قرار تخلع له القبعات .. إفراج الأمن عن جميع معتقلي الأحداث الأخيره

[الجيلى أحمد]

المشاركة الأصلية كتبت بواسطة زول الله

من أنتم؟؟
اقول قولي هذا واستغفر الله لي............

تحياتى يازول الله,
أراك تطوح بسيف حديثك فى أى جهة, دون وجاهة منطق,
فلاأنت تمسك بمنطق يعصمك من التجنى على بنى ملتك الثقافية والاجتماعية ,
ولاأنت رافض لرفض الموات والتقتيل فيهم,
فأنت يارجل , فى كل يوم لك شأن,
وهذا الأمر حد ذاته لايمثل عندى حيرة بل يعبرها ليكون معاينة متعمقة للأسباب والدوافع الآنية التى تدفع بأى خطاب للفضاء الفسيح!!
ماوصلنى حتى الآن من خطابك انك لا تدافع عن النظام, ولاتعارضه..
ولاأود بناء حمل ثقيل على هذه الحمولة المتعبة فى ذاتها قبل أن يتبنيها أحد !
هذا تنافر مضجر ,
وأتمنى أن تصلك رسالتى دون ضوضاء غير مثمر ..


يازول الله
مافى مشروع فى الأرض دى يمكن يتماهى مع أى تلميح عرقى أو جنسى للتغيير,
الا وكان وكان الخاسر
ليس الأوحد..

[خال فاطنة]

قرار تخلع له القبعات

الكلام دا كان بيكون مهضوم يا محمد فرح لو يوم ما اعتقلو الناس ديل جيت قلت (دا سلوك تُلبس له القبعات)

[رأفت ميلاد]

المشاركة الأصلية كتبت بواسطة زول الله

هسه في ذمتك يامحمد فرح دا هو العدد الكلي للموقوفين؟؟



دي عداك العيب فيها بصراحة



هل صار النظام الحاكم هو الدولة؟؟
وكيف تسمح لمن يكرهـ "الدولة" بمعايدة أهله أهل"الدولة"؟؟
محمد فرح
إذا كان البيان ورد إليكم هكذا فـ "كتيبة الردع" بحاجة الى مراجعين "صياغة"
وسلام من الله يغشاك

المشاركة الأصلية كتبت بواسطة زول الله

من أنتم؟؟

شايفك أخليت مسئوليتك فوق وبعدين جيتنى .. وطنى متحضر والله

[الوليد عمر]

....

المشاركة الأصلية كتبت بواسطة خال فاطنة

الكلام دا كان بيكون مهضوم يا محمد فرح لو يوم ما اعتقلو الناس ديل جيت قلت (دا سلوك تُلبس له القبعات)

ألف حمداً لله على سلامتهم (إيهاب ادريس , فيصل شبو , محي الدين الجلاد , نادر النذير , و كل المعتقلين و المعتقلات الأحرار)

الحرية للشرفاء .. حرية تشبههم .. و السجن للطغاة .. سجن ينتظرهم فى الغد القريب .. و الشعب يقتص و إن طال الزمن .. لا شكراً للجلاد ولا منَّة للسّجّان معدوم الضمير.



أطلقوا سراح الوطن.





.....

[بدر الطائف]

محمد فرح يغطس ويجى طالع لينا بى بوستات مستفزه ومهببه.


(وصدقاً زي طيبة السودانيين مستحيل تتلقي تاني في اي مكان في العالم)

وانت ان شاء الله جاى تستقل طيبتنا دى وتوزع علينا عيديه البشير الماعندها طعم ولا لون دى.

[فتحي مسعد حنفي]

محمد فرح عليك الله تقول لي انت بتقبض كم في الشهر ولا بحاسبوك بالقطعةلو كلمتني ما تخاف ما حأقول لي زول حاجة

[الجيلى أحمد]

من أنتم؟؟

يلا بعد دا نخلى اللولوة ,
لأنو النقاشات الصغيرة هذه , أكبر من ما نتخيل,
وهى جوهر الاشكال الحقيقى ..
يلا يازول الله,
نفتح نقاش
أنا الجيلى مواطن
وعم رأفت دا مواطن أى زول مننا بى ديانتو
ودايرين نعيش فى السودان دا ,


انت رايك شنو ياشاب؟

[نصار الحاج]

أمر مؤلم
أن يرى محمد فرح إطلاق سراح هؤلاء الشرفاء فقط، وخروجهم من المعتقل مرفوعي الرأس بلا منة من احد ..
ولا يرى محمد فرح أبداً لا إنسانية إعتقالهم وإحتجازهم في ظروف لا إنسانية وحرمان ذويهم وأهلهم من معرفة أماكنهم لأيام وشهور، وبعد أن يعرفوا أماكنهم يتلاعبوا بهم في فرص الزيارات وقد لا تتم ويتعرضوا لتعذيب وانتهاكات وظروف نفسية مضرة وقاسية ..
اطلاق سراحهم هذا وبهذه الكيفية هو واحد من أدلة إدانة هذا النظام الاستبدادي وهذا الرئيس الذي تذوب أنت فيه ولهاً يا محمد فرح، عمر البشير مجرم واستبدادي ولا إنساني بكل ما تعني هذه الكلمة واللاإنسانية الحقيقية وفي عمق جوهرها يمثلها عمر البشير والمؤتمر الوطني وكل من يدعم هذا النظام أو يتعاطف معه وغير جريمته مع هؤلاء المعتقلين الذين أكثرهم طلاب في الجامعات وشباب والصغار الذين حصدوهم بدم بارد في نيالا ولم يتفوه عمر البشير ولو بكلمة سوى أنه يرى العار يحوم حوله ويتلبسه بقوة وقد أشار لك الزملاء والزميلات هنا لإعدام كوكبة من الضباط في مثل هذا اليوم وحتى الآن لا أحد يعرف قبورهم .. وضحايا دارفور ومحرقة الجنوب واعدام مجدي والاعدامات الأخرى خلال سنوات الانقاذ البشعة والذين ماتوا تحت التعذيب بمعتقلات وبيوت اشباح جهاز الأمن ..
عمر البشير في كل يوم يضيف لنفسه عاراً جديداً وجريمةً جديدة ومليون سبب ليداس تحت الأقدام ..
عمر البشير وكل من يدعمه يجب أن يطأطئ رأسه وهو يرى هؤلاء الأبطال الشرفاء يخرجون مرفوعي الرأس وبصلابة ويدركون أنها ضريبة في سبيل الوطن والحرية والديمقراطية ووضع كل هؤلاء الجلادين لينالوا عقابهم الرادع ومخالفتهم لكل القوانين والشرائع والمواثيق الدولية وهذا الإعتقال لهؤلاء الشرفاء يمثل وثائق وأدلة لمحاكمة هؤلاء المجرمين وعلى رأسهم هذا البشير الذي تمجده يا محمد فرح ..

[الجيلى أحمد]

المشاركة الأصلية كتبت بواسطة فتحي مسعد حنفي

محمد فرح عليك الله تقول لي انت بتقبض كم في الشهر ولا بحاسبوك بالقطعةلو كلمتني ما تخاف ما حأقول لي زول حاجة

تحياتى ياعم فتحى ,
ياأخى ناس محمد فرح ديل بفتحو لينا باب جنة النقد على أوسع باب,
برغم من انهم وسخين وعفنين,
لكن برضو بعسكوا بشكل جيد كم اللؤم والرخص فى ركام الأرض المسمية وطنآ

[الجيلى أحمد]

عليهم اللعنة وعلى مشروعهم الافسادى الكبير

[الجيلى أحمد]

كتب صاحب الاسم محمد فرح

القرار تم بناءً على توجيهات من السيد الرئيس شخصياً

أين مؤسسة القانون العدلية ؟
والسؤال الأكبر ,
لماذا يرسلون لنا صبية يرفعون ضغط أعصابنا,
اذا كان من يرسلونهم من شاكلة (ضربتنا طيارة ومطفيا أنوارا)!!

والله لو جاكم البشير , لقال لكم (كلكم تحت جزمتى دى)

أرحم ليكم الأبواق ديل..

عشان الناس تشوف روحا كويس فى انعكاس مرايا الزل والخنوع

[الجيلى أحمد]

وعلى الفور أصدر الفريق محمد عطا قراره بالإفراج عن جميع الموقوفين والبالغ عددهم 80 شخصاً

دا اقتباس يستحق البنفسج,
(على الفور)
سنة يا الاستجابة..
ليس من محاكمة لهؤلاء الرجال والنساء من أبناء وبنات الوطن,
قرر الرئيس وفورآ
استجاب عطا, المنان الحنان الرؤف الرحيم الغفَار

[الجيلى أحمد]

جميع الموقوفين والبالغ عددهم 80 شخصاً

بالبنفسج برضو ,
ثمانين شخص وشخصة
يحتاجون لمرسوم شخصى من بعمبلا وبتاع الخارجية !
ديل بالجد يكونو خطرين !



كويس انو فى النهاية قالو فى معتقلين ,
قبل كم يوم قالوا شذاذ آفاق

[زول الله]

المشاركة الأصلية كتبت بواسطة الجيلى أحمد

تحياتى يازول الله,
أراك تطوح بسيف حديثك فى أى جهة, دون وجاهة منطق,
فلاأنت تمسك بمنطق يعصمك من التجنى على بنى ملتك الثقافية والاجتماعية ,
ولاأنت رافض لرفض الموات والتقتيل فيهم,
فأنت يارجل , فى كل يوم لك شأن,
وهذا الأمر حد ذاته لايمثل عندى حيرة بل يعبرها ليكون معاينة متعمقة للأسباب والدوافع الآنية التى تدفع بأى خطاب للفضاء الفسيح!!
ماوصلنى حتى الآن من خطابك انك لا تدافع عن النظام, ولاتعارضه..
ولاأود بناء حمل ثقيل على هذه الحمولة المتعبة فى ذاتها قبل أن يتبنيها أحد !
هذا تنافر مضجر ,
وأتمنى أن تصلك رسالتى دون ضوضاء غير مثمر ..
يازول الله
مافى مشروع فى الأرض دى يمكن يتماهى مع أى تلميح عرقى أو جنسى للتغيير,
الا وكان وكان الخاسر
ليس الأوحد..

المشاركة الأصلية كتبت بواسطة الجيلى أحمد

يلا بعد دا نخلى اللولوة ,
لأنو النقاشات الصغيرة هذه , أكبر من ما نتخيل,
وهى جوهر الاشكال الحقيقى ..
يلا يازول الله,
نفتح نقاش
أنا الجيلى مواطن
وعم رأفت دا مواطن أى زول مننا بى ديانتو
ودايرين نعيش فى السودان دا ,
انت رايك شنو ياشاب؟

يالجيلي كلامي الإنت إقتبسته كان رد على كلام رأفت التالي:

المشاركة الأصلية كتبت بواسطة رأفت ميلاد

منو الحكمتو بالغة ده .. أتعودتوا تعملوها وترموها على الله ..

والله أنتو خنجر فى قلب الشعب ده أكتر منهم

منو نحن الإتعودنا نعملا (ونعمل شنو) ونرميها على الله؟؟؟؟
ومنو نحن الـ (خنجر في قلب الشعب) أكتر منهم؟؟؟؟؟؟
إذا رأفت مؤطرني في تصنيف قاطعو من راسو إذن يحق لي أن أسأله: من أنتم
----------
في كل يوم لي شأن إنت هنا ربطت كلامي ربطاً غريباً حسب رؤيتك له
هل تفتكر اني لست رافضاً للموت والتقتيل والتكميم الذي يمارسه النظام؟؟؟
هل تعتقد في موالاتي لنظام القهر والتنكيل والفساد المتمكن؟
لا يارجل أنت غلطان
امثال محمد فرح مجندين لتعميم فكرة هم أنفسهم غير مقتنعين بها ناهيك عني
وقريباً سيتبين لهم الخيط الابيض من الخيط الاسود من الفجر ليمسكوا مؤبداً
لكني ارفض كل أشكال التلوين في خطاب معارضة بائس لايسمن ولايغني من جوع
لاتناقض هنا بل توازن غير منحاز إلا لما أؤمن به إذا صحت الرؤية
انت الجيلي احمد ورأفت ميلاد وأنا زول الله كلنا تجمعنا قبة هذا الوطن شئنا أم ابينا
ويجمعنا رب واحد أنزل أديانه فأعتنقناها وعايشين في السودان
نصلي في المسجد وآخرين ي يممون وجوههم شطر كنائسهم دون من ولا أذى
انا القدامك دا درست تسعة سنين من عمري في كنيسة
ياتو رأي المنتظرو مني في الحتة دي؟؟؟؟؟؟




اقول قولي هذا واستغفر الله لي...............

[الجيلى أحمد]

القرار ده يدخل تحت بند (لايحدث إلا في سودان الطيبه والحنان)

شهداء رمضان برضو تحت البند دا؟

طيب الناس المسالمين فى كجبار , وطلاب العيلفون برضو تحت البند دا؟
خليكم منهم

ناس دارفور والنيل الأزرق وجبال النوبة المسلمين ديل, ماتو برضو
تحت تبن الطيبة والحنان , ولاَ ديل كمان شذاذ آفاق درجة تانية !..
ماتمشى بعيد يامواطن ,
مواطنى ومواطنات السودان الذين قتلوا فى نيالا ,
ديل تبع تكساس ولاَ ضربهم اعصار مكسيكى ؟