اقتباس:
المشاركة الأصلية كتبت بواسطة ناصر يوسف
أختي مرافئ ،،،
تحية طيبة وشوق واحترام
شكراً وقد فتحت هذه النافوحة علي بعض الألم هُنا في السودان الشقيق ده ياخ
سبق وقلت كلام موازي للكلام الحأقولو تحت ده في بوست نُشر هنا في سودانيات وكان بيناقش نفس المسألة علي ما أذكُر
شكراً ليك ولك ضيوفك وأظن أختي آيات شرحت المسألة تشريح سليم وكذا معتصم الطاهر وطارق كانديك وإنتي برضو وبقية الشباب
وهل تنفصل الأشياء ؟؟؟
بالطبع لأ ،،،
المشكل كامن في كل مناحي حياتنا السودانوية يا مرافئ
التدهور المريع أضحي في كل شئ من حولنا في حياتنا
والهبوط النحن شايفنو في الأغنية دي وإنو والله ديل مجرد عيال مايعين وشنو شنو داك ،،،، أصلو ما بنفصل من إضمحلال وإنحاط المجتمع ككُل ولأسباب عديدة ،،،
وين كُبارنا من موسيقيين ومغنيين وشعراء ؟؟؟
والله سؤال منطقي وكبير ياخ ،،،
قاعدييييييييييين ،،، قاعدين يتفرجو وبس ،،، عاد شِن يسووا ياخ ؟؟؟
الحل شنو ؟؟؟
الحل قلناه زمان ،،، ياخي عاوزين لينا زول ديكتاتور راسو عديييييييل كده يجينا ويشيل يضرب فينا من طرف
أي زول ما مستعدل ،،، اليستعدل ياخ
وبـــــــــــــــــس
|
الحل يا ناصر افتكر انو الشعراء يمسكوا بيد الشباب ديل ويرفدوهم بالشعر الجميل
وكذلك الملحنين ..والفنانين الكبار يغرقوا الساحة بالاعمال الجديدة بدل الفرجة دي
بعدين يا ناصر النسألك وانت واحد من المنخرطين في مجال الفن وين لجان الالحان ولجان الشعر ولجان الاصوات ولا الموضوع بقى سااي بدون لجان زمان مافي فنان يعتب التلفزيون ولا الاذاعة لو ما اجيز صوتو وما يسجل اغنية لو ما اجيزت
والله لو اللجان دي في ما اظن اغنية واحدة من الغث دا الناس سمعتا .
شكرا ناصر على المداخلة الدسمة هذه.
