رفيقٌ مضى، رفيقٌ أتى . . . (العيدروس) و (ود التجاني مصطفى)

[محمد عبد الرحمن]

التقطني يا صديقي
في الدروب الما بتجيبك
ودفئ حضنك بالأغاني
كلما يضهب طريقك
وامسك الجمرة البتبرق
بين رمادك
وبين حريقك
وارفق الدمعة البتعرف
شاسع الحزن البعيقك
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
في شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك
وانت سر عشقك
كلما اتخمر عتيقك
يا اخي سيبك
من سريقك
ومن سليبك
وابقي فتش في لي طريقك
يمكن الاحزان تسيبك
يا اخي سيبك

يحي فضل الله

[محمد عبد الرحمن]

ود التجاني هل يمكنني إختزال عمر بيننا بتوريط بضع أسطرٍ في حروفٍ قاصرات؟
فقط تعال و بيمينك كوب جبنة, يسارك يهُش الاحلام ممتشقاً ذات إبتسامتك
نكمل ما تبقى من حديثٍ لن ينتهى.


عيدروس هي سويعاتٌ فقط كانت في معيتك, كانت كافية لتدخُلَني كما ينبغى الدخول
لكم أفتقد لهجتك المميزة وحُنوَك على الحروف حين تُلزمها الفضاء.


ثم أنه هنيئا لنا بكمــــــــــــــــــا.

[مهند الخطيب]

عبدالله عيدروس ..........

السلام عليك ان سكنت بيننا ولن لم تفعل ياجلي المقصد والمعنى والمضمون.....

عبدالله عيدروس ...........

يسعدني -حدالحبور- هذا الوجود...........

[مهند الخطيب]

المشاركة الأصلية كتبت بواسطة محمد عبد الرحمن

ود التجاني هل يمكنني إختزال عمر بيننا بتوريط بضع أسطرٍ في حروفٍ قاصرات؟
فقط تعال و بيمينك كوب جبنة, يسارك يهُش الاحلام ممتشقاً ذات إبتسامتك
نكمل ما تبقى من حديثٍ لن ينتهى.


عيدروس هي سويعاتٌ فقط كانت في معيتك, كانت كافية لتدخُلَني كما ينبغى الدخول
لكم أفتقد لهجتك المميزة وحُنوَك على الحروف حين تُلزمها الفضاء.


ثم أنه هنيئا لنا بكمــــــــــــــــــا.

أما فيما يخص المدعــــــو مصطفى التيجاني.......

فأنا ما موافق والله يامحمد

ياخي ماممكن بعد شوية ماتجيب الحاج ود أب وهشيم

غايتو أنا ماموافق وسأستعمل كل الوسائل المتاحة لانو الحكاية دي ماتستمر كتير.....

ود التجاني!!!!

[nezam aldeen]

قندولك بركع في الصبح ،
مانعاهو سيقان الشموخ من ان يكون
او ان يناهز ان يكون
ضمن العلامات والسمات الفي جبين أثر السجود ..‏
كان إنحنى المليان جنى
عاد يطير راس العويش ؟
‏
محمد عبد الرحمن
إزيك ياخ .. وصحتك ..

[ود التجاني]

طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
تهاوت جذور الكلام
جفت ينابيعنا
وأرهقتنا ليالى السفر *
صديقي محمد عبدالرحمن شكرا لهذا البراح الذي دعيتني اليه, صديقي لقد فتحت لي نفاج ضوء اتمني ان استطيع خلاله مشاركتكم هموم الوطن والكتابه والمواطنين التعابة
ياصديقي
آه .. من زمنٍ كنا ننتقى فيه العبارات
من فصوص المحار
نتمشى فى مفاصل الشعر
تأخذنا كل ساعةٍ فى مدار
آه .. من آه .. ثم آه
من كل ذاك الزمان النبيل
أصرخ الآن .. أو
أخرج الآن .. أو
إنزف الآن .. أو
أكتم الشدو فى الفؤاد العليل *

الاخوة في منتدى سودانيات
نحنُ فى ساعةِ الحزنِ وميقاتِ الفجيعةِ
والفراغِ العاطفى .. الوطنى
الآنَ لن نبكى
ولكن .. من يساومُ بالغدِ الآتى
وماذا سوف نخسرُ ؟ *[شكرا للقبول وشكرا جميلا لانكم تمنحونا فضاءا نزفر فيه الامنا واوجاع الوطن
دمتم في طريق النضال حتى تشرق شمس الوطن

مهند الخطيب
اعتراضك على قبولي رأي يليك وليس لي حق الاعتراض عليه
ولكنك تبقى واحد من اسباب دخولي سودانيات
يا .......
الدقايق التي التقيتك فيها جعلتني ادرك انك رجل بقامة نخله
التحية لك وللنخل البصحي التمرة نص الليل اذا نقص الشراب

* سِفر السكوت, فيصل محمد صالح
** غناء العزلة ضد العزلة, الصادق الرضى

[عكــود]

سلام على العيدروس
سلام على ود التجاني
سلام عليك يا محمّد عبدالرحمن، أن أهديتنا من هديت إلى براحاتنا

ألف مرحب بكما

[بله محمد الفاضل]

يا اخي والله حبابكم تريليونات تريليونات إلى ما لا نهايات

شرفتو والله...

تسلم يا ود مصطفى

تحياتي واحترامي ومحبتي

[فتحي مسعد حنفي]

المشاركة الأصلية كتبت بواسطة محمد عبد الرحمن

ود التجاني هل يمكنني إختزال عمر بيننا بتوريط بضع أسطرٍ في حروفٍ قاصرات؟
فقط تعال و بيمينك كوب جبنة, يسارك يهُش الاحلام ممتشقاً ذات إبتسامتك
نكمل ما تبقى من حديثٍ لن ينتهى.


عيدروس هي سويعاتٌ فقط كانت في معيتك, كانت كافية لتدخُلَني كما ينبغى الدخول
لكم أفتقد لهجتك المميزة وحُنوَك على الحروف حين تُلزمها الفضاء.


ثم أنه هنيئا لنا بكمــــــــــــــــــا.

غايتو يامحمد لو كنت عارف من الأول انك بتعرف العيدروس ما كنت ضربت ليهو تلفون من الصباح لكن نعمل شنو الحصل حصل..
عموما قالوا كل زول بعمل بي أصلو يعني لازم أرحب بيكم يا ود التجاني وعبدالله..بس ياشباب أتمني ما تكونوا زي صاحبكم دا وخليكم أحسن تبع مهند

[الرشيد اسماعيل محمود]

المشاركة الأصلية كتبت بواسطة ود التجاني

التحية لك وللنخل البصحي التمرة نص الليل اذا نقص الشراب

ود التجاني عدييل..!!

[عبدالله عيدروس]

العزيز محمد عبدالرحمن

ويا لها من ثمينة تلك السويعات التي التقينا فيها .. صرنا في هذا الذمان يا صديقي نتشرب اللحظات كاننا لن نعيشها مرة أخري ..ونحفظ ملامح من نلتقي كاننا كلنا علي سفر والمحطات طوال ...
جميل ان يجمعنا سودانيات وبيننا الكثير لا زال

دمت

[الرشيد اسماعيل محمود]

علي وزن نادر علي طريقته خاصّة منسي..
ود التجاني رائع علي طريقته.. رجلٌ فضفاض، ولا أعرف ماذا يعني ذلك بالضبط.. ولكنني فقط أري أنه فضفاض.. وإذا تعلّق الأمر بالطيّبين في الحياة.. فودّ التيجاني سيكون حتماً ضمن العشرة الأوائل..
ولأنني أعرفه جيّداً.. أقدِّر أنّه إضافة حقيقيّة.. ونسمة تهبُّ فتحيل المساحات حدائق.
شكراً ود التجاني علي الحضور.
محمّد عبد الرحمن، وأفندية النخيل.. أما زالت الأمسيات بدفئها المعهود..؟
ترحيب يمتدّ لصديقنا الجديد العيدروس.. وأتمني أن تجمعنا معه سويعات ولو معدودات.. فالحياة لا تُقاس باللحظات.. ولكن بما تتركه فيك تلك اللحظات..
حباب الإتنين..
والإتنين الليلة وين..؟

[عبدالله عيدروس]

الاعزاء :

مهند الخطيب
محي الدين
عكود
الاديب بله محمد الفاضل

شكرا لاحتفائكم وسعيد بانضمامي لاسرة سودانيات

[عبدالله عيدروس]

قلت لي لو كنت عارفو صاحبي كنت حتغير رايك يا فتحي ؟

غايتو انا الفائز باتصالك والحصل حصل يا زول

بعد ده مجبور

[طارق صديق كانديك]

مرحبتين حبابكم .. !!

مرحب بيكم في سودانيات

شكرا يامحمد

تحياتي