قـــروب حبــائب بالفيسبوك (كتل) المنتدى !

[اروي حامد عبد الله حامد]

[justify]ياكنكلوشة ازيك

عايني قروب حبايب ماماسك يدين الناس عشان مايشاركوا في المنتدي وانا متأكدة جزء كبير من الناس اول مايقعد قدام الجهاز بيفتح صفحة المنتدي ومعاها الفيس القروب للونسة وقتل الملل البيملانا ونحن شغالين والمنتدي فيه مواضيع ماممكن تردي عليها وانتي مشغولة وكتير البيداخلو ويقولو بجي بعدين للمشغوليات اسع ياسمرمر اتي ليك كم مادخلتي القروب؟
وفي نفس الوقت بتكوني مداخلة في المنتدي يعني القروب برئ كل البراءة من انه سبب عدم الحراك في المنتدي

ياسمراء ناس القروب كم ومشتركي منتدي سودانيات كم؟ [/justify]

[سمراء]

اقتباس:
المشاركة الأصلية كتبت بواسطة اروي حامد عبد الله حامد
[justify]ياكنكلوشة ازيك
عايني قروب حبايب ماماسك يدين الناس عشان مايشاركوا في المنتدي وانا متأكدة جزء كبير من الناس اول مايقعد قدام الجهاز بيفتح صفحة المنتدي ومعاها الفيس القروب للونسة وقتل الملل البيملانا ونحن شغالين والمنتدي فيه مواضيع ماممكن تردي عليها وانتي مشغولة وكتير البيداخلو ويقولو بجي بعدين للمشغوليات اسع ياسمرمر اتي ليك كم مادخلتي القروب؟
وفي نفس الوقت بتكوني مداخلة في المنتدي يعني القروب برئ كل البراءة من انه سبب عدم الحراك في المنتدي

ياسمراء ناس القروب كم ومشتركي منتدي سودانيات كم؟ [/justify]

هيييييييييييع لقد ظهر (مجرمو ) حبائب الاصليين
يابت انا فهمتة قصدك تماما ...

انا فهمتكم بتاعت هناى الشرد زاااته !

بس براك قلتى ...مافى وكت !
يعنى الونسة بتكمل الوكت ، ومابكون فى زمن للمنتدى ياخ
وبالطريقة دى حانفقد حلقة التواصل -الام - والانجب الحبائب ياخ

مالكم كيف تحكمون ....قلنا

[نبراس السيد الدمرداش]

يا حبيبه
معنى كلامك انو ناس القروب روح المنتدى
يعني لو اتونسنا بهناك معناها المنتدى مات
ودا كلام ما صاح لانو في اعضاء كتار ما عندهم علاقه بحبايب
اذا في شيء قتل المنتدى حاجات تانيه ما حامياني*

1-اقلام كتيره بتتفرج ما بتكتب
2-اقلام هجرت المنتدى اصلا
3-المواضيع الجاده للنقاش تتحول بقدرة قادر يا اما لهزل اوهتر و مناكفات
4-الخلط بين المنتدى و بين الشخوص الفي المنتدى(يعني اذا انا احتديت في نقاش مع سمراء تحرد المنتدى عشاني)
1,2و 3 دي حقو الناس كلها تنتبه ليها و تشوف مسبباتها شنو وتعالجها

انا عضو في القروب يوم واحد ما غبت عن سودانيات كل يوم بشارك
حافظ حسين عندو موضوعين الان,احمد زين عندو موضوع ساهرون من اجمل البوستات و كل يوم حي انتي نفسك عضو هناك بتشاركي و بتكتبي مواضيع

ما تتغولي على القروب ساي يا السمحه
برجع ليك تاني

[اروي حامد عبد الله حامد]

المشاركة الأصلية كتبت بواسطة سمراء

هيييييييييييع لقد ظهر (مجرمو ) حبائب الاصليين
يابت انا فهمتة قصدك تماما ...

انا فهمتكم بتاعت هناى الشرد زاااته !

بس براك قلتى ...مافى وكت !
يعنى الونسة بتكمل الوكت ، ومابكون فى زمن للمنتدى ياخ
وبالطريقة دى حانفقد حلقة التواصل -الام - والانجب الحبائب ياخ

مالكم كيف تحكمون ....قلنا

[justify]وش اجرام بالدرب

ياوهم يعني انا لما اكون متواجدة في القروب بكون لاقل من عشرة دقائق يعني بدخل من طرف وفي الموضوع طوالي في المنتدي الا اقراء كويس واشوف الحاصل والردود ودا مابيعني اني لما القي وقت مابدخل المنتدي

قروب حبائب متنفس ليس الا [/justify]

[أبو دعد]

اول مرة اسمع بقروب الحبائب و ليتنى لم اسمع
اكره ذو الوجهين منذ ان سمعت بالحديث النبوى

اجهل تمم العامل المشترك بين القروب


ذكرونى ناس الانقاذ يقولوا نحنا استقطبنا الناس و يعملوا مجالس شورى و مكاتب صورية يجيبوا ليها القرارات جاهرة بعد ما يتم طبخها فى المكاتب الخاصة

[زكي عبد الحي]

انا ولا بعرفو حتى
لكن بالجد ورونا دربو

[نبراس السيد الدمرداش]

المشاركة الأصلية كتبت بواسطة أبو دعد

اول مرة اسمع بقروب الحبائب و ليتنى لم اسمع
اكره ذو الوجهين منذ ان سمعت بالحديث النبوى

اجهل تمم العامل المشترك بين القروب


ذكرونى ناس الانقاذ يقولوا نحنا استقطبنا الناس و يعملوا مجالس شورى و مكاتب صورية يجيبوا ليها القرارات جاهرة بعد ما يتم طبخها فى المكاتب الخاصة

عم حسين سلام عليك
الجاب ذو الوجهين شنو و القرارات المطبوخه
كدي قول بسم الله

[اروي حامد عبد الله حامد]

المشاركة الأصلية كتبت بواسطة أبو دعد

اول مرة اسمع بقروب الحبائب و ليتنى لم اسمع
اكره ذو الوجهين منذ ان سمعت بالحديث النبوى

اجهل تمم العامل المشترك بين القروب


ذكرونى ناس الانقاذ يقولوا نحنا استقطبنا الناس و يعملوا مجالس شورى و مكاتب صورية يجيبوا ليها القرارات جاهرة بعد ما يتم طبخها فى المكاتب الخاصة

[justify]كدي يا ابو وعد استهدي بالله واقراء الكلام كويس شنو الوجهين وعملتين قروب في الفيس ماعندو اي علاقة بالمنتدي والعامل المشترك بين القروب اخوه صادقة ونضيفة لمتنا في وجه الله .

وكدي راجع فقرة ناس الانقاذ والكلام الكاتبه دا الموضوع ابسط مما تتصور

إنا لله ياخ[/justify]

[أبو دعد]

المشاركة الأصلية كتبت بواسطة نبراس السيد الدمرداش

عم حسين سلام عليك
الجاب ذو الوجهين شنو و القرارات المطبوخه
كدي قول بسم الله

طيب لنا بسم الله الرحمن الرحيم

ذو الوجهين يعنى الزول تكون عندو مرتين منتديين اسلوبيين

القرارات انتوا اهل الجلد و الراس و معتمدين عليكم فى البرامج الاجتماعية معنى كدى حا تنفذوا برامجكم بعيد من بقية لاعضاء
شنو البخليكم انتو حبائب و الباقين ما حبايبكم

بصراحة ما عجبنى الخبر اتمنى ان تعودوا الى حظيرة المنتدى وتتركوا ساحى القروب
حظيرة و ساحة ذى الكراع و الرجل

[ابرا]

المشاركة الأصلية كتبت بواسطة أبو دعد

طيب لنا بسم الله الرحمن الرحيم

ذو الوجهين يعنى الزول تكون عندو مرتين منتديين اسلوبيين

القرارات انتوا اهل الجلد و الراس و معتمدين عليكم فى البرامج الاجتماعية معنى كدى حا تنفذوا برامجكم بعيد من بقية لاعضاء
شنو البخليكم انتو حبائب و الباقين ما حبايبكم

بصراحة ما عجبنى الخبر اتمنى ان تعودوا الى حظيرة المنتدى وتتركوا ساحى القروب
حظيرة و ساحة ذى الكراع و الرجل

هووووووووووسين كل سنه وانت طيب بخصوص القروب دا . اصدقاء جمع بينهم الفيس بوك واشياء كتيرة مشتركة اثرت تعمل مجموعه لسهولة التواصل الاجتماعي بينهم فمافي غضاضة في وجودهم مع بعض

[الطيب بشير]

.

التحيات الطيبات للجميع

أولآ مالكم كيف تحكمون دي عجبتني جدآ ...و أكررها لكل من أشار لراجل المرتين!

و مع إني ما سمعت بالقروب لكني أدعمه ترسيخآ لمبدأ التعدد

تحياتي ...و...تحياتي!!


.

[أبو دعد]

المشاركة الأصلية كتبت بواسطة اروي حامد عبد الله حامد

[justify]كدي يا ابو وعد استهدي بالله واقراء الكلام كويس شنو الوجهين وعملتين قروب في الفيس ماعندو اي علاقة بالمنتدي والعامل المشترك بين القروب اخوه صادقة ونضيفة لمتنا في وجه الله .
طيب ما نحنا ذاتو اخوتنا معاكم صادقة و نضيفة و اتلمين معاكم فى لله

وكدي راجع فقرة ناس الانقاذ والكلام الكاتبه دا الموضوع ابسط مما تتصور

الفقرة دى مقصودة لذاتها لان القرب هو اللجنة المفوضة باعداد البرامج الاجتماعية و اخشى ان يكون او تكون هذا القروب خصما على برامج المنتدى
إنا لله ياخ[/justify]

انا لله و انا اليه راجعون
دى طبعا تقال عندما تقع المصائب...و كان فى مصية وقعت مسؤلا عنها سمراء لانها هى صاحبة البوست

[اروي حامد عبد الله حامد]

المشاركة الأصلية كتبت بواسطة زكي عبد الحي

انا ولا بعرفو حتى
لكن بالجد ورونا دربو

[justify]لا لي حبايب
انت ما من حبايبنا

ضيفه من صفحتي في الفيس ولو صبرتا حنرفعه ليكم في المنتدي [/justify]

[اروي حامد عبد الله حامد]

المشاركة الأصلية كتبت بواسطة أبو دعد

انا لله و انا اليه راجعون
دى طبعا تقال عندما تقع المصائب...و كان فى مصية وقعت مسؤلا عنها سمراء لانها هى صاحبة البوست

[justify]والله يا ابوي انتو اخوانا واباءنا لله وفي الله ادينا الاكاونت تبعك في الفيس ونضيفك

وكفي الله المؤمنين شر القتال [/justify]

[نبراس السيد الدمرداش]

المشاركة الأصلية كتبت بواسطة أبو دعد

طيب لنا بسم الله الرحمن الرحيم

ذو الوجهين يعنى الزول تكون عندو مرتين منتديين اسلوبيين

القرارات انتوا اهل الجلد و الراس و معتمدين عليكم فى البرامج الاجتماعية معنى كدى حا تنفذوا برامجكم بعيد من بقية لاعضاء
شنو البخليكم انتو حبائب و الباقين ما حبايبكم

بصراحة ما عجبنى الخبر اتمنى ان تعودوا الى حظيرة المنتدى وتتركوا ساحى القروب
حظيرة و ساحة ذى الكراع و الرجل

ذو الوجهين دا الزول البكون قدامك بوش و بوراك بوش(منافق يعني)
و ما اظن فينا منافق او زول عندو كم وجه دا حسب شوفي انا و حسن ظني بالاخرين

هنا الجميع اهل جلد و راس او دا المفترض يكون
البرامج الاجتماعيه الما بقراها في العام او خاص بالاعضاء بتجيهو رساله من جوالي
اي برنامج انت تحديدا ما جاتك ليهو دعوه او ما قريتو في المنتدى
آخر حاجه الافطار و اعتذرت بانو معزوم
قبل الافطار لمة ناس مرافي و نزلناها في الخاص وكانت لمه محضوره
ثم انو العمل الاجتماعي دا مفروض الجميع يتكاتفو ويتلفو حولو

نحن ما مرقنا اصلا من الحظيره او الساحه عشان نرجع ليها

المثل بقول (في الجنا ليك جنا و في ود امك ليك حبيب)
يعني علاقتي باحمد زين ما زي علاقتي بالرباطابي

اي خبر الما عجبك لو خبر القروب القروب دا موجود ليهو شهور
يوم واحد فيكم زول حس بيهو او حس بانو اثر على علاقتنا معاهو