اقتباس:
المشاركة الأصلية كتبت بواسطة بابكر عباس
- أولا بالتبادي الواحد حقو يشكر الإنترنت دي، الخلتنا نحن الرواعيا ديل، نتونس مع ناس بعظمة قرشي دا.
طبعا لو قلت لناس الرشيد الرجرجة ديل، انو أنا أول يوم أسمع بإسم ميرا دا، ما بصدقوا!
يا أخي، مقطع الفيديو دا، بخليني أعفي ليك قطيعة عام، إلا مُبر ما عافي ليهو، لزوم العدل في الإستحقاق.
|
بعد شوية بصدق يا بابكر
و لو صدقت ببقى شفيف
أو في رواية أخرى برفع الشباك و أعمل كاتب عظيم
ميرا دي أنا قريتها بالمتوسطة في رواية الكاتب الروسي المشهور إلكسي تولستوي الإسمها (آيليتا) .. كانت رواية خيال علمي معجون بالثورة الإشتراكية العظمى على المريخ مطعمة بقصة حب رائعة بين الأجناس البشرية و المريخية !!
ما عارف ليه إتذكرتها لما قالوا لي هاك سمي لحمك و دمك ده !!
مسألة إنك تمنح إسم لمخلوق بيفرفر و يبكي .. فيها إحساس ما عادي !!
أما رخصة القطيعة فحأستغلها طوال العام !!
غايتو إنت بالكلام ده عندك رخصة زيارة لتوتي مفتوحة طوال الحياة
تجي تقعد في ذات مقعد محسن ده
و أعرف الناس بيك ككاتب بيت النمل الشهير
