تركين

[azzam_farah]

زاهِر صِديق الطَيب
كيف حالك؟ علك طَيِب

رغم إني من غير الناطقين بها علي قولك .. لكن عندي غرام شديد مع ( التركين )

زعلتني.. مُمْكِن لو سمحت تعَيِب لي "الويكه" "الويكاب" "اللوبا" "الشرموط" "مُلاح الروب" "الخُدْره" ديل عيبُمْ شنو لامِن تغرم بالتركين ياخ.. أنا عاوزك ما تكون عاطفي ياخ.. كَوْنك تحِب الحلفاويين ده ما بخليك تحِب أكلهُم ياخ.. معقول كِده.. أهو أنا بحب الإنْكِليز يعني أقول أضرب الويسكي وأمِز بمرتديلا خنزير!

[بله محمد الفاضل]

مبالغة يا عمك
مبالغة بالدرب

يا اخي التركين دا حكاية لذيذة خالس
تأكلو بمتعة لم تدخر لها وصفاً
ومن ثم تتضاير من إيدك
وغير الناطقين به...

غايتو أخوك يحمد سيدو
حلفاوية (أم سامر) من مصدرو
وعينك ما تشوف إلا المكابسة لقمة لقمة
لا ودوير الأصابع في الماعون ذات نفسو كمان


كتر خيرك والله
جوعتنا يا اخي


تحياتي واحترامي

[ناصر يوسف]

المشاركة الأصلية كتبت بواسطة azzam_farah

ناصِر يوسُف
كيف حالك؟ علك طَيِب

مهما قلت ما تِتْوقع مني أي دعَوة.. دايِر خروف بضبوحو ليك.. تطلُب تركين بفتح فيك بلاغ جنائي "الأذى الجسيم" تكتِر بحولو "الشروع في القتل".. قال جوعتونا قال

هههههههههه

والله ضحكتني يا عزام يا أخوي

لكن لقيتك !!!
أسكت كِب علي قول ألهنا الشوايقه
قلت لي أذي جسيم وشروع في القتل ؟؟ ده كلووووو عشان ما أقول ليك أديني معاك حِتاية تركين ؟؟
إنَّا لله ياخ
عموماً بطرفنا الآن في البيت خمشة تركين جاني هدية من أخ عزيز بعزِني شدييييييييد فشنو قام وتصدق علي بيها
وبما إني من غير الناطقين بها ( لا حلفاوي ولا محسي ولا دنقلاوي).. فشنوووو
حأستعين بوصفتك ديك لفطوم ...
وإنتَ غلطت بالحييييييييييل لما شرحتَ لأختنا فطوم كيفية عمل التركين ...
فشنو الليلة أنا متغدي بيه متغدي بيه
وتشمو قدحه .. لووووول
مي ياها وصفتك ..


التركين في الأول هو زاتو الميلوحة.. طَيِب.. بعملو كيف؟ بجيبو يا سيتي السمك الصُغار والأفضل سمك إسمو الصيري.. وحكمة ها الإخْتِيار إنو ما بحتاج تنضيف عفشه (بطن) تجيبي ها السمك وتغسيليهو أو ما تغسيليهو زي بعضو.. وتجيبي صفيحة -ده زمان- أو باغا زيت أبات 36 رطل ديك.. وتوفري المِلِح بِكِمِيات عائِلِية.. وشطة حمره نصيحة، يعني ما مدقوقة وبُهارات الدُقة (شمار ناشِف/كمون ناشِف/كسبرة ناشفة) تقومي تلخبِتي الشطة والبُهارات مع السمك وتصوطيهُم كَدي كَدي.. كَدي كَدي وتعرِكي زيييين.. بعد داك تخُتي طبقة مِلِح في الصفيحة أو الباغا وتخُتي فوقا السمك الصيري المَبَهَرْ.. وفوق السمك المَبَهَرْ تخُتي تاني طبقة مِلِح لامِن السمك يخْتفي.. وتكرِري ها العملِية لغاية ما تصلي قريب خشُم الصفيحة أو الباغا.. في الآخر تقومي تغتي الصفيحة أو الباغا.. اليوم التاني تجيبي ليكي قناية أو مُفراكا أو شيتًا تصوطي بيهو مَوجود الصفيحة أو الباغا.. التركين (الميلوحة) بتنجض في صيف السودان أب سُحائي داك في 4-7 أيام في الشِتا بِطَول شوِية.. المُهِم بتعرِفي نُجاض التركين أو مِن عدمو، بِاللون والطعم.. ببقى لونو بني أو رصاصي -حسب نوع السمك- والطعم بِكون خالي مِن الزفارا.. أهااا بعد ما التركين ينجض.. بتشيلي ليكي خمشة مِنو وتحِلي في موية ماسورة وتقومي تصفي ها المحلول.. الموية المصفية هي البتنْطبِخ.. تحمري بصل كتير في زيت.. تكشحي موية التركين في الزيت.. لامِن يغلي تتقِلي موية التركين بالدقيق.. بسوتييييب

[azzam_farah]

بله ود عم محمد

غايتو أخوك يحمد سيدو
حلفاوية (أم سامر) من مصدرو

كُنت عارِف إنو هناك في سبب معقول لحُبي ليك.. غايتو بِأم سامِر، تكون يا بله يا خوي فلتت مِن عنت "تيه السودانوِية" بإعْجوبة وبِرِعاية ربانِية ولُطْف مِن لدُنِهِ..

أُكُل يا خوي أُكل.. يحِق لك ما لا يحِق لِغَيْرُك.. أكُل

[azzam_farah]

ناصِر يوسُف

الليلة أنا متغدي بيه متغدي بيه
وتشمو قدحه ..

الله لا كسبك

[جيجي]

المشاركة الأصلية كتبت بواسطة azzam_farah

جيجي
حسن سادة

كيف حالكُم؟ علكُمْ طَيْبين

شُكرًا على المُرور (والله لو عشمانين أقول ليكُم إتفضلو معاي تركين.. تكونو بتْبالغو)

هيييع على قول فلانة
اها انا عازماك صينية سمك بالزبيب والتمرهندي
قسما بالله الا تاكل اصبع وتفط اصبع



عارفاك عارفها بس حقت امي براااها

[azzam_farah]

ناصِر يوسُف

بطرفنا الآن في البيت خمشة تركين جاني هدية

الكمِية قُدر شنو الرسلوها ليك.. قُدر شنو.. حدِثني قُدر شنو.. كتيرة؟
سمِح لونو شنو؟
وارِد وين؟
جاك بِتين؟

ياخ إتْ في ياهو داهِية، أقصُد في يا بلد عايِش هسِع؟

[azzam_farah]

جيجي

اها انا عازماك صينية سمك بالزبيب والتمرهندي

خلاس.. وأنا كمان بجيب معاي فيلم "سمك لبن تمر هندي" نِـتْـوَنـسْـبـو

[azzam_farah]

ناصِر يوسُف

بطرفنا الآن في البيت خمشة تركين جاني هدية

ظنك التركين الرسلو ليك ده حق ها العام ولا حق عامن أول ولا أول عامن أول؟!

[طارق صديق كانديك]

المشاركة الأصلية كتبت بواسطة azzam_farah

ناصِر يوسُف

الله لا كسبك

المشاركة الأصلية كتبت بواسطة azzam_farah

ناصِر يوسُف

الكمِية قُدر شنو الرسلوها ليك.. قُدر شنو.. حدِثني قُدر شنو.. كتيرة؟
سمِح لونو شنو؟
وارِد وين؟
جاك بِتين؟

ياخ إتْ في ياهو داهِية، أقصُد في يا بلد عايِش هسِع؟

المشاركة الأصلية كتبت بواسطة azzam_farah

ناصِر يوسُف

ظنك التركين الرسلو ليك ده حق ها العام ولا حق عامن أول ولا أول عامن أول؟!

يعلم الله عصر عليك ناصر يوسف شدييييد .. !!

[ناصر يوسف]

المشاركة الأصلية كتبت بواسطة طارق صديق كانديك

يعلم الله عصر عليك ناصر يوسف شدييييد .. !!

وهو نان جِنِس عَصِر ... لووووووووووول
أسكت خليهو هذا الذي من الناطقين بها ده ...
ما بهببو ليه كُلو كُلو الزول البخيل ده
عليك الله يا طارق .. فِرِد لِقَيمَه بخلان علي بيها ؟؟؟

[نولا]

يا عزام يا اخوي ...

مالو ود اعمي ناصر يوسف دا جهجه باكاتك جنس الهجهجه دي ...

اقول ليك شئ اصلا اصلا ما تجهجه ليهو اصلي بعرفو بكون داير ليهو فرصة

فيك ...

بث النصحيه لي الله التركين اكل ثمح (والعهدة علي القائل امي )

وفي شان كدي قلت النجيب ليك الصينيه دي امكن تخفف عليك جهجهة ناصر

[ناصر يوسف]

المشاركة الأصلية كتبت بواسطة نولا

يا عزام يا اخوي ...

مالو ود اعمي ناصر يوسف دا جهجه باكاتك جنس الهجهجه دي ...

اقول ليك شئ اصلا اصلا ما تجهجه ليهو اصلي بعرفو بكون داير ليهو فرصة

فيك ...

بث النصحيه لي الله التركين اكل ثمح (والعهدة علي القائل امي )

وفي شان كدي قلت النجيب ليك الصينيه دي امكن تخفف عليك جهجهة ناصر

لووووووووووول ...
قلتي لي تخفف عليه ؟؟ والله بس سبقتيني علي الصورة دي يا دووبي بحاول أرفع فيها هنا ده ... كففففف لقيتك جبتيها ليه هذا الناطق بها ..
والله الصورة دي تجهجِه أبو باكاتو ظاتو ياخ

هههههههههههههههه

تاني تجي يا عزام من غير ما تعزمنا معاك ...
نولا ... إنتي الليله معزومه معاي كيتاً في عزام الما بعزم ده ياخ

[ناصر يوسف]

تركين ... تركين .... تركييييييييييين

يا صلاة النبي

اولا" نحمر البصلاة لمن تبقى صفراء ونطفيها بحبة موية وبعد داك ندوب الملوحة في كورية
ونصفيها بالمصفي ونكبها مع البصلة في الحلة وبعد ان تغلي عشرة دقائق تكون جهزتة الدكوة وفي كورية اخري حبة دقيق ونكبهم في الحلة ونفركم مع بعض ونقوم باضافة البهارااات ونخليها تنجض شوية وننزل الحلة ... وأهممم شئ البصَل والشطَّة الـــ بالدكوة

[بله محمد الفاضل]

يعلم الله جهجتهو باكاتنا جت عليهن
بالله دي عملية منك يا نولا
ما تغطي القدح دا يا اخي


عزام يا قريبي والله المحبة متبادلة
هو أنا أقدر أقول غير كدا
مش الحكومة من عندِكُن
والله كان ختينا البُنية
الببدو بالدال داك بجي مارق قطع شك
كان ما شوية اللخبطة من طرفنا


هو داب أكل نان
قربي البصل دا يا نولا الله يديك العافية
وزح كدا ولا كدا يا ناصر