقي فعلا لازم يخمردي ليكن الاتنين.أمام المنبر

شكرآ ليك يا خواجة على التوضيح العجزت انا عنه
و ان شاء الله ما نعدمك و ما نعدم صراحتك
يا جميل
تحياتى
تستاهل تسعة و تسعين زى دى
و واحدة اخرى

[ام التيمان]

المشاركة الأصلية كتبت بواسطة AMAL

وعادت ام التيمان

حمدلله عالسلامة
الباسويرد رجع لقواعدو




بوستر ذو صلة
http://sudanyat.org/vb/showthread.php?t=13674

الدين خنجر مقروس




اللهم ارحم خالد رحمة واسعة

انا ما فاضية ليك
انت واحدة روحك محرقاك
و الغربة هالكاك
ما طردناك

[ابو روضه]

ازيك يا ام التيمان
نختلف او نتق حول ما هو مطروح لكي التحييية



وما لله لله

وما لقيصر لقيصر

او كما قال من سبق ( دور العبادة )

[طارق صديق كانديك]

المشاركة الأصلية كتبت بواسطة ام التيمان

احترام الاديان و المعتقدات واجب على معتنقيها

أم التيمان

مساء الخير ام التيمان

هذا الحديث صحيح فيما يتعلق بالمعتنقين للأديان والمعتقدات .. ولكن .. الصحيح أيضاً في تقديري أنه يجانبه الصواب من ناحية أهمية أحترام أديان ومعتقدات الغير .. فعدم ايمان المرء واعتناقه لأي منها لا يعفيه من ضرورة احترام ايمان ومعتقدات الآخرين .. !!

ذاك ما تقره قيم التعايش السلمي والفطرة السليمة بين الناس .. اذ بمفهوم المخالفة تصبح معتقدات وايمان الآخرين عرضة للسخرية والاستهزاء بها من مخالفيها ولا يخفى على أحد مافي ذلك من ابتسار وتشويه لحرية الفكر والمعتقد .. !!

لك شكري وتحياتي

[هيثم طه]

المشاركة الأصلية كتبت بواسطة ام التيمان

منذ ان اخترع الانسان الدين
وهو يعيش فى فرقة و شتات -اختلاف الاديان جلب له العنصرية و الكراهية الحرب و الاقتتال
هل اجى يوم ادرك فيه الانسان خطئه -ان الدين حقبة زمنية فى حياتة
يجب ان يعبر الجسر لى مرحلة اخرى -
اكثر تطورآ و انسانية و عدالة
ليعيش فى امان و سلام و اخاء

سلامات الأخت أم التيمان -- عساك طيبة -و الناس المعاك هنا
شكلو بوستيك مادة خفيفة و عصف أذهان !
و بالرغم من إنّو كلامك يبدو لي فيهو تعميمات كتيرة و مقدمات و نتائج معممة و بغض النظر عن الأدبيات الشائعة مثل (الأديان السماوية) و (الأرضية )-وبغض النظر عن منشأ الدين و اختراعو ( بإعتبار إنو-حسب تقديري- الإنسان بلعب دور اكبر في صياغة الدين أكثر من المخترع !) وأيضا إذا تركنا جانبا ما يقال عن أهمية الأديان المختلفة في تماسك الإنسان (زي أهمية كل دين لمعتنقيه مثل الهندي الأحمر أو البوذي أو المسلم ) و إذا افترضنا صحة فرضيتك بتاعت (عبور جسر الدين يؤدي إلي العيش في سلام و امان ) -في تقديري عشان الكلام ما يكون كلام زعل من واقعنا المرير حقو يكون في جرد جادي لتاريخ الاديان و علاقتو مع الإنسان - عشان علي الأقل نعرف هل فعلا الأديان تسببت في كل الكوارث دي ! بعد الجرد (الموضوعي ) حتي لو في زول مؤمن بدين معين فليدافع عن دينو و يجد مبرراتو !
و يبدو لي ممكن تناول الأديان علي مستويين : الأول : هل الأديان أدت أدوارها علي المستوي الشخصي - يعني مثلا إذا في دين بيزعم إنو جاء ليحرر الانسان من عبوديتو للإنسان و يحقق سعادتو --هل الدين المعني حقق الهدف دا -
و المستوي التاني : أثر الدين في علاقة الإنسان بالآخر (القريب أو البعيد )-
,,,,,,,,,
و عشان أنا ما قدر المقدمة دي و ما قاري كويس ح احاول من المعلومات العامة اقرأ بيها المقدمة دي ! -طيب شنو كان دور الدين في القرن العشرين و كوارثو !؟
إذا بديت بالاستعمار الأوربي و مجازرو للبشرية أنا ما شايف دور أساسي للدين - و برضو استعباد الاوربيين لملايين الأفارقة و إفناء الهنود الحمر في امريكا برضو أنا ماشايف أثر مباشر للدين ! و أيضا الحربين العالمتين و الماتوا فيها ملايين البشر ! وين الدين هنا ---و أيضا التجربة الاشتراكية في روسيا (بالرغم من الفكرر التحرري الماركسي ) لكن الواقع -حسب علمي -كان مأساة انسانية --و حتي أكبر مشهد لصراع ديني زي الكيان الاسرائيلي - في تقديري- هو في جوهره و إيجاده ليس ديني (زي الهندوس و المسلمين) و إنما واحدة من (إبداعات الإنسان الأوربي و محاولته للتخلص من اليهود !)
بلا شك تسبب الكثيرمن الاديان في (الماضي )في حروب - لكن مع تطور الأنسان في القرن العشرين كان الإنسان لوحده دمر ملايين البشر الاخرين - وحسب تقديرات البعض خسائر الحروب اكثر من 150 مليون إنسان في هذا القرن (20) !!!و يعتبر أكثر القرون دموية في تاريخ البشر و لم يكن للدين دور مباشر حسب علمي
عموما دا جرد عشوائي !( و بعد الجرد شايف إنو من الظلم إنو نقول ببساطة (اختلاف الأديان جلب له العنصرية و الكراهية الحرب و الاقتتال)
و خلاصة قولي إنو -حسب ظني- يعاني الكثيرون من المسلمين-و أنا منهم -من (دينهم) و واقعهم و هناك تحديات حقيقية يواجها الفكر الديني عموما و المعاصرمنه خصوصا و تجلياته علي المستويين ( الشخصي والعام ) لذا من الأفضل في نظري بدلا من تعميم الاحكام علي الأديان كلها ان يجتهد منتسبو او المنتمين لثقافة الإسلام (بشكل او بآخر ) أن يتناولوا الفكر الديني الإسلامي بالنقد و المناولة و الفكفكة !

و قصدي في النهاية إنو ليست الأديان هي المشكلة في حد ذاتها و لكن الإنسان نفسه !
تحياتي

[أبوبكر عباس]

المشاركة الأصلية كتبت بواسطة سماح محمد

هذا القصور الذي يتهيأ لك ليس قصورا في النصوص الدينية وإنما في غياب تفسيرات وإجتهادات معاصرة والتي تتطلب بالضرورة رجال دين معاصرين أكثر إدراكا لعمق الرسالة الموجودة في الأديان..

تحياتي يا سماح
نقدر نقول من كلامك دا:
غياب التفسيرات و الإجتهادات المعاصرة للنصوص الدينية، بجعل الإنسان العادي الحالي يعاني من سطوة التفسيرات التاريخية للنصوص ،
يعني لو ما ظهر رجل الدين المعاصر البتبشري بيهو دا، بيكون لأم التيمان الحق في الشكوى من قصور النصوص الدينية، و الدعوة لتركها؟؟

أمال مداخلتك فيها عدم قبول للحوار و محاولة لقمع أم التيمان

[سماح محمد]

سلامات يا بابكر عباس

يمكن ما أكون وُفقت في عكس وجهة نظري بدقة لكن أهو الكلام كامل عشان أوضح من خلال جزئية الحديث

المشاركة الأصلية كتبت بواسطة ام التيمان

ان النصوص الدينية اليوم ما عادت ترضى تطلعات الانسان
فى حل مشاكلة و تعقيدات حياتة التى تكبر يوميآ
الانسان ممكن ان يكون افضل من دون دين
و يوجد بيننا الكثير و افضل من المتديين

المشاركة الأصلية كتبت بواسطة سماح محمد

هذا القصور الذي يتهيأ لك ليس قصورا في النصوص الدينية وإنما في غياب تفسيرات وإجتهادات معاصرة والتي تتطلب بالضرورة رجال دين معاصرين أكثر إدراكا لعمق الرسالة الموجودة في الأديان..

المشاركة الأصلية كتبت بواسطة بابكر عباس

تحياتي يا سماح
نقدر نقول من كلامك دا:
غياب التفسيرات و الإجتهادات المعاصرة للنصوص الدينية، بجعل الإنسان العادي الحالي يعاني من سطوة التفسيرات التاريخية للنصوص ،
يعني لو ما ظهر رجل الدين المعاصر البتبشري بيهو دا، بيكون لأم التيمان الحق في الشكوى من قصور النصوص الدينية، و الدعوة لتركها؟؟

ردي كان على مستحدثات هذا العصر..يعني الاختراعات البتظهر جديدة..أنماط الحياة المستحدثة...الخ، دي (أم التيمان)قالت حسب فهمي لكلامها انو النصوص الدينية ما قدرت تواكبها، والمقصود هنا ما المسائل الأساسية المتعلقة بالعقيدة الدينية -لكن لو إفترضنا انو قصور النص الديني عن تلك الأشياء بينفي عنو الكمال ويخلينا نشكك فيهو- كان لازم أوضح إنو هنا ده قصور في التفسير المواكب، وحتى لو ما إتوفر رجال الدين المحدثين ديل فده ما معناتو قصور في النص الديني بالنسبة لإنسان معتنق للدين المحدد ومؤمن بأساسياتو وبيتحرك ويجتهد في إطارها، يعني يا بابكر كلامي د عيبو انو كان بيفترض انو في يقين ديني ما حيتهز حتى لو غابت التفسيرات المرضية والمقنعة بالنسبة لبعض التفاصيل..وده قصور في الطرح أعذروني عليه..

شكرا للإستيضاح..

[زهير ابو سوار]

ام التوم ازيك ..
طبعا كلمة إختراع دي كتيرة شوية ...
وشكلك قريتي الماركسية بنضارة مشقوقة ..
ولكن عموما الدين السماوي او الفلسفات الشرقية زي البوذية
والهندوسية كلها تدور في محور الفضيلة والرذيلة ..
ولكن الفضيلة والرذيلة في مفهومات ماركس تحددها الحتميات
والضرورات وليست الأعراف او القوانين ..
لذلك الدين هو مرحلة زمنية تنتهي بالقيامة الصغري للإنسان ومن بعدها الكبري ..
تقوم قيامتك يعني تموت
خالص المني وجمعة مباركة

[AMAL]

المشاركة الأصلية كتبت بواسطة بابكر عباس

أمال مداخلتك فيها عدم قبول للحوار و محاولة لقمع أم التيمان

ياتو مداخلة يابابكر
حدد بالله

عينك في البوست وتطعن في مداخلات امال وسماح


اها وكت الله رفع قدمك
رأيك شنو في دي بالله

ما طردناك

[ناصر أوسلى]

أم التيمان كيف حالك؟
انا ماعاوز ادخل فى تفاصيل موضوعك العجيب دا!!!!
لكن مايعجبنى فى طرحك للمواضيع فيهو نوع من الاثارة والبحث عن المسكوت عنه.
والجميل فى الامر انو الما بعرف فى الدين يعمل عالم والمأخذ الدين بالفطرة ولا يقوم بواجبة تجاة دينه يحاول الدفاع عنه.ولا أدرى لماذا يدافع عن شئ هو اكثر الناس تنصل منه.

لا حول الله يا ام التيمان انتى ماعندكم كريمات فى البلد المافيها دين دى

لم بوستك خدك تقول حيطة مشققة ناشف يابنت الناس

[AMAL]

ووووييييي

المشاركة الأصلية كتبت بواسطة ام التيمان

ما طردناك

[أبوبكر عباس]

المشاركة الأصلية كتبت بواسطة AMAL

ياتو مداخلة يابابكر
حدد بالله
عينك في البوست وتطعن في مداخلات امال وسماح

اها وكت الله رفع قدمك
رأيك شنو في دي بالله

قاصد مداخلتك الأولى:

عنوانك مستفز يام التيمان
وطرحك فطير
احترام الاديان والمعتقدات الكريمة واجب
ولا اعتقد انك تملكين الادوات اللازمة لنقاش فكري بهذا العمق
اري ان تعتذري لمن طعنتي في عقيدتهم
ولكِ مطلق الحرية ان تري ان الدين مرحلة في حياتك
AMAL

العنوان دا بالنسبة لي غير مستفز
و الكلام دا ما فيهو عدم إحترام للأديان و أي زول من حقو يبشر لمعتقداتو..
منو القال انو ام التيمان لازم تكون خطيرة في نظرك و تمتلك الأدوات التي تعتقدينها انت و بعد داك يحق ليها أن تطرح التساؤلات بتاعتها؟
من حق أي زول عادي يطرح أي تساؤل دايرو...
يا أخي أم التيمان شايفة انو الحروب المدورة دي كلها سببها الدين؟؟ من حقها تتساءل؟؟

لا تملكين الأدوات اللازمة قالت!! دا منتدى سودانيات، ما منبر الحوار الديمقراطي بمنتدى سودان فورأول!

لمان تقول لي انت لا تمتلك الادوات اللازمة لمناقشة شئ معين، لو طردتك البزعلك شنو؟
أصلها دي حتة ما من مستواك!