28 رمضان .. الأكرم منا جميعاً ... !!!

[الجيلى أحمد]

ياجرح الوطن النازف

يالجمالكم أيها الأبطال..

قدمتم نفسكم

عشان الحاجات تمشى صاح

او كما قالت صفية


لكم الخلود الأبدى فى ذاكرة الوطن
لكم البقاء الأبدى
لكم المجد

[طارق الحسن محمد]

المجد والخلود لشهداء 28 رمضان الشرفاء
المجد والخلود لكل شهداء وطنى المغتصب
من المهدية وحتى الان
المجد والانتصار لشعبنا السودانى الابئ
الاشم
المجد والخلود لحفيدات مهيرة وهن يدفع
الغالى والنفيس فى سبيل حريتنا وانعتاقنا
من سلطة المتاسلمين الجدد
الخزى والعار والهزيمة لسلطة المؤتمر الاوطنى
ومن شايعها

[أبو الحُسين]

نسأل الله يغفر لهم ويرحمهم ويسكنهم الجنة مع الأبرار...

[طارق صديق كانديك]

الى عليين أيها الأحرار .. الى عليين أيها الشهداء .. !!

يا لهذا الجرح الذي لم يندمل .. !!

قاتلوكم بين أترابهم ونساءهم يعبدون الله في شهر رمضان كأن لم يفعلوا شيئاً .. !!

(( والذين لايدعون مع الله إلهاً آخر ولا يقتلون النّفس التي حرّم الله إلا بالحق»

الفرقان 68

التحية للأكرم منا جميعاً
التحية لهم ولأسرهم ولمعارفهم ولرفاقهم ولأبناء وبنات الشعب السوداني ..

كي لا ننسى أبداً

[طارق صديق كانديك]

شكرا لكل من مر من هنا شكرا لكم أجمعين ..

دعونا نحادثهم ونتحدث عنهم ..

دعونا نكتب عنهم ولهم وفيهم

فالجلاد مازال يمسك بتلابيب البلاد ولا يبالي ..

[سماح محمد]

تحياتي ياريس

هذا وطنُ يأكل أبناءه..!!

لهم التحيــــــة
لهم الرحمة

ولنــــا ذكرى رجال شرفاء آثروا أن تكون أرواحهم شموعا تهدينا الضوء
ولن يضيع إحتراقهم
فهم باقون
في قلوبنا
وفي ذاكرة الشرفاء من أبناء هذا الوطن

لهم التحية
ولأبنائهم اليتامى
لزوجاتهم الأرامل
لأمهاتهم الثكالى

ولأسرهم وأصدقائهم المكلومين


وسيأتي يوم القصاص...
وإن تأخر فإنه آت..

[طارق صديق كانديك]

المشاركة الأصلية كتبت بواسطة سماح محمد

وسيأتي يوم القصاص...
وإن تأخر فإنه آت..

هو ذاك آت ولو كره الكارهون .. !!

التحية للأكرم منا جميعا

شكرا سماح

[طارق صديق كانديك]

http://www.sudaneseonline.com/cgi-bin/sdb/2bb.cgi?seq=msg&board=260&msg=1267283865

يا شهيد وطني المناضل
*1*
يا شهيد وطني المناضل
يا رجولة ويا جسارة
فاتو عشرين من رحيلك
وذكرة الموت والمرارة
ولسة في اعماقنا عايش
وكل يوم بتشع حرارة
وذكرتك مشتولة فينا
وما بنمل نحنا اجترارا
نار مولعة في حشانا
لاخمد لا مات اوارها
**************
جيت مراكب خير مسافري
حاشا ما ضلت مسارا
نطفتك من طينة طيبة
شاربة لللنقة والطهارة
جيت شايل احلام بلادك
وعفة الناس الفتارى
ثرت ما قصدك مناصب
لارئاسة ولا وزارة
ثرت شان ناسنا الغلابة
وليها اطلقت الشرارة
ورحت انت شهيد رسالتك
والشهادة اعظم رسالة
***************
يكفى انو بلدنا تشهد
قدت موكب انتصارا
ويكفى انو الجيش بيشهد
تستحق نوط الجدارة
بس خسارة زمنا اعور
ومت في زمن العوارة
في زمان السرقة واضحة
والرشاوي نهار جهاره
والخيانة بقت فضيلة
والفضيلة بقت دعارة
والكرم صار عملة نادرة
وطال غياب الخير توارى
واللصوص في كل شارع
وكل شئ اصبح شطارة
والكضب والغش وحاتك
اضحى من سمة الحضارة
*******************
ورخصت الانفس وبارت
مابتساوى تمن سيجارة
والملايين يا شهدينا
اصبحت في هم صغارا
في الشمس مشرورة دائما
واقفة تقلاها الحرارة
تجري دائما من صباحا
ولا مساها ورا خدارا
والغلا اصبح غول بيبلع
قولي بس كيف الدبارة
وناس بتتحكم وحاتك
فينا من خلف الستارة
بالرخيص باعتنا علنا
للعدو رهنت قرارا
**************
وناس تفتش في الرئاسة
دار تموت شان الامارة
ناس تلملم في الاراضي
وناس قصور فللا وعمارة
وناس تفكر دار تهاجر
فيزا كانت او اعارة
وناس بتنده لله سائلي
كان يعجل بي دمارا
وناس معيشتا في المعاصي
دايرة في سكرا وقمارا
وناس بتجري وراء شيوخا
ماسكي في ضنب الحمارة
وزول شبيه الديك يعوعي
كسر الجر والخمارة
************

[طارق صديق كانديك]

قصيدة للأستاذ الشاعر عزمي احمد خليل في ذكرى شهداء مذبحة 28 رمضان

http://www.sudaneseonline.com/cgi-bi...msg=1135886217

حِرِقْ الكعك
إلى روح شهداء مذبحة 28 رمضان
شعر: عزمي أحمد خليل
الدنيا عيد والكل سعيد
والكل بيحلم بالجديد
وكان الجديد ذي مافي عيد
حِرِق الكعك وحزن الوطن
واطفالنا مالبسوا الجديد
والدنيا عيد
*****
كان الجميع راجين يعيدوا
وكُلُ زول أهلو في رِجاهو
اللي غايب مشتهينوا
واللي عايد ولامي جاهو
إلا لكن ياخساره
ماخلاص الجاهو جاهو
كانت الوقفه الحزينه
وعيدنا غير إتجاهو
والوطن دفع التمن
بدل إسماعيل تلاتين شهيد
والدنيا عيد
*****
ياوطن صبرك أبويا
باكر الايام بتنصف
وكُلُ خاين لى بلاد
في القريب الجاي يعرِف
مالغيوم لومره وآرت
السماء لا بد يكشف
والبيسكت بكره بينضم
وبالسقوط من قلبو بِيهتف
وبكره عِيد سودانّا يِرجع
وينكتب بالعِز نشيد
والدنيا عيد
*****
بكره بِتعيد مصيرك
بِ رجوع الحق وناسو
الظلام لابُد يزول
والنهار يكشف لِباسو
والقيم ترجع جميله
وكُلُ عَزك لِي أساسو
شعبي يا الغالي وحِنين
وين يِفوتو الليكا داسو
كُلُ اولادك فِدايتك
وليك يمِدوا القلبِ إِيد
والدنيا عيد
واشنطن رمضان (أكتوبر 2005)

[سمراء]

ليس هناك اكبر من تدفع الارواح فداء لفكرة
المجد والخلود لكل من سطر حرفاً فى دفتر الاوطان
وكتب أسمة بالنور على صحائفه

انا لله وانا اليه راجعون

التحية كانديك

[طارق صديق كانديك]

http://www.youtube.com/watch?v=nvkFe...eature=related

[طارق صديق كانديك]

المشاركة الأصلية كتبت بواسطة سمراء

ليس هناك اكبر من تدفع الارواح فداء لفكرة
المجد والخلود لكل من سطر حرفاً فى دفتر الاوطان
وكتب أسمة بالنور على صحائفه

انا لله وانا اليه راجعون

التحية كانديك

مضت أجسادهم وبقى فعلهم ناهضا وعنوانا عظيما للتضحية والجسارة .. !!

المجد لهم والخلود

شكرا سمراء

[بله محمد الفاضل]

معطوبة روح بلادي
طالما أن بأخصمها
قد نزل هؤلاء

وسيذهبون بجثثهم العفنة بإذن الله
فأرقدوا بسلام
لأنه
لا يغادر من يقدم للناس
روحه...

[Hassan Farah]

المشاركة الأصلية كتبت بواسطة خالد حسن بخيت

الاخ طارق تحياتي

2/ عميد طيار أركان حرب : محمد عثمان حامد كرار
تمكن من تنفيذ واجبه بنجاح في ليلة 24 ابريل 1990 باحتلاله لقاعدة الخرطوم الجوية وتأمين مطار الخرطوم ورفض الاستسلام وطلب من قادة المدرعات القتال حتى النهاية وذلك حينما اسر في برج مطار الخرطوم صباح 24 أبريل . وفي الساعة الثامنة صباحا طعنه العقيد محمد الامين الخليفة بحربة البندقية (السونكي) وهو يطالب المدرعات بعدم الاستسلام . ظل الشهيد ينزف بدون أي محاولة لتضميد جرحه أو نقله إلى المستشفى حتى لحظة اعدامه قبل فجر يوم 25 أبريل 1990.

الاخ بابكر عباس كل سنة وانت طيب

اعجبني تعليقك الساخر هذا ..

----------------------------------------------------------
محمد عثمان حامد كرار....ذلك الشاب ذو الجسم النحيل..زميل الدراسة بمدرسة بورتسودان الثانوية..البشارى المقدام..منذ طفولته كان لا يجارية فى الشجاعة احد.. جسمه القليل لم يحول بينه وبين و لوج مجال العسكرية..تفوق على الجميع فى الرماية فى اول معسكر للتدريب العسكرى- الكديت- عقد بخور عمر لكل مدارس السودان عام 1959.. بعد سنة جلسنا لامتحان شهادة كمبردج.. حصل على الدرجة الاولى.. حاولنا اقناعه بان ينضم الينا بجامعة الخرطوم لكنه اختار الكلية الحربية... فى ذلك .الزمان قل ان تجد شابا متفوقا يفضل الالتحاق بالكلية الحربية اذا كانت شهادته تؤهله للالتحاق بالجامعة...هذا قدره..
وهنا ايضا تفوق ..وصار من ابرع طيارى الهليوكبتر...تلقى تدريبات بفرنسا والاتحاد السوفيتى.. بل ان النميرى اختاره طيارا خاصا فى رحلاته.. وعندما تحطمت طائرة هليوكبتر عند الكرمك المحاصرة من قبل قوات قرنج ايام حكم الصادق كان محمد عثمان
هو الطيار الذى انقذ زملائه المحاصرين..
المجد والخلود لصديقى محمد عثمان حامد كرار ولجميع زملائه شهداء 28 رمضان
يرحمهم الله جميعا ويغفر لهم ويثبت الله قلوب ابنائهم وذويهم..
http://www.youtube.com/watch?v=nvkFe...eature=related

[طارق صديق كانديك]

المشاركة الأصلية كتبت بواسطة بله محمد الفاضل

لا يغادر من يقدم للناس
روحه...

[frame="1 80"]
نعم ... لا يغادر من يقدم للناس روحه

بله محمد الفاضل
[/frame]

لهم التحية والاجلال

ولك الشكر والامتنان