من أفواه البسطاء - لا المجانين - خذوها

[عبدالمنعم الطيب حسن]

الحكمة

[عبدالمنعم الطيب حسن]

على افواه البسطاء من الناس تجري الحكمة والراي السديد
والعبارة الحراقة ، تلك التي تختصر كلاما كثيرا ،
ساحاول هنا ايراد نماذج من عبارات فخيمة وحكيمة
وغريبة ......
قالها الشعب ذات مناسبة .

[عبدالمنعم الطيب حسن]

- 1 -
( الدنيا بخير طالما البقالات مفتوحة )
هكذا عبر صديقنا حافظ وقد كاد ان يهزمنا شر الجوع ،
حنِّك صاحب البقالة الذي طالما تاخرنا معه في السداد ،
ياعم الكاش في الطريق وبس عاوزين عدس
وبعد فترة صمت
وماجي ....

[عبدالمنعم الطيب حسن]

- 2 -

( ان شاء الله بيت مال )

عثمان العيص مباركا لنا زواج احدى قريباتنا
وهي تفعلها للمرة الاولى وقد شارفت الستين ....
وقد علقت عوضية التي هي اربعينية ولم تتزوج بعد :-
غايتو نحن بعد ما عرسو فلانة -وقد سمتها- ما بنقنع تب من العرس

[عبدو منصور]

وحينما ذهب صباحا الى البقالة
سأل صاحب البقالة
كيلو العدس بكم
ورد علية صاحب البقالة
الكيلو بى 12جنية !!!
علما بأن كيلو العدس حتى ليلة أمس كان بى 10جنية
وهنا كانت دهشتة. لتخرج كلماتة الحكمة
(أصلو الواحد ما ينوم !!!)

[عبدالمنعم الطيب حسن]

-3 -


( البنوت كلهن لقيناهن ابكن الا نفيسة بت الماحي لقيناها تاكل ليها في بتيخ )

مريم اختي تحكي لنا بعد لفة في الحلة -مع بعض الجارات- على البنات اللاتي لم يتوفقن
في امتحانات الشهادة السودانية ذات مارس ماسك كتف ابريل

[عبدالمنعم الطيب حسن]

- 4 -

( هوي يا نسوان جيبوا لينا شطة )

هكذا نادت نفيسة بت الماحي وهي تطلب المقبلات في اليوم الاول من عزاء والدها ...

[عبدالمنعم الطيب حسن]

- 5 -
( غلطان ثم غلطان )

يقصد الزوج
هكذا يُعلق عمي الشيخ بمجرد سماعه ان احدهم طلِّق زوجته .

[عبدالمنعم الطيب حسن]

- 6 -

( طَقِشْ ولَّ مو طَقِشْ ااالسر اااخوي )

عمنا بركات ود الجبل يختم اخباره لصديقه السر بعقد قران واحد من الشباب على احدى الحسناوات بعد ان طلق بنات اعمامها الاثنين ولم يدخل بهما ،
العريس ليس له علاقة قرابة مع بنات الاخوان التلاتة من اي جهة ،
بالله طقش ول مو طقش ...

[عبدالمنعم الطيب حسن]

المشاركة الأصلية كتبت بواسطة عبدو منصور

وحينما ذهب صباحا الى البقالة
سأل صاحب البقالة
كيلو العدس بكم
ورد علية صاحب البقالة
الكيلو بى 12جنية !!!
علما بأن كيلو العدس حتى ليلة أمس كان بى 10جنية
وهنا كانت دهشتة. لتخرج كلماتة الحكمة
(أصلو الواحد ما ينوم !!!)

عبدو منصور شكرا لمرورك الكريم ،
هو زولك دا النائم لها شنو ، مفروض يظل سهران حتى يمر يومه مرهقا كالعادة وبلا مفاجاءات ،
الشعب دا دائما عباراته ذكية وساخرة ولماحة وملعوبة في التمانيات ،
يعيش الشعب تسقط الحكومة ....

[عبدو منصور]

المشاركة الأصلية كتبت بواسطة عبدالمنعم الطيب حسن

يعيش الشعب تسقط الحكومة ....

الكتراااااااااااااابة ... الجماعة ديل ماواحد!!!!!

[عبدالمنعم الطيب حسن]

- 7 -
( صدرها انتفاضة وخصرها اضيق من افق برجوازي صغير )

صديقي اليساري عنكبة يعبر ، في لحظة اندياح في جلسة انس وخاصة ...

[طارق صديق كانديك]

المشاركة الأصلية كتبت بواسطة عبدالمنعم الطيب حسن

- 6 -


بالله طقش ول مو طقش ...

طقش ... !!

ياخي من أجمل مايمكن أن يهديهو ليك شخص أن يهديك كلام حكيم ..

باذن الله ح أرجع ببعض الحديث

كن بخير

[هيثم علي الشفيع]

المشاركة الأصلية كتبت بواسطة عبدالمنعم الطيب حسن

-3 -


( البنوت كلهن لقيناهن ابكن الا نفيسة بت الماحي لقيناها تاكل ليها في بتيخ )

مريم اختي تحكي لنا بعد لفة في الحلة -مع بعض الجارات- على البنات اللاتي لم يتوفقن
في امتحانات الشهادة السودانية ذات مارس ماسك كتف ابريل

المشاركة الأصلية كتبت بواسطة عبدالمنعم الطيب حسن

- 4 -

( هوي يا نسوان جيبوا لينا شطة )

هكذا نادت نفيسة بت الماحي وهي تطلب المقبلات في اليوم الاول من عزاء والدها ...

ها ناس سودانيات
هوووووووووووووووووووووووووووووي

أنا مكسّر في "نفيسة بت الماحي"


عبدالمنعم:

سلامات
وكان الله هوّن بجيك راجع

[عبدالمنعم الطيب حسن]

المشاركة الأصلية كتبت بواسطة طارق صديق كانديك

طقش ... !!

ياخي من أجمل مايمكن أن يهديهو ليك شخص أن يهديك كلام حكيم ..

باذن الله ح أرجع ببعض الحديث

كن بخير

طارق الامير كيف انك ،
لعلك بخير وكل الاسرة التي قرَّبت ،
عارف الكلام الحكيم ذاتو خشم بيوت وخاصة لو ارتبط بجانب الظرف واللطافة
ومنها ديس ومنها ساكي - والسطر الاخير لناس الهارت -
منتظرين بعض احاديثك التي قطعا من بيت الكلاوي ،
وتسلم