الدوحة بالنص

الفاتح جبرا · 19-10-2011, 07:49 AM

فى بهو فندق (شيراتون) بالعاصمة القطرية (الدوحة) كان الجميع فى حركة وانشغال.. العمائم والجلابيب الناصعة البيضاء والمراكيب (النمر) والملافح المزركشة والعصى الأبنوسية وفي الجانب الآخر اللبسات السفاري والبدل (الفل سووت) وربطات العنق (الزاهية).. يبدو أن هنالك جلسة مفاوضات على وشك البدء :
- معليش بس أنا ماشي أجيب الأولاد من المدارس وأرجع أحضر الجلسة دي لأنو الوكت إتأخر.
- وهم قاعدين يقروا وين؟
- والله الكبير بيقرأ في (الدوحة العالمية) والصغير في مدارس (المجلس القطري الأفريقي).
- والله تعرف يا (مولانا) أنا مسألة المدارس دي عامله ليا مشكلة.. أنا هسع مما جينا المفاوضات دي ولدو ليا ولدين وبت ما عارف أقريهم وين!
ذهب المفاوض رقم (1) لإحضار اطفالة من المدارس على أمل اللحاق بجلسة المفاوضات رقم 1452 بينما جلس المفاوض رقم (2) في بهو الفندق الفاخر مع بقية المفاوضين فى انتظار بدء الجلسة يرتشف من كوب عصير البرتقال الذي أمامه على صوت الموسيقى الكلاسيكية الهادئة الذي قطعها عليه صوت المفاوض رقم (3) وهو يقترب منه رافعا يديه:
- الفاتحة..
وبعد أن شال المفاوض رقم (2) الفاتحة مع المفاوض رقم (3) سأله في استغراب:
- المات منو؟
- أنت ما عندك خبر يا أخي المفاوض رقم (41) مات
- يا أخي ما معقول؟
- ومات وين؟
- مات في مستشفى (الدوحة التعليمي)
- أيوه صحيح هو ليهو سنتين راقد بتعالج هناك أصلو عيان مما كنا في (مفاوضات نيفاشا) ؟
- وجلسة الليلة دي ملغية؟
- أكيد ح تتلغى؟
حاول المفاوض رقم (2) الاتصال بالمفاوض رقم (1) الذي ذهب لاحضار أطفالة في المدارس ليخبره بوفاة المفاوض رقم (4) وإلغاء جلسة المفاوضات لكنه لم يستطع الاتصال به نسبه لأن شبكة (قطر تل) كانت مشغولة فاضطر لقيادة عربته حتى فندق هيلتون حيث يقيم.
- حاولت اتصل ليك بالموبايل لكن ما قدرت.
- الحاصل شنو؟
- يا أخي البركة فيك المفاوض رقم (41) مات.
- الله ياخ.. والله فقد كبير للمفاوضات.
- والفراش وين؟
- والله كلمنا ناس الفندق يعملوا لينا (صيوان) في الحديقة الخلفية ويقوموا بى كل الخدمات وبعدين يضيفوا لينا (القروش) فى الفاتورة!
بدأت ارتال المعزين تفد إلى (صيوان العزاء) بعد أن تم دفن المرحوم في مقابر ( شرفي بن خليفة) وقد تم نصب صيوانين؛ صيوان للرجال وآخر للنساء زوجات وبنات وأحفاد وحفيدات المفاوضين. اللواتى صدر قرار منذ السنة (الخامسة للمفاوضات) بمرافقة أزواجهن (خوفاً من الفتنة) !
في صيوان النساء كانت النساء فى (الصيوان) تبدو عليهن آثار (الروقة) و(الترطيب) وكيف لا و(الرجال) فى (المفاوضات) وهن فى (المكيفات) آخر راحات… الحنن ما حنن.. الدهب ما دهب… التياب ما تياب… الموبايلات ما موبايلات.
- عليكي الله يا (فوزية) ثوبك السمح ده اشتريتي من وين؟
- والله اشتريتو من سوق (حمد قشرة) فيهو حاجت حلوة بشكل تجنن.. عارفة الثوب ده اسمو شنو؟
- عليكى الله اسمو شنو عشان أمشي أسال عنو؟
- ده اسمو (تقرير المصير) !
- مسؤولة من الخير يا فوزية.. بيتكم الفى (المنشية) تم والا لسه؟
- والله تم من زمان ليهو كم سنة مما كنا بنفاوض فى (حركة فهود الجنينة) لكن نعمل شنو كلما نقول انتهينا من المفاوضات ونمشى نسكن فيهو يطلعوا لينا ناس جداد عاوزين يفاوضوهم!!
بينما كان هذا الحوار يدور في (صيوان الرجال) :
- والله رطوبة مكيفات الفنادق دي عملت ليا روماتيزم.. عاوز أشوف ليا طريقة ايجار (فيلا) جوه المدينة.
- أنت أحسن .. والله أنا أكل الفنادق الناشف دا عمل ليا (بواسير) واشتقنا (للملاح)
- أخبار قطع الأراضي في السودان كيف؟
- والله قالوا أسعارا طارت في السماء .. غايتو أنا رسلت ليهم القروش يشتروا واحدة عشان سنين اغتراب (مفاوضاتنا) دي ما تروح ساكت.
- بالمناسبة تفتكر ح نخلص من مفاوضات (حركة نسور بابنوسة) دى متين؟؟
- والله غايتو لو مافى (ضغوط) وتدخلات خارجية أكان سنتين أكان تلاتة.
- وهسع باقى ليك دى آخر (حركة) نتفاوض معاها؟؟
- (فى اندهاش) آخر حركة ده شنو؟؟ إنت ما أدوك جدول (الحركات) العاوزة مفاوضات؟؟ (ثم مواصلاً):
- امسك عندك بعد مفاوضات حركة (نسور بابنوسة ) دى تنتهى طوالى تبدأ مفاوضاتنا مع حركة (نمور الضعين) وبعد داك طوالى ح يبدأ التفاوض الإطارى لبحث مشكلة حركة (أسود سواكن) و..
-(مقاطعاً) والله أنا ما شايل هم (المفاوضات) الكتيرة دى؟؟
- طيب شايل هم شنو؟؟
- شايل هم دراسة ومستقبل الأولاد ديل هسه واحدين درسوا الروضة في (نيفاشا) والاساس فى (أبوجا) والثانوى هسه هنا في (الدوحة) وما معروف الجامعة يقروها وين؟؟
بينما كان المفاوضان (19) و(45) يدردشان بدت حركة غير عادية داخل (الصيوان).
عدد من المفاوضين خرجوا فى عجلة وأداروا ماكينات عرباتهم.. البعض الآخر كان يتحدث فى حالة من الحزن والانفعال…
(المفاوض 19): الجماعة ديل مالهم؟ الحاصل شنو؟
(المفاوض 45) :في حركة ما عادية ..الظاهر في حاجه حاصلة
وبينما هما كذلك إذ بالمفاوض (33) الذى جاء من خارج الصيوان يقترب منهما حيث قاما بسؤاله فى وقت واحد:
- الحاصل شنو؟؟؟
- والله يا جماعة قالوا المفاوض (27) وأسرتو كانوا سايقين العربية ماشين يودوا (قولة خير) لى ناس المفاوض (41) قامت العربية انقلبت بيهم فى شارع (الدوحة بالنص) !

كسرة :
لو حكاية المفاوضات دى إستمرت بالشكل(الطوااالي) ده ح نلاقى السودان (الفضل) أوضة وبرنده !

كيشو · 19-10-2011, 08:27 AM

[justify]زمان أيام المفاضات كان في واحد صاحبنا جانا ناطي في الدوحة كم مرة كدا، قلنا ليهو ياخ انتا دورك شنو؟ قال هو بساعد في تليين المواقف (أي والله)، الزول دا شغال مليّن وما أظنو براهو (ما نحنا سودانيين لامن البطن تتلبك مية واحد يوصفو ليك العلاج، وكل واحد بي وصفة خاصة وزاد من الوصفات المحتملة دايماً تنوعنا الثقافي، ونتناول كل الوصفات حفاظاً على النسيج الاجتماعي، وفي واحدين بجوك شايلين الدوا ويحرصو على أن يتم تناوله أمامهم لأسباب كتيرة لا داعي لذكرها)
وانتا في المفاوضات؟
الزول الاتفقو معاهو قاعد لي هسي؛ قالوا متأخر شوية (ياخي بعد الشر عليهو)، متأخر عشان القروش الطلبتا لجنة الاستقبال ما اندفعت عشان كتيرة شوية[/justify]

الفاتح جبرا · 19-10-2011, 08:45 AM

اقتباس:

المشاركة الأصلية كتبت بواسطة كيشو

[justify] الزول دا شغال مليّن [/justify]

حبوب يا كيشو وللا شراب !!!

الرشيد اسماعيل محمود · 19-10-2011, 08:52 AM

ياخي روعة يا أستاذ..
قلت لي نسور بابنوسة وفهود الضعين..؟.

المفاوضين من كترتهم إلّا يتعارفوا بالأرقام..
يعني هسّع المفاوض رقم صفر، كبيرهم الذي علّمهم سحر التفاوض..؟
بعدين يبدو لي العلاقة وطيدة ما بين التفاوض والفوضي..
المهم:
ياخي كتابة موجعة جدّاً..

الرشيد اسماعيل محمود · 19-10-2011, 08:57 AM

اقتباس:

المشاركة الأصلية كتبت بواسطة كيشو

[justify]
الزول الاتفقو معاهو قاعد لي هسي؛ قالوا متأخر شوية (ياخي بعد الشر عليهو)، متأخر عشان القروش الطلبتا لجنة الاستقبال ما اندفعت عشان كتيرة شوية[/justify]

والله يا كيشو شباب سكنّا سوا واتقاسمنا حق المواصلات وفتّة البوش..
هسّع فاوضوهم وراكبين آخر موديل..
شغالين جسور جويّة بين السودان وماليزيا..
واتغابوا فينا العرفة كلو كلو..
قال شنو..
متحدثين بإسمنا نحن، ناس دارفور..
بالله..؟!!!

القصّة مافي توزيع الثروة والسلطة..
الحكاية في كيف يكون عندك ضمير صاحي..

بله محمد الفاضل · 19-10-2011, 09:00 AM

هسع عليك الله الواحد يا شيخنا
يبكي ولا يحنبك ساهي
ولا يتدردق بالواطة
ولا يشد شعرو الأبيض دا

ولا يسوي شنو عليك الله
كدي قولي

يا اخي والله مصيبتنا يعزو فيها
حال مايل جت عليهو

يعني هسا لو الناس دي سوت خير
وبذلت نصف ما جمعته من السحت
وصرفتو في الأقاليم دي
صحة وتعليم بس
كان في زول قال بغم
بس حكاية يضحكو علي الناس
ويجيبو زعماء الحركات ديل ويوزرهوم وينوبوهم دي
وما يعملو حاجة في الولايات
دي حكاية ما بتجيب نتيجة أبداً
النتيجة الصحي هم حاصدنها وشغالين ترضيات كضابة للناس

الله يقلعم يا اخي
الله يقلعم الليلة قبل باكر

كيشو · 19-10-2011, 09:13 AM

اقتباس:

المشاركة الأصلية كتبت بواسطة الفاتح جبرا

حبوب يا كيشو وللا شراب !!!

يازول ما تدخلني في مشاكل، أنا ماحضرت جلسات التليين لكن اتخيل لي شراب، الحبوب يمكن تنضم للعصلجة الجوه البطن

كيشو · 19-10-2011, 09:21 AM

اقتباس:

المشاركة الأصلية كتبت بواسطة الرشيد اسماعيل محمود

والله يا كيشو شباب سكنّا سوا واتقاسمنا حق المواصلات وفتّة البوش..
هسّع فاوضوهم وراكبين آخر موديل..
شغالين جسور جويّة بين السودان وماليزيا..
واتغابوا فينا العرفة كلو كلو..
قال شنو..
متحدثين بإسمنا نحن، ناس دارفور..
بالله..؟!!!

القصّة مافي توزيع الثروة والسلطة..
الحكاية في كيف يكون عندك ضمير صاحي..

[justify]بالله طلعت كيت؟ لا مفاوض (رقم) ولا صاحب مصلحة؟ ولا حتى مليّن؟
طيب قدم في الخطة الجديدة (خطة التمرد ما الخطة الإسكانية)

[/justify]

بابكر مخير · 19-10-2011, 09:26 AM

"الحبيب" الساخر (الما من حزبنا، كدآ مبسوط يا روفي)
ما عايز أقول مريت بنفس الموقف، لكن مقارب،،،
في سنة كم كدآ مشينا لي دولة أوربية، مجموعة من المعارضة،، والعبد لله فقير "لابث" جينز صناعة مصرية وكان أول جينز أشوفه بزراير... ودقن أشعث وحالة التقول من أمريكا الجنوبية،،
بقية الوفد حدث ولا حرج "بدل موهير وجزم بالي، وبالك "...
في غرفة الإجتماع مع وزير خارجية الدولة ديكي،، إتلفت على "الحسناء" الماسكة درج السودان أو كما يقال دبلوماسيا،،
قال ليها: الوحيد أبدقن دآ يدي إنطباع أنه معارض ومشرد من بلده،،
أنا ضحكتا،،
سألوني هل فهمتا ما قاله سعادة الوزير،،
أجبت أني درستا هنا...
عدت دي على خير ومن قاهرة المعز مواصلة في الهجرة مشيت لندن،،
وحدي ودون أسرة..
التقيت هناك برفقاء معهم أسرهم،،
مدرسة ولدي ودكتوري و"هلما جرآ" (دي حشرتها كدآ، مرضاة لي روفي وكيتن في شوقي بدري)...
من وكتها ولحظتها وساعتها،،
شعرت بأنه الإنقاص حيطول

بابكر مخير · 19-10-2011, 09:33 AM

اقتباس:

المشاركة الأصلية كتبت بواسطة بله محمد الفاضل

الله يقلعم يا اخي
الله يقلعم الليلة قبل باكر

ياتهم
* الكانوا
* الحثي فيِّ
* الجآيين

بله محمد الفاضل · 19-10-2011, 09:38 AM

اقتباس:

المشاركة الأصلية كتبت بواسطة بابكر مخير

ياتهم
* الكانوا
* الحثي فيِّ
* الجآيين

قاصدلك حيكومة السجم والرماد دي في عضما

سارة · 19-10-2011, 09:42 AM

والله انك ضربت فى موطن الالم

تلقى الفى مرادك يا الفاتح

نكشة ـ يا مولانا قلت لى ملين؟؟ اللهم لا تمحننا لا تبلينا
نكشة تانية للرشيد صديقى الذى احب ـ حننتنى { حقت بابكر عباس

}

بابكر مخير · 19-10-2011, 09:43 AM

اقتباس:

المشاركة الأصلية كتبت بواسطة كيشو

يازول ما تدخلني في مشاكل، أنا ماحضرت جلسات التليين لكن اتخيل لي شراب، الحبوب يمكن تنضم للعصلجة الجوه البطن

مشكلة الشراب يابا، بلين الدواخل، لكن بجفف الخارج،،
زيت الخروع مثالا..
الحبوب منها حبوب "السنمكآ" ودي بث إلا اللطيف يلطف ويوقف الحال،،
بعض يقول يا مسهل سهل
وهناك نوع آخر وهو اللبوسات، دي ذي زيت العربية بيسهل العملية بتاعت البساتم،،
لكن لا تنسى "الحقنة الشرجية" فهي سريعة المفعول ودايمن تكون تحت إشراف طبي....
إتا مالك هبشتا الحتة دي عشان تعمل لينا ليان "إسهال" في خشمنا

كيشو · 19-10-2011, 09:59 AM

اقتباس:

المشاركة الأصلية كتبت بواسطة سارة

والله انك ضربت فى موطن الالم

تلقى الفى مرادك يا الفاتح

نكشة ـ يا مولانا قلت لى ملين؟؟ اللهم لا تمحننا لا تبلينا
نكشة تانية للرشيد صديقى الذى احب ـ حننتنى { حقت بابكر عباس

}

اقتباس:

نكشة ـ يا مولانا قلت لى ملين؟؟ اللهم لا تمحننا لا تبلينا

[justify]اهلا سارة
دي ما تقريب وجهات النظر ذي ما بقولو
يعني هسه الرشيد صاحبنا دا كان بيعرف الشباب المتمردين وبيعرف أهلو المساكين في دارفور، وبيعرف يتكلم كويس وممكن يبكي كمان لو لزم الأمر، المانعو شنو يكون ملين؟[/justify]

كيشو · 19-10-2011, 10:01 AM

اقتباس:

المشاركة الأصلية كتبت بواسطة بابكر مخير

مشكلة الشراب يابا، بلين الدواخل، لكن بجفف الخارج،،
زيت الخروع مثالا..
الحبوب منها حبوب "السنمكآ" ودي بث إلا اللطيف يلطف ويوقف الحال،،
بعض يقول يا مسهل سهل
وهناك نوع آخر وهو اللبوسات، دي ذي زيت العربية بيسهل العملية بتاعت البساتم،،
لكن لا تنسى "الحقنة الشرجية" فهي سريعة المفعول ودايمن تكون تحت إشراف طبي....
إتا مالك هبشتا الحتة دي عشان تعمل لينا ليان "إسهال" في خشمنا

[justify]سمح التعليم
بس الحقنة الـ ......... دي ما بتنفع في المفاوضات، دي يمكن تكون حقت الاعتقالات

[/justify]

19-10-2011, 07:49 AM	#[1]
الفاتح جبرا :: كــاتب نشــط::	الدوحة بالنص فى بهو فندق (شيراتون) بالعاصمة القطرية (الدوحة) كان الجميع فى حركة وانشغال.. العمائم والجلابيب الناصعة البيضاء والمراكيب (النمر) والملافح المزركشة والعصى الأبنوسية وفي الجانب الآخر اللبسات السفاري والبدل (الفل سووت) وربطات العنق (الزاهية).. يبدو أن هنالك جلسة مفاوضات على وشك البدء : - معليش بس أنا ماشي أجيب الأولاد من المدارس وأرجع أحضر الجلسة دي لأنو الوكت إتأخر. - وهم قاعدين يقروا وين؟ - والله الكبير بيقرأ في (الدوحة العالمية) والصغير في مدارس (المجلس القطري الأفريقي). - والله تعرف يا (مولانا) أنا مسألة المدارس دي عامله ليا مشكلة.. أنا هسع مما جينا المفاوضات دي ولدو ليا ولدين وبت ما عارف أقريهم وين! ذهب المفاوض رقم (1) لإحضار اطفالة من المدارس على أمل اللحاق بجلسة المفاوضات رقم 1452 بينما جلس المفاوض رقم (2) في بهو الفندق الفاخر مع بقية المفاوضين فى انتظار بدء الجلسة يرتشف من كوب عصير البرتقال الذي أمامه على صوت الموسيقى الكلاسيكية الهادئة الذي قطعها عليه صوت المفاوض رقم (3) وهو يقترب منه رافعا يديه: - الفاتحة.. وبعد أن شال المفاوض رقم (2) الفاتحة مع المفاوض رقم (3) سأله في استغراب: - المات منو؟ - أنت ما عندك خبر يا أخي المفاوض رقم (41) مات - يا أخي ما معقول؟ - ومات وين؟ - مات في مستشفى (الدوحة التعليمي) - أيوه صحيح هو ليهو سنتين راقد بتعالج هناك أصلو عيان مما كنا في (مفاوضات نيفاشا) ؟ - وجلسة الليلة دي ملغية؟ - أكيد ح تتلغى؟ حاول المفاوض رقم (2) الاتصال بالمفاوض رقم (1) الذي ذهب لاحضار أطفالة في المدارس ليخبره بوفاة المفاوض رقم (4) وإلغاء جلسة المفاوضات لكنه لم يستطع الاتصال به نسبه لأن شبكة (قطر تل) كانت مشغولة فاضطر لقيادة عربته حتى فندق هيلتون حيث يقيم. - حاولت اتصل ليك بالموبايل لكن ما قدرت. - الحاصل شنو؟ - يا أخي البركة فيك المفاوض رقم (41) مات. - الله ياخ.. والله فقد كبير للمفاوضات. - والفراش وين؟ - والله كلمنا ناس الفندق يعملوا لينا (صيوان) في الحديقة الخلفية ويقوموا بى كل الخدمات وبعدين يضيفوا لينا (القروش) فى الفاتورة! بدأت ارتال المعزين تفد إلى (صيوان العزاء) بعد أن تم دفن المرحوم في مقابر ( شرفي بن خليفة) وقد تم نصب صيوانين؛ صيوان للرجال وآخر للنساء زوجات وبنات وأحفاد وحفيدات المفاوضين. اللواتى صدر قرار منذ السنة (الخامسة للمفاوضات) بمرافقة أزواجهن (خوفاً من الفتنة) ! في صيوان النساء كانت النساء فى (الصيوان) تبدو عليهن آثار (الروقة) و(الترطيب) وكيف لا و(الرجال) فى (المفاوضات) وهن فى (المكيفات) آخر راحات… الحنن ما حنن.. الدهب ما دهب… التياب ما تياب… الموبايلات ما موبايلات. - عليكي الله يا (فوزية) ثوبك السمح ده اشتريتي من وين؟ - والله اشتريتو من سوق (حمد قشرة) فيهو حاجت حلوة بشكل تجنن.. عارفة الثوب ده اسمو شنو؟ - عليكى الله اسمو شنو عشان أمشي أسال عنو؟ - ده اسمو (تقرير المصير) ! - مسؤولة من الخير يا فوزية.. بيتكم الفى (المنشية) تم والا لسه؟ - والله تم من زمان ليهو كم سنة مما كنا بنفاوض فى (حركة فهود الجنينة) لكن نعمل شنو كلما نقول انتهينا من المفاوضات ونمشى نسكن فيهو يطلعوا لينا ناس جداد عاوزين يفاوضوهم!! بينما كان هذا الحوار يدور في (صيوان الرجال) : - والله رطوبة مكيفات الفنادق دي عملت ليا روماتيزم.. عاوز أشوف ليا طريقة ايجار (فيلا) جوه المدينة. - أنت أحسن .. والله أنا أكل الفنادق الناشف دا عمل ليا (بواسير) واشتقنا (للملاح) - أخبار قطع الأراضي في السودان كيف؟ - والله قالوا أسعارا طارت في السماء .. غايتو أنا رسلت ليهم القروش يشتروا واحدة عشان سنين اغتراب (مفاوضاتنا) دي ما تروح ساكت. - بالمناسبة تفتكر ح نخلص من مفاوضات (حركة نسور بابنوسة) دى متين؟؟ - والله غايتو لو مافى (ضغوط) وتدخلات خارجية أكان سنتين أكان تلاتة. - وهسع باقى ليك دى آخر (حركة) نتفاوض معاها؟؟ - (فى اندهاش) آخر حركة ده شنو؟؟ إنت ما أدوك جدول (الحركات) العاوزة مفاوضات؟؟ (ثم مواصلاً): - امسك عندك بعد مفاوضات حركة (نسور بابنوسة ) دى تنتهى طوالى تبدأ مفاوضاتنا مع حركة (نمور الضعين) وبعد داك طوالى ح يبدأ التفاوض الإطارى لبحث مشكلة حركة (أسود سواكن) و.. -(مقاطعاً) والله أنا ما شايل هم (المفاوضات) الكتيرة دى؟؟ - طيب شايل هم شنو؟؟ - شايل هم دراسة ومستقبل الأولاد ديل هسه واحدين درسوا الروضة في (نيفاشا) والاساس فى (أبوجا) والثانوى هسه هنا في (الدوحة) وما معروف الجامعة يقروها وين؟؟ بينما كان المفاوضان (19) و(45) يدردشان بدت حركة غير عادية داخل (الصيوان). عدد من المفاوضين خرجوا فى عجلة وأداروا ماكينات عرباتهم.. البعض الآخر كان يتحدث فى حالة من الحزن والانفعال… (المفاوض 19): الجماعة ديل مالهم؟ الحاصل شنو؟ (المفاوض 45) :في حركة ما عادية ..الظاهر في حاجه حاصلة وبينما هما كذلك إذ بالمفاوض (33) الذى جاء من خارج الصيوان يقترب منهما حيث قاما بسؤاله فى وقت واحد: - الحاصل شنو؟؟؟ - والله يا جماعة قالوا المفاوض (27) وأسرتو كانوا سايقين العربية ماشين يودوا (قولة خير) لى ناس المفاوض (41) قامت العربية انقلبت بيهم فى شارع (الدوحة بالنص) ! كسرة : لو حكاية المفاوضات دى إستمرت بالشكل(الطوااالي) ده ح نلاقى السودان (الفضل) أوضة وبرنده !
الفاتح جبرا :: كــاتب نشــط::

19-10-2011, 08:27 AM	#[2]
كيشو :: كــاتب نشــط::	[justify]زمان أيام المفاضات كان في واحد صاحبنا جانا ناطي في الدوحة كم مرة كدا، قلنا ليهو ياخ انتا دورك شنو؟ قال هو بساعد في تليين المواقف (أي والله)، الزول دا شغال مليّن وما أظنو براهو (ما نحنا سودانيين لامن البطن تتلبك مية واحد يوصفو ليك العلاج، وكل واحد بي وصفة خاصة وزاد من الوصفات المحتملة دايماً تنوعنا الثقافي، ونتناول كل الوصفات حفاظاً على النسيج الاجتماعي، وفي واحدين بجوك شايلين الدوا ويحرصو على أن يتم تناوله أمامهم لأسباب كتيرة لا داعي لذكرها) وانتا في المفاوضات؟ الزول الاتفقو معاهو قاعد لي هسي؛ قالوا متأخر شوية (ياخي بعد الشر عليهو)، متأخر عشان القروش الطلبتا لجنة الاستقبال ما اندفعت عشان كتيرة شوية[/justify]
كيشو :: كــاتب نشــط::

19-10-2011, 08:52 AM	#[4]
الرشيد اسماعيل محمود :: كــاتب نشــط::	ياخي روعة يا أستاذ.. قلت لي نسور بابنوسة وفهود الضعين..؟. المفاوضين من كترتهم إلّا يتعارفوا بالأرقام.. يعني هسّع المفاوض رقم صفر، كبيرهم الذي علّمهم سحر التفاوض..؟ بعدين يبدو لي العلاقة وطيدة ما بين التفاوض والفوضي.. المهم: ياخي كتابة موجعة جدّاً..
الرشيد اسماعيل محمود :: كــاتب نشــط::

19-10-2011, 09:00 AM	#[6]
بله محمد الفاضل :: كــاتب نشــط::	هسع عليك الله الواحد يا شيخنا يبكي ولا يحنبك ساهي ولا يتدردق بالواطة ولا يشد شعرو الأبيض دا ولا يسوي شنو عليك الله كدي قولي يا اخي والله مصيبتنا يعزو فيها حال مايل جت عليهو يعني هسا لو الناس دي سوت خير وبذلت نصف ما جمعته من السحت وصرفتو في الأقاليم دي صحة وتعليم بس كان في زول قال بغم بس حكاية يضحكو علي الناس ويجيبو زعماء الحركات ديل ويوزرهوم وينوبوهم دي وما يعملو حاجة في الولايات دي حكاية ما بتجيب نتيجة أبداً النتيجة الصحي هم حاصدنها وشغالين ترضيات كضابة للناس الله يقلعم يا اخي الله يقلعم الليلة قبل باكر
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

19-10-2011, 09:26 AM	#[9]
بابكر مخير :: كــاتب نشــط::	"الحبيب" الساخر (الما من حزبنا، كدآ مبسوط يا روفي) ما عايز أقول مريت بنفس الموقف، لكن مقارب،،، في سنة كم كدآ مشينا لي دولة أوربية، مجموعة من المعارضة،، والعبد لله فقير "لابث" جينز صناعة مصرية وكان أول جينز أشوفه بزراير... ودقن أشعث وحالة التقول من أمريكا الجنوبية،، بقية الوفد حدث ولا حرج "بدل موهير وجزم بالي، وبالك "... في غرفة الإجتماع مع وزير خارجية الدولة ديكي،، إتلفت على "الحسناء" الماسكة درج السودان أو كما يقال دبلوماسيا،، قال ليها: الوحيد أبدقن دآ يدي إنطباع أنه معارض ومشرد من بلده،، أنا ضحكتا،، سألوني هل فهمتا ما قاله سعادة الوزير،، أجبت أني درستا هنا... عدت دي على خير ومن قاهرة المعز مواصلة في الهجرة مشيت لندن،، وحدي ودون أسرة.. التقيت هناك برفقاء معهم أسرهم،، مدرسة ولدي ودكتوري و"هلما جرآ" (دي حشرتها كدآ، مرضاة لي روفي وكيتن في شوقي بدري)... من وكتها ولحظتها وساعتها،، شعرت بأنه الإنقاص حيطول
بابكر مخير :: كــاتب نشــط::	التوقيع:

19-10-2011, 09:42 AM	#[12]
سارة :: كــاتب نشــط::	والله انك ضربت فى موطن الالم تلقى الفى مرادك يا الفاتح نكشة ـ يا مولانا قلت لى ملين؟؟ اللهم لا تمحننا لا تبلينا نكشة تانية للرشيد صديقى الذى احب ـ حننتنى { حقت بابكر عباس }
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري